Kaizero的個人專頁

旺角有好多放題選擇，趁住天氣仲涼涼地就搵左間火鍋放題。呢間打邊爐食肆位於瓊華，位置都好方便，食飽飽仲可以係附近shopping消化下。事前都上網睇過呢間店嘅資料，見D4套餐有龍蝦，日本A4黑毛和牛做緊半價優惠，連加一人均都係540，幾抵食就揀左呢個餐。而餐廳裝修好光猛，有好達摩公仔做裝飾擺設，座位夠闊落，通道又寬敞。店員先上雞煲，帶麻小辣，每件雞件都索左雞煲醬＆香料嘅味道，食得出好有鑊氣，仲好惹味🤗😋本身以為會用返雞煲果煲加湯打邊爐，點知店員會換上另一個新鍋，而且有幾款湯底俾客人選擇，我地就揀左沙嗲湯。等待湯滾嘅時候，可以用QR code 點，除左有火鍋配料揀之外，仲有刺身，壽司，海鮮，炸物，串燒等，而且款式比其他放題都多，竟然有田雞腿叫添😱海鮮拼盤有6款海鮮，鮑魚好彈牙爽口，貝殼類都好干淨，食唔到有沙A4和牛肩切得厚薄適中，油花平均分佈，牛味濃。滾完之後，肉質滑嫩，唔會好硬，品質非常高😋而牛肩肉都冇令人失望，肉汁多，油脂化開帶有甘甜。甜品方面都有唔少嘅選擇，有啫喱，雪糕，雪條等，Brownie做得好出色，好濃嘅朱古力味，裡面仲有朱古力粒，忍唔住食左幾件🤣差d漏左樣野唔記得左講, 呢度有啤酒，清酒，梅酒任飲🤗…查看更多

突然想食bagel, 但好多間cafe嘅bagel都唔啱我口味，靈光一閃記得紅磡廣場附近有間專食bagel嘅小店，年幾前都去過食果陣排晒長龍，印象中呢間bagel係令我最心刻又覺得好食，而且佢餐牌款式好多有唔同嘅組合，仲有bagel款式都有好幾款，唔似得其他cafe只有原味bagel。今次叫左煙三文魚加蛋bagel配百香果話梅咖啡，bagel口感煙韌唔係食面包嘅質地，同埋佢會翻熱個bagel, 店員會切開一半，拎上手食方便好多👍至於咖啡就俾百香果蓋過左咖啡味＆略甜。…查看更多

Omakse：廚師發辦嘅菜式，挑選時令，珍貴嘅食材製作刺身，壽司等菜色，因此大部份廚師發辦用餐價格都比較高。因為Budget有限，經朋友介紹話天后有橦大廈有間日本餐廳食Omakse,叫我可以lunch去試下，不過要記得book位先好去🤣聽完佢講就今日去左試呢間餐廳''榊原''。餐廳環境超干淨又企理，坐位有十幾個，廚師同食客不停傾計，交流飲食心得。第1道菜係茶碗蒸，係我人生食過最好食嘅，超足料嘅茶碗蒸，蟹肉魚肉份量超多，當然蛋非常滑流😋接住落黎輪到鯛魚刺身，將醋整成啫喱狀，酸酸maymay同刺身好夾龍蝦配蝦膏，三文魚魚子：龍蝦肉鮮甜，肉質爽口，蝦膏食落冇腥味，三種食材一齊食，層次豐富，最鍾意魚子係口腔卜一聲嘅感覺🤣左口魚壽司就食得多，右口魚都係第一次食（印象中），肉質非常滑，配左魚肝＆魚邊，整體非常夾。仲有吞拿魚壽司，北海道銀雪魚壽司，深海池魚壽司........ 最後吞拿魚蓉手卷，師傅毫不吝嗇將滿滿嘅魚蓉放上飯上＆灑上天婦羅碎，咬落去每啖都充滿魚蓉，好滿足🤗提外話，師傅仲問我洗唔洗多飯多魚蓉餡添🤣由於'蟬時雨' 菜式太多不能盡錄，食嘅過程睇得出師傳對食材好過要求，佢地都好用心製作每道菜式俾食客❤️…查看更多

每次去moko都見佢圍板，今次去終於開左🥺等左佢開好耐喇🤧下雨天嘅關係，餐廳唔算多人，光線好充足，好大嘅空間感，椅子坐得好舒服。同朋友叫左個海陸空錦繡至尊pizza 加紫菜薯條，飲品就叫左冷萃咖啡，凍莫卡咖啡。Pizza即叫即整，如果趕時間嘅話最好唔好叫，叫其他主食，因為都要等30mins,不過等咁耐都值得，餅底好鬆軟超新鮮冇油膩感，餡料又勁多，烤鴨胸，煙三文魚，巴馬火腿，肉粒.......值得一讚店員嘅服務態度好好，唔洗叫就主動走到客人面前refill水👍…查看更多

本身入荃灣食個米線做午餐，點知去到摸門釘，唯有轉地方醫肚，search openrice 見蘇媽有分店就揀左佢🤩第1次食呢間餐廳係深水埗，當時超多人排隊，過左幾年，分店好多左人流就分散晒，唔洗排隊就可以即入。朋友叫左個雞絲湯米，配料當然唔少得有雞絲啦🤣仲有魚片＆蝦，湯嘅味道清清淡淡，飲完唔會覺得口渴，朋友一路飲一路讚好味，最後成碗飲晒🤭而我就叫左碗海鮮白咖喱湯老鼠粉，本身諗住食摻摻，但見老鼠粉個名特別就叫左呢個🐭白咖喱重椰奶味，唔算好辣，我已經叫加辣，最後仲另外加左辣椒🤣海鮮有青口，蝦，硯，仲有魚旦，魚肉春卷.......…查看更多

落雨天最好就係去商場行街，唔怕淋濕晒，見openrice好多人大讚呢間餐廳嘅pancake好好食，又見唔多人等位就一於試下。個人喜歡食士多啤梨就叫左個朱古力碎 strawberry pancake, 鬆軟嘅班戟，蛋香味濃，又唔會太空氣食落厚實，配上新鮮士多啤梨＆士多啤梨果醬，酸酸甜甜好開胃😋(Pancake製作需時，記得預早落order😉) 另外仲叫個Sea urchin & scallop linguine, 呢個意粉勁多醬汁，令到每條意粉都掛滿濃厚嘅醬汁又唔會太漏，原塊海膽放在意粉上都幾鮮甜，帶子都算厚煎到金黃色🤩…查看更多

呢間Cafe一直都想試，見網上話成日都排晒長龍，今日見有時間就去打下卡。未行到去已經見到有幾pair情侶等緊位，店鋪嘅門上貼左一張紙，供食客自行填名，當有位嘅時候店員會叫名，咁樣可以方便店員。餐廳環境感覺好舒服，燈光柔和，有種好relax嘅感覺。我地叫個兩款輕食，蝦多士＆秘制流心蛋治。蝦多士以焗嘅方式令面包脆卜卜，比起一般餐廳用炸方式健康好多，唔會有油膩感覺，而面包上面鋪上蝦＆辣椒，廚法有別於其他食肆。至於流心蛋治貌樣好吸引，熱辣辣嘅面包夾住凍冰冰蛋沙律，面包都依然香脆，呢個蛋治份量十足，一個人食一定食唔晒。…查看更多

山下菓子定期都會轉換主題，上期係Mofusand貓貓, 今期輪到蠟筆小新做期間限定主題🤩推出左唔同款式嘅蠟筆小新食品，店舖無論枱，牆壁都擺放/貼滿小新＆佢嘅同學仔家人老師嘅野，方便食客打卡。Cafe食品款式選擇唔算好多，價格都算合理。叫左個冬蔭公海鮮意粉，只有硯肉做海鮮，但份量都多ge, 意粉夠辣，好惹味，啱晒食辣一族。另外仲叫左個千島海鮮pizza, pizza餅底係薄批，食落脆卜卜，中間仲放左一片芝士，好特別。題外話：以為黎緊有小新電影上映，後來先知係switch出左款小新game, 遊戲語音有廣東話／國語／日文／韓文，鍾意玩switch嘅大朋友小朋友唔好錯過最後提提大家唔同款式食品都有紀念品（送完即止）。…查看更多

夜晚去開旺角食飯, 食完晚專登行去旺角東車站買麻糬波波做甜品作結，其實都預左太夜冇得買，正所謂無期望無失望，行到去真係賣晒😢唯有買其他產品啦，見到鋪頭面包買3送1，好吸引，不過最後買左袋麻糬面包（朱古力味），1袋有5個，細細個食完唔會好濟。面包好濕潤，融合埋滑滑嘅麻糬，苦甜嘅朱古力餡，完美嘅結合😋下次要一定要試埋佢地嘅麻糬波波先得😬…查看更多

今日朋友話公司冇咩野做專登走出黎搵我食lunch, 見好耐冇食米線就帶左佢去牛頭角道雲桂香。無論香港引入左幾多間米線鋪，都冇一間取代到佢。次次lunch hr 去都人頭湧湧，好彩今日唔洗等位，今次叫左個魚腐小鍋酸辣（中辣）米線，朋友就叫左豬紅腩肉重慶酸辣粉。個人覺得佢嘅辣度比另一間連鎖店辣，朋友叫小辣都覺得辣，出晒汗🤣講返米線佢地選用幼身，煮得好彈牙，薯粉就煙煙韌韌。最後提一提大家雲桂香米線轉水間粉，薯粉都唔洗加錢架🥺…查看更多

傳統韓國菜就食得多，今次朋友帶左我黎呢間位於時代廣場9樓嘅韓國餐廳Bandhan & Cook。未入餐廳前已經見到門口個menu有幾款蛋包飯, 心諗蛋包飯唔係日本架咩🤔連韓國餐廳都有，不過今次冇試到，我地叫左個年糕，泡菜煎餅＆傳統生米酒。年糕比其他韓國餐廳特別，採用左幼身長條型，感覺好似食緊好煙韌彈牙嘅面條一樣😋泡菜煎餅嘅顏色較深色，煎得好香脆生米酒好少地方飲到，用碗黎飲好鬼正，好有韓國當地人feel🤭…查看更多

今日lunch同幾位同事去左鱷魚恤8樓宴會廳飲茶，好彩有book位咋😎估唔到咁full叫左孖寶（燒肉拼叉燒＋上素炒米粉），蝦腸，牛肉腸，鮮蝦炸雲吞，豉油王炒面，仲有例牌飲茶會叫嘅點心.......叉燒上枱已經香氣撲鼻，米粉炒得好有鑊氣而且好入味，不過豉油王炒面就比較遜色炸雲吞嘅皮好香脆，入面個餡仲好鬼熱添呢間酒樓值得讚嘅地方就係每樣點心，炒粉放上客人枱都可以熱辣辣…查看更多

德福出名多野食選擇，而Texas Burger可以一次過滿足晒我想食嘅野（Pizza, 意粉, Souffle Pancake)好多餐廳為左減低人手落錯單嘅情況，都會選擇用QR code 點餐，呢間都唔例外今次Order左自家製紐約特式pizza, 馬里蘭蟹餅，意粉＆抹茶紅豆麻薯梳乎厘pancakePizza餅底厚度適中好鬆軟👍，唔係薄到餅乾果款批底蟹餅整個都係滿滿嘅蟹肉，伴芒果莎莎醬食落有少少辣，幾惹味😋班戟入口即溶，中間包左粒麻薯，煙煙靭靭…查看更多

見social media有人介紹觀塘巧明街開左間主打藤椒湯底嘅米線鋪頭，作為米線愛好者一定要去試返次。佢地嘅配料湯底款式比其他連鎖米線鋪少選擇好多，咁我就叫左個藤椒魚片魚丸米線，唔知係店員漏問湯底嘅辣度定本身已經set死左冇得加辣或減辣🤔湯底辣味對我黎講可以再辣d, 但對唔識得辣嘅人士會覺得好辣，魚片滑滑dodo好好味😋魚丸就冇咩特別…查看更多

Happy Friday 係時候要放縱一下，食完飯走左去Simplylife睇下有咩飯後甜品，門口面包部放滿各式各樣面包，牛角酥，批........ 花多眼亂都唔知揀咩好，經過幾分掙扎，最後揀左個手掌咁大嘅香印吉士牛角酥，牛角酥上灑左糖粉增添美觀，中間夾住切開左一半嘅香印提子，吉士醬加左藍莓果醬，最重要個牛角酥好酥脆，仲要隔左幾個鐘食仍然酥脆可口😋另外佢地嘅包裝紙好靚😍…查看更多