yukkihung123的個人專頁

本身睇佢裝修幾好，又食蛋包飯就入去試吓，結果令人大失所望！1. Menu上嘅嘢食未提供到又唔寫清楚時間！一個餐牌有主菜小食飲品，本身我哋係見到個甜品好吸引先入嚟（當時接近下午茶時間）。結果已經冇得嗌甜品，原因係啱啱開舖仲未準備好，咁就諗住嗌個主菜加小食，結果啲小食話要三點後先提供，但佢個餐牌根本完全冇寫過。2. 服務態度（最主要有兩樣嘢）第一點：啲員工成日集埋一齊傾偈唔做嘢，想斟杯水都舉手舉成世。（不過呢個我都算當佢睇唔到🥲）第二點先令人把鬼火！😡叫埋單，正常可能都會話聲俾你聽幾錢，部機有問題都出聲，再唔係最後最後點都會講聲多謝。完全冇，仲要個信用卡拍極都拍唔到，我哋問佢係唔係有咩問題？完全冇答過！自己拎走張卡自己插，有單就逐張逐張俾我哋，最後完成咗成個程序就自己行走咗…..仲要有+1服務費，俾得好唔服氣。…查看更多

今日同朋友去食中午，朋友叫咗個意大利飯。食咗一啖，朋友已經話好硬，仲要硬得好唔平均，有啲飯粒真係完全接受唔到。隔左冇耐我哋真係頂唔順，叫咗個侍應過嚟。同佢講個問題，一句唔好意思都冇，就直接：「意大利飯係硬㗎喎😌😒」仲要一臉質疑我哋唔識野嘅樣。朋友再講真係好硬，然後佢又再重複講意大利飯係咁，呢個時候我都真係頂唔順：「我哋平時都有食過意大利飯嘅🙂」之後佢先話，咁我叫廚房幫你煮「淋」晒佢，然後走咗。後來佢拎過嚟，直接一句：「今次好「淋」㗎啦！」擺到明係覺得我哋唔識野，我都試咗一啖，係真係好硬，你憑乜嘢覺得你哋廚房嘅就係非常正宗嘅意大利飯，仲要加埋個惡劣嘅態度，攞命。…查看更多

每次去呢間餐廳食野都會令人好失望。就係佢既出前一丁。佢所講既出前一丁都只不過係普通公仔面再加麻油，真係比多3蚊去買包麻油黎食。個湯底一食就係擺到明沖開左淡左好多既味，勁淡。然後講下啲面，佢既口感同面既粗幼根本唔係出前一丁。重點係，我地同佢投訴既時侯，佢地話：「可能係冇落麻油」。但重點唔係有冇麻油，而係，佢根本就唔著重個餅底。呢d既呃呃騙騙完全反映出呢間餐廳既經營手法同態度，根本唔係本住良心經營。…查看更多