woodynbuzzy的個人專頁

九龍城好多泰國菜但可以Book位既真係唔多！因為一行好多人所以揀間可以book位嘅餐廳！當日叫咗好多食物，例如沙嗲飛天炒菜青咖喱同埋生蝦等等！自己比較鍾意個沙嗲同埋個生蝦！呢度比較好嘅係生蝦唔使預訂即叫即有。味道方面就中規中矩，唔算太突出！係九龍城嘅一般水準！…查看更多

已經第二次食楚撚記，水準依舊！今次都例牌叫左豬油撈飯！真係一試難忘！好唔健康但真係好正！本身無試過豬油，亦好抗拒試！但Fd話好好味就試左啖。同幻想中好唔同，以為會有陣豬騷味，但一D都無！反而令個飯好Creamy好有飯香，加埋D豉油簡直一絕！今次都試咗一個新菜就係麥皮蝦，估唔到好夾！個麥皮有啲脆，然後甜甜地少少似啲cereal! 本身打算食個蝦姐，點知連啲麥皮都忍唔住當餸食！薯仔牛肉粒都好夠鑊氣十分之惹味！另外清清地都叫咗個時蔬！唯一缺點係好難Book位同埋真係好嘈，本身D音樂真係太大聲，搞到全世界都好大聲講嘢，完全傾唔到計！…查看更多

天氣凍，自然想打打邊爐！想邊爐又想食辣，見好耐無食雞煲，諗住可以打埋邊爐就揀左一品啦！一品雞煲個汁一向惹味，而真係幾辣下！ 建議唔太食得辣記得要就住叫！！兩個人食量不大，所以只係Add On左響鈴同水魷！建議食左DD雞之後就放水魷，等水魷出水繼續煮D雞，然後一路煮D水魷又索曬味勁正！響鈴加個汁又係好好食！…查看更多

事隔一年再訪，水準依舊！叫左西冷牛排（$268)調味剛好，賣相又好睇！牛排好厚，配菜有西蘭花、粟米仔、豆，最鍾意係D薯仔，帶點燶邊。由於友人鍾意食熟D，所以叫左7成。對於我黎講就感覺硬，相信下次叫返5成好D！西班牙海鮮義大利飯（$158）本身以為係橙色的西班牙飯，但原來係Cream底的飯。味道不錯，有兩粒大蝦加兩粒大Mussels。本身有D驚Mussel，因為有餐廳會唔清理入面D草，食起上黎就好狼狽。琴日食就好乾淨，而且好容易脫殼。用Spoon輕輕刮就甩。…查看更多

係泰茶忠粉，知道出左泰茶雪糕就即刻衝去食。泰茶雪糕配斑斕雞蛋仔（$19）泰茶味真係無，完全食唔出！連甜味都唔覺得有禁😬 普通雪糕，留下只有「凍」呢個印象😂反而雞蛋仔就好出色！有斑斕香、雞蛋味，仲內脆外軟！希望可以單買！…查看更多

今日去左美荷樓的No Milkshake No Life 食Lunch！閒日臨近Lunch Time 都好旺場，要預早少少到！第一樣要讚的係女店員，無預過呢類的漢堡點會有Attentive既服務！Wagyu Cheese and Egg Burger with Fries ($138)自己本身好鍾意食薯條，個Side個薯條好脆，調味係印度風香料粉(聽得唔係好清楚，店員好似話係咖喱味)。自己覺得個麵包麻麻，好似本身都有濕氣/叮太耐既麵包禁，無左筋性，有D切唔開禁！牛幾好味，唔太鹹少少燶邊幾正！Pancake Burger - bacon, fried eggs and portobello ($111) 呢個係主打Item，好大份！佢係兩塊Pancake，各有一個煎蛋、Bacon、大啡菇，好適合Share！份量美式風格，因為內容都係半現成品例如Pancake、Bacon，所以味道無話好特別，只係個Combination係好味！Caramel Peanut Butter Bacon Milkshake ($69)本身怕Caramel會好甜，結果無！呢點係驚喜因為通常美式Milkshake都係超級甜，可能呢個有Bacon所以中和左！Bacon粒粒都比較碎，唔會話食到一塊仔Bacon禁，反而係花生碎同Bacon有D分唔清！…查看更多

抹茶麻糬牛角（$26）- 有麻糬抹茶奶酥餡，整體低糖，主要甜味來源於個奶酥。外面有D似菠蘿包脆脆、杏仁片。可能唔係即日食，無明顯感覺牛角包既Crispy。特濃抹茶拿鐵小吐司（$28）- 同牛角包比，較甜。麻糬大大舊，叮熱之後麻糬淋左更好味，有米香。個包抹茶味淡，中間個奶酥抹茶味濃D，麵包個頂有舊甜甜地既嘢，有D似雞尾包上面既東東。焙茶Bagel （$20）- 驚喜！好濃茶味，比起抹茶Items有驚喜！有麻糬 餡，同Bagel口感一樣都係煙煙韌靭，但密度同麻糬有分別，整體口感好正！…查看更多

好少黎重慶大廈食飯 今日黎到Paul's Kitchen 試下非洲菜Deep Fried Tilapia ($158) 炸得好香，好乾身，一D都唔油！入面的魚肉十分嫩，搭配個Sauce 好Fresh。個Sauce係辣椒汁帶D番茄，酸酸地，但真係幾辣下！Mrs. Paul Braised Ox Tail ($170)入面的牛有牛尾加牛腱，Ox Tail比較淋同無禁騷，牛腱比較硬同騷得有D似羊禁😵‍💫 我自己本身麻麻地騷味，鍾意的朋友可以一戰！個汁底好重胡椒味，單食就有D嗆口，加埋Naan就啱啱好！Naan （+$45 as side)有其他Side揀，例如飯之類，揀Naan因為見到人地食好吸引！個Naan考得好外脆內軟，蒜蓉味啱啱好，唔會太多搶Focus，用來點汁食一絕！鋪頭位於一樓，要行樓梯。未入重慶大廈門口已經好多印度人先生Sell餐廳，但佢地好好人的，只要話佢地聽Book左Paul‘s Kitchen佢地會帶路，好有愛！…查看更多

係IG見到個海膽飯好吸引 即刻手刀Book位黎試！叫左三文魚·海膽·玉子飯($138) 同埋 海膽·赤蝦·帶子·蟹籽·玉子燒飯 ($288) 兩碗海膽份量都好多！超級Creamy 入口即溶😍 赤蝦超級大隻，有少少食到不知所措，怕跌曬落台！玉子就細粒左少少，無咩記憶點！三文魚同帶子都好新鮮，個人唔鍾意三文魚腩，因為陣油味會令我嘔，舖頭係用瘦既三文魚而份量超級多！帶子好鮮甜但自己覺得份量黎講唔夠喉！用性價比來Compare的話，會覺得三文魚性價比高D！另外Order左免治雞肉丸($48)，我覺得呢個係健身人士可以食！因為一點都唔肥，同埋Confirm自家製，因為食到雞軟骨碎！附送蛋黃一粒，用來點粒丸好食，一啖咬落去有Creamy同鹹甜口感！店內環境骨子，上菜速度都好快！…查看更多

去了太古城的湊湊鍋有自助Bar台，可以拿醬料，另外有滷肉飯、西瓜哈密瓜、中華沙律等小食。我覺得滷肉飯幾好食，滷肉份量仲可以隨自己鍾意要多要少。是日選擇了2人套餐，個餐其實抵食，各樣食品份量正常，無話因為是餐所以少。湯底方面，選擇了台式麻辣同花膠雞鴛鴦鍋。台式麻辣鍋- 食開重口味辣的我們覺得好淡，少少失望。基本上聞落好香食落唔夠味道，唯一好處應該是鍋底的鴨血同豆腐任加，但唔入味，豆腐好少少（我們因為太飽所以無加過-資訊大家參考下）花膠雞- 我們覺得超正！店員教滾起後先飲湯，但好飲到差D飲曬！入面花膠雞粒十分多，成鍋湯起曬膠，味道好濃濃濃。所有鍋底的配料全部都足料，而十分入味。特別冬菇一口咬落濃濃花膠雞湯味，好正。肉類Order了牛小排同牛肩胛-因為呢兩個單點價格最貴！這兩個部位都少脂肪，而且份量好多。海鮮選擇了扇貝同魷魚，魷魚好新鮮，一點腥臭味都沒有，爽口彈牙。扇貝沒有驚艷感覺。丸類選擇左企鵝丸，來到已經覺得好驚喜，因為造型是一隻企鵝來的！超級可愛，又像真！企鵝丸其實是黑白墨魚丸，感覺似用墨魚滑整成，不是譚仔那種墨魚丸的感覺。反而嫩滑點，但好彈牙不會淋淋的。另外菜方面選擇了皇帝菜-好新鮮，麵類選擇了冬粉-有兩個。另外加了鹽酥雞- 但是沒有加任何味粉好淡口，加上粉厚沒有Crunchy感覺，不推薦。另外有芒果冰沙Shot與茶凍甜品送！冰沙超甜但茶凍甜品意想不到好味！Jelly個底似旺旺隻茶凍，出奇地與上面的Citrus夾（應該係柑來的）總結：兩人餐可以3個女仔食，我們最後食不完要拎走個冬粉同菜！如果兩位食量細的應該不需要點套餐！…查看更多

見到有Foodie推薦呢間菜脯餃子 所以今日黎試一試！下午茶Order了山東大拉皮及太子分店限定的菜脯餃子山東大拉皮有滿滿的麻醬，配菜有蔥白、蘿蔔絲及青瓜絲。麻醬好香，應該加了少少醋所以不漏。蔥白帶辣也令整體感覺不漏。配菜亦很多菜，好Crunchy。而菜脯餃子則皮薄，夠辣、香辣。但肉餡就似羊肉帶So味，我自己麻麻所以加左辣醬。辣醬好食好對我口味，與餃子夾可以遮蓋So味。餃子都係現場包的，很新鮮！店內有大型壁畫同Mirror Jer的Poster！…查看更多

夏日炎炎 行街行到攰同Fd子去飲杯野分別Order左Lemonade 同夏日新品波子汽水冰沙Lemonade是店家自製 並不是買成品的。有添加Thyme來增加風味，無添加糖非常健康，但無咩甜味亦唔夠檸檬味。一杯要$48來說，性價比低。新品波子汽水冰沙，睇英文名稱不知道是什麼來的，但顏值搭夠。黎到一試才知道是波子汽水冰沙，波子汽水好啱炎炎夏日！整體飲品性價比低！推薦飲比較特色的Item！…查看更多

朋友聚會去了灣仔合和的北京老家食晚飯 當然要食北京填鴨啦！前菜Order了四喜烤夫同老家心靈美西喜烤夫入面有雲耳、竹荀、麵筋等等 是一道素食 味道甜甜的帶醬油 很入味老家心靈美聽名字一定估不到是什麼！其實是染色白蘿蔔絲，甜甜鹹鹹很重麻油味是日主菜北京填鴨，烤得皮脆，餅皮好薄，鴨皮下的油脂加上蔥白青瓜口感好Rich，毫不油膩。老家拆骨肉也是特別的一道菜，腐皮包住肉碎再用沾麵包糠炸，驚喜好味。注意入面有芫荽，伴碟都有，味道幾重，所以唔鍾意芫荽就要注意啦！蔥爆牛肉、老家生菜包、清炒萵笋都有水準 正常味道～ 值得留意係生菜包的肉幾辣（本人食譚仔中辣），要注意！！甜品選了酒釀丸子及拔絲士多啤梨。丸子桂花味重但帶酸，不是很推薦！拔絲士多啤梨造型吸睛，有點似冰糖葫蘆，很甜好食…查看更多

經過旺中 禁啱見到慧食貓又好耐無食手抓餅 所以一試!有7個選項 我揀左F餐-火腿雞蛋芝士豬柳($31) 另外有配料可以Add On 或者買原味既餅皮再自由搭配 但因為F餐餡料都豐富 所以無加配！之前食手抓餅都係係餐廳食，口感偏軟。慧食貓係即Order即煎，餅皮香脆，F餐係店家搭配好既口味，個人覺得味道好夾！平時覺得豬柳超級鹹，但係手抓餅入面果塊又啱啱好啵，可能因為有D菜同番茄中和鹹味！D蔬菜都好新鮮 無老麥D「梅梅地」禁。醬料方面食到Mayo 整體唔覺得漏！但手抓餅始終都係偏油份重，所以女孩子食一個應該會覺得好飽！另外想讚老細好好禮貌，就算好忙都好熱情！…查看更多

今日同朋友到旺角Catch Up，試了一直都想試的90’s Lazy ！😽懶人小食拼盤 $128有炸雞翼、mozzarella cheese sticks、薯條同洋蔥圈。筆者鍾意食炸物，見到呢個拼盤兩眼發光啊！雞翼外皮炸到卜卜脆，調味帶有香草，唔會太濃味！😼 飲品玫瑰荔枝Smoothie $45 冰美式 $40玫瑰荔枝Smoothie只用左水果，成品類似冰沙質地。夏日炎炎好啱，味道方面清爽，無假甜的荔枝味！🙀 見到店家都新推出了夏日特飲！！筆者對提子特飲最有興趣，下次再去會一試！😿 提提大家禮拜六日公眾假期無套餐優惠，同埋人均消費$100 per head喔！…查看更多