JasonKidd的個人專頁

**食評：呢間餐廳真係開嚟攞嚟搞笑嘅？** 入嚟食飯，竟然同我講要一個鐘內食完，OK，我都唔係好介意，覺得可能係人多緊張啲時間啫。但重點係，成個鐘頭有大半個鐘啲嘢都未上！咁樣叫我點食完先？？叫嘢食時候已經覺得唔妥，啲服務員懶洋洋，完全冇心機，問佢幾時上菜，淨係識喺度講「唔夠人手」，講完又閃咗去唔見人。 你收餐廳價錢，但係做緊快餐廳嘅服務質素，啲菜上嚟仲係一啲都唔精緻，味道平平無奇，完全對唔住你張Menu上嗰啲價錢。經理仲要好似茶餐廳經理咁，喺度大嗌大叫，好似成間餐廳亂晒籠，完全冇一間「餐廳」應有嘅氣氛同管理。 咁樣嘅經營方式，真係想問老闆開間餐廳係咪為咗搞笑？做到咁樣，不如唔好浪費大家時間，執咗佢算數啦，至少唔會害到啲客人又嬲又失望。奉勸大家，千祈唔好去，呢間鋪頭真係伏到痴線！…查看更多

諗住宜家匯豐信用卡做緊主菜做緊買一送一，諗住同阿媽去試下~見阿媽未黎就睇住餐牌先啦~之後再諗住問清楚個waiter個優惠既詳情，佢話除左海鮮，其他既主菜都係買一送一，俾就俾貴個碟，送就送平個碟，咁其實好正常~好啦，亞媽黎到，諗好叫咩，諗住點一個沙嗲拼盤($128)，就再叫一個印尼海鮮炒麵($98)，最後我重不厭其煩問多次咁叫法可唔可以買一送一，唔知係咪個waiter 嫌我地叫得少啦，佢話個炒麵唔送得，因為有海鮮，呢個都算啦，之後佢話送個碟要係60蚊或以下喎!(但我第一字問佢個陣都無提過有價錢既限制)望下個menu, 其實都無咩係60蚊以下，當我地諗唔到叫咩既時候，個waiter suggested 我地可以叫炒貴刁($78)!咁即係點呢，你又只可以送60蚊以下既菜，宜家有突然話可以送78蚊既菜!？其實真係唔係錢既問題，但我覺得呢間野做生意好唔老實囉，所謂既condition係可以朝令夕改，鍾意的話隨時就可以改~最後都無幫襯就走左，大家去幫襯呢間野，而又諗住用信用卡優惠的話，真係要好小心!…查看更多

要嚮夜晚7點幾8點呢個繁忙時間嚮銅鑼灣搵一間唔駛等位既壽司店真的不易!已經唔係第一次幫襯，對呢間野既感覺無咩特別，都係普通壽司舖一間。但呢排試左幾間新開既店後再黎呢度(灣仔既榮壽司同世貿既HIP sushi)，發覺呢度壽司質素比上面講既2間都好，用料都算新鮮價錢亦比hip sushi 平~整體黎講係一間平均得黎無咩特別既壽司店。…查看更多

因為嚮附近返工，知到呢間野開左，決定lunch黎試試~壽司既價錢比峰壽司，板前，甚至元氣都平，但係可能真係一分錢一分貨既關係啦，質素的確唔及個幾間。不過最令人氣憤既都係佢地d 服務質素同態度，又落漏單(唔單只我，其他客人都有咁既情況)，坐我隔離個2位客人，叫左d waiter三次，最後食到一半先俾茶同杯佢地。最嬲就係連埋單都叫左三次先有人理，d waiter無野做既竟然唔肯幫你埋單，要推俾個做緊野既同事埋，呢野真係激死人。…查看更多

d 壽司比其他舖頭細而且貴，質數又普通，幫襯佢\只不過係貪新鮮，要我再去就一定唔會啦~!…查看更多

佢三文魚又新鮮有好食，好過嚮佢附近個間隨你鍾意，壽司就隨你鍾意較平，所以兩睇啦~…查看更多

用料算唔錯，但係件件壽司一夾就散，食完成個豉油碟都係飯，真係唔太得囉~我寧願去峰壽司啦，正好多!…查看更多