no1smartandy的個人專頁

地味十足（香港🇭🇰情）第一集係白田住既，我深信一定會見過依間食店，佢名不經典，無名氣、亦唔係味道好味到驚為天人，有的只有濃濃既「佬味」、「人情味」，他的名字係「好景燒味店」。正所謂10年人事幾番新，依間鋪頭係10年前我已經幫襯，簡陋小店，味道一般，不過勝在貼地平價，10年前如果我無記錯，單拼燒味$15、雙拼好似都係$18，而且大大碗，絕不欺場，今天我再經過此地，舊店依然健在，特意入去懷緬一下:)油雞叉燒飯$35、鹹蛋燒肉飯$34、蓮藕雞腳湯$6鋪頭依然係路邊放置枱，供客人用餐，在路邊用餐，十年如一日，用餐時都有好多老食客及多年街坊光顧，進食時都聽到佢哋喺度談笑風生，講講近況，其中一個食客同老闆講比碗好景例湯我，大家都好熟悉，好有人情味。至食物方面，燒味嘅味道同埋質地說稱不上驚為天人，咁味道同口感都算中上，而且大大碗很大份，例湯很足料而且冇味精，雖然價錢比10年前貴左，仍然保留平價同埋味道依舊實而不華，盡展人情味。…查看更多

以前都食過津津，味道幾好，而且價格都好優惠，以前喺當仔嗰度，基本上每一日都係帶着一條好長嘅人龍，有重慶涼麵/肥腸麵/酸辣粉/小雲吞等等，因為生意好咗而家入咗鋪位，有座位可以坐喺度食，今日就試吓味道同水準有冇唔同到。鋪頭雖然唔係好大，但係都坐到大約20個人，地方各樣嘅衛生都算係幾乾淨幾整潔，有三位工作人員喺鋪度做嘢，態度同手腳都算好同快肥腸麵/肥腸酸辣粉我點左肥腸面同肥腸酸辣粉，都係點左小辣，首先麵質同酸辣粉都係好彈牙份量好多，湯頭唔會好似外邊啲酸辣粉咁樣得死辣，湯頭好惹味好順口，而肥腸方面，都係好多份量，而且佢地洗得好乾淨嘅，十分有咬口，食得好過癮，正小雲吞小雲吞都係好多粒份量好多，自家製金魚尾小雲吞，細細粒食落好過癮，食到停唔到口。…查看更多

今日經過旺角女人街見到一間小店西餐，裝修有啲心思，菜單嘅食物價格亦都算優惠，所以就入去試一試睇下會唔會有驚喜環境方面，餐廳以昏暗嘅燈光為主，有情調，如果同女朋友或者老婆撐枱腳都合適的，當晚客人流唔算太多，所以唔會好迫，以我所觀察就算客人坐滿，餐廳啲座枱空間都足夠的安格斯西冷賣相幾靚仔，雖然塊扒唔算好厚，但味道都幾好，唔會好多筋，我叫咗五成熟同黑椒汁，黑椒汁味道適中唔會太搶，剛剛好配合到塊扒，我個人覺得合格有餘德國鹹豬手德國鹹豬手，其實我本身好少食，但係都睇得出廚師好落心機去整，首先鹹豬手唔會好鹹，肉質夠軟身，唔會好柴身，食到爽脆軟，個人來講覺得呢個價錢超值總括嚟講呢間小店西餐廳，服務態度良好，用心製作食材食品，食物都好接近酒店既味道，希望大家得閒去支持下💪🏻💪🏻💪🏻…查看更多

今日喺筲箕灣度食下午飯🥣，見到有間專賣艇仔粉做招徠嘅專門店，所以我同同事就不約而同地衝入去，去試吓味啦，其實我喺香港仔都食過真正既艇仔粉，有一個漁夫喺船上面賣嘅艇仔粉，佢會泊船喺碼頭到賣，好有風味。招牌艇仔粉嚟到呢度一定要食個艇仔粉，餸菜方面有燒鴨、叉燒、紅腸、魚片、魚蛋、魚皮、生菜，以上食物食材都係大路貨，唔會話有咩好特別，味道都可以既，重點係贏過大地魚湯底，確實夠鮮甜有大地魚味，唔係一般嘅味精湯底，同我之前喺艇家食嘅湯底基本上好接近，食材方面同艇家嘅亦都係差不多，所以味道各方面同艇家好相近，大家未食過嘅可以一試。北菇蒸雞飯因為依間食店主打嘅唔係蒸飯，雞方面當然唔係新鮮雞，但都有雞味（冇雪味），飯粒都算硬度適中，唔會太痴牙太硬身，味道都可以接受，好過好多茶餐廳。…查看更多

今晚係法國醫院探完病，走左落九龍城揀野食，見到坤記牛腩，我竟然無食牛腩，而係同阿媽食左個1人邊爐，1碗雲吞麵1人牛魔王火鍋🍲有牛頸脊、牛丸、魚蛋、菜肉餃等配料，以$98來評價絕對完勝大家樂、大快活及一些酒樓任食邊爐，因為佢湯頭夠甜，而且牛頸脊亦唔係最下價既貨，牛丸魚蛋夠彈牙有味道，另外我亦點左魚皮，都好脆口，唔錯既。雲吞麵雲吞內有蝦豬肉餡料充足，麵質彈牙味道好…查看更多

今晚係旺角行街，見到有間米線🍜，因為未試過所以入去試食，我對麻辣都有些要求，入去踩下場先我地1行2人，我們點左麻辣大腸腩肉魚麵、清湯炸醬薯粉，首先麻辣湯頭好唔麻辣，亦不惹味，沒有驚艷感，而大腸同腩肉好普通，魚麵好似未熟咁，好硬身唔爽口，另外清湯炸醬薯粉都係好大路:(，絕不吸引，我杯凍檸茶就係得個死甜，簡單黎講依間麻辣米線，好一般的味道，不去也罷，衰過譚仔…查看更多

今日下午係柴灣漁灣邨做完野，見到鴻記海鮮飯店，店舖睇落都應該開左好長時間，應該屬於邨內既老店，雖然店舖裝修比較舊，亦唔稱得上企理，但又係好有「地」味，即係夠貼地，所以入去試下味道先我地點左2碟餸配白飯🍚，蒜香雞、豉油王鵝腸，同埋2碟肉片炒河，好麻甩既餸，蒜香雞好惹味肉質唔柴口，豉油王鵝腸唔夠豉油味，可以再重味少少，肉片炒河賣相可以，實質就可以鑊氣多番少許，總體而言，我覺得依餐味道65分中規中舉，都收貨既，繼續支持老店💪🏻…查看更多

今晚同老婆係荔枝角D2 place睇戲，睇戲前就係附近搵食，去左米飯🍚主題餐廳試下，之後又去拍拖👫睇戲🎬。晚上7:30，一入去餐廳，唔洗等，即使安排到位，待應服務態度及效率都不錯👍，環境算幾衛生，我地點左：鐵板黑椒一口牛飯、魚柳蛋包飯，黑椒一口牛無咩特別，屬於大路野，合格（點都好過食大家樂、大快活），魚柳都係無咩可言，無咩雪味，都收貨合格，蛋有蛋味夠蛋汁唔會乾淨淨過熟，幾好，而我飲左熱菜蜜就甜左d，整體來講環境衛生食物都合格以上，唔算驚喜嘅味道，但價錢貼地親民，可以再食。…查看更多

香港舊有的飲食文化及老食店，現今世代買少見少，被一大衆集團壟斷，只有連鎖集團，我本人不抗拒新派，不過特愛香港老文化，今日就趁着聖誕假期到牛池灣「新龍城酒樓」同老友聚下舊由於今日我地係中午12點飲茶，坐左係戶外，我地主食點心，自己開茶自己到點心車度選食物，我地點左蝦餃、燒賣、糯米包、鴨腳扎、雞扎、牛肉、粉果、鳳爪等等，係呢度我唔係第一次黎，所以知道味道係可以既，以上既點心全部靠得住，舊式茶樓唔同新派茶樓，係食足料同原味，唔係食精緻。食物方面蝦餃夠飽滿皮厚度適中有筍夠彈牙，燒賣大大粒好足料，牛肉馬蹄香茜平均，鴨腳扎算爽口，最喜歡係糯米包皮薄，裏面糯米夠熱糯米軟身又唔痴牙（最緊要係出面少有）。總結，如果食環境既一定唔好黎，不過佢地服務幾好既，點心一般自取的，不過佢地都可以送過黎的，侍應面口都係開心樣😃，講真依家有些餐廳酒樓專登裝修到舊時既大排檔咁、復古潮流，然後一大堆人去朝聖打卡，因為有昔日香港味，如果有搵舊香港🇭🇰情舊香港味，不如直接去番現存既老店啦，唔好一間又一間咁結業，珍惜！…查看更多

最喜歡小店既我係筲箕灣天悅廣場發現到榮記，其實我由鋪頭開張至今食過幾次，見到老闆好有heart性價比高，食品都唔錯，今次覺得都要寫下食評讚下。單拼-粗麵/幼麵/河粉/米粉$22@加一餸$5我食左牛腩雲吞麵，牛腩就大路貨，唔痴牙，雲吞係大粒蝦肉爽口，味道都算中上。另外朋友就食左豬手水餃米，豬手爽口彈牙（美中不足係未清曬d毛），水餃好漲身，木耳同蝦豬肉餡料都好充足，食水餃要脆，就係要木耳要平均，算係做到幾好。總體黎講，此店唔係話好食到神級咁，但味道合格有餘，而且性價比高，老闆十分熱情地工作，地方唔大，街坊都會自己幫手開枱等，呢d咪係香港漸漸消失既人情味…查看更多

今晚放左工，一支公🙍‍♂️，係旺角度食晚飯，以前係旺角住既我，對呢邊既食店都很熟悉，心血來潮想食富記，寡佬飯堂🍚之稱，味道好地道既，試下有無退步先。講真如果去富記諗住食環境同坐得舒適既，就千萬唔好去🙅🏾‍♂️保證你會失望，因為去富記食飯係食佢果陣「地」味，貼地氣的特徵，本人最喜歡老店👍雙拼燒味飯（燒鵝/生腸）🍚我點左一碟燒鵝生腸飯，上飯前伙計就遞上餐具及茶水、燒鵝醬、姜蓉，首先我最欣賞杯茶，夠熱有舊底茶居既茶味（每一次黎都係熱騰騰的），之後上飯，生腸超級彈牙，無異味，配上姜蓉真係超級正👏，燒鵝夠鵝味，不過因為放左一段時間，係凍的，不過都算有肉汁，我收貨既😊芥菜魚雲湯食食下都忍唔住整一大碗魚湯，大大碗（有3人份量），湯頭夠甜，魚唔腥，魚雲同芥菜都好足料，魚雲好滑，芥菜唔會苦，講真黎富記飲魚湯好少失手的，印象中10次裏面有一次有少許燶底味，其他的經驗都係好美味，好穩陣既。總捨黎講，富記味道依舊夠火喉， 老香港風情猶在，環境座位依舊狹窄，如果食環境一定鬧爆，喜歡懷舊既就會久不久就想去食下，好睇你地想要咩。…查看更多

晚飯後經過登打士街，見到威威小食店，香港既街邊檔一向都馳名中外，而且好耐都無掃過街，而聽聞小食既味道都唔錯，不訪一試，睇下佢咩料先:)招牌深海八爪魚🐙（$25）本人都好喜歡食八爪魚🐙，知道依檔小食主打招牌是八爪魚仲要係深海的，一定試下，小份賣$25，大份賣$38，我買左小份，份量都足夠，首先阿姐服務態度好好，八爪魚係即時剪的，個人覺得食八爪魚或水魷一定要食鬚，此店都好好有好多鬚位，入口彈牙肉質鮮甜，完全唔會好似擦膠咁硬，確實好鬆軟，醬汁味道惹味，加左麻油令整件事更完美，值得推介。…查看更多

大埔工作數天，準備買外賣，同事介紹東記話好味，自認想做食家既我就試試佢。首先阿姐雖然忙到死，但係態度都可接受，而且做野好熟手有程序。炸醬豬扒上海麵（$38）外賣係街食上海麵，豬扒有好多塊，有肉汁唔鞋口，上海麵夠彈牙，炸醬味道惹味，湯頭好甜，整體味道唔錯，唔怪之咁旺場，有時間我會去再食多次。…查看更多

在大埔工作幾日，食下陳漢記先😋，好耐無食過，睇下保唔保持到水準先。春卷😊春卷夠脆，餡料適中，味道都幾好，係油左D。坑腩麵坑腩份量多，牛味重，唔痴牙，無渣，麵夠彈牙。黑柏葉鵝腸米黑柏葉夠爽，鵝腸雖然是雪貨，但都有膏，食鵝腸一定要有膏，再配辣椒豉油簡直一絕，正！叉燒腸皮薄餡靚，叉燒有咬口，值得推介。…查看更多

今天在荃灣工作一天，又係嘉樂冰廳附近，聽得多之前好想去試，終有機會了😋，試下咩料先。1）火腿大奄列，極度失望😖奄列真係名不虛傳好大份，我見到興奮不已，一試就喊出黎😡，首先奄列入面好重鹽超級咸，火腿是凍的毫無誠意，我食左無一半就放棄左，極度失望，招牌都攪成咁。叉燒通粉:)叉燒都算唔錯，起碼唔會乾淨淨同無味道，有色澤仲有少少燶邊，我個人黎請覺得收貨，通粉就大路野，同埋碗通粉夠大碗，算抵。整體來講此店一向以奄列聞名，名大於實。…查看更多