IvanLaw1的個人專頁

因為工作關係，經常喺中環放工經過Porker，已經留意咗佢一段時間。我本身非常之鍾意食吉列豬扒，以前曾經食過東京嘅成藏，但喺香港真係第一次幫襯咁貴嘅豬扒！Porker使用鹿兒島豚肉，我嗌咗吉烈熟成肉眼扒，我覺得味道幾好。Lunch time $200加一，價錢稍貴😢可惜豬扒煮到全熟，中間冇任何粉紅色，而且有一件炸皮鬆脫😅午餐 11:00 - 16:00 (LO 15:00)晚餐 18:00 - 22:00 (LO 21:00)…查看更多

早排去尖沙咀食自助晚餐，有生蠔、凍蟹腳、威靈頓牛柳、蒜蓉蒸扇貝、Movenpick雪糕，總共每位只需$317！有提供生蠔嘅自助晚餐，應該都係數佢最平！生蠔大部份鮮甜唔錯🦪，鱈蟹腳就普通D🦀。威零頓牛柳ok(但唔係包風乾火腿，而係包普通火腿，唔正宗)，蒜蓉粉絲蒸扇貝有驚喜，片皮鴨唔得...中湯例如蟲草花雞湯、咸菜豬肚湯都唔錯🍲甜品就真係主要食movenpick雪糕🍨人均價錢非常平，所以基本上一定返到本，亦唔會覺得特別中伏，食到一肚氣。服務正常，收碟速度都好快計埋加一先$317，性價比之選！…查看更多

今次我過到旺角，係想試吓之前有觀眾介紹我嘅極尚大喜屋，聽講有任食乾鮑、乳鴿、海膽軍艦...本來以為新裝修，環境會好啲。結果，都係同隔離檯非常之貼...總括嚟講，食物質素唔錯，必試一品乾鮑、皇牌燒乳鴿、香煎虎蝦。不過真係幾乎冇服務可言，例如攞位時我查詢有無闊落啲嘅座位，店員完全無視我，有/冇位都唔答我另外有漏單嘅情況，而且都唔止一樣兩樣，我嗌嘅彩虹芒果吉列蝦卷、芝士軟殼蟹卷、火炙鵝肝壽司，我等到食完餐飯都見唔到蹤影。…查看更多

https://youtu.be/izAZsz21CdQ今次我去咗旺角食日式鐵板燒，聽講做緊一個半價優惠，最平百零蚊就食到7道餸嘅日式鐵板燒午餐！$280 set lunch，半價後你$140+原價加一，食物包括時令貝沙律、松葉蟹肉茶碗蒸、一品貝料理 (鮮酒煮蜆)、甘鯛立麟燒 、和牛櫻花蝦炒飯、鮮貝煮湯 (蜆肉麵豉湯) 及廚師精選甜品 (西班牙燉蛋)總括嚟講，食物質素和味道比想像中好。尤其是鮮酒煮活蜆特別好食，味道鮮甜。另外甘鯛立麟燒都幾特別、幾好食。不過亦有不足之處，就係食物無跟餐牌次序上檯。例如炒飯竟然喺主菜之前送到，呢點真係需要改善。…查看更多

相信有留意酒店自助餐嘅觀眾，對重新營業嘅麗晶酒店港畔餐廳一啲都唔陌生。其中自助晚餐特別搶手，我需要提早3個月上官網book位。價錢一啲都唔平，不過網上評價/Youtubers拍片都話好食，再加上一年一次慶祝生日，所以就一家人去咗幫襯。港畔餐廳聽講係有拖羅、花膠、海參嘅高質自助餐，結果就中晒伏！首先講吓拖羅，第1轉攞嘅拖羅非常瘦，第2-3轉先至似樣返少少，但魚味仍然偏淡。三文魚刺身無三文魚味，惠康百佳買到嘅都好食過佢。凍海鮮種類少，三點蟹麵包蟹通通都無。鱈蟹腳好多都冇蟹味，感覺上有新鮮&唔新鮮，兩批溝埋一齊。花膠炆嘅時間唔夠耐，所以唔夠淋。鵝掌就夠淋啦，但係完全冇鵝味，你話係雞腳/鴨腳，我可能都會相信😨慢煮阿根廷西冷多筋位，而且無牛味。食物款式已經唔多，竟然仲有非常相似烹調方法嘅韓式年糕伴海參和韓式珍寶蚌？畀我嘅感覺就係，廚師無擺心機落去思考點樣去煮一道菜！😡最誇張係點餐飲時，我屋企人想點凍檸蜜，某位男職員話蜜糖攪唔溶，叫我們點熱檸水再畀蜜糖我們。不過因為天氣熱，所以我屋企人想點凍檸水，問男職員可唔可以要杯熱水攪溶蜜糖? 點知男職員話要杯熱水會計一杯餐飲！唔講仲以為去錯咗麗晶賓館🤣食物質素強差人意，唔通我畀差唔多$1000一位，真係淨係過嚟睇維港夜景！？好食😋：凍蝦(無拍低，新鮮有膏)/韓式珍寶蚌/清蒸海斑/巴斯克芝士蛋糕/萄撻唔錯Ok嘅：龍蝦/鴨肝水果莎莎/忌簾野箘湯/自家製雪糕難食😫：加菲蟹/三文魚刺身/慢煮阿根廷西冷/泰式羊架/片皮鴨/鵝掌/鮑魚/印度鷄肉炒飯/黃瓜排骨湯其它無特別提嘅食物應該係普普通通，或者無食到…查看更多

  筆者最近才發現自己家附近原來有間開了很多年的麵家－英記麵家。筆者在附近住了十多年都從來沒有光顧過英記麵家，可能是因為英記麵家裝修較為簡陋，所以不自覺對它有負面的看法。直到今年四月一次跟父親外出吃午飯，筆者才第一次光顧英記麵家。那天叫了炸雲吞湯麵，實在是有點兒失望。但試了父親叫的牛腩湯麵後，便自此愛上。  昨天，筆者舊地重遊，一次過叫了牛腩湯麵和叉燒湯麵。現在香港$28這麼大碗麵，實在少有。比起筲箕灣東大街那些餐廳，一個午餐閒閒地都要超過$40，又少餸多麵，有的更少餸少麵的情況，不知好幾多。牛腩湯麵和叉燒湯麵各自配不同的湯底，多餸多面，而且還跟幾條油菜。牛腩和叉燒的肉質鬆軟，麵條爽口。  值得留意的是英記麵家營業時間是由上午九時至下午七時，繁忙時段大約是中午十二時至下午二時。…查看更多