B仔食好野的個人專頁

朗豪坊眾所周知係多好野食既地方，今日難得黎到，當然要試下呢渡既野食啦😍 行過Foodcourt果層，見到一間餐廳門口有條大長龍。呢間就係Pizza Maru!!所謂要食好野就要付出。為左食好野，我當然唔怕辛苦啦幾經辛苦終於排隊入到去一坐低，我就叫左份炭燒雞肉芝加哥。一上枱嘅時候，就感受到熱辣辣嘅芝士同雞肉香味🤤 一拉仲有一條長長既拉絲，芝士控既人一定最岩 又熱又脆嘅外表，加上杏仁片嘅點綴，令到成個Pizza昇華到另一個層次。之後仲要做一個Half & Half炸雞。顧名思義，就係一份炸雞份量 (12隻)，可以試到兩種唔同嘅味道 我就試咗蜂蜜牛油秘製炸雞同埋芝士秘製炸雞🍗蜂蜜牛油秘製炸雞，同時甜鹹味互相交錯，衝擊味蕾。蜂蜜嘅甜唔會遮蓋牛油嘅味道，牛油味亦唔會太重，絕對適合大眾嘅口味👍🏼芝士秘製炸雞就相對簡單，熱辣辣嘅炸雞加上芝士粉，味道屬於典型既芝士炸雞，唔算有太大驚喜。最後我仲叫咗一份Maru秘製青口鍋。呢個我每次去到都會叫嘅菜式，因為佢少少辣嘅醬汁，配上粒粒青口，相當惹味 不過提提大家，如果怕醬汁太濃，食到鍋底就唔好再點咁多醬啦總括而言，環境尚算舒適，食物夠晒熱去襯托食物嘅味道，提升左食物嘅層次。所以下次去到朗豪坊唔知食咩好嘅時候，都係一個不錯嘅選擇…查看更多

朋友間都介紹咗幾次呢間餐廳，直至今日先有機會食到 佢位於尖沙咀山林道，地理位置方便唔難搵。坐低之後睇吓個Menu，上至主食，下至甜品，一應俱全。 一向注重健康飲食既B仔，當然要試吓佢哋嘅招牌，梔子沙律啦🥗 一層滿滿嘅牛油果塊鋪滿藜麥，加上唔同嘅新鮮沙律菜，比到人一種好fresh嘅感覺 再配上黑醋醬，酸酸甜甜令到我哋食慾大開🤩而意大利麵，我哋叫咗一個牛油果蟹肉意大利麵。佢先將牛油果打成醬汁，同意大利麵混合。令到每一啖都有清香嘅牛油果味。加上蟹肉碎，為呢個菜式增添層次感除此之外，我哋仲叫咗一份黑醋巴馬火腿意大利麵。巴馬火腿嘅份量，足以鋪滿整個意大利麵。呢款菜式有黑醋做調味，抹去左火腿上面嘅油脂感。小食方面，我哋叫咗一份黑松露薯條，熱辣辣，脆身嘅薯條，點少少黑松露醬汁，呢個配搭絕對有保證🥰最後野飲方面，我同朋友就叫左一杯Mocha，無糖可可香蕉，杏仁香蕉同埋桂花雪梨茶 當中，尤其是係個無糖可可香蕉，唔會太甜！，岩灑主將健康飲食既都市人🥰 而個養生茶，有清清既桂花味，夾住雪梨既果香味，令疲勞既學生/打工仔女可以充一充電⚡️⚡️最後，店員要求食客，將用過既紙巾放入準備好既紙袋入面，符合依家講求衛生既社會，保障大家健康😍👍🏼…查看更多

行過堅尼地城海旁，見到一間唔算好大鋪面嘅餐廳，上網見到幾間分店，應該都係一個質素有保證嘅餐廳入到去，簡單嘅霓虹燈已經帶得出餐廳既格調。再睇睇餐牌，款式唔算多，但每一款都幾特別 魚嘅種類來自世界各地，連新西蘭既都有😍 其次仲有好多款小食同埋烤雞，每一款都係充滿外國嘅特色，滿足到而家冇得去旅行既人去感受一下氣氛🤣首先，我叫咗半份烤雞，肉質香脆嫩滑之外，外皮嘅底層仲包含住一層薄薄嘅脂肪，加上剛剛熟既肉質，實在好食到停唔到口 再配上薯蓉，令到我每一啖都大滿足！除此之外，我仲叫咗一新西蘭嘅Monk Fish!! 咬落去，每一啖都感受到鮮味，加上鬆脆既外皮，令到本來少食魚嘅B仔，都忍唔住要食晒佢 而且薯條係扁身長條型，少少鬆軟，感覺唔算好熱氣🤣總括而言，食物質素唔錯，比到人去咗外國嘅感覺。而且服務態度好，樂於助人，見到人哋坐個位置有危險嘅時候，會主動去提提個食客，非常體貼。而且呢間餐廳仲有幾間分店，所以都值得大家一試！…查看更多

太古城一向比到人一種高尚優雅嘅感覺，能夠喺入面經營嘅都應該係啲有質素嘅店舖。可惜，呢一間茶居令我極為失望首先，我叫咗一份香煎蘿蔔糕。表面上好似有煎過嘅痕跡，但只要細心一睇，個底係完全冇煎過，敷衍了事.............而且1塊蘿蔔糕，我只搵到一條蘿蔔絲，令我開始質疑蘿蔔糕本身嘅定義😑之後我叫咗一個筍尖鮮蝦餃。一嚟到，只有兩粒嘅蝦餃，咁少份量既唔再講，個蝦餃皮厚實到令我又要反思，到底蝦餃皮本身係咪應該要咁厚🤷🏻‍♂️🤷🏻‍♀️再之後黎一份北菇蒸雞飯。本應個賣相為呢間餐廳攞返僅餘嘅分數，但係比我發現到，雞毛都未清理好，又想敷衍了事 尤其而家講求衛生，食物質素更需要保證，唔好因為footcourt入面既餐廳就諗住可以敷衍食客最後就係一份灼菜心。其實白灼蔬菜本身都應該有保證。但係一上枱，只有四條至五條嘅菜心，咁嘅份量算係正常？😨😨 我懷疑而家嘅都市人因為速食文化，食嘢實在太少🤔 但係我又唔明白，佢啲菜要咬左好耐先食到，咁又好似配合唔到速食文化🤔總括而言，咁嘅地區環境，我估唔到可以有一間失望到咁嘅餐廳存在，食到懷疑自己未食過最正宗嘅點心菜式🙈 其實我想搵一樣值得比我讚下，咁難架咩.................…查看更多

去到太古城，上網見好多人都介紹呢間餐廳。一坐低睇完餐牌之後，就叫左佢個set首先第一道菜係三點刺身，包括赤身，油甘魚同埋甜蝦。味道都算新鮮，屬於正常發揮之後就到吉列珍珠蠔兩隻。外表香脆，不過我覺得個麵包糠有輕微厚身，要視乎係咪好鍾意食吉列炸物既口味。而蠔本身熟既程度恰到好處，所以都值得大家一試再嚟就係鵝肝鐵板燒同埋美國安格斯肉眼鐵板燒一齊上 煎香嘅鵝肝散發住鵝油既香味，而且佢將鵝肝放咗落多士上面，利用多士吸收多餘嘅油份，唔會有肥膩嘅感覺 而肉眼鐵板燒，我選擇七成熟，牛肉肉質幼嫩，不過份量有啲少........🤔之後就到煙肉炒飯。感覺上同平時嘅我哋食開嘅炒飯分別唔大，所以呢個我係有少少失望🤔不過個麵豉湯同埋日本芝麻雪糕，味道濃郁，比到我一種清新既感覺，所以都值得一食除此之外，我仲叫咗個天婦羅定食。每件天婦羅🍤都乾脆可口，材料都算新鮮，所以性價比反而更高…查看更多

香港物價高漲大家都知。要食到平民價錢嘅甜品一啲都唔容易，尤其港島區咁多出名嘅甜品店。今日行過西灣河，終於比我搵到一間經濟實惠嘅甜品屋呢間甜甜屋裝修簡單樸素，但係款式唔比其他出名店舖少。今日我叫咗一個芒果班戟同埋一個鮮草莓窩夫🧇先講吓個芒果班戟。本身份量都足夠兩個人分享，最適合嘅朋友一齊嚟食呢個經典甜品。外層包住薄薄嘅班戟皮，而入面既忌廉同芒果比例適中，唔會有膩同滯既感覺，芒果肉仲幾甜添之後就係鮮草莓窩夫🧇 依家要用40幾蚊去食一個窩夫配上鮮草莓，真係唔係咁容易搵到。雪糕口味有好多款式俾我哋選擇，雲呢拿，草莓，朱古力，芒果，曲奇，綠茶，豆腐都有得揀！ 難得有豆腐味嘅雪糕咁當然要試一試啦🤣 和暖嘅窩夫，混上酸酸甜甜嘅鮮草莓同醬，有滿足感又吊胃口再加上淡淡豆腐味道既豆腐雪糕，一冷一熱，相輔相成整體而言，性價比高，款式又多，應該總有一樣甜品適合你🤤…查看更多

今日去咗西灣河碼頭，途經呢間日本料理餐廳，睇睇個餐牌都幾吸引，於是我同朋友就入咗去試一試。見佢個餐牌有唔同嘅刺身壽司🍣，同埋熟食，樣樣野都有佢嘅吸引力。不過平時成日食魚生，今日想試吓呢間餐廳嘅熟食同炸物 不過呢間餐廳距離大路有少少遠，要行接近10分鐘路程。不過為左食好野，我同朋友都唔介意行遠啲首先我就叫咗一個吉列三元豚丼 (日本產) 外表薄薄一層炸至香脆既麵包糠，加上內裏鬆軟既豬扒，再配埋佢地既秘制果汁味噌汁，成為一個完美既配搭 每個款式佢仲有一件玉子，份量又唔細，所以都係一種享受🤤跟住我同朋友再叫左一份海鹽輕燒石狩丼。廚師將三文魚的外表輕燒過，將三文魚油同香味逼出，而入面依然保持三文魚魚生既狀態。一次過帶比我哋雙重享受 再加上一粒粒三文魚子，令到每一啖都充滿淡淡嘅魚子鹹味。所以少少海鹽做調味，已經帶起到味蕾既享受😍最後我哋仲叫咗一份溫泉玉子唐揚嫩雞丼。呢個我幾欣賞佢炸雞外面只有一層薄薄既油包住，唔會有滯既感覺，感覺食起上黎罪惡感都無咁大😆 而且個溫泉蛋又保持到水準總括而言，食物味道唔錯，地理位置處於蘇豪東，所以價錢算係適中。而且佢keep住有人流，令到食物去留有保證，尤其日本食材最講究新鮮…查看更多

今日去咗九龍公園附近行街，天黑開始想搵嘢食。上網見有人介紹呢間食生蠔嘅餐廳。因為我本身係一個鍾意食生蠔嘅人，所以我決定試一試呢間餐廳入到去就感受到，以海藍色為主調嘅餐廳。雖然格局唔算大，但係簡單嘅佈置，更加顯得出佢係以實力取勝嘅餐廳。 睇一睇佢嘅餐牌，果然有好多來自世界各地嘅生蠔選擇，亦都唔少得主菜同各款小食啦今日我就揀咗一個二人套餐。佢本身包六隻生蠔，但因為B仔實在太鍾意生蠔，想試多幾款唔同品種，所以額外再加多兩隻下面幅相，由左至右兩隻兩隻咁，我分別叫咗:Westcott Pacific (USA) 👉🏼 $36/each蠔嘅味道適中，海水鹹味又唔重，質感Creamy。 適合平時唔係成日食蠔嘅人Namibia (South Africa) 👉🏼 $48/each蠔味比較清新，海水味就有少許突出。而且蠔身細小，絕對適合一啖食落肚Astoria Jumbo (USA) 👉🏼 $58/each呢個可以話係生蠔中之霸王，體型巨大，肉質尚算豐厚，而且味道平穩，適合大眾口味🤤Irish Premium (Ireland) 👉🏼 $32/each呢個蠔味濃郁，而且海水鹹味非常突出。再加上佢有淡淡嘅礦物味。唔同層次交織埋一齊，絕對能夠衝擊我哋既味蕾跟餐主食我哋選擇左意大利風乾火腿蘑菇意粉配橄欖油。食材我估佢用咗24-30個月嘅黑毛豬，味道清香得黎，唔會遮蓋蘑菇同意粉嘅味道，而且一碟有好多塊黑毛豬添！除咗套餐之外，我哋仲加咗兩個小食。第一個係香脆粗薯條配松露沙律醬。一放落就已經感受到薯條新鮮出爐，熱烘烘嘅感覺。所以大家拎上手嘅時候千萬要小心啊!!!!!呢個嘅重點就係個松露沙律醬，松露嘅份量適中，唔會太濃烈，再加上少少甜嘅沙律醬，帶俾我食薯條新嘅感覺。如果下次我再嚟，我都一定會再叫我唔知大家以前鍾唔鍾意食麥當勞嘅脆香雞翼？如果鍾意嘅話，呢間餐廳係你不二之選。佢嘅單邊雞翼味道同脆香雞翼一樣，而且都係配上泰式辣醬。而我覺得佢更勝一籌嘅地方係，雞翼外表炸得更加脆口😍 仲要幫你開咗單邊，食起上嚟超方便最後就係跟餐嘅甜品，牛奶布丁。佢嘅牛乳味相對比較重。所以唔鍾意奶膻味道嘅人，可能會未必適合。但如果唔介意甚至好鍾意嘅人，呢個你一定唔可以錯過。而且個布丁夠滑口，濕度適中，令我一啖接住一啖下次如果你行開尖沙咀九龍公園附近，而未諗到食咩，B仔極力推介呢間餐廳俾你!!!!!!…查看更多

旺角地方相信大家都好熟悉。今日B仔要介紹既餐廳，就係呢間Ocio今日一去到，見到好多人等緊位，就知道呢間餐廳質素有保證話說呢間餐廳其實B仔食過幾次，雖然驟眼睇價錢有少少貴，但每一次我食完之後都覺得物超所值 今日睇吓餐牌，決定叫咗一個Ocio特選全日早餐，亦即係俗稱All Day Breakfast🤤🤤一叫完餐，個侍應好快就俾咗碗是日餐湯我地。我諗佢會根據每一日廚師所準備嘅材料去製成餐湯，每一次都唔同，而個味道次次都吸引到我想飲第二碗👍🏼👍🏼 今日嘅是日餐湯係薯仔湯，入面加咗少少肉碎，令到飲起上嚟有少少口感，提升左個餐湯嘅層次😮等到主菜上場，一嚟到，就見到個All Day Breakfast分量十足，而且賣相吸引，睇得出廚師將每一樣嘅食材配搭過🤤滑身嘅炒蛋，水份充足嘅蕃茄，煎香左嘅腸仔同雞扒，仲有炸到外脆內軟嘅粗薯條，全部都係保持上品嘅水準😍位於中間嘅煙三文魚，不但味道香濃幼滑，而且選材新鮮，為整個餸菜錦上添花🤣最後要講嘅就係甜品窩夫。淺啡色嘅燶面，鬆軟嘅夾心，再配上適量既糖漿，令到我食指大動 B仔承認係非常鍾意食甜品，而呢個窩夫令我想好似食神入面既情節，大叫”好好味呀!!!!!!!!!!”🤣 所以誠意推介大家試一試😆 如果怕食唔晒，可以當甜品單叫😋之後再加多一杯橙汁同一杯蘋果汁，味道清新又夠凍，絕對為完美嘅一餐畫上句號。如果你做咗會員，仲有得九折，差唔多免左加一。而且生日月份嘅會員仲有晚巿八折優惠，所以唔係你想像中咁貴😂 而且食物質素，同服務態度，都會令你覺得物超所值簡單啲，食過定未食過嘅你，B仔都誠意推介你去Ocio品嘗美食…查看更多

室內小型賽車場，全香港可以話係絕無僅有。你絕對估唔到，何文田愛民邨竟然有一個😮 不過價錢相對有少少貴，所以本身想玩都卻步🙈今日下午行過，見到入面有一間餐廳，都忍唔住去望一望。發現野食黎講，價錢唔算好貴。最近仲有新開張優惠價而且仲有日式，歐洲風味同埋美國款式選擇於是我就叫咗一個輕煎日本帶子菠菜意大利飯。首先帶子肉身彈牙爽口，又夠大隻。淡啡色嘅肉身，睇得出輕煎嘅痕跡。無論賣相定質感都幾吸引 唯一不足嘅係帶子味道唔夠濃。我覺得材料解凍嘅時候，再延長解凍時間，充分保留海鮮入面嘅味道，咁樣煎起上嚟就更加香🤣其次係菠菜意大利飯，味道濃而不滯。而且意大利飯，每一粒都有少少咬口，都保留左意大利嘅特色。佢個餐包一個嘢飲，我就選擇左Monster Energy，唔洗另外加錢，呢個都算幾抵總括而言，賣相同味道都唔錯。而且可以邊食邊欣賞其他人，賽車嘅速度同埋節奏感，都可以話係一個特色，值得一試…查看更多

好耐冇食過中式餐廳，於是今日決定試吓時代廣場嘅麒藝館👍🏼👍🏼 一入到去，格調偏向高貴暗淡為主，令到我對呢度嘅食物期望都有所提升😮睇完餐牌之後，我發現有好多名貴食材，花膠鮑魚魚翅樣樣齊。不過價錢當然都有番咁上下啦😂😂我就揀選左幾個款式。首先就係花膠紅油抄手(六件)，佢以橙紅色麻辣為主，再加上少少蔥花，令到整個紅油抄手吸引胃口 不過我個人覺得花膠質感同大細都有少少失望，因為咬嘅過程當中，都唔太食得出之後就再黎一道XO醬蝦腰炒腸粉。粉皮厚薄適中，再加上蝦仔同XO醬，食起上黎每一啖都有滿足感 值得推介！跟住就到籠仔臘味糯米飯出場😆 糯米飯份量適中，一個人食又得，同朋友分享又得。唔太乾身之餘同時都有少少咬口。唯一美中不足嘅係，臘味選材有啲肥，未必適合而家崇尚健康飲食嘅人仕🤔再之後就係爆米蜆介鯪魚球(六粒)。雖然個蜆介汁有一粒粒蜆肉，而個米通都相當脆卜卜，但係兩個加埋一齊，點都整林咗少少，雖然好難避免，但係口感有少少奇怪。或者佢唔用爆米可能好少少🤏🏼最後就係雞樅菌一口牛。牛柳粒燒得香口怡人，無論大細同埋色澤，又均勻又合適。如果你係牛魔王既就唔可以錯過👍🏼👍🏼…查看更多

之前聽朋友講，話利東街轉角有一間食海鮮嘅餐廳，幾有特色。於是今日我決定去試試佢因為今日係星期日，我怕夜晚同其他人爭位，所以我決定午餐去試。去到門面，見到佢左邊係上餐廳堂食，右邊就買外賣返屋企品嚐。名副其實向左走向右走😆沿着樓梯上一層，行到入去見到水吧後面有塊大玻璃，可以望到少少入邊煮嘢食嘅情況，增加食慾水吧上面有一個時令生蠔嘅餐牌，我就諗都唔使諗，問侍應關於生蠔嘅最新資訊！佢哋話現時做緊$42/隻，不過佢哋有個優惠就係買五送一，平均即係$35/隻。價錢來講中規中矩。來源方面，侍應推薦咗一隻法國同埋一隻愛爾蘭嘅生蠔🦪 味道方面，法國生蠔一貫礦物味道較濃，但生蠔味道略為不足。而愛爾蘭生蠔，鮮味未如理想，而且海水味道都唔太夠。所以呢方面有少少失望🤔 醬汁方面，餐廳配上酸味醬汁，個人覺得個醬汁有少少濃，更加遮蓋左生蠔本身嘅鮮味，未必個個適合再望望佢餐牌，雖然佢有好多主食，但係當然要試吓佢最出名嘅Signature Combo啦最後我叫咗五種海鮮，包括青口，小龍蝦，松葉蟹腳，鮑魚仔同埋海蝦。同時我哋決定試吓個時令醬汁，佢原來係芝士檸檬汁。配上新鮮滾熱辣嘅海鮮，都幾有滿足感咁多種食材，特別要講下鮑魚仔。佢肉質豐厚，又大隻，又食到鮑魚味 松葉蟹腳都幾大隻，又夠熱，加上淡淡嘅海鹹同醬汁既味道，都幾難忘👍🏼👍🏼呢間餐廳比到人高級嘅感覺，而且價錢都算適中，所以未試過嘅朋友，都不妨一試🤤…查看更多

香港人食麵，無非都係粗幼麵，河粉，米粉等等。但真正嘅人手刀削麵，我相信唔係好多人試過一入到呢間店舖，就見到一個大電視，介紹唔同種類嘅嘢食同埋特色。而場上都掛上不同款式嘅食物，推介唔同嘅手本名菜俾大家🤤🤤睇一睇餐牌，佢有超多種刀削麵嘅配搭同食法。所謂刀削麵自由配，佢有恆常經濟實惠嘅菜式，例如雪菜，雲耳等等，亦有麻辣款式，仲有冷熱配搭，真係一家大細都啱食最後我選擇咗花雕醉雞刀削麵同埋上海水餃刀削麵 先講下花雕醉雞，佢選材雞身爽滑，再加上濃烈嘅花雕酒味同冰凍處理手法，令到整個餸菜處於上品之地🤤🤤 特別要強調一下，佢酒嘅味道比起一般餐廳嘅濃，令到雞身充份吸收酒味。如果鍾意以酒製佳餚嘅朋友，呢個絕對唔可以錯過！😍😍之後個上海水餃🥟，肉碎同菜絲合二為一，加埋刀削麵湯汁，令人想一試再試👍🏼👍🏼 唯一美中不足嘅係水餃皮身略為厚少少🤏🏼 而刀削麵嘅麵條都幾特別，有少少咬口，每條都略有不同，睇得出每一條都係人手從麵粉削落。再望一望廚房，就見到大廚好努力咁製作緊刀削麵為咗食得健康，我都加咗一碟郊外有菜。呢碟油菜睇落顏色翠綠新鮮，油份又唔多，證明本身都幾新鮮最後，我仲想講吓呢間餐廳都幾貼心，知道最近疫情嚴重，每一張枱都放咗一支酒精搓手液俾大家。保證我哋食得開心又放心總括而言，呢間餐廳人流多，食物質素有保證，而且味道都一流，價錢又唔算貴。誠意推介大家嚟試一試！👏🏼😍…查看更多

今日走咗去紅磡，走到去明安街，見到呢間餐廳同對面餐廳個招牌一樣。雖然個名唔同，但我相信佢哋應該係分店😮入到去一坐低，我就叫咗一個雞扒拉麵🍜 豬骨湯底熬製嘅拉麵，令到每一條麵線都包含豬骨嘅味道，鹹度啱啱好👍🏼 不過我覺得粟米粒🌽同埋海帶都有少少韌，仲有進步既空間🙈雞扒方面，廚師將雞扒切件，每一件既大細剛剛好，入口容易。口感方面，每件雞扒都幾嫩滑。再配上燒汁同豬骨湯，味道都算吸引除咗雞扒拉麵之外，我仲額外叫咗個麵豉湯。原來佢用咗白麵豉做湯底，呢個都算少見 加上豆腐，蘿蔔同埋海帶，為呢一碗麵豉湯添上點綴。 不過我覺得麵豉味道略為清淡，呢度同樣有進步嘅空間。…查看更多

今日上咗去銅鑼灣希慎既foodcourt，有咁多間嘢食。諗咗一陣，決定試吓呢一間既漢堡包🍔 佢餐牌嘅嘢食唔算好多，不過都包括晒雞牛豬，甚至乎素菜漢堡都有，兼顧素食人仕，都算幾貼心我就叫咗一個雞肉漢堡。呢個漢堡包包括最經典嘅蕃茄同生菜之外，最緊要當然係主角雞肉啦 ！塊雞扒，肉身厚實又大塊，不過我覺得可以再鬆軟少少就更好😮 不過佢個醬汁都幾抵讚👏🏼👏🏼 甜甜地，同塊雞扒個味非常配合。再加上比漢堡包身吸收左，令到成個漢堡包嘅味道多個層次加$29跟餐就有埋薯條同飲品。 個薯條係粗身型，咬起上嚟算係外脆內軟。最重要嘅係新鮮出爐，每一啖都非常熱辣辣。加上少量鹽分，鹹度啱啱好咁熱嘅嘢食，配一個凍檸茶，簡直係絕配！…查看更多