yanyan0808的個人專頁

呢間係喺大角咀嘅一間小店，有韓國嘢食所以入左來，餐廳唔大好有人情味，中午嘅時候同朋友一齊買外賣食，韓式飯卷睇落好吸引，有三款揀，分別係辣豬肉、牛肉同埋原味～ 食咗一個牛肉嘅，紫菜上面充滿滿滿嘅芝麻油香味同白芝麻！同日式飯團壽司比起上嚟，本身已經調好味，所以唔需要再額外加醬料，飯卷好多料，仲多個飯好多，感覺到好有誠意，有牛肉、蘿蔔、蛋絲等等好夠飽肚！口感勁豐富！覺得比起尖沙咀嘅飯卷仲好食！另外叫咗一個set lunch，50蚊可以菜同主食配搭，加左10蚊要芝士安格斯牛肉漢堡🍔 佢選擇夠彈性，可以配唔同嘅主食，飯面沙律都得，食得韓國嘢梗係加$10要韓式拌飯，果然冇揀錯，因為有芝麻油香，有波菜、芽菜、蘿蔔、紫菜、粟米等等，鹹鹹香香，脆卜卜，口感好好，芝士溶落去好Juicy , 牛肉份量都好多，厚身既安格斯牛肉，肉味好濃郁，超級飽肚， 檸檬茶都好足料，呢個價錢嚟講幾抵食，又多選擇！…查看更多

味道一般，重點係熱菜全部都唔熱，炸野全部都唔脆，去大排檔食個炒菜都好味好多因為就朋友食素所以來，但全部都好一般，湯無味，羅漢果水無味，選擇都算多但因為唔熱無穫氣所以好勉強，全場最好味係冷盤涼拌青瓜同溏心蛋，但178一個人… 唔抵囉…查看更多

呢間係專做外賣店，經過見到價錢幾相宜！果子無骨海南雞飯，$35，大角咀嚟講呢個價錢性價比好高！雞肉好嫩滑，冇骨食得好開心，雞皮唔會好油，加埋三款醬汁有唔同口味個人最鍾意係佢嘅秘製醬汁超開胃！油飯香得來夠乾身唔會好膩，仲有一個跟湯，飲落咸度岩岩好，好清爽嘅冬瓜薏米湯，夏天消暑！海南雞飯雖然價錢咁平，但係質素都唔錯，伴碟嘅青瓜同生菜都保持到爽脆！雞飯佢有兩款，$35嘅海南雞飯係用黃油雞，貴啲嘅另一款文昌雞飯就係用走地雞，下次可以睇吓有咩分別🤣但係個人都幾滿意呢個海南雞飯覺得性價比好高！另外叫咗一個菜同埋酸辣鳳爪同朋友share, 幾鍾意佢嘅菜係輕手調味過，有另外豉油俾你點，可以控制咸度，如果健康啲可以直程唔落呀！鳳爪辣度嚟講係BB辣，基本上唔食得辣嘅人都可以食到，酸酸甜甜好開胃，鳳爪都幾彈牙入味朋友叫嘅係沙嗲串燒飯，50蚊有雞肉牛肉同豬肉三款各一，唔會食到怕悶，底下面仲有花生炸完10分香脆，魚乾仔都好香口，雖然只係外賣飯盒，但係都齊晒配料幾有心思！…查看更多

呢一間係喺觀塘裕民坊嘅餐廳，環境都幾清靜，仲有戶外對出嘅卡位，可惜去嘅時候落雨，所以就坐咗喺餐廳入邊，環境方面都幾闊落，同埋侍應都好貼心，雖然坐咗喺比較入邊嘅位置，但係都會不時過嚟加水同埋收碟！餐牌有跟set同單點嘅選擇，都幾多款式！🌈我叫咗dinner set，卡邦尼煙肉意大利粉$108，有餐湯同嘢飲～ 卡邦尼意粉都幾正宗蛋香味比較濃嘅意粉，唔係忌廉嗰一個款，煙肉幾香口，加埋菇菇令整體唔會油膩，反而口感層次豐富，麵質係比較有彈性，唔會太腍，我都幾鍾意呢個口感！🌈另外小食叫咗酸忌廉煙肉碎薯條$68除咗薯條上面會灑上煙肉碎之外，佢係點嘅酸忌廉入邊拌勻左煙肉碎，所以每一下點嘅時候都會食到煙肉，但整體又唔會食到成手污糟晒，10分香口，另外仲有茄汁，所以兩樣可以加埋一齊點，份量幾足，傾偈嘅時候食得幾開心！🌈柚子雞翼$68雞翼有5隻，隻隻都好飽滿又多汁，同埋出邊嘅係煎炸完好香脆既外皮，然後再加上柚子醬拌炒，味道會特別濃郁，酸酸甜甜好好食！🌈朋友叫咗龍蝦汁波士頓龍蝦意大利飯，佢呢一個就貴啲同埋唔係跟餐，但因為朋友想食海鮮，所以就叫咗呢個～ 龍蝦都幾新鮮，因為好易離殼，仲有龍蝦籽同膏係上面，龍蝦🦞鉗都開得好過癮🤣 意大利飯就係龍蝦汁嘅味道，飯嘅質地唔會過腍，有少少煙靭嘅口感，好吸龍蝦汁！呢間餐廳鍾意佢整體嘅味道啱啱好，唔會太過濃味令人口渴，同埋嘢食嘅份量都幾大份，唔會好似一般西餐咁好似食唔飽，環境都舒服！…查看更多

太子都幾多餃子店，呢一間裝修光猛好闊落，想傾吓偈坐得舒服啲就入左呢一間兩個人一人叫咗一杯嘢飲，有山楂雪梨水同埋檸檬薏米水，如果食辣想解辣嘅話就建議山楂雪梨水，檸檬薏米水會再甜少少，兩款都幾清甜！菜甫都好正！兩個人叫左三份餃，當然最出名就係係佢呢一個至尊松茸豬肉餃，套餐跟左講明冇味精嘅狀元九鼎湯，8隻80蚊，價錢稍貴，但寫明用新鮮豬肉同新鮮本地菜，每日即包，每隻都好大隻，性價比都唔錯，松茸寫咗好多對身體好既嘅功效，入口的確香菇味好重，同埋比起其他嘅餃子內涵會更厚實，啖啖肉！ 個湯好清甜，唔會鹹或者有味精嘅感覺，好順口，有無花果、蘋果、淮山同埋豬尾骨，感覺10分健康另外都叫咗一個白菜豬肉餃，46蚊7隻，呢一款比起松茸豬肉較味道上會比較清爽，口感豬肉彈牙，加埋白菜好爽口，湯餃好夾另外叫咗10隻軟心芝士餃，$69蚊10隻，好欣賞佢煎餃個皮好薄，外皮香脆，仲可以見到透出嚟嘅粟米顏色，所以唔會好膩，軟心芝士餃鹹香香，流心好正，加埋啲粟米中和同增加口感，粟米必欣賞佢嘅新鮮粟米保持爽脆到整體層次感好足，推薦！…查看更多

餐廳比較開陽，但係又唔唔會太嘈整體張枱都幾大坐得幾舒服餐牌一目了然，晚餐套餐都幾多選擇，最鍾意係佢嘅套餐已經配咗餐包、餐湯南瓜湯同埋沙律，薯仔藜麥田園沙律比起一般嘅沙律落多咗心思，餐包又有牛油同埋果醬，加埋嘢飲百零蚊好合理嘅價錢！同埋店員服務態度都好好，有問又答，感覺幾好👍🏻 朋友叫嘅套餐係香草烤雞半隻配鮮茄意粉 🍝 $128 ，雞嘅份量都幾大隻，肉都幾嫩滑，個皮烤得幾香脆唔會油！鮮茄意粉醬汁味道都幾好，酸酸甜甜好開胃，配菜嘅西蘭花翠玉瓜同埋蕃茄仔都幾多汁！我叫左輕煎刺身級帶子鮮蝦蛋黃忌廉汁手工意粉$168，呢一個寫明係手工意粉，同朋友嘅鮮茄意粉比起上嚟更加有咬口，如果鍾意質感更加厚嘅意粉就應該叫呢一個，手工意粉醬汁方面比較濃稠食落好香滑，蛋黃忌廉汁質感整體濃郁，好掛面，同手工意粉好夾，帶子係刺身級，所以入邊好嫩身，好似魚生咁，只係出邊輕輕煎左一下，保留咗新鮮帶子嘅嫩滑感，！另外兩個人都叫咗一個小食share金沙薯條$78，份量都幾多，係脆脆粗薯條🍟 上面有滿滿嘅鹹蛋黃醬，鹹鹹香香，好邪惡又好好食！仲有香蕉朱古力窩夫🧇，套餐另加$50，同朋友share份量都幾足夠，本身想食心太軟，但因為太夜去，所以賣晒嚕，香蕉上面有焦糖醬外脆內軟好香口，帶有微微嘅焦苦薄脆面，配上雲呢拿雪糕好夾，窩夫係比較厚身，但外層窩夫保持到熱度同香脆，食落又會有鬆軟感，加埋忌廉同雪糕好正！…查看更多

呢間餐廳一上到去原來係全層都係佢地，好大好chill , 枱同枱之間唔會迫，仲有落地大玻璃窗，空間感唔錯！menu 價錢都幾好，喺銅鑼灣地點100-200到一個set lunch , 有野飲、湯同甜品，性價比唔錯🩷叫左一個牛油果海鮮路易沙律$168 跟粟米周打蜆湯，法式焦糖燉蛋、杏仁餅同飲品，粟米周打蜆湯入邊有粒粒粟米同蜆仔材料都幾豐富整體幾濃郁偏重口味加埋沙律就啱啱好啦！沙律開頭以為係普通嘅牛油果沙律同少少海鮮，但海鮮嘅份量出乎意料地多，有蝦又有帶子，仲要煎得好香，幼身蘆筍都幾特別少見，幼身無渣，牛油果幾creamy, 雖然係沙律，但係絕對夠飽肚！個醬汁微辣香口整體好開胃！七道菜餐單$398⭐️意大利雜菜湯同⭐️沙律，湯既味道比周打峴湯清爽開胃，伴碟既法包好有心機茶左蒜蓉同焗到好香口，配搭唔錯！沙律菜新鮮爽脆！⭐️鮑魚海鮮拼盤呢個真係好出色，知道有鮑魚但其實唔知佢上咩堂先水道，脫髮有好多款同海鮮包括青口熟蝦、蜆、八爪魚！仲有好多汁既牛油粟米同薯仔，除左鮑魚得一隻外，其他海鮮都有兩件！鮑魚都幾大隻，口感都唔會好靱 ，彈牙爽口，配卡真醬香料味好重，吊曬海鮮鮮味出來！⭐️阿根廷安格斯肉眼牛扒（8oz)我叫咗七成熟嘅牛扒，切開啱啱好，肉汁都幾多，set得幾好👍🏻 肉眼整體脂肪分布均勻，唔會好肥膩，牛肉煎得好香口有牛味！伴碟可以嘗試幾種唔同嘅味道，可以就咁食原味、加鹽、或者香料芥末醬、同埋餐廳煮嘅牛汁，個人最鍾意就係辣辣地嘅芥末醬啦！⭐️烤焗芝士通心粉面頭芝士好香濃，食得出係有幾種芝士混合埋，開頭以為入邊應該係普通嘅通心粉，入邊都有撈到滿滿芝士嘅醬汁，同面頭芝士唔同既味道，比較香滑奶味重，加埋有少少煙肉碎鹹鹹香香同粟米，口感層次都唔錯，一個人食就啱啱好的份量～ ⭐️法式焦糖燉蛋佢係一道凍嘅甜品🍮，質地比較厚實，好濃嘅蛋香味，夾住雲呢拿嘅香甜，係比較濃郁厚實嘅燉蛋，面頭既焦糖香脆微甘，中和燉蛋既濃郁，有層次感呢間餐廳野食嘅份量好多，本身以為7道菜會每碟細細地過下口癮，但份量多到以為自己叫main dish 🤣 我建議如果兩個女仔食嘅話唔使一人七道菜，可以七道菜再加個主食share就足夠，或者將佢嘅牛扒升級做12安士都夠兩個女仔食☺️ 呢一間餐廳我覺得坐得好舒服，同埋佢嘅音樂都好特別，係一啲80年代90年代嘅英文流行曲，氣氛都好有mood , 店員又超nice , 會介紹野食同換碟斟水，好有禮貌！…查看更多

呢一間餐廳要喺將軍澳Pop轉一架升降機上一樓，可能因為上左一層，所以都幾靜環境都幾舒服，唔會好嘈，幾啱同朋友傾偈，本身係朋友想試吓圍爐煮菜又唔想返大陸咁遠而揀呢一間餐廳，主打成都嘅菜式，入到去地方幾寬敞，啲凳係特別矮嘅，有種圍爐煮茶嘅道地感！一入到去首先會有圍爐主茶嘅餐前小菜，如果係午市嘅話就會有唔同嘅茶底同埋配料，好似好特別！晚市嘅話呢就會簡單啲～ 店員首先會喺爐中間放咗一壺茶，然之後就會有四種小菜，全部食材都已經熟咗，只需要加熱3-4分鐘就得，同朋友夾下夾下好過癮！有栗子、紅棗、花生同埋南瓜，份量唔多，每樣幾件，但係都好新奇嘅體驗，同埋整體十分之乾淨衛生，傾下計燒下幾過癮。同朋友揀咗一個鰻魚滑酸菜金湯鍋$288，因為我同朋友都唔食得太辣，呢個金湯香得來就唔會太辣，啱啱好！佢另外有一個蕃茄牛腩，我都係唔辣嘅選擇，當然食得成都菜嘅話辣嘅話都會好香口！我同朋友喺度揀緊小菜配料嘅時候，店員好貼心咁行過嚟同我哋講其實一個鍋入面已經有咗好多材料，可以到時個鍋上咗睇睇份量先，唔夠再加，果不其然個鍋已經有咗好多材料🤣 多到嚇親，材料方面真係好大方！基本上餐牌入邊嘅配料入邊都有，包括鰻魚滑、鵪鶉蛋、豬肝、巴沙魚、午餐肉、豆皮、香腸、蝦滑、滑牛肉、筍片等等，鰻魚話我係第一次食，香嫩唔會腥，質感係香糯軟滑，同平時嘅蝦滑墨魚滑質感都幾唔同，好新鮮特別！我同朋友想食多啲肉，就加左碟滑牛肉，好好食，$58嚟講份量非常之多夠兩個人食！同埋因為個湯好香，所以就加咗一個冬瓜，吸湯入邊嗰啲精華，煮完又軟熟又好味！出邊有個調料區可以自己加減口味～ 另外都叫咗10串串燒嘅雞腎，佢其實每一串都好似半隻手指咁大寸，係小串串，但係$18.10寸呢個價錢嚟講十分之公道，我建議大家唔好走辣，因為上面嘅辣粉同香料加埋雞腎先夠香脆惹味，雞腎爽口好好食，下面仲有一個小火微微保溫加熱啲串串，所以唔會急住食，可以一路食火鍋一路得閒食兩串，唔會話越食越凍都幾貼心！另外叫咗一個$28嘅拇指小籠包，好鍾意佢細細粒，咁樣嘅話唔會太滯太飽食唔到其他嘢，大概有10粒到，出邊煎得幾香脆，仲有芝麻喺上面好香口，入邊嘅話肉汁都幾多，外脆內軟唔會好厚皮☺️下次再食下完整版嘅圍爐煮茶先！…查看更多

同朋友收工嚟嘅呢一間尖沙咀泰式菜，空間咁好強，我哋揀咗個位係對住出邊馬路，個位冇乜人經過，靜靜地，可以吹下風好舒服，餐廳都比起連鎖式餐廳更加人性化，唔會趕你走限住時間咁，都幾好！餐點方面除咗平時常見嘅泰式餐點之外，都有好多fusion嘅泰式菜，都幾特別！前菜叫左四式拼盤（墨魚餅、蝦餅、春卷、開返雞） $188呢個份量我覺得兩個人食啱啱好，都幾大份，春卷餡係素既，餐牌入邊都有素春卷嘅選擇，我覺得都比素食嘅人有選擇option都幾好，另外烤雞嘅話外脆內軟，入邊肉汁都幾多，兩樣脆身都來都唔會油，最好食就係蝦餅同墨魚餅，都係非常之彈牙同埋好大件，粉感唔重，好真材實料嘅感覺，好貼心咁有兩個醬汁，一個就係酸甜醬，一個就係酸辣汁，個人比較鍾意辣啲開胃啲嗰個！泰式青咖喱炒雜菌意粉🍝 $108呢個如果食唔到太辣嘅朋友可能就要叫另一款🤣 開頭以為會係比較港式嘅青咖喱，原來都幾接近泰式嘅辣度，我平時食開譚仔5小辣嚟講都覺得有啲偏辣，炒起上嚟非常之乾身香辣，好開胃！叫呢一個無肉既都係因為素食朋友嘅選擇～ 佢仲有軟殼蟹、蝦等等好多款嘅fusion！ 芒果糯米飯配椰子雪芭呢一個芒果糯米飯，佢係用咗黑芝麻放喺糯米飯上面☝🏻 所以比平時嘅芒果糯米飯嚟講更加有黑芝麻嘅香味，同平時有少少唔同，椰子雪芭係非常之Creamy，好香椰奶味，比較甜，再加埋本身芒果糯米飯上面嘅椰汁就更加香甜，芒果份量都幾多！啤酒🍻$58 同芒果沙冰$58 好彩有叫到芒果沙冰，因為個意粉真係有啲辣，佢嘅份量超級大杯，一渣啤酒咁多，可以慢慢飲成晚！覺得呢度同平時嘅餐廳比較唔同，就係比較超，唔會話趕住要食完走嘅感覺一大班朋友可以飲吓啤酒吹吓水嘅話都幾開心！…查看更多

一到嚟已經見到好多公仔，如果係bearbrick fans 嘅話一定要影相！好岩打卡，餐廳好明亮，位置好寬敞，喺尖沙咀嘅餐廳嚟講坐得算係非常舒服，同埋好欣賞佢有一啲分隔嘅設計令到唔會同隔籬枱太近，好有私人空間感，成間好多唔同嘅熊熊裝飾花巧都有恐怖只係每一個地方都有小驚喜！Mocktail ☺️打卡一流超靚！有好靚既橙乾同花花做裝飾，感覺好少女心，女仔來講勁鐘意！味道以橙為基底，有芒果既香味，酸酸甜甜，作為starting drink唔錯～ 烤焗醬燒豬鞍排 $188呢個係必食，首先份量超級大塊，比起手掌仲大，我地兩個女仔share岩岩好，豬鞍肉質非常好，有豬肉香味，醬燒得非常入味同香濃，但又唔會過鹹，豬扒咁厚咁大塊但都保持到肉汁，唔會乾鞋口，油脂相對較重，但係豬油亦都令到成個豬扒更加香滑！伴碟嘅紫薯蓉幾特別，同埋蔬菜生熟脆硬都煮得非常之好，覺得好認真，呢個價錢嚟講有咁樣嘅質素真係必食推薦！卡邦尼意粉$118呢個係忌廉煮嘅卡邦尼，味道好香濃奶味，質地好滑身，醬汁份量足夠，唔會令意粉覺得乾身，煙肉仲好脆口，鹹鹹香香加埋一齊好好食！心太軟雲呢拿雪糕$78一上到嚟個個碟都好靚心太軟外脆內流好夠熱朱古力味係偏苦同香口唔會太甜，配埋雲呢拿雪糕一熱一凍，層次好豐富，仲有少少藍莓同士多啤梨，酸酸地唔膩又好食🤣呢間餐廳最抵讚真係坐得十分之舒服，好有空間感，靠窗嘅位置又開陽，喺尖沙咀嚟講係一個傾偈嘅好地方，價錢適中嘢食幾好味可以再來！…查看更多

呢間係北角嘅究極堂環境超靚，好似日式居酒屋🏮有一個吧枱後面有好多唔同嘅清酒，氣氛好好，張枱都幾大，就算坐低都唔會覺得好逼夾傾偈起上嚟都好舒服，價錢上我覺得性價比10分高，居酒屋來講平到有啲出乎意料！究極炎之丼 $138我覺得燒過嘅魚生嗰種焦香會令海鮮油味更加香，所以就叫咗隻燒嘅海鮮丼，入邊有好多唔同款嘅海鮮，有魚、帆立貝、蝦、明太子同埋吞拿魚等等，全部都好新鮮！蝦口感爽彈，魚油味超級香口，除咗海鮮種類好豐富之外，佢嘅飯都係調味過嘅飯，所以同壽司係有分別，更加香口同滑身！明太子芝士玉子燒 $78明太子芝士玉子燒嘅份量，仲大過手板，係比較嫩滑嘅玉子燒口感，明太子同芝士鋪滿滿一層，所以口感層次非常豐富，明太子醬之外仲有蟹籽喺上面☝🏻好香好濃郁既味道海膽左口魚邊蝦卷 $78左口魚鋪上面，魚香味油香滿滿，蝦卷喺中間卜卜脆，海膽係濃郁口味，大方地鋪上面好creamy , 三種味道夾埋好香，十分推薦！炸芝士條 $58嚟到居酒屋當然要食啲香口嘅嘢，芝士條入邊係會拉絲㗎！外脆內軟鹹鹹香香好啱送酒！炸雞軟骨配海膽醬 $58炸雞軟骨每一粒都係薄皮好薄，唔會成口粉，脆身得來有咬口，適合送酒，海膽醬嘅話令到雞軟骨唔會淨係鹹味，帶啲海鮮嘅感覺！牛油帆立貝（粟米汁）配薯條 🍟 $88牛油帆立貝有四隻，大約麻雀咁大，份量都唔少，彈牙有貝味，粟米汁掛身濃郁，味道甜甜鹹鹹，可以加埋側邊嘅薯條一齊食！ 巨峰提子梳打，青檸梳打因為一陣同朋友睇戲，所以就冇叫酒，但係佢嘅酒都非常之多種類同吸引🤩！ 同朋友叫嘅梳打非常之清爽，唔會太甜，好啱炸物☺️呢度環境好好，店員服務都好好態度，嘢食嘅話份量幾多，完全冇傳統日式居酒屋驚食唔飽嘅感覺，兩個人五百幾蚊嚟講性價比十分之高，大力推薦！…查看更多

呢一間燒肉店門面都幾大，坐得好舒服，亦都唔會話油煙味太重，呢間係日式燒爐，細細個慢慢燒，定量式嘅燒肉，有100克同200克選擇，亦都可以另外再單點，所以就會比放題嘅更加精緻同埋性價比高啲，適合啲平時食唔到好多嘅人！鹿兒島豚五花燒肉套餐$195（200克豚肉）好鍾意佢每一種肉都會講番自己產地喺邊度，食得更加安心，燒肉嘅話豬嘅油香味非常之充足，燒到脆邊焦香好正！配上既日本新潟縣珍珠米～ 仲有麵豉湯雪糕同野飲～ 豬油香味再加少少飯好惹味，仲有好多款醬汁可以揀！日本宮崎A4和牛牛肩胛套餐$240/100克喺澳洲、美國同日本嘅牛入面選左日本和牛！牛肉味好香，唔會一陣雪味，牛肩部運動多，所以相對口感結實而軟嫰，肥瘦適中，好適合燒肉！芝士煙肉手羽先$38兩件呢個組合無輸，好香口，有芝士加肉汁所以好juicy ! 魷魚鬚天婦羅$28天婦羅炸得夠脆夠熱，粉漿唔會太厚，幾高水準，下次好想食雞皮餃子🥟！燒鰻魚串，燒鮑魚串$58去一般放題唔會出現既option , 好得意既燒鰻魚，份量都唔錯，手板咁長，即燒好似日式便當咁，油香滑身，外邊微微脆邊焦香！燒鮑魚串本身已去殼，所以都唔會好難操作，口感彈牙，唔腥，加埋燒汁幾特別！☺️味醂魚乾$28魚乾有啲韓式嘅感覺，本身已經有少少調味，香口又咸咸香香，咬到最後會有海鮮既甘甜味，好岩送酒，燒完要即刻食，如果唔係凍左就會硬咗，所以慢慢逐塊燒逐塊食，唔好一次過落曬去燒啊！$28蚊來講份量好多呢～ 呢間全日都唔收+1服務費，性價比真係好高，食得少同食得多都可以搵到自己啱嘅份量！推薦🩵…查看更多

天氣好熱經過尖沙咀，去咗小黑糖飲嘢，有好多款飲野選擇，因為見佢啲名叫做小黑糖咁當然叫返特色嘅黑糖飲料！小黑糖珍珠鮮奶⭐️黑糖珍珠都幾多，份量好足料，鮮奶一入口覺得好滑身，鮮奶好香唔會好淡，有厚奶感，整體感覺濃厚，黑糖珍珠質地好煙韌，咬入去嘅時候都有黑糖味，亦都唔會好甜，整體有種好香醇嘅黑糖味！比起一般嘅糖更加有質感，好幸福嘅感覺🌈個人覺得黑糖本身都幾夠味，所以30%嘅甜到剛剛好！另外叫咗一杯茉香綠茶另加芝士奶蓋，叫咗無糖所以更加感受到本身茶嘅甘香，飲咗兩啖之後搞埋芝士奶蓋一齊飲，就有種淡淡嘅奶香同埋鹹味，質地都幾厚身，層次豐富，呢一間店黑糖嘢飲真係必點啊！…查看更多

同朋友慶祝生日，所以中午嚟咗呢一間餐廳食，我哋嚟嗰陣隔離枱係明星添呀！呢一度中午嘅環境非常之清靜，雖然未係夜晚有live bar 音樂，但係兩個人傾偈嘅氣氛都非常舒服，我哋嘅環境仲可以望到對面海！所以我同朋友都一齊向窗坐，望住海景食飯，雖然係咁靚嘅環境，但係價錢一啲都唔貴，性價比唔錯，每碟份量都幾大，每一樣都感受到好認真煮，佢嘅set lunch百幾二百蚊有晒前菜麵包🥯、沙律、主食同埋甜品！餐包有兩款，熱辣辣好脆口，加埋牛油好香，好味到我哋兩塊都食晒～前菜湯好認真整，上面仲有畫花既忌廉，入口好creamy ! 有鮮味既餐湯🌈沙律🥗係自家醃製洋蔥西班牙火腿田園青瓜沙律～好少出面跟餐嘅沙律會有西班牙火腿！入口鹹鹹香香，加埋好清爽嘅青瓜同稍微有點辣味嘅洋蔥，整體十分之開胃！因為見佢沙律整得好出色，所以另外單點加咗一個煙三文魚凱撒沙律$118，份量好大份，2-3個人share啱啱好，有四件厚切嘅三文魚，煙燻三文魚口感滑嫰，厚切感覺好奢華！配菜好認真，下面有好多脆脆卜卜既煙肉，同埋巴馬臣芝士粉好足料，每一啖麵鹹鹹香香，唔會好似淨係食菜好分離嘅味道，非常有驚喜，我覺得好值得單點！好耐未試過咁有心機整嘅沙律～ 主食方面，同朋友一人叫咗一個～慢煮紅酒牛肉面 配薯蓉甘筍粟米🌽$238係牛肉嘅面頰，唔係麵條💁🏻‍♀️第一次食牛肉嘅面頰，質地同平時嘅牛扒非常之唔同！食落係非常之軟身，柔軟多汁，入口即溶，有骨膠原嘅質感，牛味好重，完全冇需要咬嘅感覺，肉香滿滿，同埋佢已經分左4分，所以食起上嚟都十分之方便～ 加埋佢嘅薯蓉，用咗好多香料同埋牛油🧈 滑身軟綿有驚喜！蟹肉三文魚子韭黃蘑菇伊麵龍蝦汁$218朋友叫嘅伊麵一上台，我哋都哇哇聲！上面係滿一疏疏嘅蟹肉，唔係罐頭嗰種碎肉，一疏疏蟹肉食落真係超滿足，彈牙鮮味，三文魚子畫龍點睛大，帶起左整體嘅鮮味，龍蝦汁濃郁度高，好似海鮮盛宴🤣 如果面嘅質感再硬身少少就更滿意！啲面全部掛晒海鮮嘅濃郁，每一啖都好好食，整體真係好認真，落咗好多唔同嘅海鮮同埋材料入去，令到每一啖都有唔同嘅口感同鮮味，我覺得呢一間店真係好認真煮🌈甜品方面，本身以為跟餐甜品應該係簡簡單單，點知竟然有三件唔同口味嘅小蛋糕🍰有朱古力味、莓味同埋芒果味，細細件唔會太滯又食到三隻味道！moose 好滑身, 個人覺得味最濃郁，好好食！因為朋友食完上面嘅蛋糕覺得好好食，所以我哋叫多咗一個焦糖蘋果蛋糕$78，上面係酸酸甜甜士多啤梨，反而蘋果味唔係超級突出，微微甜香，最驚喜嘅係佢嘅焦糖係焦香微苦，非常有質感，唔係好死甜個一種，令到成個甜品層次好高級，有驚喜！呢一間店坐得舒服，風景又靚嘢食，好食得來唔算十分之貴，我下次諗住夜晚有live 音樂再食多一次！…查看更多

呢一間係朋友食過推薦嘅日本菜，一入到餐廳環境好有日本氣氛，坐得舒服，餐單食物上面嘢食種類都幾豐富，我哋兩個人叫左900幾蚊，開頭怕日本菜份量偏少，但呢間每樣都幾豐富，三個人食都飽🤣幾豐富！🌈極上大漁貝燒$98因為朋友怕太生嘅野，所以我哋首先叫咗個漁貝燒，真係超大隻，係一個手板咁大嘅貝殼，入邊好細心已經幫貝殼起晒肉剪好入口大小，所以食嘅時候唔會好麻煩，好方便，一隻貝殼入面嘅帶子竟然可以切到四至五粒！入邊仲加咗其他嘅海鮮入去一齊煮，滿滿嘅湯汁，我開頭仲以為係燒烤添，海鮮新鮮得來又暖胃，入面嘅貝肉都係爽彈鮮甜，仲有蝦同埋蠔等等其他嘅海鮮！雖然冇生食魚生咁原汁原味，但係湯汁又有另一番海鮮嘅風味！🌈海膽蟹味味噌甲羅燒$78呢一個都係熱食嘅，質地上偏向似濃郁嘅牆，海鮮味比起味噌味更加重，有濃濃嘅海膽同埋蟹膏嘅味道，鹹香得來我覺得就算空口食都好易入口，配唔配餅都得～ 🌈蜜糖芥末安格斯牛肉沙律$128呢一個係冷盤，蜜糖芥茉醬係淋左上牛肉上面，所以整體係酸酸地，醬汁幾開胃，仲有少少魚子喺上面，一入口會爆開，口感好豐富！牛肉嘅話每一片唔算超厚，但肉味重肉質嫰，作為沙律嚟講都幾清新到，蔬菜都係爽甜！🌈黑門令鰻魚漢堡$178呢一個超級有驚喜，開頭以為係普通嘅鰻魚壽司，點知鰻魚係每一舊都有超厚兩層，分別喺飯團嘅面同埋底，非常之大份仲多過啲飯，所以入口超級滿足，冇骨，鰻魚香滑，味道調得好，如果再加多少少蔬菜喺漢堡入邊就更加好啦！呢一個份量好大份！🌈黑門三文魚加州反卷$128三文魚🍣新鮮，雖然唔係用三文魚腩比較肥嘅位置，但係三文魚嘅油香都好香，令到整體唔會好似普通飯卷咁乾身，加埋如此同埋入邊嘅配料，整體口感好豐富, 6件來講份量都好足夠，我哋食完就覺得開始有啲飽🤣🌈三文魚牛油炒雜菌$68食完生冷嘢之後叫嘅熱菜，三文魚係一粒粒，口感札實，成盤牛油香味好重， 菇菇嘅有兩三款，唔同嘅口感～ 🌈野菜天婦羅$78有茄子🍆香菇同埋椒，掛面嘅粉漿幾輕身，脆得來唔油，唔會有油溢味，菇菇超值得一讚，外脆內軟，仲保留入面滿滿菇菇水分，超香菇味！🌈白桃雪葩 $118最畫龍點睛嘅係甜品，開頭以為應該係普通雪葩，點知佢應該係成個桃放咗入冷凍庫，所以其實一送上來嘅時候都係冰嘅口感，雪葩嘅溫度都可以保持！雪花係軟綿綿嘅質感，奶味比較重，到食晒雪葩，傾一陣計，等個桃軟化左之後再挖入邊嘅桃肉一齊食！桃🍑幾新鮮，好多汁清爽嘅口感，不過就真係要有少少耐性，等佢軟先食到～ 呢一間餐廳係尖沙咀來講坐得舒服，唔會太迫，整體環境好好，嘢食好味同埋份量係日本菜中都算幾多🤣 有機會都會再去🌈😀…查看更多