thisisfree21's Profile

今日行過商場發現新開咗一間上海菜問職員先發現原來係舊嘅翡翠拉麵小籠包升級睇個餐牌之後 就發現有好多新嘅菜式但係價錢都唔係貴好多所以同朋友傾一陣就決定入去食啦入到去新嘅裝修果然唔同寬敞光猛坐得舒適 睇得出座位同餐具有心思等咗一陣終於嗌咗嘅嘢食到咗啦首先嚟到嘅係三色小籠包係幾特別嘅紅色原來係冬陰功味食落都覺得有啲辣黃色就係叫蝦頭油 食落去好大浸蝦味紫色就我覺得最特別嘅黑松露帶子食落去啱啱好好之後呢就係茶葉河蝦仁好多粒好大份食落去啱啱好一啲腥味都冇覺得係一個好清新嘅選擇之後繼續食海鮮嗌咗個松子魚正正常常冇乜特別不過拎嚟送飯一流 酸酸甜甜過吓口癮之後食得7788就食平時最鍾意食嘅甜品呢度原來有薑茶湯圓同埋有鴛鴦高力豆沙睇顏色我仲以為係小籠包嗰三隻味但係原來唔係都係芝麻餡薑茶都夠味嘅我都覺得OK 之後個鴛鴦高力裏面原來係流沙奶黃餡食落去都夠熱 但係我個人鍾意紅豆嗰啲所以就覺得還好整體而言都覺得唔錯啦海港城裏便算係最適合價位嘅餐廳如果海景嗰啲窗大啲就好啦反正對面成個海…Read More

正苦惱尖沙咀附近有咩好食朋友就介紹尖東酒店群附近嘅食肆餐廳主打片皮鴨由於我同朋友都唔係話特別肚餓所以嗌咗八件份量仲揀咗特別嘅橙皮果醬環境寬敞舒適餐具有心思成個主題貼切侍應親切有禮鴨件口感同味道一流食落去鴨肉切薄得來唔會覺得冇口感橙皮醬都好特別但係個人就嫌饃饃皮比較煙韌鍾意食薄身啲鴨肉味道唔錯但係粉皮比較普通 易碎鴨肉切絲會更加好流心煎堆非常優秀熱辣辣份量啱啱好去到最後每人一粒唔會太膩但係又有個完美終結…Read More

見到好多地方都有介紹呢間拉麵所以心血來潮同朋友 咁啱經過旺角就食咗因為晏晝食得太飽 但係又想試所以嗌咗個細拉麵叉燒幾好味湯底都正常唔會好鹹細份量得來啱啱好感謝佢有呢個選擇相信小朋友嚟食都可以得益到啱晒一家大細嚟亦都食多咗個章魚小丸子雖然唔算大粒 但係夠熱食落口OK 而且有六粒同朋友每人三粒冰水嘅溫度都啱啱好唔會太凍侍應嘅服務質素都好好好有禮貌但因為食細拉麵普普通通相信下次嚟如果食海老拉麵應該可以感覺到有吸引…Read More

中秋節聚會一大班人唔知去邊就有人提議不如去呢一間有得捉蝦食嘅餐廳之前有試過去釣蝦場以為係差唔多點知原來就喺張枱隔離有個魚缸俾你即捉即燒啲蝦都幾生猛捉都唔係咁容易除咗蝦之外都有其他海鮮食不過大家都係想專心食蝦同場亦都有熟食提供 譬如有蝦燒賣都唔錯嘅熟食都好重要 因為燒其實都有排燒真係中間等等吓頂唔順 要拎出去食返幾粒燒賣所以話如果佢個爐夠大夠買咁就好啦因為其實一行七個都真係等咗好耐同埋自己燒其實都未必特別好味真係靠啲調味料頂吓唯一要讚嘅就係侍應都會好好咁幫你擺得多啲一次過可以燒多啲因為捉蝦燒蝦都經常用手所以都有不斷提供濕紙巾唯獨是喺張枱真係唔夠大好似逼沙甸魚咁不過整體體驗都還好嘅如果佢可以再平啲就更加好啦…Read More

打風假同朋友去Airside睇吓新商場見到一間翡翠拉麵小籠包價錢對比其他商戶都算有吸引力又見到有新菜式就一齊坐咗入去食晚飯環境都算闊落舒服 光猛通透啲燈夠光但都幾柔和 唔會坐到眼瞓嗌咗香酥鴨呢一款炸嘅片皮鴨 都要夾住塊麵粉皮嚟食都幾特別同場都嗌咗個椰汁雞 個味都好重椰香但係啲雞可以嫩啲再嗌咗啲大路嘢譬如擔擔面同埋小籠包擔擔面夠香夠辣但係對我嚟講較油小籠包真係熱辣辣爭啲辣親個口依然係keep到其他分店嘅水準整體嚟講中上 :)可以返去再食…Read More