為食快樂豬的個人專頁

上一次到訪有很多不同種類的食物，中式西式都有，食過一次印象很好，但今次到訪卻非常差！中式食物只有炒菜、炒很老的牛柳粒，蒸比目魚、燒味，最大的部份是湯麵以前的蒸鮑魚沒有了，剩下全部都是下價食材，最好的就是燉湯。西式食物幾乎沒有，訂購時寫明的鴨肝沒有，從來沒有通知，只有炸牛扒、炆牛尾、烤豬柳和煮茄子，這麼少的選擇實在太失望。甜品比以前難食，焦糖燉蛋的焦糖成吋厚，叫了一盒pancake，煎到好似脆片，廚師住既時候仲大大聲話「噢，太薄添」但仍然將那份給我！服務不知道應該說好還是不好，在你吃完的一剎那，就有人立刻將你的碟收走！有無咁趕？…查看更多

Menu上有蒲燒鰻魚粒飯（$48），也有蒲燒原條鰻魚定食（$88），想吃多啲鰻魚，結果選擇了蒲燒原條鰻魚定食。一見到個飯真係嚇一跳……鰻魚份量極少，可能切返粒粒仲少過蒲燒鰻魚粒飯上面啲鰻魚！兩件鰻魚就唔係問題既，最弊係圖片兩件起碼都較大件，呢兩件細到不得了，可能出世一日就俾人劏咗，先會咁細條！食物味道亦不太好，雖然價格唔係貴，但係鰻魚質素普通，汁太多，完全食唔到魚既味道…..配菜味道比鰻魚好，但係薯仔沙律落麻醬真係唔得！另外餐具得筷子，就咁無包住放入外賣袋入面，非常唔衛生！$88食咁既飯真係唔會再幫襯！…查看更多

經晚上訂座有75折，叫咗最貴既「霜降黑毛和牛」。睇圖片同埋個人理解，牛肉應該係油脂分佈平均，好似雪花一樣。殊不知，第一碟牛肉上台，肥到呢！好似普通中式酒樓啲肥牛咁，每一塊牛肉入面，半塊都係肥膏！第一碟係咁，算！等第二碟，點知仲衰！即刻問店員，店員堅持係咁既質素。結果上台既全部都係咁樣既「霜降和牛」！其他人既其他牛肉全部都睇落好過我。豬肉同海鮮既正常既，可以接受。出面既配料都正常，但係竟然連餃子呢啲咁普通既野食都無。成餐飯食到一肚火，收人最貴俾啲咁既牛肉人…查看更多

母親節前夕餐廳提供「母親節暖心海鮮晚市自助餐」，價錢比佢地平時既自助餐貴少少，但係多咗雪場蟹腳同埋酥炸生蠔。雖然放野食既地方唔大，但係menu入面所有野食都有出現，絕對無呃人！冷盤溏心蛋最好食，花雕雞翼唔夠味，完全食唔到酒味，煙三文魚比較鹹，食落麻麻。海鮮都好新鮮，蟹腳唔會好細隻，有淡淡既海水味，讚！熟蝦都好彈牙，其他就一般。熟食最推薦係焗扇貝同埋酥炸生蠔，超級新鮮又好味！夠膽話好食過好多餐廳酒店！扇貝出咗兩轉就無再補啦，如果見到就要拎多兩隻。即煮station有海南雞飯，雞肉好滑，油飯就一般。切肉既牛西冷好味，唔會好老。麵檔有好多選擇，都好味。甜品就認真麻麻，不過有Movenpick，淨係食雪糕都夠啦！另外豆腐花有驚喜，好滑。本身對呢度自助餐無咩期望，但係食完竟然有驚喜，好滿意！…查看更多

食咗咁多年野，咁多次泰國菜，從來無食過咁難食既泰國野。同朋友一人叫咗一個主食，一碗潮式三寶船面，一個海南雞飯。潮式三寶船面，本身已經覺得有啲唔怪，究竟係fushion定係咩，想食丸，所以就叫咗。一黎到就即刻覺得中伏，個樣同真正船面好大分別，飲一啖個湯，咸到呢！啲丸非常「潮式」，完全唔係泰國野，呢個配搭好奇怪！朋友既海南雞飯，雞肉可能好貴，得好少，唔似正常食既海南雞飯會有醬汁跟，呢個冇乜醬汁可以點，未味道，真係唔好食！叫啤酒，七十幾八十蚊杯，但係好細杯，味道好一般。一個極咸，一個無味，酒又唔ok，呢間咁既野真係唔會再去…查看更多

從來無食過咁難食既甜品，我叫咗一客芒果蛋白（$44）、友人叫咗一客朱古力疏乎厘（$58）。我嗰個芒果蛋白，睇菜單圖片、應該係西米+芒果肉+芒果爆珠，黎到都似樣既，上面有啲好似西米既野，一咬，嘩！脆既？好肯定係未煲透，店員話係「水晶珠」，話個texture係咁既，事實上硬到好似食膠咁，拎出黎禁都唔扁蛋白布丁，既無蛋味，又無奶味，食緊一舊完全唔知咩既布丁超級難食友人叫既朱古力疏乎厘，平平無奇，食落好似朱古力味既紙包蛋糕完全唔係疏乎厘應有既口感。叫兩樣野，兩樣都中伏，絕不推介，又絕不再黎！…查看更多

呢問鋪頭近排出咗好多新嘢,本時淨係買包吃,覺得比其他包店有照一般嘅水準!!今日見到個sales落力推介香蕉糕,甘咪買黎試下!!我以為會麻麻地,點知.....個味道好好!!!估唔到甘好食!!!今日試完香蕉糕,等我聽日再試下其他…查看更多