chunkaman0312的個人專頁

今日lunch去到，啱啱前面入左位男士，尾隨佢入去咁啱無位，樓面有兩個女人，一個老啲一個後生啲，老啲嗰位態度非常非常差，趕客，我打開門行入去，已係門口勁大聲呼喝”無位喎，出返去等，企返出去”。外面三十四度，企出去等無問題，眼見餐廳仲有位，都無問題，但那住女侍應隨即行過黎再呼喝”企返出去”，之後關門。企左一陣，因為中午太曬太熱，想知道大概等幾耐，所以入去好有禮貌請問一句大概等會唔會好耐，自問有禮貌，佢再呼喝”我答你唔到喎，點知你等幾耐，出返去”。一間餐廳不停趕個客人出門口都幾奇怪。既然咁唔想做生意，我都無謂等落去，就走左。尖沙咀分店同樣差，之前去冷氣又唔夠，舖又滴水又無冷氣，好似爛舖咁，加埋今次經歷真係唔會再幫襯。上fb 專頁反映，隔左一排有人打電話比我唔好意思，但見呢度好多食評都有提到呢位女員工啲態度差，應該都會繼續架喇。…查看更多

朋友同我慶祝生日，去左試呢間見個個話抵食的Omakase，點知就中伏，叫左$298 set，知道一分錢一分貨，但絕對有啲過份，之前去旺角食另一間$298的，質素正常很多服務方面每兩位座位會有一個熱茶壺，自己斟茶，很自助，第一次食omakase需要自己斟茶，樓面有兩位服務員，但需要每位客人自己斟茶，對於吃$498的客人也相對減低檔次😔😔食物-三文魚、北寄貝、墨魚雖然叫$298餐，絕對明白一分錢一分貨道理，但從未試過會有三文魚、北寄貝、墨魚的出現，第一件壽司是三文魚時，已經心諗”唔係呀嘛”，而且味道亦唔覺鮮甜特別新鮮。😞😞而且壽司份量偏小，最後亦沒有手卷類似的壽司，食完只係勉強飽肚老實說，去連鎖壽司店都未必會叫墨魚、北寄貝，比呢種材料好似有少少用廚師發辦之名去呃人的感覺，不是加少少醬就變高檔食材。😔而且壽司飯的wasabi比例不均，有時會攻到好勁，可能我唔識比例上安排，呢方面問題亦不嚴重。值得一讚係個湯味道幾特別，好好飲😋😋師傅服務師傅一個人對住多名客人，但係甚少見到交流，可能比較忙，但係師傅上壽司嘅時候，完全聽唔到佢講係乜嘢壽司(雖然唔講都會知道係三文魚)，但係真係有待改善整體而言，個人唔太推薦俾朋友，如果冇誠意做$298 set，不如淨係安排$498 set，望落用料安排比較合理，好過而家感覺係當人唔識就係廚師發辦…查看更多

食過十幾次唔同嘅Omakase，開始發現啲款式開始差唔多，驚喜相對無咁大，直至去到suzuno，將Omakase推左去另一境界師傅熱誠一位做左好多年嘅師傅，但係我見過最有心最有熱誠衝勁嘅師傅，非常用心詳細講解，只要你想聽，師傅願意講，而且感受到佢好想客人鍾意啲食物同係佢度食嘢係開心舒服，好佩服同欣賞師傅用餐環境舒服入到餐廳，環境舒服，師傅細心留意每位細節同感覺，為左令客人慢慢享受食物，師傅甚至每晚只做一round，等你慢慢舒服咁傾下計食餐飯味覺視覺享受正如之前所講，食過幾次Omakase就開始款式類似，但呢度食嘅款式有一部分係從無食過，而且用料新鮮，就算食過嘅，烹煮方法都係唔一樣，例如出面白子多配醋，但Suzuno用另一方法做，而且非常好食。而且食咁多次，第一次係師傅咁用心講解，同埋真係大大舊新鮮材料係你面前切，有啲魚更加會拎個樣比你睇，而且係好少見到嘅魚，令你上左一課咁，為你帶黎雙重享受。平時相機食先嘅我，都想好好享受食物，所以都只係影左好少相。整體而言，好推薦比朋友一試，食完食唔返其他Omakase😂價錢未必平，但質素絕對對得住價錢，款式都好多，食左好多款咁。美中不足係本來慶祝生日致電希望甜品安排生日字句，但未知是否因為當初訂座時有點混亂左，所以無左安排。但因為對用餐已相當滿意，所以都無特別去提醒要求，因為已經係一餐舒服開心難忘的生日飯了❤️…查看更多

經常都係呢間度買粉麵食，以往一直都正常，最近兩次遇到一個短髮阿姐，簡直一肚氣，再望一望食評，發現有其他人同我一樣受氣，希望老闆會見到作出改善！上一次外賣一碗坑腩牛肺河，有其他人一齊等外賣，個短髮阿姐拎住碗牛腩米死都話係我叫嘅外賣，我多次表示唔係我嘅，阿姐勁唔耐煩話：「咁你叫咗咩啊！係咁話唔係你，係你就係你㗎啦！」我勁一頭霧水，我點會唔知自己叫咩野食呢？佢再三死質我要碗牛腩米，後來有另一位姐姐出嚟幫口話唔係我嘅，佢先收口！令人o咀，不過諗住叫碗粉麵，都唔會要求乜嘢服務，就算數。之後到今日再去叫一碗坑腩牛肺河，有另一位好禮貌嘅姐姐同我落緊單，個短髮阿姐無啦啦行過嚟勁無禮貌話：「冇得就咁叫牛肺河架喎！」我問幫我落緊單個阿姐問佢係咪冇牛肺，佢話有啊你想要啲乜就落咗單，一直都唔係短頭髮阿姐幫我落緊單，唔知佢無啦啦行過過嚟話我做乜，連續兩次無啦啦受氣真係好無奈！其實我都幾鍾意食呢間粉麵，其他姐姐亦都好好態度，但比一個短髮阿姐拖垮成間舖，真係有啲唔值，下次都唔想再幫襯！如果老闆唔想冇咗啲顧客，麻煩認真改善一下短髮阿姐嘅態度…查看更多

今年慶祝情人節，不嬲鍾意食私房菜，貪環境寧靜舒服，食物質素都比較好，就試吓呢間。到達時店員好有禮貌送上暖水同麵包，味道都好好，坐左陣，有一位男人同女人係廚房方向走出來，但無帶口罩，見到佢哋出入幾次，男士仲聽到有咳過2聲，係大家好緊張疫情的時期，印象立刻大打折扣。特別於廚房準備食物，也見他為客人上過菜，帶口罩讓客人食得安心也頗重要。另外，當晚廚房內不停傳出很大的對話聲，和之前吃過的私房菜的寧靜舒適環境有別，不過可能是當天太忙，但有改善空間。最後，店員下錯了單，向店員表示時她也很不好意思，但沒有更換的意思，只問我們介唔介意食錯了的菜。我們不介意照要了，但其實私房菜餐廳好像想走較高級的路線，好像幫客人改回下錯單的菜會比較好。整體而言，食物方面不差但也不特別，服務和環境也還可以。但敏感時期衛生做好點會比較好…查看更多

屋企附近開左間台式火鍋，不嬲鍾意食台式鍋，但出面好多好貴，呢間任食喎，即刻搵日放工去試。一到步，店員好有禮貌介紹湯底，有老公最愛的麻辣鍋，我唔食辣就叫左椰子雞鍋。放工餓到傻，好彩一坐低即刻有碟手拍青瓜同雲耳可以頂住肚。之後就出去拎飲品，呢度有好多我好鍾意飲的茶，仲要自家制，個茶好好飲，而且外型好靚，特別係有我至愛的四季春！同呢度有其他餐廳少見到的飲品，幾特別！之後就上左個咸蛋黃魚皮，非常好食！微暖的配埋魚皮，好食過馳名嗰啲。呢度配埋shake shake粉同袋比你shake 住食，不過本身蛋黃魚皮已好好食，可以不用落都得。之後試左啖椰子湯底，好濃椰子味，正！就開始落配料，呢度有好多手功配料，雞軟骨餃，推介！墨魚滑同海鮮都好新鮮！最令人驚喜係花膠，其他餐廳多數係比較硬的捲狀花膠，呢度真係花膠，仲索晒湯底味，正！食到好滿足仲有個Häagen-Dazs雪糕作結。整體而言，食物種類多，而且新鮮好吃。每位店員和經理都好有禮好有笑容，非常欣賞。座位闊落，下次會再來。…查看更多

今日天氣好熱，5點幾想搵個地方relax下，去左食烤雞，之前夜晚已食過好幾次，但夜晚都偏多人。今日無乜人，安排坐牆後的一張枱，好似自成一角，加上落地玻璃風景，真係好放鬆叫左新出的UFO Fondue，好吸引，上菜時係好多芝士粒粒，職員會當場幫忙融芝士，旁邊有好多雞，有6種味任揀2種，我叫左蜜糖加甜辣烤雞，雞好滑，皮脆內軟，之後中間的芝士都好香濃，配上特飲，好爽。整體而言，烤雞香滑脆口，風景配特飲一流，但芝士味有一點蓋過雞的味，個人覺得烤雞已夠好吃，芝士可以不用有也可。…查看更多

今日係數碼港睇完戲，好肚餓，就去左食日本野，一坐商場的長電梯就見到呢間日本菜。呢間餐廳種類好多，有刺身，有火鍋，有炸物，有燒物，亦有料理。我地叫左好多野餵飽自己個肚。首先三文魚腩刺身，口感好肥美，帶有魚的油香，好正。日式生蠔生蠔鮮甜肥美，一見賣相已經令人垂涎欲滴，新鮮好食海膽軍艦海膽很新鮮，帶有甜味，一舊實在唔夠喉火炙壽司盛及牛油帆立貝火炙壽司大大碟，而且每一件都係唔同種類嘅魚，全部都好有魚的油香。牛油帆立貝都好大粒，而且比外面的日本餐廳更有牛油味，推薦👍🏻芝士焗軟殻蟹好香脆可口，但炸粉略嫌有點厚，如果可以薄啲會更好食最後叫咗燒魷魚筒，用嚟送酒一流。整體來說，食物味道很好，款式種類亦多，侍應服務亦好，會不停幫你更換碟和斟茶，而且非常好笑容，下次必會再來…查看更多

一班朋友諗住幫個朋友慶祝生日，朋友好想試呢間餐廳，就打去book位，仲準備買蛋糕同佢慶祝。後來當日朝早發現原來星期日休息，但當時侍應完全沒有提及，仲俾我哋book位。好彩發現得早，即刻搵第二間餐廳，但對呢間餐廳已經完全冇信心，永久黑名單。所以奉勸各位如果想去慶祝什麼日子的話，千萬要小心，唔好中伏另外亦都希望餐廳可以訓練一下侍應們，連最基本的開放時間都不知道，實在令人摸不着頭腦。希望沒有其他人中過招。…查看更多

放假經過呢間餐廳，比一個黑白畫的門口吸引左，一入去，好似入左另一個世界咁。全間餐廳充滿畫，勁啱文青打卡，後來知道原來啲畫好似係人手畫的，十分佩服欣賞。入到去有位非常好笑容的男孩帶位，今晚叫了軟殼蟹咸蛋醬意大利飯同虎蝦蟹肉鴨肝忌廉汁扁意粉，另一位應是老闆的人介紹我們飲他們的招牌飲品玫瑰花茶，又邀請我們參觀餐廳。對於2位餐廳的員工充滿笑容和友善的態度感到非常窩心。玫瑰花茶賣相漂亮，味道非常好飲，充滿玫瑰花香和士多啤梨味，非常推薦軟殼蟹鹹蛋醬意大利飯軟殻蟹很香脆，但重口味的我就認為咸蛋醬可更濃，現在有一點淡虎蝦蟹肉鴨肝忌廉汁扁意粉醬汁有少少辣很開胃，賣相很好，個人鍾意呢個多過意大利飯，值得推薦今天這一餐飯很開心滿足，除了食物好吃外，我衷心體驗到餐廳員工對實現他們夢想的一團火，從未吃過一間餐廳是那樣感受到他們的用心，不論在裝修，服務，向客人徵詢意見方面，所以很值得大家支持。…查看更多

從來未試過一間餐廳寫2次劣評，一次因食物質素，這次因服務，所以這餐廳已在心中永遠blacklist 早上和家人飲早茶，下單後等了20分鐘也沒有上菜，於是向職員查詢，全都一句表示未整好便行開，根本並沒有查單。25分鐘後向何職員查詢，她態度悪劣的表示未整好。及後向湯部長再次查詢，她在對面枱呼喝過來 “點心不用蒸咩” ，咀臉和態度其差。之後才發現根本沒有下單！！！湯部長還好意思過來責怪我們2分鐘前才下單就追，自己員工漏單，一句不好意思也沒有，還呼喝食客。一直光顧這餐廳，食物味道一直還可以，但上次吃火鍋已發現原來食材其差。現在發現態度也是非常差。還有曾嘗試過新年時在酒樓給利是一位職員，整群員工會一整群圍着你伸手取，可見這間公司管理何其好！投訴也沒有人回應，而見專頁亦負評如潮。大家想受氣的就光顧…查看更多

去朋友屋企之後去佢附近食個晚餐，啱啱見呢間新開嘅太元樓，就入去試咗。由於兩個都唔太餓，就叫得比較多小食1. 薰蛋和蔥油海蜇皮海蜇皮味比較淡，但好爽口，份量都幾多。薰蛋都好流心，好正2. 小籠包小籠包皮真的很薄很薄，而且多汁，必食推介3. 五香牛展份量很多，而且有香濃醬汁配合，很開胃，停不到咁吃4. 海鮮豆腐羹十分十分驚喜，清清地但又很鮮味，有很多海鮮，而且豆腐一絲絲的，廚師功力深厚，必食推薦5. 紅燒乳鴿這個乳鴿有點細，但燒得很香6. 手撕雞雞十分滑，醬汁可再濃一點會更好整體來說，食物味道不錯，份量也很多，價錢亦合理。唯一須改善為員工對公司的態度，可能新開未上手，期望下次會有改善。…查看更多

放工想同朋友搵個relax嘅地方聚會傾計，見到呢邊環境舒服，一上到去就比啲好靚嘅吊燈吸引，入到餐廳，的確感覺很relax由於不是好餓，叫左2個食物，服務員笑容很好很有禮，令人覺得很窩心1. Lamb shank ($195)一上枱賣枱已經好吸引，價錢非常合理之餘賣相像高級餐廳。首先，主角lamb shank很香羊肉味，而且一點也不羶，肉亦很林滑，配上濃郁的醬汁，非常好食。配角薯蓉亦非常之香滑，中間有點薯粒，絕不比主角失色。旁邊的蔬菜亦煎過，配上醬汁非常好味，必點2.海鮮意粉意粉醬汁味道很特別，有很少很少的微辣，很開胃，很少在外嘗試過這個味。而且海鮮也不少，有蝦，蜆，魷魚，食到停不到口整體來說，環境同服務都非常好，食物賣相和味道也很好，同朋友聚會一流。唯一是餐牌傳統印度菜比較多，可加點大眾化一點的食物會更好…查看更多

與朋友相聚，一踏進店有種舒適的感覺，一片在市區鬧市看不到的綠。坐在角落，都幾方便傾計，一邊望着四周的枱上的菜，賣相都好吸引，好多野想試，叫左4個食物黑松靈芝士薯蓉大啡菇，本身好鍾意食大啡菇，見到個樣好靚，但超級唔夠熱，味道是不錯，但一上枱已不熱，很失望另外叫了明太子蟹肉意粉，賣相依舊吸引，醬汁很多，蟹肉也不少，味道幾好。另外叫了杯飲品，叫可以喝的tiramisu ，一上枱以為是熱的，一飲原來係凍的，飲品帶有一種很濃的不肯定vanilla定almond味，個人不太喜歡那個味，朋友就好喜歡青口size偏小整體來說，份量不太多，賣相很好，熱度不夠但味道不錯，由於坐角落，服務員經常無留意，點菜比較久…查看更多

同男朋友慶祝生日，去咗呢間氣氛好好嘅餐廳，一坐低比左蝦片做餐前小食，好脆，有配啤酒一流。嗰度環境比較暗，旁邊有個酒吧位有人喺度飲酒，感覺舒服。叫咗幾個餸，茶醺雞，大蒜蒸蟶子皇，胡椒海蜇頭，同埋龍皇貴妃泡飯。茶醺雞味道有啲似豉油雞，個雞都幾香滑，好少見酒樓食雞會比埋內臟，啱晒我大蒜蟶子皇有四隻，都算大隻，而且口感爽脆，但價錢有點略貴，同粉絲有點硬，有點像膠胡椒海蜇頭非常之開胃，配上胡椒嘅小小辣，好惹味，食慾大增最後係期待已久的龍皇貴妃泡飯，可能期待太高，所以沒有什麼驚喜，味道不夠香濃最後，坐的環境幾舒服，但對住一個位可以行出出面露台，啲食客完全唔關門，啲熱風吹入嚟，食食吓都幾熱，比較失色。…查看更多