ChloeC92的個人專頁

遊歷西環嘅藝里坊，偶遇一間風格同附近餐廳略有不同嘅Coffee Shop，餐廳環境好舒服，好適合係到靜思，洗滌心靈😌😌🍴味增蟹醬蟹籽蟹肉扁意粉($138)🎵蟹～全部都係蟹～🎶🤭🤭意粉有好強烈嘅蟹嘅鮮甜味，因為有唔少嘅蟹肉，非常有誠意🍴雞軟骨餃子($68)皮煎得好脆，軟骨嘅爽口感都好正🍴炸雞排炙燒菠蘿漢堡配薯條($128)起初都會好擔心炸雞會唔會太油膩，咦😳食落，菠蘿同生菜，中和左炸雞嘅油膩感，係非常夾嘅配搭🍴炸雞煎蛋牛角酥窩夫($98)因為係用牛角酥，所以有酥脆感，好特別，個蛋仲要係流心架☺️🍴柚子蜜梳打($48)🍴Mocha ($48)…查看更多

🍴金牌牛腩河粉($45)牛腩唔會太韌，咬唔開，亦都唔會比太多肥膏，見到個湯都唔會話太油🍴金牌魚蛋麵($40)值得讚嘅係麵冇乜鹼水味，因為個人唔鍾意食到鹼水麵，而好少餐廳嘅麵係冇鹼水味，另外，魚蛋同魚片都好彈牙🍴追加生菜($18)🍴炸魚皮($26)上枱方式唔錯，一袋裝起，再比隻碟，食就倒出黎，食唔晒就成袋攞走😂😂我覺得餐廳除左係食方面有值得讚嘅地方之外，我覺得係衛生方面都做得唔錯，除左頭先講到魚皮係一袋袋裝起，我見到佢地筷子筒都係會有個袋套一套先再裝筷子入去…查看更多

幾年前試過一次就愛上，最近睇到有Youtuber介紹，見啲野食同自己幾年前食嘅有啲相似，就上Openrice搵一搵，原來真係自己幾年前食個間，只係佢搬左鋪，於是就決定黎新鋪參觀下，新鋪比以前大左好幾倍可能位置太偏嘅關係，即使係星期五晚，係餐廳食野嘅人都唔算多，但都不時會見到有人入黎攞外賣🍴二撇雞飯(黑椒雞扒+南乳雞球)($42)唔太鍾意食黑椒嘅人都可以試下，佢嘅黑椒味唔會好出；至於南乳雞球，可能係本人唔太鍾意南乳嘅關係，所以覺得唔好味，但如果鍾意南乳嘅人可以試下，因為南乳味係重嘅🍴鴛鴦雞翼飯(脆炸/豉油)($42)如果佢有個脆炸雞翼飯就好啦，因為個豉油雞翼好咸，咸到我會擔心自己食完會有腎病，反而個脆炸雞翼就岩岩好，唔會太咸兩個飯嘅汁都太多了，又豉油又蔥油，豉油分量又多，啲餸本身又有味，例如黑椒、南乳，再加豉油蔥油，就真係太多味道了。再加上啲飯咁淋，加咁多汁，係淋上加淋。我食嘅係鴛鴦雞翼飯，由於雞翼飯得個咸字，所以我就試下加佢地嘅辣油，唔加油，只落渣，即刻變得好好味，多左香辣味。值得一讚嘅係溫度，飯黎到嘅時候，連隻碟都係熱，因為我覺得野食夠熱先好味，所以我好介意野食黎到嘅溫度，而意料之外係滿足到我呢方面嘅要求。但今次真係有啲失望，以前好好味架，最欣賞係飯夠硬，同埋以前有好多選擇架，唔知係咪一向晚餐都咁少野揀呢。但都唔會再有下次了。 …查看更多

天氣凍好想食羊腩煲，但一個人又食唔晒好大煲所以一路搵緊細細煲嘅羊腩煲，諗住過下口癮終於都比我搵到呢間餐廳都係食客自己掃QR Code落單，都幾方便，入面寫晒自己有咩要求，例如：走青...🥢滷水蛋牛腩滷肉飯($69)味道不過不失，係個牛腩韌左少少🥢古法黑草羊腩定食配上湯浸時菜($78)羊腩有少少鞋，好多肥膏枝竹，東菇就有食晒，因為呢兩樣都係最吸汁嘅食物😁😁馬蒂就冇食過，因為我唔鍾意食個汁就好夠味，唔會太咸，又唔會冇味咁如果唔想食太多羊腩，我覺得都值得黎食，過下口癮…查看更多

落雨天，唔知去邊到食好，行下行下見呢間餐廳嘅餐牌啲相好吸引，就決定試下🥢韓式烤五花腩 ($118+$15轉套餐)睇餐牌，見佢張相好吸引，就諗住當送咁食點知一黎就連埋飯黎，先至知原來係幫我地加左15蚊轉套餐都冇問過我地要唔要套餐，就自動幫我加錢轉套餐，感覺比人呃左BTW，講返味道偏咸，我覺得似用鹽醃左好耐嘅燒肉咁，所以要送好多飯食好多肥膏，所以搵菜包住食就可以中和返個油膩咁🥢日式一人前，送炸蝦 ($108)好普通，冇乜特別，唔算新鮮，呢個價錢唔值🥢韓式部隊鍋 ($72)諗住算平，就試下，佢同韓國部隊鍋一樣，有泡菜、豆腐、腸仔、午餐肉、豬肉片、魚糕、芝士片、韓式年糕、辛辣麵，幾得意，有兩片東菇，但好可惜，我未食過咁難食嘅午餐肉，即刻影響晒成個部隊鍋嘅質素🥢韓式泡菜煎餅 ($58)個泡菜煎餅，我就覺得太厚粉，同埋唔夠香口，佢可以整薄返啲，咁煎起上黎個邊都易脆啲，香口好多餐廳係家族式經營，放工時間去，見女女都會幫手落下單，送下餐，收下錢，媽媽就似負責廚房，出餐，落單，婆婆就似負責招呼客人，傳話等等，睇住佢地全部都係女仕做，都覺得佢地好勁，同埋個女好乖…查看更多

🥢咸魚炒油麥菜 ($65)因為有咸魚，所以好香口，好彩都唔會太濃味，搞到食河粉會冇乜味，可惜係太油🥢香茅豬頸肉湯粉 ($66)我討厭食非常多香茅嘅野，好彩呢個豬頸肉個香茅味唔會太強烈，個邊仲有少少脆添，佢用左我最鍾意嘅幼河粉，個湯清清地唔錯🥢香芒糯米飯 ($63)我從來未食過芒果糯米飯，所以起初以為係凍食，點知原來係暖暖地，幾得意，加埋椰汁，其實成個感覺有啲似食鹼水粽，加椰糖漿，我最鍾意係佢有埋紫米，好Surprise😋😋其實每樣野食都Ok，但唔係話非常好味，一試難忘個種，唔會心思思想再食過，所以唔太高分…查看更多

🥢煙肉酸忌廉焗薯 ($48)食之前，想像係熱食嘅，點知黎到，我諗係個酸忌廉太凍啦，加上太Cream，成件事太唔Match，同埋啲煙肉好細粒，極少，啲芝士又唔係溶埋落個焗薯到，成個焗薯好奇怪咁，絕對唔會有下次🥢卡邦尼意粉+薯條 ($69+$12)原本對個焗薯好失望，所以都唔敢對其他野有期望，點知個意粉好唔同，啲汁好Creamy，意粉嘅煙肉比焗薯嘅煙肉大塊好多，份量都多好多(唔通攞晒黎整意粉，所以整焗薯嘅時候就冇乜煙肉淨🤭)，雖然意粉面到啲芝士都冇溶，但我都仲可以用意粉嘅熱去整溶啲芝士嘛，我欣賞呢個意粉唔會太咸至於個蒜蓉包，都唔錯，因為我唔鍾意過多蒜蓉，我覺得呢個嘅蒜係適中嘅，係因為用法包整，所以會偏硬啲姐加12蚊就有埋個薯條，咁就當然要試啦，揀左唔辣嘅薯條，非常好味，又夠脆，係好咸姐🥢炸魷魚圈 ($42)我唔知係咪因為食完個薯條好咸，所以搞到食個炸魷魚圈就好似冇乜味咁，定佢本身真係濃味，係要靠點個醬，但Sorry，個似麥記魚柳包個層醬，所以我唔鍾意🥢熱朱古力 (+$18)個朱古力跟餐加18蚊先有得飲，夜晚又唔想飲咖啡，就唯有試熱朱古力，唔會好濃朱古力味，反而飲到好重好厚嘅奶味，絕對唔值得18蚊飲呢間餐廳，我諗我只會為個卡邦尼意粉同薯條而回頭，其他野食就絕對冇第二次…查看更多

有一次去Yoho嘅BYO自助烘焙整蛋糕經過呢間餐廳就咁睇有啲啲似薩利亞佢係西韓Fusion餐廳後來先知原來係韓國過江龍Pizza店睇開Kpop嘅我就當然要試下啦🥢脆炸章魚仔($96)炸完出黎都仲見到原隻章魚，都算厚粉，但好彩個粉都好好味，只係會搶左章魚個味🥢韓國烤肉芝加哥($213)好多芝士，拉晒絲咁，因為呢個Pizza用嘅係雙倍馬蘇里拉芝士、芝士條同巴馬臣芝士，個牛小排好香口，最特別嘅係佢有加糖霜，開頭都擔心會唔會同牛小排唔夾，但又好神奇咁好好味喎，可能係會有一兩啖好勁嘅糖霜味🥢蟹肉飛魚子意粉($185)仲有綠色一粒粒，似魚子，我就食到Wasabi味，少少辣辣地，我覺得唔太夾，如果冇左啲Wasabi粒粒，我諗呢道菜會高分返少少🥢Lychee Makgeolli(Happy Hour時段$58)米酒味唔夠勁，太勁嘅荔枝味甜味🥢Pineapple Ade($48)菠蘿味唔算好勁，但飲落都算清新整體都算唔錯，最出色始終係Pizza順帶一提，餐廳所有職員都係講英文所以落單，要野等等都需要講英文…查看更多

我覺得呢間餐廳都算係窮人恩物晚餐都可以五十幾蚊一個餐，而且係食到飽🥢酥炸日本海苔魷魚鬚($30)值得一讚嘅係，佢個炸粉唔會太厚，加埋佢都有好多海苔下，所以比起普通炸魷魚酥再香口好多🥢白酒忌廉汁帶子意粉拌蟹子($52)一黎到，就見到好多好多嘅蟹子，個汁好Creamy，帶子好彈牙，再加埋不斷爆汁嘅蟹子，成個感覺真係好正👍🏻👍🏻🥢自選車仔意粉($57)唔係淨係得車仔麵，意粉一樣可以比你自由配搭呢個車仔意粉嘅餸係10揀2，包括蜆肉、蝦肉、小帶子、煙鴨胸、煙三文魚、煙肉、蘆筍、牛柳粒、蟹子、黑椒脆骨腸；然後再揀自己想要嘅汁，有自家製茄汁、白酒忌廉汁、日式燒肉汁今次就試左白酒忌廉汁小帶子煙三文魚意粉，汁嘅Creamy，小帶子嘅彈牙，再配搭埋煙三文魚嘅咸香，真係好好味😋😋下次可以試日式燒肉汁，見其他人食日式照燒汁牛柳粒意粉，超級香呢間餐廳性價比非常高…查看更多

今日下午特登去左屯市同朋友睇阿凡達2由於係Boxing Day所以睇戲前都係Openrice搵下仲有邊啲餐廳仲有得訂位，費時睇完戲又要等位係Openrice睇到呢間餐廳嘅門面都好靚，就決定試食2男3女，就叫左3個主食，3個小食🥢北海道唐揚魷魚咀($48)味道冇乜特別，就係椒鹽魷魚咀咁，不過值得一讚係，個味粉唔會太多，搞到食落得個咸字👍🏻🥢廚師推介壽司10件($188)由於10件壽司我只食左兩件，所以我只可以評價我食左個兩件，我食左最普通嘅三文魚壽司同北寄貝壽司，都係普普通通，正常壽司嘅味，冇乜特別出眾嘅地方🥢炸軟殼蟹卷($72)個炸軟殼蟹味道唔錯，呢個價錢有6件，都幾值得試🥢蒜蓉牛油帶子($68)一黎到就聞到好香嘅牛油味，慢慢就開始聞到好勁嘅洋蔥味，味道都唔錯🥢黑豚肉眼鍋壽喜燒湯底($128)+烏冬($25)由於烏冬係分開上，而個鍋又唔係跟爐上，所以一黎到，最好就快啲放個烏冬落個鍋到如果一個人食嘅話，都好飽下，個鍋入面有菜，京蔥，幾片花形嘅紅蘿蔔同白蘿蔔，芋絲，黑豚肉，金菇，東菇，豆腐，嗚門卷，所有餸都吸晒壽喜燒湯底嘅味，又唔會太咸🥢薰衣草雲呢拿梳打($30/2杯)靚就靚嘅，但味道方面就......，我覺得似加左沖涼液嘅味，總括味道係怪🥢朱古力咖啡($38)唔好以為係漁屋飲咖啡就一定係伏呀，杯咖啡一黎到就有好香濃嘅咖啡豆香，飲落就奶味略重，個花都拉得好靚，有6個細心，1個大心其實仲有一個清酒煮蜆($68)，但唔記得左影相，不過味道都冇乜特別，唔覺有沙，酒味方面，要食到菜先會覺得有少少Openrice有88折，所以加埋服務費，成餐飯要六百幾蚊，但呢個價錢，5個人食，食完我唔覺得飽😅就唔會再有下次了，感覺好唔抵不過值得一提係，能夠係屋邨地方有呢類嘅日式菜，已經係好幸福…查看更多

今日同朋友去左自助蛋糕烘焙店到整蛋糕整完已經到左食晚餐嘅時間就係附近搵左間食日本野嘅餐廳由於我地有3個人，所以就叫左一個自選二人套餐，同加多一碗拉麵 自選二人套餐($235)套餐包括兩款拉麵或飯同三款小食🥢蟹肉棒拉麵(+$5)湯底係秘製味噌加濃郁嘅豬骨湯，拉麵係粗麵個人最鍾意食粗嘅拉麵，感覺有咬口啲，同埋易掛湯啲🥢白豚拉麵湯底只有濃稠嘅豬骨湯，拉麵係易入口嘅幼拉麵 🥢炒魷魚鬚非常香口惹味，送酒一流 🥢自家製餃子冇乜特別，都係普通餃子 🥢北海道南瓜炸薯餅南瓜好甜，個人比較抗拒食南瓜，但都覺得好味同比想像中好味 🥢赤豚拉麵($72)同白豚拉麵一樣，湯底係濃稠嘅豬骨湯，拉麵係易入口嘅幼拉麵，只係加左辣味 🥢啤酒($30)好易入口，唔會好苦，好滑，係女仔都會愛上嘅啤酒 呢間餐廳令我回頭嘅菜一定係炒魷魚鬚同個啤酒 …查看更多

前一晚問阿Sir第二日夜晚想食咩佢話想食煲仔飯，就去左屯市嘅點煲試食因為我減緊肥，所以只係點左一個菜同一個煲仔飯🥢海味雜菜煲($89)有兩款菜，有菇，有木耳，有粉絲，有海味海味方面，魷魚較蜆肉味鮮粉絲份量都唔少🥢北菇滑雞煲仔飯($88)豉油份量自己控制，仲有豬油比你自己加落個煲仔飯到食煲仔飯最多人在意嘅相信係飯焦煲仔飯嘅飯唔錯，唔會淋，粒粒分明，飯焦亦多雞方面，我食到有雞胸，但都得一舊咁大把如果未知仲有邊到嘅煲仔飯更好味，又好想食煲仔飯嘅話，都會再黎嘅，但就只係叫煲仔飯，其他小菜就唔了💥依家佢有個限定優惠二人套餐($248，另收加一服務費)，包括有兩個燉湯，一個點心拼盤，一個小菜，一個煲仔飯，如果你地食得到多嘅，呢個優惠套餐都係一個唔錯嘅選擇…查看更多

作為一個米線控嘅我，一見到邊間米線有人話好食，我就會去試今次就黎左小草十八怪石鍋米線試食最吸引到我嘅就當然係米線啦，其次就係石鍋個人比較鍾意食好熱嘅野，所以石鍋米線就最岩加上今晚平安夜，天氣都好凍，食佢就最岩呢間鋪頭最大嘅賣點就係：佢唔只有石鍋米線食，仲有籠仔荷葉飯、特色小食、川式涼麵同串燒食想同朋友聚會，又唔係個個都係米線控嘅話，呢間都係一個唔錯嘅選擇🥢石鍋米線套餐(六餸)($68)佢有三餸，六餸同九餸揀，而我仲想試佢其他野，所以就只叫左六餸佢有得揀自己煮定店員煮，每枱都會有個牌教你點樣自己煮個石鍋米線而我就懶，我揀左店員煮我點左香辣金湯米線，嫩滑雞肉、蟹柳、雲耳、腐皮、豆卜、牛栢葉我好食得辣(三哥大辣)，所以呢個湯對我黎講，一啲辣味都冇但有一點要讚嘅係，佢唔咸出得街食野，濃味就預左，但佢驚喜到我嘅係，唔會好咸喎👍🏻👍🏻餸方面就冇乜特別，嫩滑雞肉就真係嫩，冇呃我但作為米線控嘅我，整體黎講，冇乜特別，唔係特別好味，但亦唔難食🥢金華火腿蒸雞荷葉飯走青($55)因為阿Sir唔鍾意食蒜，所以冇叫到瑤柱蒜蓉海鮮荷葉飯($70)如果你冇唔鍾意食蒜，呢個係價錢黎講都係一個唔錯嘅選擇佢每個籠仔荷葉飯嘅飯底都會有東菇，蝦米同瑤柱絲，仲有非常少量嘅薑，所以個飯好香口好軟糯我個人覺得佢個籠仔荷葉飯仲好味過個石鍋米線🫣🥢串燒-孜然羊肉串($22)、司華力腸($20)串燒一定要趁熱食，一上枱就即刻試司華力腸係個人鍾意食，佢再加左啲味粉，就好香好脆羊肉串都唔錯，唔會好油膩，唔會好羶如果加埋啤酒一齊送，就真係好爽佢有得揀辣度，但因為阿Sir唔食得辣，所以就走左辣如果你食到辣，揀小辣黎食，應該會仲香口🥢蝦膠釀豆卜($30)會點呢個食係因為食過老闆娘雲南米線嘅反斗蝦膠豆卜所以都想睇下呢間嘅蝦膠豆卜會唔會都唔錯呢間嘅蝦膠都唔會得好少，不過始終豆卜吸晒啲油，所以食落難免都會有啲油膩感…查看更多