Fatsheep1000298的個人專頁

十月25號，諗住出得銅鑼灣食烤肉，求其是但一間都唔會差得去邊喇。跟住上openrice 見到一間咁多好評，就諗住食喱間，係參考期間都有睇過D負評，見到其他網友話差到無論，而我都冇理，可能其他人唔係食最貴，所以奶嘢。點知就係食最貴先奶嘢。一開始坐底，帶位果個妹妹就講述咗一陣收費，而我都未問清楚（唔夠五秒），佢已經走開咗幾個卡位。唔知係咪知我生嘢俾佢發現咗，所以走夾唔抖。之後我就再叫過第二位過嚟叫佢講清楚收費，先明白原來佢部pad同真實收費係not match 。原因係佢system 問題。好喇，唔講服務，講食物質素。當時我已經揀咗佢最貴果個放題$598再加$78:(任飲。佢地一上第一碟佢地話最靚嘅（日本A5和牛），我心諗“P x 喇，奶咗嘢”，因為我一望就見到佢份和牛係雪到冰曬上碟，咁啫係唔知冰咗幾耐先俾我喇。當時我仲有一絲希望係唔好睇，但好食。點知同我預期中一樣（係唔好食同唔值喱個價錢）。唔好食嘅原因，佢地話最靚嘅日本A5和牛，係有根嘅。最靚嘅嘢都唔好食，其他嘢唔駛講喇。最後，佢地個system 唔清晰，無論你地揀咩plan都會show曬佢地加錢同唔駛加錢嘅食物出嚟，隨時俾貴幾百唔好問點解啦。環境係值得讚嘅，好有日本居酒屋feel，但食物質素就不敢恭維。ps ,不聽網友言，食垃圾在眼前…查看更多

叫咗一碗花甲粉中辣加山根，走金菇，合共$46十分鐘左右已經煮好，可以攞得返到屋企先發現，佢冇煮山根俾我，我立即打俾佢地，佢地都好快退還六蚊俾我。到我番煮嚟食嘅時候，再發現原來連芽菜都冇俾我總結味道，中辣辣道都可以嘅，但最差就係花甲，未咬落個肚已經成口沙。仲有，大家覺得喱D係花甲定蜆？…查看更多

今日到咗西貢住兩晚，第一餐就食西貢最出名嘅海鮮。見到有一間叫勝記海鮮飯店，佢相比其他海鮮酒家係好偏僻，同埋見到有所為嘅米芝蓮牌，就試吓睇吓係中伏定係堅好食。食完就真係伏得好緊要，海鮮只係叫咗三樣。第一樣，花竹蝦兩隻，我地選擇咗刺身；第二樣，瀨尿蝦皇，我地選擇清蒸；最後一樣，花螺，我地選擇辣酒煮。續樣講，首先講花竹蝦刺身（6兩-$240，未計加工費）冇鮮甜味冇蝦味，清蒸瀨尿蝦皇（8兩-$200，未計加工費），上碟只係得隻碟同隻蝦，沒有其他伴碟（最衰忘記影相）。最後係辣酒煮花螺（12兩-$180，未計加工費），花螺韌辣味似街邊辣魚旦。貴得嚟好食都好，最橙就係貴得嚟唔好食，而米芝蓮嘅星，已經係2018嘅事，唔知係咪因為近幾年食物質素好差而攞唔到（我估），我覺得係咪要規管一D過氣嘅米芝蓮餐廳，唔俾佢地掛個牌出嚟呢？到最後埋單係$1518。包括刺身費$178，辣酒螺費$118，蒸瀨尿蝦費$178，海鮮$620，一支酒$58，豉油皇牛肉粉米$188，茶💰$40/2位。總結，勝記係有名冇實力嘅海鮮酒家。唔食唔會後悔，食咗先係後悔。…查看更多

當日結婚週年沒有訂枱，在openrice嘗試係元朗搵D好味嘅餐廳慶祝，所以膽粗粗就搵咗喱間試吓，一試之下真係有驚喜，價💰同食物質素係正比，環境食物服務都係值得再去。值得推薦係佢地嘅海膽帶子多士，初時叫嘅時侯都係諗住求其叫D嘢試吓，點知一上到枱，就哇咗一聲，佢地塊海膽又大件，又唔孤寒唔會得一塊細細塊嘅海膽。而見到佢地唔會淨係諗住走高級貴價路線，佢地都會有餐加$30-$60左右轉做set。今次未試過食佢地嘅意粉，下次一定會再去試。…查看更多

當晚叫咗兩份扒，一份豬鞍架$60/100g（要250g起），另一份係風乾西冷扒$168/100g（都要250g起）。當時諗住喱個價💰雖然貴，都應該唔會輸得去邊喇，所以我同太太都叫咗每份250g嘅扒。點知兩份扒煎完出嚟上枱之後，食第一舊已經知道被騙，無論🐷同🐮都係唔值喱個我覺得咁貴嘅價錢。豬鞍架冇肉汁好韌，似瘦肉；而另一份風乾西冷扒，店員話幫忙安排五成熟，上枱切開後，又冇肉汁又韌，都唔明白點解間舖會係扒類出名。一定唔會再做第二次傻仔到貴店幫襯。…查看更多

中午時間到逸東食晏，是但搵咗間茶餐廳，叫咗一碟咖喱🐔飯，初時食個飯都冇大問題，只係食到配料（例如，洋蔥、青椒等等……）係唔熟，而雞呢，每舊都有少少紅，都算。再食之下，有一舊竟然係透明添。再找侍應理論，她竟然話已經熟咗，未熟係紅色的。最衰冇影低舊生雞，淨係影低咗張單。:(成碟飯可以講全部都係生嘅。而我兩個同事食嘅係咖喱牛腩同XO醬豬頸肉炒河，喱兩碟都係佢地星期三精選嘅食物，所以落單後五分鐘都唔駛，就已經送到上枱。 逐樣講，咖喱牛腩好韌，冇一舊食到。而碟炒河，未至於凍，暖暖地。總結，咁貴食佢=搵笨。…查看更多

同屋企人由元朗出到嚟食叫咗三個餐個魚湯除咗冇味精之外，仲冇魚味。濃郁酸辣高湯，湯唔辣唔酸，冇得選擇辣嘅程度。蠔油時菜，時菜方面過曬火喉，係普通麵檔食仲好味。金蒜雞湯蘿蔔，唔淋，唔入味，雞湯得酸味，其實都唔知用咩材料。…查看更多