singsiu624的個人專頁

去咗 Slow Walker 食 brunch，成體驗都幾好。佢哋嘅亞特蘭全日早餐份量足，最大賣點係有鬆軟嘅 pancake，再加埋煙三文魚同太陽蛋，一甜一鹹配搭得幾好，價錢算合理，性價比高。之後叫咗牛油果🥑手C 豬肉 pizza，用料真係唔手緊，牛油果新鮮，配搭手C豬肉非常夠味，咬落口感豐富，幾特別。最後甜品試咗巴斯克芝士蛋糕，出面燒燶咗帶住焦香，入口滑溜又香口，好有傳統風味，味道比預期好。咖啡酸苦度啱啱好，飲落幾舒服。整體嚟講，食物水準同環境都唔錯，係一間會想再返嘅 café。…查看更多

食嘢除咗食物質素之外，服務態度同環境都好影響用餐感受⋯今日約咗朋友喺荃灣西行街⋯突然思鄉想食台灣嘢⋯就行咗入去段純貞⋯喺門口就有個男職員好Nice咁同我打招呼問幾多位⋯安排咗我哋入去坐之後，仲同我哋簡單介紹個餐牌，同埋有咩推介⋯我就叫咗個雞肉拌麵，我朋友就食擔擔麵⋯食物質素中規中矩，真係有待改善⋯我有喺其他地方食過段純真⋯味道就好過呢間⋯係用餐期間，我見佢啲職員都好有禮貌咁招待客人⋯尤其是個男職員（好似係經理）好有心機，用英文介紹食物俾個客人聽⋯呢樣真係值得一讚⋯…查看更多

好耐之前喺北角食過⋯好掛住佢個滷排骨⋯以前個滷排骨好Juicy⋯個汁真係好正⋯見到將軍澳開咗諗住嚟試吓⋯點知好失望⋯質素差咗好多⋯成塊滷排骨乾噌噌⋯滷汁都唔多滴⋯同鹽酥排骨冇分別⋯可能真係出咗名開始Hea做⋯都唔講餐廳嘅服務態度⋯呢個價錢咁嘅質素，真心冇下次⋯…查看更多