H_Diner的個人專頁

中環返工有個好處，就係lunch time可以喺大街小巷搵特色野食！今次就試下呢間專賣海南雞飯嘅小店！中環食海南雞飯嘅地方真係好多，但係講到好味就唔係咁易搵啦！首先講下賣相，正正常常，雞份量算多，仲有雞湯送埋🤩由雞肉開始評價，肉質鮮嫩，完全冇雪藏味，而且唔會感覺肥膩，再點埋老抽、薑茸同辣椒醬等醬料，簡直係配合得岩岩好！油飯黎講，有啖啖嘅雞油味，又唔會太濃搶唒focus, 絕對係有驚喜😍配埋南洋咖啡簡直一流！呢間小店就標榜自己個海南雞飯99分，雖然唔知果剩低果1分係邊🤪，但我應該會再食😋 下次試埋個喇沙先～…查看更多

食完飯覺得無聊就同朋友去左屋企附近既甜品舖食下糖水，估唔到有新驚喜!其實E間舖頭時不時都會出新野，今年夏天就出左類似雪糕芭菲既甜品。睇落色彩真係夠哂繽紛, 哈哈雪糕當然可以揀唔同味，我就揀左我最愛既朱古力啦　E款係最細SIZE但裡面D野都幾多, 又有生果又有爆珠, 最意想不到最底有埋Jelly, 真係幾驚喜  價錢唔太貴,食都食得開心D朋友嗌E款紫米露就味道較為普通, 但有個福字都幾特別!BTW, 雖然E間舖頭細細,但每一個角落都幾乎有得意既裝飾品,真係幾有心思…查看更多