VanessaPhoon的個人專頁

雖然佢開到12點，但係普通魚肉燒賣，要豉油辣油 但係我冇諗過佢個辣椒油係咁鬼辣。食咗2粒, 辣到流鼻涕，嘴脣紅曬。 我即刻跑返屋企，飲左兩杯牛奶 都解唔到辣。 我見店員都係內地人，唔知係咪佢哋平時都食開咁辣。 …查看更多

第一次係 Mr Steak 嘅餐廳食dinner。見佢set dinner 有8折 就決定同男朋友去食啦。 一入去限時間 90 minutes. Appetizer 揀咗法式田螺 同埋肉丸。 兩樣都有薯蓉。 法式田螺都OK 但係 肉丸就真心難食。我哋兩個都以為肉丸係 素嘅添 完全冇肉嘅味道😅。湯就幾特別 香白蘿蔔味。 特飲 係蜜糖茶 就好似超市買1.5公升嘅茶 一樣😅。Main course 有ribs 同埋 pan fried salmon risotto. 兩款食物都算幾好味。Ribs嘅薯蓉有黑松露油嘅香味。我就覺得risotto太creamy。Dessert 係迷你cheesecake。好細件 不過成set 咁食法 再大件嘅cheesecake 我都係食唔曬。…查看更多

身為馬來西亞人，我都係第一次係香港食馬來西亞餐。好多同鄉都話呢間嘢好味。 唔知旺角分店開返未 因為去咗幾次都冇開:(今次試咗肉骨茶 同埋辣椒板麵。佢哋會俾一人一碗肉骨茶湯。我本身好鍾意辣椒板麵 但係呢間嘅辣椒板麵 同我係家鄉食嘅有少少唔同。 平時啲辣椒板面嘅辣椒係炒香咗嘅蝦米辣椒 但係呢間嘅辣椒 係辣椒醬 同埋碗麵冇木耳 但有超多肉碎。肉骨茶都好味。 如果 kaya toast 係正宗馬拉茶室用嘅麵包一定更好味。一定會再去食。下次應該會試其他野…查看更多

我好耐冇去知西環碼頭 唔知幾時係隔離有個 中西區海濱長廊（西區批發市場前面）。 5/March-好多小朋友同家長一齊玩 有人跑步🏃 亦有人影結婚相 🥰第一次試飲呢間Cafe嘅飲品, 老闆幾親切。 買咗杯Iced Mocha. 幾好飲 唔鍾意飲太甜嘅飲品可以試下Iced mocha 少少朱古力味。 呢間Cafe用紙嘅飲筒 好環保 😂 如果你同我一樣，鍾意一邊睇書一邊飲嘢 呢度真係好啱你。 雖然個太陽有D曬，但係你背對住太陽就冇問題 😂😂 …查看更多

我未去過意大利 所以唔知乜係正中意大利Pizza。不過我係Youtube睇過條Video話呢間野主打意大利Pizza。 好彩呢間餐廳有賣一大塊Pizza 如果唔係 我諗我都好難一個人黎試食Pizza。今次試食 Pepperoni pizza，HK$45塊 但係真係大塊。我唔係好大食 食呢塊已經好飽。 睇我Upload張相，整塊Pizza都有Pepperoni 同埋食到Mozarella cheese。 一個人食Lunch 我就覺得OK嘅 佢哋外賣Pizza係擺落個紙碟 之後用Paper bag 包住。 …查看更多

我諗呢間Cafe出名嘅係Crepe cake 但係我冇試😂 因為我想黎食Sandwich個D食物。 我Order咗Ham & Cheese croissant 跟杯Latte。 Croissant俾我想像中細，似下午茶餐Size，當Lunch食就唔係好夠飽。 Latte 就冇咩特別。 有檸檬薄荷葉嘅水免費飲。 Overall D食物同環境都OK嘅 但係 可能開住門 我就覺得少少熱，如果凍少少，會坐得舒服D。 呢間Cafe竟然收八達通 ！…查看更多

星期一冇嘢做 去試呢間Cafe. 裝修設計都簡單，得幾張檯咋。我今次真係俾差評 係因為D食物真係難食. 我係Order咗個芝麻醬冷面配八爪魚🐙火腿 飲花茶。個Set有冷面，沙拉，芝士蛋&飲品。以下係我俾差評嘅原因第一：有個女人係廚房整食物 但係完全冇綁D咁長嘅頭髮 俾人感覺唔顧衛生，衛生方面已經扣分第二：個Set Lunch Menu嘅芝麻醬冷面 真心難食 D味道唔係好match，仲有嘅芝士蛋係冇味 基本上好似冇落芝士 第三：個Set lunch 有得揀花茶 原來係樽裝雪櫃攞出黎嘅 有個Teabag係裡面 飲落有D怪怪哋 可能Teabag浸太耐嘅可能呢間嘢其他食物好味 但係Set Lunch 就真心唔會再幫親。…查看更多

西營盤近呢幾年開左好多間文青Cafe。今次試下呢間。 環境好好，星期五下午茶時間冇咩人。好靜同埋都適合黎睇書 係間Cafe chill整日。睇得出老闆係應該係真係為興趣而開呢間Cafe 因為得兩個員工 （包括老闆自己） 食物同飲品都唔錯！價錢非常親民，D食物可以加$20 加飲品。絕對推薦俾人黎試食。 Tried this cafe on Friday afternoon. It’s a modern, brightly lit cafe with air-condition. Food & drinks are affordable. Definitely a great place to chill & read a novel.…查看更多

呢間嘢原來有堂食 我舊年喺時代廣場返工 經常叫外買呢間野嘅意粉 但係今日去試堂食（19/3/18）13:30好多人 最後決定外賣返學校食今日嘅忌廉蘑菇湯 好香蘑菇味 唔似罐頭嘅忌廉雞湯 …查看更多