好又一餐&唔好又一餐的個人專頁

出品正常，沒有讚也沒有彈，價錢是偏高的，還要加一。水吧的女服務員態度真的差勁。可以由水吧大呼小叫離對著幾米外的客人喊話（其實是無禮貌的斥責），但原因是他們服務不周。如果不正視服務員的態度，遲早執笠加一服務費，卻沒有應有的服務。…查看更多

四十年前，安利是在東大街天后廟旁的真正大排檔，分開兩檔：安利大排檔和安利咖啡的。也不是好食名店，只是因為當時東大街沒甚麼嘢食，要食就要行出金華街（電車總站）才有大排檔。所以造就安利而已。四十年後，重回筲箕灣，識去食安利，當然食魚片，白魚蛋河。牛油多士。不會食牛腩的。正如你不會去蒙古食海鮮吧。今日不用排隊，可能係下午茶時間，侍應叫我慢慢睇慢慢揀。現在是地鋪，不是街邊大排檔了。筲箕灣在變，東大街在變，甚麼都變。人情在變，口味在變。魚片河仍然是魚片河，製作不是最出色，亦不是最好食。只是想找回童年回憶而已。…查看更多

在大埔都可以食到一餐好的西餐Fusion菜 ! 夜晚7點，個餐廳唔多客人，即時入座。老闆娘Maggie親自招呼，介紹一輪點了三個菜1，焗肉醬千層麵2，香草包伴三色醬3，烤加拿大特級牛柳之後老闆過來，再介紹佢個蠔吧，都幾抵食!過15分鐘，餐湯餐包到，唔錯。主菜1，焗肉醬千層麵肉醬好多，好濃，唔膩口，千層麵唔係一舊粉，真係好有層次同咬口，非常抵讚 ! 2，香草包伴三色醬個包係即製，好新鮮，外皮好脆，好香! 三色醬係魚醬(ok) 蕃茄醬(good) 蔥蒜醬(好似食白切雞的薑蓉，但唔咸)3，烤加拿大特級牛柳好得! 好有牛味! Very Good個汁較得好好。環境都乾淨，以白色為主調，仲有其他箱房，可以一大班朋友又食又傾。埋單 68+32+108 = 208 + 10% = 228.....230埋單食評環境 : B-服務 : A-食物 1，焗肉醬千層麵 B+食物 2，香草包伴三色醬 A-食物 3，烤加拿大特級牛柳 B++總評 :可以再去食多好多餐 ! B++…查看更多

星期四晚去食呢間Buffet六點鐘去到，成個場得小貓幾隻，仲有兩台人係下午茶未走。將OpenRice印張75折優惠，入場前俾門口接待睇，點知佢攞入Office問清問楚，查實真係有75折。開始巡視一下食物，熱盆真係麻麻，唔係好吸引，好食嘅只有燒西冷、印度薄餅！冷盆擺好晒長腳蟹、仲有長蟹鉗、生蠔、凍蝦、芥辣牛肉粒、煙三文魚……全都好好食！好有味道！走去日本壽司吧，主攻甜蝦、北寄貝、吞拿魚刺身同埋天婦羅（蝦（無味）、茄子（好食）、番薯（好好食）、西蘭花（唔錯）。甜蝦每次分配4-6隻，我食咗8轉。之後侍應派咗個餐牌俾我，原來有即叫即做的餐點，都係包埋自助餐，就要咗個炸雞天婦羅同蒸雪花蚌，要等好耐，但都好好食，臨走再叫芒果布甸，超好食！再食埋細細杯嘅甜品，全部都好好食（特別係cheeses cake真係要試）！唔係只得一個「甜」字。最後磨爛蓆，原來仲有成粒完整士多啤梨做嘅果撻！食完侍應派意見調查表同抽獎券！去到7時30分就客滿，都幾嘈。埋單（$368 x 2 x 75%）+ （$368 x 2 x 10%）= 625.6 ~ $626食評：熱盆：C- 唔吸引、唔好食、款少　～　Bad ！冷盆：B+ 長腳蟹、生蠔同埋黑椒芥辣牛肉粒Very Good ！刺身：B　甜蝦、北寄貝、吞拿魚刺身Very Good ！壽司：B-　壽司唔係大大舊飯，好小巧，可食多幾件都得，推介和牛壽司收碟：A 好快手甜品：B　好好食！雪糕係Haagen Dazs！擺設：D- 在食桌底擺放碟，客人要彎低腰攞，好麻煩，又唔方便，仲有那兩部熱飲機，那些熱水噴出來，又嘈又得人驚。衛生：B-- 在客人面前抹天花冷氣糟的水，其中一件西餅有人類毛髮總評：B 唔錯番食指數：食一次半次都可以，第一次去唔會失望，但冇咩吸引我再回頭。…查看更多