bankbank的个人专页

特別河粉 ★★★★湯頭清，牛香中帶點點酸，後味清甜。牛丸細細粒彈牙有汁，生牛片剛剛好，牛腩牛筋霖入味，金錢𦟌比較腥，牛柏葉縮到最細消失了！河粉採用即磨米漿，現場即製即用。過程在開放式廚房可以睇到。唔知點解食落去唔滑，有少少鞋口。但好奇怪，後加果碗就好滑。但我肯定味精比其他地方少(我唔敢話無)。豬頸肉春卷撈檬粉 ★★★★豬頸肉雖然係薄左少少，但好惹味。檬粉是米粉條狀，配越式魚露酸汁，算不過不失。豬頸肉同春卷配搭依個檬粉係好夾，又可以一次試兩款小食，好啱唔食牛嘅朋友。越式春卷 ★★★★紮實、料多。平時出面食，會好重胡椒粉味，依個唔會，餡料個味剛剛好，唔油，夾生菜加酸蘿蔔食更佳。粉蒸包 ★★★★★我覺得係必試！首先講明，真係要等！皮薄餡靚，餡入面蝦米碎入口好香，一口一件，一碟好似唔係好夠。法棍 ★★★★真心有驚喜，值得一試。濃濃越南味。開頭都係諗住唔飽，又口痕想食法包。又係要等左好耐。個法包超脆，個特製札肉加埋個香菜，暫時香港其他地方未食過。三色冰 ★★★★三色果條好軟熟，除綠豆外加左花生，更有咬口，椰汁冰唔算太甜，不妨一試！越式冰咖啡 ★★★鍾意飲咖啡嘅人可以試下。香味濃偏苦後甘。但友人覺得好飲。總括 ★★★★覺得值得一試，因為街外食唔到嘅味道，而且價錢相宜，最重要係可以添加河粉，啱曬怕叫一個食唔包嘅朋友。唯一係河粉質素，我覺得係份量同烚嘅時間多少同夠唔夠所致。因為全人手，排隊時會見到門口職員用手來拎起河粉做一碗份量，時多時少，而加粉則用一小皿一小皿放好，要時取。另外，排隊時有一點都幾眼突。我見到職員執枱果陣，用客人用過嘅紙巾抹左大半張高枱。可能係好環保，但真心唔衛生囉！…查看更多

點了鹽酥雞、炸金菇，鹽酥雞是很大份很多粒，炸金菇也好像很紮實。吃下去椒鹽真的少得可憐，鹽酥雞真的很多...很多粉漿！雞肉真的很細，又沒有醃過。金菇是粉漿超大，但粉漿吸了油...好膩！也是太少味道。其實剛拿到的時候都有確認一次是否下了辣粉跟椒鹽，店家都說有的，但真的太少了！我不是吃很濃味的人，但也只吃到一丁點味道。…查看更多

尋晚好想食燒肉！咁就出左尖沙咀，求其上網搵一間，有位就訂左先～得返Bar枱都照殺！去到都算滿滿地，始終星期五，後面卡位又有公司聚餐，所以有即日訂都有枱算好彩。店員好細心教我地用IPad點菜，飲品唔包，但加$30任飲(汽水、道地茶系列、有汽利賓立、其中有一款啤酒)任食雀巢杯裝乳酪，第一輪會先上刺身船同燒肉併盤，咁一路食一路襟iPad絕對唔會浪費左等嘅時間。上菜可以話係神級快！點完轉過頭就出現係你隔離。佢份量係填一件黎一件，唔怕好似人地果d一份份，就算黎一份都係三件左右，件件一小片，啱曬想試又怕黎得多又大件嘅人，大食嘅填多幾件都會黎足！肉嘅質素雖然算唔上中上，但過得去，起碼唔係燒完柴皮同咬唔入。我個人覺得佢醃嘅肉唔錯！豬頸肉、壺漬肉、地獄雞翼、芝麻雞翼食完都有再encore。亦有海鮮，蝦、小扇貝，蜆同小蟶子一小兜兩三粒咁，用湯浸住燒，幾鮮甜。刺身同壽司都有好多款，推薦佢個黃金蝦卷、蟹膏軍艦同燒牛肉壽司，刺身就一定要食甜蝦！食到咁上下，炸物就都係蝦、蠔、雞軟骨味道普通，但最驚喜佢有炸榴槤！我食左一粒！好正！最後都有再叫！其他嘅有小蕃薯、香芋丸、芝士年糕、炸牛奶卷、炸抹茶雪糕泡芙等，炸抹茶雪糕泡芙堅好食！記得一上即食，因為雪糕係中間仲係凍嫁！炸牛奶卷如果你唔想浪費個胃嘅位，可以唔食......因為係炸麵包中間卷左奶糊嘅甜點。最後最後，我碌碌下個IPad竟然比我見到我的最愛！仲可以自己落手落腳燒！雞泡魚乾！可惜太飽！只可以幾塊！埋單送埋最後甜品，近年最愛Mõvenpick雪糕(雲尼拿、朱古力、士多啤梨揀一款)。今次依間真係我近依幾年食過最滿足嘅放題！下次去都會揀返Bar枱，因為後面卡位都幾油煙下，同埋卡位雖然係高櫈，但都算好闊落。推薦喔！…查看更多

今日下午茶試下依間咁多人排隊嘅好包「本人是包王(中學被封)，因為每次飲茶人地叫蝦餃燒賣，我就叫叉燒包、奶黃包、大包.......我真係無包不歡！」去到嘅時候大概三點左右，已經有好多巴打絲打等緊，落左單大概排15份左右啦。我叫左個1號香蒜椒鹽無骨雞翼包加綠茶菊花蜜。大概等左十五分鐘左右就有得食，我住得都算近拎到返屋企先食。一打開個包，當然係電話食先啦！陣陣香蒜味係個紙袋度撲出黎。打開有一隻半雞翼(三隻細雞翼)、生菜、青瓜、美乃茲(唔甜日本沙津醬)。講返個包嘅質感好軟熟，算係中上意大利軟包。雞翼比預期中有少少失望，因為香蒜較重、食落去只係覺得好似食緊有皮嘅肉，無咩雞肉味，但慶幸都無雪味。整體上，包同雞翼依個配搭真係好新鮮，同埋建議即場食，因為係即叫即做，過左一陣，個雞翼嘅熱力會影響配菜變淋。另外，我個人覺得配日式美乃茲真係有點多左，因為本身香蒜已經夠濃味，再加埋美乃茲，令到成個包鹹味太重，就算有青瓜同生菜都解唔到。綠茶菊花蜜偏甜少少，蓋過左綠茶味。少少見意，依個包想再醒胃些少，唔用美乃茲，改用黑醋塗係包再夾材料。食落無咁膩！又或者加多一片生菜或蕃茄，食落更清爽！如果單純想個包唔太乾而加醬，可以改用泰式雞醬，效果fusion 得黎又夠搭。因為本身個包做得好，會再支持，期待下次試慢煮豬腩肉包再同大家分享！…查看更多

第一次光顧裝潢都是大眾化路線，地點很方便。點了一個朋友口中很推介的鵝肝漢堡combo因為是現做的，所以時間比較長。如果是趕時間的朋友，可能要下次才來吧。店員很貼心的，知道點了combo 介紹我到旁邊拿飲料。snapple選擇蠻多的，也有汽水。選了新口味的snapple 便回到坐位等我的美味漢堡。過了十分鐘左右，一個份量十足的鵝肝漢堡便徐徐送到我桌上，店員也細心附上餐具和茄醬。我的習慣是先吃完薯條，後再細細品嚐漢堡。薯條份量適中，是比較粗厚的，是不錯。也有一點生菜的沙拉，可以清清薯條的油膩，再吃漢堡。漢堡是蠻大的，所以預先對切了，十分細心。但是傳統的我，絕對要用手拿著漢堡來吃！我跟你們說一口是咬不到全部的料喔。咬下去感覺很豐富......好像少了些什麼？我再嘗一口，明明全部都咬到了，還是少了些東西的感覺。芝士味好濃、生菜跟蕃茄也在後面出來了，然後舌頭就傳來一陣鹹味。沒錯，我完全吃不到鵝肝的味道。我把剩下的一半用餐具分開來吃。哪一塊漢堡牛肉真的是非常鹹，完全遮蓋了鵝肝的味。到這裡，大家都應該覺得我真的有點失望。真的除了漢堡牛肉之外，什麼都好。成也牛肉，敗也牛肉。…查看更多

細個食M記，成日以為M記o既漢堡包係外國人o既命根~點解咁鍾意食d咁o既野嫁......個漢堡扒又乾又......"鞋"原來天外有天包外都有包!大個仔試左咁多間漢堡包，依間真係值得一試~triple O's我揀左BC，其實見到佢張相都覺得會幾正~買左之後，真係真才實料!裡面夾著厚厚的煙肉和一個成吋厚的漢堡扒，煙肉同芝士的香氣已經分分四溢!同埋酸瓜放係面，對唔食o既人就方便又唔會影響到肉味!唔錯!咬落去都幾辛苦，因為唔想錯過個包o既某一部分，肉汁好濃，而且煙肉的油散發出的鹹香係口裡廣散~但係可能有生菜同蕃茄的關係，又唔會覺得太膩，塊芝士就唔駛講，正!另外，佢個薯條都真係好薯~好似食左一個薯仔~XD所以行過海港城，又諗唔到食咩~不妨試一下，我已經一試上癮~…查看更多

首先講下舖面，因為我去果日係第一日開舖，有一個人做promoter， 兩個人收銀加入袋，兩個人負責廚房promoter就好忙咁同客介紹佢地o既鯛魚燒同優惠(買一尾送一罐X事可樂)而兩個收銀就收錢入袋，但排隊的人唔多，圍觀的人就一籮籮可能兩個都幾生手，所以手腳都頗為慢，平均都要等2-3分鐘!(這方面有待改善)廚房方面都無問題，不過見到佢地都幾辛苦係咁流汗!講返食物，款式唔多，只有四款鯛魚燒(意大利、德國、法國、印度)但口味就幾特別!我就試左一個德國口味的鯛魚燒係芝士、薯仔、洋蔥等第一口咬落去，就好似普通的鯛魚燒，無咩特別!當咬第二口的時候，正中紅心 一陣陣香濃的芝士同熱騰騰的薯仔係口中發出共鳴!當中夾雜著熟洋蔥的甜香~非常好食!但因為佢價錢真係幾貴..........15蚊一個!真係三串魚旦先買得起佢一尾鯛魚燒:(所以都係試左一個咋!有機會行過CWB都可以試下啊~係times附近~…查看更多

:)其實一試無妨佢加果d料o既價錢又真係貴左d啦!:(不過旺角又多一樣飽飽地肚o既街頭小食~…查看更多