pennywan802002的個人專頁

今日經過見到呢間主打用椰子同椰青製作嘅手調飲品店，間舖頭定價同市面一般嘅台式飲品舖頭差不多，見佢新開張而且不斷有人幫襯，咪買杯試下囉，點知中咗伏，我叫咗椰子雪燕，首先個價錢$35唔算平，目測杯飲品只有一杯中可樂嘅size，呢個價錢平時買開都至少有大可樂size。我唔記得叫走冰，但入面啲冰嘅數量有返咁上下多，雪燕就得果少少，另外有少量馬蹄爆珠，椰子味飲落好淡，明顯唔係用新鮮椰子肉打出嚟，同之前成日幫襯開一間專賣椰子汁嘅舖頭差得遠，佢嘅味道比徐冬冬做代言人嘅隻黑色罐裝椰子汁好少少，但價錢差4倍，性價比低到（個杯矮過包紙巾，真係好細杯）…查看更多

星期日係荃灣廣場搵食，假日中午價錢一定係唔抵食，行左好幾間最後阿媽話食泰菜，入去嘅時候已經覺得成個地板黐立立，行得好唔自在，因為個人冇咩胃口，叫左啲批比較醒胃嘅菜式，菠蘿炒飯、蝦油炒金邊粉同埋雞肉串燒加碗油飯，等左唔夠十分鐘就上菜，串燒賣相同味道可以，呢個已經係最好食嘅菜式，之後上油飯，佢餐牌寫個名叫斑斕香茅雞油飯，只講得上係有味飯，好似落左雞汁咸咸地，完全食唔出有落前面2種標題香料，到炒飯同金邊粉，兩碟野放到上枱已經好唔吸引，大X樂都好鑊氣過佢，炒飯完全唔似有炒過，好似用微波爐加熱，仲要唔係好夠熱果種，食落似只係用左少少咖喱粉調味，啲蝦肉大隻但完全係冇味，係離譜到連鹹味都冇，真係好難食；到金邊粉，我食到有蕃茄酸味，但又係唔夠鹹，但明明金邊粉應該係用羅望子醬，我好懷疑自己到底當時係咪食緊泰國菜？食到最後，餐廳仲送多隻迷你強比我地，衛生環境同食物質素都咁差，我真係唔知其他好評係咪幻想出嚟。場內有機械人送餐，但等到機械人出餐啲嘢食本來熱都變凍…查看更多

話說我同老公請四大長老食飯慶祝母親節，因為老人家鍾意食中菜，但又唔想去唔遠，所以就係附近搵嘢食，之前幫襯過海港早茶，佢啲食物質素一向都穩定，環境都算舒適，我哋間唔中都會幫襯。雖然我哋唔係簡母親節正日，但去到所有枱都幾乎坐滿，好在我哋一早比錢落訂，我叫左松葉蟹6人宴，佢哋上菜速度都算快，食物份量好足夠，好多時係酒樓食嘢啲餸都係凍冰冰，但佢啲餸好新鮮熱辣辣，松葉蟹肉鮮甜，冬瓜盅入面好多海鮮，咕嚕肉冇用肥肉而係用豚肉，海班魚肉質彈牙，炒蝦球都大隻又爽口，服務就不過不失啦，888六人餐性價比算高，希望繼續保持水準。…查看更多

果日做完運動去搵嘢食，本來打算去食餃子，咁啱經過豚王而朋友又想試吓就入咗去。星期五嘅中環，我以為都會多人，點知入面得2個客，我次次都例牌叫黑王，好鍾意食佢黑肉醬啲肉碎，因為都成年冇食過，都有啲期待。上餐見到賣相都冇咩分別，一夾就知份量縮晒水，麵好少，啲肉薄到好似張紙，一夾就爛，中間嘅黑色肉醬，變哂做醬，一落水即熔，肉碎少左好多，之後連我最鍾意嘅辣芽菜都停止供應，真係相當失望。雖然佢冇加到價，但食物質素下降，所以都清楚反映到佢咁多分店都結業嘅原因。…查看更多

果日出開尖沙咀搵食，想簡返間環境ok 嘅餐廳，見呢間係OpenRice可以即日book 位，又講到有米芝蓮推介就去試吓。餐廳有分室內同室外，室內位置唔算好大，但有獨立房比人搞party，環境唔錯，裝修都有返啲印度色彩，場內有人彈結他搞下氣氛，另外餐廳出面有點塔香，有多重感官享受。食物方面，上菜速度滿意，味道都相當唔錯，特別係黑松露咖哩雞，個汁可以配到個薄餅，送飯都一流，同埋杯mango lassi 都好好味，仲有少少nuts 係面，好rich 同creamy，十分推介。唯一係價錢嚟講就唔算平，同埋食物份量比較少，so far 都算好滿意。…查看更多

今日落大雨老公開車去左k11 musea,本身商場都冇咩平價嘅餐廳，food court 超多人，所以情願比貴少少坐得舒服啲，係餐廳門口排左5-10分鐘就有位，門口已寫明人均消費要150蚊，呢間餐廳環境ok,坐窗嘅位望維港景，不過服務真係麻麻，叫左3次都冇人過嚟落單，明明waiter見到我，仲同我示意會行過嚟，但佢最後都係走去做其他嘢或者幫左另一枱客落單，仲要係3個唔同嘅waiter都係咁，食物味道唔錯，但其中嘅炒金邊粉份量好少，價錢唔算平，男士食一定唔夠飽，另一個冬陰功螺絲粉就好好食，入面仲幾種海鮮，值返個價錢。另外，我見旁邊果枱客叫左個carbonara，等左30分鐘，佢哋提左waiter5次，但waiter次次都話整緊，明明佢早過我哋叫嘢食，好明顯係漏單。最後埋單個陣，waiter 掉張單過嚟我哋枱面，心諗你哋連水都要比錢，應該都算係高級餐廳，點解服務仲衰過出面茶記？好難怪啲人唔北上去搵食:(:(:(…查看更多

係佢剛開業時我哋試過佢嘅火炙海膽章魚燒，真係好驚喜，因為果時堅有海膽味，而家好creamy，加埋火炙燒過果陣香味，令人好回味，所以都回去幫襯左5至6次。今日再去，佢哋人客愈來愈多，店員好有禮貌，佢話等7分鐘但足足等左20分鐘，但食物質素下降左好多，一望落去個外觀已經覺得同之前食嘅有分別，章魚燒外層冇咁脆，啲海膽醬已經唔同哂，得返沙律醬陣味，完全冇海膽味，仲要冇咩點燒過，一啲火炙味都冇，好失望，咁搞法以後幫襯返樓上好過:(…查看更多

因為係海港城幫襯，送左幾張coupon，食滿200就可以減100，所以就book定呢間餐廳，初初見星期五book 都仲有位都有啲擔心係餐廳啲嘢麻麻所以冇人，你知啦海港城假日一般間間餐廳都一早book爆同要排隊，我哋book左星期日12點45分，去到都冇咩人未坐滿，餐廳係一般美式餐廳裝修（似芝士蛋糕工廠），不過呢間餐廳就比較多family 因為小朋友會送氣球，氣氛都唔錯，我一早睇定OpenRice 好快已經揀好咗食咩，等左15分鐘，頭盤送麵包籃，入面有3件，全部都好好味，特別係佢配個士多啤梨味嘅牛油真係好正，其中有一件係合桃蛋糕，好有誠意，之後好快主菜就送到，千層麵同沙朗牛扒，真心要讚兩個菜都好出色，個沙朗我哋叫7成熟，真係剛剛好，同食落有陣煙燻嘅味道，原條燒粟米超甜又爽口，薯條就脆脆哋不過一啲都唔油，千層麵份量超大份，除左肉醬麵同麵之間仲有啲好濃嘅cheese,食一啖充滿唔同口感，唔似平時某大薄餅公司果啲薯粉仲多過肉醬嘅千層麵，絕對值得一試，埋單扣埋coupon 都係4百令蚊，服務都唔錯，食到好滿足…查看更多

今日經過新都會買外賣，見佢有7折優惠，叫左2個飯加個吉烈炸蠔。返到屋企打開嚟睇，一睇個燒牛舌丼，刀工精細，切到好似紙咁薄，完全冇食燒牛舌嘅感覺，見佢有燒過嘅痕跡，但一咬落去似烚熟果種feel 完全一啲都唔香口。另一個溫泉蛋燒和牛丼，我比佢嚇左一下，啲顏色似包公塊面黑忟忟，似煮完再煮唔似人地新鮮燒牛肉中間見到少少紅色，仲要切得好細塊，雖然咬落唔算靭同有肉味，但賣相咁見到都唔想食。套餐佢有個麵豉湯送，但份量少到好似倒瀉咗咁。之後個炸蠔係加15蚊有3粒，價錢合理但外層嘅粉漿厚到🤪，似食炸粉漿多過炸蠔。佢呢間食肆出名食精米，之前係堂食食過啲飯係煙靭有咬口，但今日完全食到一般珍珠米嘅質素。So far之前食堂食一直冇問題，但外賣一定唔會再幫襯，你比個7折我但質素差到咁我情願你收正價比啲好嘢我食🙁:(:(…查看更多

父親節前一日提早慶祝，因為有優惠所以預約了這間餐廳，餐廳環境及裝修普通，座位算舒適，我們準時到達並通知上菜，等了3個字還未見第一道菜，再等5分鐘才上第二道菜（夏日佛跳牆）看到時是有些失望，材料只有一粒大元貝，螺頭及幾舊瘦肉，味道都算清甜，但聽到佛跳牆期望會多點矜貴海味，之後就送上鮑魚扒菜，再追問職員，他們先發現上漏第一道菜（大蝦沙律），再等5分鐘沙律沙律送到，我們先吃沙律，大蝦彈牙有鮮味配上三色瓜（西瓜，蜜瓜同哈密瓜），途中又送上蒸魚，整張枱都放滿碗碟，但一盅盅吃完的佛跳牆冇人清理，職員在旁也沒有理會，食完沙律後沙律醬沾滿碗碟，之後用同一個碗吃蠔油鮑魚及豉油蒸魚，直至老公不能接受混醬的奇怪味道，通知職員更換碗碟，但職員只為他更換，我們再要求才更換其他人的碗碟，之後食完上湯浸菜膽，賣相十分家常菜（完全唔想影）菜十分老，十分難咬開，食整個碗都是水，又冇人更換碗碟，再要求下才更換，期後的炒麵味道都不錯，因為爸爸的生日接近父親節，我們一早準備自製蛋糕並請職員代放在餐廳的雪櫃給爸爸驚喜，但我們未通知職員，職員主動在爸爸面前問我：「你地仲有個蛋糕喎」整體味道不錯，只有一兩道菜有少問題，但酒店級既餐廳，服務質素有待改善（職員係有禮貌的，但服務流程安排需要改善）價錢四人埋單平均每人5百…查看更多

因為上年係千禧酒店擺酒，酒店送左coupon 比我地用，由於怕疫情有變數，我地提早係中秋假期前食anniversary dinner,當日7點去到，餐廳環境裝修都唔錯，但因為餐廳入面冇窗所以冇景觀可言，我地叫左dinner set 有5道菜，第一道菜係Parma ham 同蜜瓜，呢道菜不過不失第2道菜強烈推介，龍蝦燉蛋，上面有魚子醬帶左咸鮮味，另外蝦肉好新鮮又彈牙，蝦頭有火槍燒過又多膏，龍蝦肉汁加上椰子味既泡泡，增加左燉蛋味道層次，食到停唔到口😋第三道係酥皮鴨肝，酥皮上面有無花果醬減低肥膩感，底層加左鵝肝醬成道菜好rich 好creamy,食完好滿足成口鴨既酥香味第四道菜係牛扒，牛味濃又嫩，有入口溶化既感覺，上面有西芹味既蓉，原本以為唔夾但又幾襯，但醬汁比較咸第五道係甜品，甜品裝飾得好靚，上面有raspberry 味，開心果味同柚子味雪芭，柚子係最好味，可能因為太飽，所以偏愛清新既柚子，雪芭下面有d餅乾，比較硬身唔太喜歡整體好滿意，份量好足夠，十分推介😋😋…查看更多

話說提早4點放工，因為疫情好耐冇見屋企人，就諗住可以2個人早少少去試新野，去左海之戀商場，見到都有幾間火鍋店，由2樓行到1樓，因為其餘兩間未開放入場，咪行返去牛牛殿堂，去到門口大幾4點8左右，佢明明仲好大個電子mon仲顯示緊牛市套餐（一人一鍋）60分鐘火鍋放題，入面只坐左7至8台客，咪行去問個reception ,個職員係到講緊電話，佢就咁第張menu 比我睇，我見係晚市，又想問清楚佢，咪企起到等佢講埋電話先，點知佢講左5分鐘，聽到佢唔係幫個客落單或查詢，佢收線都有道歉，但就話午市4點完左，因為唔想再行就食呢間，入坐前要選擇左湯底同肉既級數，我地食hkd218頂級牛肉90分鐘放題套餐，只做緊登記會員有20蚊折扣優惠，因為同姑姐太耐冇見，我地見店冇咩人等都有問佢食完可唔可以坐多一陣，個職員就話冇問題，一行到埋去坐好快另一個職員已經拎個湯底嚟，但拎左一鍋only, 佢話出面職員打漏左一個湯底，佢都好快比埋我地，so far 個環境係幾乾淨，但外面取餐區地板就有d痴立立，食物方面，d肉係好新鮮，特別個牛肉好嫩又濃肉味，豚同羊就一般，我食豆乳湯，個職員話係日本豆乳，但食落唔覺特別濃豆味，醬料有好多選擇，外面取餐處食物種類唔算太多，蔬菜新鮮但竟然冇粟米同紅蘿蔔😞，另外其他配料都同出面其他日式火鍋放題差不多，另外有日式咖喱同台式滷味兩種熟食，另外有一大個櫃放飲品，但當我地食左一陣，聽到旁邊有個女職員同另一個職員既對話，似係話個客夠哂鐘比左單佢又唔肯走，到我地食到得返15mins職員就提我，我姑姐馬上就去拎定雪條嚟食，餐廳有供應movenpick雪糕同軟雪糕，但係人手自己畢，因為覺得衞生問題我地冇食，我自己已經食到飽，冇再order 肉同拎其他野，只係食埋煲入面既野唔好浪費，到左時間其中一個職員就好似有d不滿咁話你地夠哂時間，但我地話出面職員明明講話可以坐多一陣傾下計，佢先表示話剛返工唔知，我地明白夠鐘唔可以再拎食物，呢點我地好合作，但轉頭又到另一個職員，直接衝過嚟收哂我地台上面所有野，我地都好唔好意思再坐，埋單480減20，我地只係坐多左十分鐘，其實出面冇人等緊，而餐廳入面只有3分一人客，點解要做到咁呢？而家出邊有好多間日式火鍋放題選擇，食過價錢更抵，味道差不多，但起碼唔會有趕人走既感覺…查看更多

第一次幫襯，生日慶生，6點15分上到餐廳，我地冇book 台，侍應安排左室外位置，環境好一般，我地叫左烤鴨，豆腐同粉皮，豆腐同粉皮好快就到，味道不過不失，但烤鴨等左9個字未有，侍應不停話廚房好忙，係因為有酒席，但一直冇交代等幾耐，直到有人係到嘈，發現原來佢地將原有人訂台比左我地坐，隻鴨又一直未黎，但等緊既果2台人係到大叫，話要等埋我地食完鴨先有位，佢地衝左入黎幾次，令到我地超唔好意思，最後等多3個字隻鴨終於黎到，但仲要唔好食，鴨皮唔趣鴨肉又乾，又細碟，快速食左2個字，我想信咁既價錢同時間可以食得更好，其實餐廳安排好有問題，明明人地book左又比我地入去，又同入唔到去既客解釋話將book左既 台比左其他人，令個客好嬲衝入黎嘈影響其他人客，真心對餐廳好失望…查看更多