yoyo11864的個人專頁

夜晚11點幾專登揸車去到觀塘想試下叫咗 炒腸粉 燒賣 三寶食物就係大家估到既小食店質素 不過不失但男店員既態度實在非常惡劣☹️☹️ 見到係我之後黎既人都已經拎曬野食我咪去問下然後男店員話炒腸粉係要等下 但講緊已經等咗20分鐘 係我後面買炒腸粉既人都已經走咗 明顯漏單😟但佢死都唔認 仲好大聲呼喝話「係要等下架啦炒野！」跟著好不耐煩咁問我三寶想要咩其實早五分鐘就已經講咗……佢根本完全無認真處理我張單山長水遠黎到受氣…. 只怪自己一時貪得意可一不可再。…查看更多

之前lunch黎過 幾有驚喜 今日係觀塘夜晚諗唔到食咩 決定再訪北海道和豚日式炊飯 ($158)店員話無曬和豚 用豬鞍代替 成件事完全失色😵明明本身話會有少少粉紅色 上到黎完全熟曬之前Lunch食過 味道差好遠 呢一碟真係失望 🥲🥲要讚就只可以讚下炊飯 但份量少得可憐熟成封門牛柳 ($158) 最多人推薦呢個 果然係無錯😋食得出熟成牛柳獨特既味道 雖然份量唔多 但都夠女仔食 薯蓉creamy 加埋昆布牛油汁好夾法式西多士 ($78)見到相就知佢無得輸 蛋液完全滲透成塊麵包上面啲士多啤梨乾酸酸甜甜Cream都打得軟滑 —————————————————————————總結係豬鞍比較令人失望 其他都唔錯係出面餐廳比較少食到既味道 不過第二次食就已經唔大驚喜 可能餐廳要考慮得閒轉轉menu🫣🫣🫣…查看更多