假日晏晝想去飲茶，好多度都要等位，難得呢度有位。一睇點心紙就見到有麻蓉包，而家有呢款包嘅茶樓已經買少見少，見到梗係唔好錯過。食落冇失望，但感覺佢係加梛糖rather than 傳統白砂糖，不過整體嚟講係夠餡，而且有麻蓉香味嘅。仲有另一味都係少見既——荔芋香酥鴨。即叫即整，所以要等30分鐘㗎！上面一層芋角皮，最多係中間嘅芋頭餡，下面一片鴨肉。起唒骨，真係功夫菜。點咗半隻，都幾大碟吓，而且因為佢芋頭偏多，非常飽肚，再加上鴨肉不能避免油膩，所以六七個人應該半隻都夠食。假如你係想食芋頭嘅，呢碟絕對能滿足你，但假如你是想食啲肉，就揀其他啦。仲嗌咗野菌松茸餃、濃湯竹笙浸翡翠、椒鹽豆腐同上湯大蝦炆伊麵，全部都唔伏，但冇乜特別呢度就唔詳講啦。PS 食食吓見到出面好多人排隊，先發現原來呢度下午茶（2:00-3:45）最抵食，55蚊兩款點心，下次再嚟試吓先！…查看更多
