or#Tm65922143的個人專頁

幫襯左幾次，今次母親節食飯經驗真係好差。首先打去訂位先，職員態度已經好差，我以為因為太忙佢地先咁差態度，老實講我之前去幾次都正常服務態度唔係咁既，所以先會回頭幫襯。訂位時我訂6:00，佢有提及只可用膳至8:00，之前每次去都係咁，所以我知道亦接受。然後當日去到，我地落單，落完個職員已經話，淨係可以落一次單，唔可以再加單。我果下已經好不滿，訂位時講可以用膳到8:00，但冇提及只可以落一次單！同埋啲野食唔好食，啲咕嚕肉唔脆的！同之前食差好遠！唔會再幫襯下一次…查看更多

係時代廣場既百樂潮州一直係我最鐘意既酒樓。當出面大部分酒樓都賣工廠點心，宜間仲係手造新鮮點心，食過就知道真係同工廠做既機械點心係完全唔一樣，真係好食好多！燒賣，蝦餃，韭菜果，粉果都係皮薄餡靚，味道岩岩好，唔會太咸。鐘意食辣既可以點埋佢地自己廚房煮既辣椒油，更加好食！除左點心真係仲要大讚辣椒油。不過最令我驚訝既係佢地前菜都好出色，又係佢地自己廚房自家製，食過貢菜，酸菜，花生同埋辣蘿蔔，睇落簡單既材料，佢地廚房就係整得用心好味，食完仲好開胃可以食多D點心。仲有餐前餐後一杯濃郁的功夫茶，實在太滿意！…查看更多