只係食完飯搵個糖水食，無諗過咁都要比人鬧。我地4個人一入去，無人係門口，見到吧台有4個位，問左ok就坐低。坐低左無人比menu，唔緊要；我地擰去後面自己拎。因為我坐係出菜位隔離，個紥辮女侍應一直係隔離出菜，有幾下唔知佢要望廚房啲咩，個人挨落黎我度，都算。之後我地埋單，我朋友都係揚一揚張單叫一句「埋單」，個紥辮果位女侍應就話：「埋單係果邊呀，門口果度呀，呀小姐！呢度出菜架！用下個腦都知唔會係呢度埋單啦！有無腦架？」我聽到佢講嘢就即刻啤住佢，可能佢自己都心虛啦，後來越講越細聲。買單嗰陣我忍唔住同埋單嗰個侍應哥哥講：唔該叫你同事客氣啲。我發誓以上說話我完全無老作，亦唔係打手，因為我真係好嬲，嬲到要即刻上黎打comment。如果你要質疑我有冇喺度食嘢我可以話俾你聽，我地張單食左$158，食咗兩個芋圓桂花糕涼粉，一個椰汁涼粉西米露，一個椰汁芒果西米露。之前再睇吓人哋啲comment原來條女唔係第一次鬧人。出嚟打工唔理你老闆點樣樣鬧你，你唔係攞啲客嚟出氣囉。由頭到尾，我地都諗住拿拿臨食完就走，對個女侍應講過既只有「4位」，「埋單」食品黎講，中規中矩，價錢都中等。但如果個女侍應仲係咁，都唔洗旨意有回頭客。…查看更多
佢地仲坐同你講today special係咩今晚4個人叫左忌廉白酒貴妃蚌 配多士貴妃蚌夠肥！本身諗緊點解要配多士🤔一浸落去個忌廉白酒汁我就明！勁香！芝士忌廉蟹肉蟹膏薯條🍟好少有呢個配搭，夠香，都多蟹肉！黑松露芝士焗大啡菇啡菇勁juicy! 不過比較容易切散黑松露烤雞燉飯🍚姐姐唔記得落單，不過當佢上呢個飯果陣，我原諒左佢！個烤雞好香，唔柴。個飯唔膩，不過松露味可以再勁少少🤏價錢合理，整體質素唔差，環境都舒適可以encore!!!
座位舒適 音樂唔會太勁食物方面 叫左黑松露薯條🍟芝麻雞翼蟹肉蟹膏燴意大利飯炸蟹餅（因為無炸蝦餅）黑松露雜菌pizza🍕芝麻雞翼以為會好普通，點知有驚喜！
炸得幾甘香，唔會乾柴炸蟹餅外脆內軟都唔錯可惜上面有芥末醬（我唔係好食得）但整體都好味既酒水方面 侍應哥哥都會推介一d seasonal cocktail 都唔錯架！
香煎美國牛腹排伴法式牛油焗薯
叫左7成熟外層少少乾，內裡鬆軟個汁應該係燒汁 味道適中跟餐仲有是日甜品（朱古力蛋糕）細細件，味道ok其他待續
Menu上既sauces，算我廢，我睇唔明。然後waiter好用心地每款都解釋比我地聽。由於未食過，我地都問佢推介我地邊款，就揀左紅酒燒汁配豬扒，同一款有蒜有香草有丁點兒tabasco 既醬配牛扒（利申：本人唔食得辣，但個醬一d都唔辣，仲好惹味）
講講個牛扒，我地叫5成熟，切每一下都見到好juicy，肉質好鬆軟。伴碟仲有一個蒜頭，比你配sauce同牛扒一齊食，真係好驚喜！你去Outb_ck/ Ru_y Tu_sday食塊300-600既扒，都無佢處理得咁好。 可能我太中意食牛，食個豬覺得都好食既，僅僅熟，唔會柴，有d汁，但唔似牛扒咁驚艷。不過值得提既係，紅酒汁配豬扒好夾，因為豬扒比較淡味，佢個紅酒汁夠濃，食食完再食。一個main配 一個sauce,兩份小食咁我地兩個main，就有4個小食。叫左佢推薦既beef fat fries + mini beef rice。我就覺得薯條鹹左少少，個牛飯d汁幾濃，但都有d鹹，重口味人士必點。另外仲有mushroom+薯蓉，我比較喜歡呢兩個。Mushroom佢似係焗，又香又多汁，得3塊真係嫌唔夠食；薯蓉味道就正常，但值得讚既係佢好幼滑！Coffee/tea全部都係熱飲，如果要飲凍飲要當正價（當然亦有酒可以order,都係正價）成餐飯都係食左$550/2人，你去連鎖店食都唔得/無呢個質素。*呢間要訂位（最好早一個星期），如果walkin基本上唔洗諗**佢地唔收加一，不過你可以比貼士***侍應對menu好熟悉，如果你真係無頭緒，叫佢介紹，實無死****佢有Today’s Special，係靚肉做特價（我果日係M5和牛）可以留意下
