呢排打過幾次電話話叫外賣，次次都話唔夠人唔送。大佬，係你地嘅宣傳單張話有外賣送，仲要送外賣你有收我服務費㗎喎。你如果係唔再送外賣就麻煩請唔好喺宣傳單張再講話有外賣送。啲聽電話個職員啲態度又好唔客氣，心諗做顧客嘅幫襯佢好似俾錢貼難受咁。今時今日咁嘅服務態度去邊度搵？之前其實都幫襯佢堂食幾次，外賣亦都叫過幾次，真心覺得佢啲嘢尚算可以。點知依家啲服務越來越差，呢間嘢睇嚟要永久blacklist。龍門冰室嘅老細如果見到呢個留言，請正視下員工嘅服務態度。我唔知依家貴冰室話唔送外賣，係出自你本人嘅意思，定係員工私下作嘅決定。如果係後者，你真係要正視呢件事。要知道，趕客易，吸引顧客難。顧客俾你趕走後，以後會永不光顧你，最後損失嘅係你自己。…查看更多
以上食評乃用戶個人意見 , 並不代表OpenRice之觀點。
讚好
推介美食
冇，服務太差
用餐日期
2018-09-25
用餐途徑
外賣送餐
人均消費
$60 (午餐)
