ChiuVa的個人專頁

朋友生日，本來滿心期待食一餐豪氣嘅omakase，但由訂位開始已經係惡夢一場😮‍💨訂位要收按金每位$600，4位已經$2400。呢個按金令我哋誤以為係同食材新鮮、服務優質、環境舒適掛鉤，但原來，真係談起上🙄由引坐開始，一個細細嘅空間已經坐左一對父婦，我地4個人就係坐响佢哋隔離-冇錯！係元氣壽司中間無縫嗰種bar枱坐法…朋友胃痛，問師傅可唔可以安排熱食，師傅表示大部分係魚生，最多只可以幫佢燒一燒，既然到左，冇辦法啦，但係我哋接受咗佢嘅提議之後，佢半件都冇燒過🙄🙄師傅同嗰對夫婦傾到興起，我哋四個就同茶餐廳搭枱冇分別，都唔夠膽講嘢咁大聲，好似好騷擾佢咁，突然之間，師傅就遞咗一嚿紫菜卷俾我，我唔知點反應好-我嘅愕然係我一時諗唔起用咩去接住呢舊食物🤷🏻‍♀️🤷🏻‍♀️我估係要用手嘅，不過我未試過食Omakase係響零交流底下去做呢件事🙄🙄🙄呢個時候，開始覺得唔夠冷氣，叫佢開大d，佢話已經係最大…到主菜，首先飯係有陣水桶+酸餿味嘅，6款魚生切定放旁邊，食起上黎係水桶+毛巾嘅味道，食到咁上下，師傅建議飽就改魚生，我哋都接受咗，其實係唔想再食佢嗰嚿飯，感覺仍然係一樣，魚生唔夠新鮮；食到尾聲，有一杯好古怪嘅湯，既唔係飲開嘅麵豉湯，亦都唔係日式嘅茶壺湯，係有陣人蔘味+蔥味嘅濃水，當然，亦都係因為冇交流，所以冇人介紹過嗰杯係咩湯。全晚最好食係最尾嗰件水蜜桃，咁我去果欄得啦🙄🙄🙄🙄跟住一定要提下師傅塊多用途萬用布-抹完砧板、抹刀、抹食物碟、抹手…都係同一條布；所以我明白點解佢手握嘅壽司會有水桶+毛巾味🙄🙄🙄🙄🙄如果呢個係米芝蓮嘅世界標準，我真係不敢恭維🤦🏻‍♀️但食完呢餐我好明白點解港人要北上，我都唔想留响呢度俾人折磨今餐埋單$12,000，係有生以來食過最差、體驗最差嘅一間米芝蓮 🙄🙄🙄🙄🙄🙄❌永不錄用❌…查看更多

去到The One經過望到有間冰室，一心諗住都係茶餐廳就試下啦⋯入門開始就有貴賓招待嘅感覺，員工好有禮貌指示登記程序，叫咗嘢之後仲好細心幫我地拎開塊間板方便我地share食物。食物都好有質素，特別蝦多士炸得好鬆脆👍🏻…查看更多

一向知道堂食服務麻麻，所以叫咗外賣⋯只係簡單兩碗招牌長崎雙倍野菜Champon外賣，唔知有心定無意，無俾生薑汁和柚子汁之餘 (D汁估計都佔$10-$20 🙁)，洋蔥全燶，兩碗都是＂鑊撈＂，一碗麵用上一半以上時間揀＂鑊撈＂，實在唔可以接受！永遠blacklisted!!$61一碗Champon唔係平，但係如果用心做，你收$200一碗都會有人排長龍食! 唔好話香港食肆好難做，無心做邊行都做唔到啦！PS：本來覺得味道唔錯，但原來已成過去。…查看更多

同好朋友食飯，得2個人又好想食海鮮…機緣巧合下，朋友介紹潮福，本來想book旺角分店(因2個人都住九龍)，但太多人就book咗西環，點知⋯有驚喜!先頭部隊有龍蝦－味道鮮不在話下，最重要係肉爽而且蒸得啱啱好👍🏻緊接有花甲－講真無特別，但味道可以!再有象拔蚌－最驚喜推介!係必食之選，鮮味可比刺身一樣👏🏻👏🏻 (筆者強調：牙鬆人仕要小心彈甩你D牙😁😁)再嚟蟶子皇同鮑魚－都是鮮！壓軸有南瓜排骨粥－唔駛講都知，吸晒D海鮮精華…甜到呢😋😋總括而言，＂鮮＂已經無得輸，蒸嘅時間準確，服務一流，特別註明－唔駛拎其他調味料，少量鼓油…大量＂鮮＂✌🏻️✌🏻✌🏻✌🏻✌🏻✌🏻埋單$7XX，抵到爛👍🏻👍🏻…查看更多