DoLuDoLu*的個人專頁

同事話想試佢個黑醬油撈麵好耐所以就去試試佢第一啖已經鹹到開咗眼🫨個豬頸肉又係好鹹 仲整到叉燒咁 好硬好鞋成碟粉味道上係零層次只有鹹 仲要係死鹹平時食野愈食愈鹹已經好想死但呢碟野係每一啖都想死好彩有嗌野飲但係咪完全睇唔出係美祿恐龍呢🙂仲要+$10完全唔值不過冇叫嘅話就會鹹死所以呢$10都算係救咗我一命🙂同事食嘅香茅雞扒係完全冇味個撈麵就一樣鹹到搞唔掂另外有同事試咗叻沙碗湯係啡色嘅 食落係咖喱味 冇椰汁味完全唔知自己食緊d咩食過之後唯有話可一不可再未食嘅就奉勸各位 不可一不可再…查看更多

見openrice評級唔錯所以用openrice個app book檯之後同男朋友去試下搭𨋢上到去行到篤篤就見到一入去d staff已經冇乜點理你有位就自便既感覺 有冇book檯都冇乜關係喺呢度有d咩要叫d staff都好難全部都係縮喺同一個角落度背住個場傾計玩電話 而且唔會"岳"高頭睇下有冇客有需要落單埋單都好耐都唔會有人理你有時都見到d女仔會係喺度執檯抹野但係d男仔都係坐喺梳化"dup"低頭㩒電話望都唔會望下你...講返野食落單show openrice個app問個女仔係咪有小食送 嗰晚係炸薯角 本身冇乜期望但係上檯既時候熱辣辣又幾好食主菜叫左2個set dinner叫做set但其實只不過係有杯$34以下既野飲which個選擇唔多 都係要補錢飲其他野如果要沙津同甜品就另外再加$30因為蛋糕d相實在唔吸引所以就冇加到叫左煙三文魚奶油忌廉意粉同黑松露磨菇risotto 味道真係唔錯 上碟既時候望落去好似好細碟 但其實個碟中間個位都幾深 食埋個薯角其實都好飽總結黎講食物係ok 唔差但又唔算好突出服務麻麻而且價錢唔算平唔係打算會一直回頭既餐廳…查看更多