fatlaa的個人專頁

FUMI重新開張改名叫做Fumi Joe，除咗以前嘅semi buffet之外仲多咗居酒屋set，主打精緻居酒屋菜式例如壽司刺身類、串燒類等，行貴精不貴多cp值高嘅路線☺️ 首先有精緻前菜6款，松葉蟹肉湯、辣呑拿魚他他、三文魚明太子天婦羅、磯煮鮑魚、菠菜沙律、煙燻鴨胸，又睇得又好食🙂‍↕️ 之後可選刺身3款/壽司4款，有三文魚腩、帶子、油甘魚、呑拿魚等，有返一定質素 串燒就認真高質，真材實料，每人可以揀4款，個人推介A4熊本西冷牛、厚切牛舌、日本免治雞肉棒、宮崎雞翼、磯燒鮑魚都係水準之上，好食🤤 食到呢度已經少飽，仲有主菜可選，我哋揀咗香蔥碎呑拿魚腩丼以及和牛稻庭烏冬，最後仲跟埋芝麻雪糕，環境舒適服務友善成餐食得巴enjoy🥰…查看更多

喺朗屏橋底，有一間開咗都好一陣子並且好受歡迎嘅日式串燒小店，叫皊叄木，好有居酒屋feel🏮一坐低即刻叫咗三得利sunset啤酒，優惠價每杯$33，清酒亦有不同折扣優惠，好抵叫，配串燒啱晒🍻呢度主打雞串燒，連稀有部位都有提供例如雞頸同雞蠔，以鹽燒為主，火喉恰到好處，表面略帶焦香內裡嫩滑。招牌原塊燒雞皮限量供應，原塊清走晒脂肪嘅雞皮攤開穿住黎燒，手工繁複但非常好食，又薄又香脆，必叫😍其他雞肉串燒都喺水準之上，大蔥雞肉串、手作免治雞肉軟骨棒、雞中翼連尖都值得叫除咗雞之外仲有豬同牛嘅選擇，牛舌芯同柚子橦檺鹽燒五花腩都好出色，M5 澳洲和牛肋條肉串同鹽燒豬肋肉亦唔錯，價錢亦都合理街坊價🙂‍↕️呢個明太子醬燒翠玉瓜都強烈推薦，明太子香濃翠玉瓜多汁，另外叫多咗款蒜蓉牛油開邊燒花竹蝦，熟度啱啱好唔會痴殼。大家嚟食嘅話記得真係要book位🥹…查看更多

中環人收工會去中環街市食飯之外，唔少得嘅仲有happy hour，喺地下嘅魚がし日本一壽司店都有優惠，喺3pm-7pm叫任何飲品，廚師發辦套餐仲有8折好抵食🥰廚師特選壽司 $398 💯一共有10貫+1件手卷，壽司直頭係omakase級別，每一貫都好精美甚至𠝹晒花，加上每件壽司都有不同嘅配搭令成個感覺昇華咗唔少。🍣真鯛口感偏爽彈，加咗些少辣蘿蔔蓉增添味道🍣深海池魚晶瑩剔透，鮮味特出🍣白蝦口感軟糯帶甜味🍣松葉蟹全部一絲絲嘅肉拆晒出嚟mix咗些少蟹膏味道豐富🍣北海道馬糞海膽鮮甜，餘韻last好耐吞拿魚蓉手卷口感細滑，加上蔥芝麻醃蘿蔔一齊好豐富三味呑拿魚丼 $248有3款呑拿魚部位每款3片，分别係赤身、中拖羅、大拖羅，每片厚度誇張好大方🥹赤身滑身帶微微鐵酸味高質，中拖已經充滿油脂香入口即溶，大拖羅亦幾乎冇筋魚油香再豐富一啲。呢2個set亦都跟咗一碗魚味香濃嘅味噌湯，亦可以叫呢度嘅日本酒，種類好多，可以揀加soda water或者直接on the rock，好飲💪🏻…查看更多

大角咀呢間吉勝吉列串揚專門店比我嘅感覺係更似一間居酒屋，餐點種類好多，價錢非常親民質素十分高🥹特上刺身拼盤5品 $118厚切三文魚、油甘魚、赤蝦、帶子、八爪魚各2切，呢個價錢俾到咁嘅質素真係少見，必須大推一波🥹鐵板燒牛舌 $78同樣抵食又好食嘅係牛舌，共有10片可以等你加牛油自己煎，牛舌質素同樣幾高而且唔算薄，可以配些少黑椒同大蔥一齊食😳串揚拼盤10串 $138串揚平均$13.8一串，兼且粉漿薄身炸完出黎都唔油膩，10串串揚中有6款肉：芥末牛柳、紫蘇雞肉、豚肉蘆筍卷、豚肉韭菜卷、大蝦、多春魚、其餘4串則係蔬菜類，整體肉類海鮮蔬菜分配幾平均，好抵食🥰秋刀魚刺身 $188季節限定時令秋刀魚刺身喺而家初秋已經十分肥美，一碟應該有差唔多10片𠝹好晒花好靚仔嘅秋刀魚刺身，加上少少辣蘿蔔蓉以及酸汁一齊食…查看更多

中環嘅海言どんぶり専門店可能係丼飯界嘅天花板！將omakase質素嘅新鮮食材匯聚落一碗丼飯之中，鋪頭細細但來訪嘅都係識食之人🙂‍↕️海言廚師發辦魚生飯(特上) $430 💯呢碗係我見過擺放得最精美亦最多種類嘅魚生飯，15,6款嘅食材堆砌而成嘅一碗丼飯，精美到賞心悅目，唔捨得食🥹港人最愛嘅海膽同三文魚籽，有肥美嘅拖羅、炙燒黑鯥、鰈魚邊、帆立貝；有秋季限定嘅秋刀，仲有各種各樣平時omakase先會食到嘅蝦頭膏撈赤蝦等。（特盛）藍鰭呑拿魚魚生飯 $340 🤤同樣跟咗沙律茶碗蒸麵豉湯等，而呢碗一共有4款藍鰭呑拿魚嘅部位：赤身、蔥拖羅蓉、大拖羅4切、以及炙燒拖羅，一次過食到藍鰭呑拿魚唔同部位，佢嘅油香特別肥美，肉質軟滑好高質…查看更多

想平平哋食手工意粉的話，銅鑼灣有一間Vol.1 Cafe主打手工意粉同埋最近大熱嘅QQ麵，樓上鋪地方唔算大但都有一個露台位置可以坐。自家製龍汁蟹肉手工寬麵條$178非常吸引，手工製寬麵條蛋香十足，顏色亮麗，鋪滿咗龍汁醬汁惹味好食，蟹肉份量充足且香味突出，我會話係餐廳嘅招牌菜🙂‍↕️玫瑰醬蝦球QQ麵 $158大熱嘅QQ麵麵條彈牙有咬口，配微辣嘅玫瑰醬，吸附晒喺麵條上面，味道濃郁層次豐富，蝦球新鮮爽口炙燒白松露雞翼$58即叫即烤得外脆內嫩，雞翼帶有一股松露香氣，嗰種香氣幾有驚喜幾好食另外飲品方面嘅百香果波蘿桂花烏龍茶味道清新，果香味突出，平衡晒成餐嘅口感。…查看更多

唔係朋友介紹都唔知道呢間唐坊火鍋私房菜，經openrice優惠訂咗個2人套餐$678。湯底有煲冬瓜瑶柱美腿鍋，湯底清甜鮮美，帶有瑶柱及金華火腿嘅咸香，絕對可以當湯咁飲。😀手切封門柳切得厚薄適中，入口嫩滑且帶有微微油香及甜味，非常高質；2人海鮮盆種類同份量都幾誇張🥹鮑魚大隻肉質潔白爽口，扇貝肥嫩多汁，虎蝦緊實彈牙，大蜆鮮美多汁，脆肉鯇肉鮮嫩且稍帶彈性，用冬瓜湯底又唔會遮蓋海鮮本應嘅甜味，幾有驚喜☺️其他配料方面有響鈴、三寶丸包括牛丸、蝦丸與墨魚丸，都食得出係新鮮打出黎唔係急凍貨色，彈牙有彈性，牛丸肉味濃郁，蝦丸亦帶鮮甜。另外菜餃拼蟹肉餃皮薄餡嫩，蟹肉一絲絲鮮甜細膩。飲品仲有竹蔗茅根水清甜解膩，最後仲有自家製甜品3.6牛乳椰汁雪燕，絕對值得一試🥰…查看更多

北角匯入面有間主打燒烤嘅餐酒館Harbourview Grill，環境頗大而且有個露台用餐區，可以對住北角海旁食飯。小食拼盤有幾款包括雞翼，外皮炸得香脆，肉質保持多汁嫩滑。洋蔥圈炸得金黃鬆脆，洋蔥自然嘅甜味配合外層酥脆嘅口感。炸魷魚圈鮮嫩彈牙，配搭多款惹味醬汁，無論係辣味、蒜香或者酸甜醬，都提升咗整體風味。最後仲有薯條，喺happy hour時段再叫多杯cocktail就啱晒🙂‍↕️ 呢杯Mango grog 甜中帶酸，淡淡芒果香，酒味柔和，冰涼暢快。扒房就緊係要試下肉眼扒（$300/12oz）牛肉烤得恰到好處，表面微焦略帶煙燻氣息，肉質嫩滑多汁。配搭嘅配菜簡單，突出牛肉本身嘅風味，直接食或者點佢個牛扒醬汁都咁正。🥩蟹肉扁意粉（$150）蟹肉細膩鮮甜，與蒜蓉、辣椒同白酒融和出鮮香微辣嘅滋味，搭配上 virgin olive oil 嘅清香，整體不錯，價錢合理。…查看更多

主打韓燒嘅柞木炭家又有新產品喇，一坐低先有好多韓式小菜儀式感滿滿。今次嘅日本產和牛肩肉盛盒，有三款不同部位。可以飯到牛肉唔同部位嘅質感同特色，油花分佈均勻，入口即溶，肉味濃郁而不膩。呢度嘅火力好夠，能夠快速將表面燒香同時保持中心嘅嫩度🥰除咗和牛，新推出嘅燒鵝肝多士同蔥燒厚切牛舌相當深刻。來自匃牙利嘅一級鵝肝質地細膩，配上多士脆口同無花果醬中和膩度。厚切牛舌軟韌適中，中間包裹住嘅蔥吸晒牛油香同炭火香，成件事即刻昇華咗🤤同樣係新品之一嘅牛骨髓石頭鍋飯原條上好澎湃，表面少少脆口加上好似啫喱質地嘅骨髓濃郁，配埋飯焦幾好食👌🏻韓式泡菜煎餅外脆內嫩，酸辣開胃，係平衡整餐嘅好選擇；醬油蝦新鮮肥美，醬汁香濃帶辣增添鮮味。…查看更多

ICC嘅朝天門座落於101高層，能夠180度俯瞰香港無敵海景！呢度每個位都有間隔私隱度幾好，而且仲有好幾個包廂。午市百零蚊起就有交易，而2人套餐黎講就有F4純血和牛海鮮非遺宴香江，可以喺咁離地嘅環境下享受到正宗重慶火鍋。🌆首先有重慶嘅小食、而每人一鍋嘅鴛鴦鍋可以揀全紅麻辣、番茄、板栗雞、菌湯口味，呢度嘅麻辣鍋會令人食上癮，套餐仲跟咗椒香酥肉、紅糖糍粑、重慶擔擔麵等重慶當地美食。☺️海鮮拼盤有大大隻鮑魚和生蠔🦪，鮮甜肥美，好奢華；更浮誇嘅有成隻冰船上嘅F4純血和牛，油花均勻，入口軟嫩，肉味濃郁🤤極品鮮血毛肚爽脆彈牙，涮幾十秒即可達致最佳口感；冰河鵝腸脆嫩又唔會腥，質感一流。另外仲有午餐肉、冷鍋鮮鴨血等，比較特別喺香港好少見到嘅係竹蓀河豚滑雙拼，即係將竹笙包住河豚肉做成嘅滑，口感豐富且鮮美。😀…查看更多

沙田柏麗廳喺唔同平台訂位都做緊買一送一🥹今期重點係佐賀和牛以及勁多種類海鮮區，可以話係香港人最鍾意食嘅嘢呢度都齊晒咁濟了，難怪每晚爆場🔥🦞 海鮮區超澎湃：龍蝦、長腳蟹同生蠔🦪海鮮新鮮大隻好滿足，龍蝦有膏蟹腳鮮甜，今晚有嘅美國生蠔質素都幾高，鮮甜大隻夠creamy🥩 和牛主打： 香煎佐賀和牛西冷係必定要食！好少會見到咁厚切嘅和牛扒而且火喉係一流！和牛油花勻稱油香十足，不同變化多重享受！熟食類：比較特別嘅有鐵板芝士和牛漢堡扒日本豚壽喜燒、香煎鵝肝、燉湯、天婦羅等各有特色🎂至於甜品方面選擇種類多，蛋糕、雪糕、以及畫好晒碟嘅朱古力心太軟都一定要拎，呢度仲可以拎埋蠟燭，夠晒儀式感😍…查看更多

當你坐喺香港最高建築物嘅101樓、俯瞰整個維港美景，配埋優質法式fine dining，真係一個令人難忘嘅回憶。Odyssée 呢個套餐$980，論食物、環境、質素，都物超所值，成個浪漫感爆燈，好值得情侶慶祝紀念日或約會。🥹前菜 & 開胃小點首先有麵包同Cheese ball，炸芝士天婦羅、雞肝mousse撻等，開場小點精緻又細膩，味道配搭得宜；日本蕃茄沙律蕃茄清甜，配上creamy嫩滑嘅Burrata芝士，再加少少白香醋同羅勒，酸香開胃。熱湯有2款：野菌濃湯儀式感滿滿，會喺你面前將蘑菇湯加熱飲落香濃菌味，好有層次感，松露香氣突出。☺️布列塔尼藍龍蝦湯+$128🦞推介龍蝦湯！龍蝦香味極濃厚，加上2大嚿半生熟龍蝦肉，並配自家製雲吞同小青瓜，啖啖鮮味加分。主菜為1款海鮮+1款肉類：低溫慢煮日本鯛魚🐟再炭燒表面，加上lemon gel，配咗青口、西蘭花，牛油sauce，魚肉鮮嫩，牛油醬汁滑身不膩西班牙黑毛豬🐗
豬腩肉以低溫慢煮再烤嘅程序烹調，入口即化，肥而不膩，配上南瓜米型粉同芝士香味，味道豐富。宮崎A4和牛西冷+$180🥩
鍾意牛嘅朋友絕對可以考慮升級！牛肉油花分布均勻，牛尾汁帶微酸檸檬點綴，令味道更鮮明。甜品：士多啤梨乳泡芙🍓
甜品好精緻，泡芙入面有乳酪同士多啤梨，配白酒醬汁，酸甜平衡。最後仲有法式小甜品作結，畫上完美句號。…查看更多

牛站嘅放題一共分3個等級，推薦中價位嘅SRF美國極黑和牛餐，最平只須$268起，湯底共有8款選擇，我揀咗清甜椰子雞湯，啱晒夏天消消暑。最抵食高質嘅當然係SRF美國極黑和牛油脂分布好靚仔，另外封門柳都幾重牛味而且帶有甜味幾好食。🥰海鮮可以任食大頭蝦同大大粒蜆，呢2款海鮮相當唔錯，大頭蝦部分亦爆晒蝦膏極濃郁。另外推薦埋乳鴿，皮脆肉嫩夠肥美🤤都未講呢度嘅自助區好豐富，前菜、火鍋配料、新鮮蔬菜、炸物、飲品、甜品雪糕應有盡有，回本位一定係任拎Haagen Dazs雪糕😆…查看更多

最近去咗2nd Draft 嘅酒吧同朋友 chill 吓，以前喺仲喺大抗嘅時候都幫襯過，而家搬咗去fashion walk後面，仲多咗室外位置tim。佢地以手工啤少爺啤聞名，今晚就叫咗2杯，Another One口感清新，帶少許苦味；另一款Summer Ale，味道清新輕盈，帶有百香果同橙嘅果香，配搭 coriander 增添一啲獨特風味，飲落 refreshing 又唔會太濃，飲落輕鬆易入口非常啱女仔飲！🙂‍↕️招牌菜大坑薯條，份量夠晒，薯條用咗孜然同辣椒粉調味，又脆又香口，食落有層次感，配住手工啤真係啱晒。炸雞塊亦都做得唔錯，外層酥脆，內裡肉汁豐富，仲有個南乳醬提味，味道濃郁但唔會太鹹。主食方面叫咗 Prawn Pumpkin Risotto，南瓜意大利飯用咗鮮蝦同南瓜蓉，口感幼滑，配上 Sicuhan Oil 帶出輕微辣味，份量都唔細，share黎食先得。🥰…查看更多

如果想食一啲特色串燒店，呢間以豚肉串燒為主嘅Mokumoku Yakiton可以係其中一個選擇，今晚平日經openrice book位，嘢食除咗有8折，酒精類飲品仲有買一送一優惠。🙂‍↕️開場嘅係番茄🍅以及令和之怪物生蠔🦪肥美鮮甜的蠔肉配上特調醬汁好好食🤤之後我哋叫咗厚切白金豚肉、九條蔥卷同豚肉荔枝卷，每一串都烤得啱啱好，外脆內嫩，豚肉油香四溢，調味偏重但配搭新鮮蔬菜或水果，層次豐富。最驚喜係皮蛋豬肉卷，鹹香中帶微微煙燻味。😳重點推介佢哋嘅西班牙黑豚肋骨肉，肉質嫩滑，經濟實惠。內臟類幾特別，除咗常見豬大腸外，仲有豬喉軟骨串，睇落薄薄的但勁脆口。沖繩苦瓜都值得一試，微苦，可轉變一下味蕾。食到尾聲，叫返串焦糖燒菠蘿，甜中帶微焦，完美收尾。買一送一嘅酒精飲品我叫咗柚子檸檬酒，清爽型襯串燒冇得輸🥰…查看更多