l.tsui的個人專頁

最近台灣朋友黎HK去左呢家店，仲推介返俾我，其實我之前都有黎食過，所以今次又返黎食下有咩唔同。又真係有新menu，可以試下其他韓國菜式。經典的醬油蟹連飯($380)，必食，蟹好大隻。將飯加入蟹蓋同蟹膏一齊食，蟹膏鮮味，白飯吸收哂，真係完美配搭。再食蟹身，啖啖肉，食得好爽。紫菜飯麻油香，拌蟹子，單食都好正。下次人多可以叫拼盤，仲有鮑魚，蝦和扇貝食。蜂蜜黃油無骨炸雞 ($130 half)又係必食，炸得非常脆，蜂蜜香甜，雞肉嫩滑，好吃。牛小腸鍋 ($380)係新菜式，好有在地感。牛小腸好彈牙，仲有牛肚，個湯少少辣，好醒胃，配料都好豐富，有豆腐，菇菌，翠肉瓜，年糕，皇帝菜，都好健康。…查看更多

估唔到係荔枝角開左間銀座的高級和牛燒肉店，今次是一個很好的體驗，首先門面已經感受到日本風情，入面的裝橫也很舒適，很有空間感，簡單的色調，圖案和木的配搭，令你忘記左自己在HK。Menu 有不少牛部位的選擇，想要食得有幾專業都得。爐先開三分鐘熱了再開始燒，先來吃吃和牛西冷薄切大判燒 $238，肉的雪花紋理均勻，很漂亮。如果未來過，可以請店員幫忙燒，因為薄切，所以都幾考技巧，店員工架十足，望住佢燒，都覺得賞心悦目。燒完會先剪開，然後分俾我地食。和牛西冷不會太肥太膩，肉也燒得剛好，香氣四溢，口感十分嫩滑，可以加蛋漿吃，令味道更豐富。另一特色就是炎藏和牛極致6點拼盤 $588，有和牛友三角，和牛芯芯，和牛上等肋肉，和牛貝身，和牛肉腿肉，龜之甲，呢個組合都好廣。我喜歡和牛芯芯，口感柔軟。龜之甲也很特別，是稀少部位，係牛大腿四頭筋，佢唔肥，比較爽口。和牛肉腿肉也很美味，柔軟中帶點咬口。和牛貝身係牛柳下方位置，同和牛橫膈肉差唔多的口感。和牛友三角的油脂分佈適中，係霜降牛肉，令人再三回味。加了上等牛舌 $98，這樣就是完美的和牛宴。在日本，也有店家推薦加wasabi一起吃，真係唔錯，大家都可以試下。…查看更多

屯馬線開通，去荃灣西再不是夢，而且日本鎌倉過江龍紅葉茶屋登陸OP Mall，一早已經安排放假個日第一站去。店內木系裝潢，十分有空間感，一入去已經有種休閒感，入面仲有榻榻米海景和室廂房，坐在這裡，可以放空一下也不錯，記得要預約喔!餐單選擇多，掃QR code落單。這個火炙三文魚鰻魚茶漬飯$168很不錯，三文魚用火燒過之後更香，不會過熟，鰻魚嫩滑，醬汁不會太多太濃，配茶漬飯一流，記得加wasabi食，味道更地道。豪華吉列定食$138，有豬扒和廣島蠔，新鮮炸的，十分脆口，豬扒肉質有彈性，蠔仲好juicy，配上日本炸豬扒醬汁，感受到佢嘅正宗，令吉列豬和更美味。芒果&西柚紅茶 跟主食加$20，十分有美感，果味香甜，好飲，值得加。雜莓&西柚紅茶 跟主食加$20，多莓，茶味也不錯，非常到價。自選特製新地$75，有忌廉，寒天，玉米片，竟然有銅鑼燒，好特別，揀左抹茶雪糕和自家製白玉，都唔錯，最推介係抹茶軟朱古力，用上森半抹茶，好味到難以形容，必食。秋天的軟雪糕期間限定係夕張蜜瓜，更加係唔食唔得，唔會太甜太假，有真蜜瓜味，成個組合好豐富，令人滿足。抹茶提垃米蘇 跟主食加$35，經典款，跟西式的tiramius不太一樣，帶淡淡的芝士味，配海棉蛋糕，加上面的抹茶粉食，口感清爽而不腻。原來滿$100 送黑蜜抹茶厥餅，好有咬口。成個用餐過程都好享受，由主食料理到飲料和甜點都兼顧到，下次會再黎幫襯。…查看更多

Sonia coffee 新開左新蒲崗店，仲有户外位，秋風送爽，係出面食特別有mood。餐點都幾大份，而且有質量，性價比高。店內環境也很不錯，樓底高，喜歡這裡的日式昭和風裝横和木製傢俱，燈光柔和，很relax。Dinner menu 推薦大家試溫泉蛋山葵卡邦尼意粉 set $103，包飲品，野菜沙律，味噌湯，賣相吸引，意粉wasabi味都幾嗆，好刺激，份量都幾大份，好足料，加埋温泉蛋，蛋汁令味道更豐富，簡單的雜菌和bacon配料已經好好味。沙律仲有大大粒蜜瓜，熟度剛好，都幾有質素。熱美式咖啡果然係招牌咖啡，推薦!下次會再試其他咖啡。靜崗抹茶厥餅配以黑蜜(三件) 跟餐+$15，口感幾煙韌，唔錯。和風芝心漢堡扒x黑毛和牛薯餅蛋包飯 $108，可以揀野菌咖哩汁，好少餐廳有呢個組合。漢堡扒真係有流心芝士，和牛薯餅牛味香濃，炸得香脆，咖喱味也很濃郁，是有質素的晚餐。最後點少得食返個甜品結尾，靜岡抹茶小豆窩夫配豆腐雪糕 $98，窩夫外脆內軟，豆腐雪糕味濃厚，紅豆好大粒，煮得軟糯，仲有厥餅，呢個組合無得輸。…查看更多

上次去左中環店食過，一直對佢念念不忘，喜歡佢嘅昭和復古環境，讓你暫時離開煩囂的世界，所以今晚Friday night 放工都想去一轉京都。溏心蛋北寄貝蛋沙律吐司 $108 有驚喜，溏心蛋好入味，蛋沙律入面仲混入北寄貝，一軟一爽口的口感，十分滋味，吐司也很鬆軟，相當高質。和風蒜香鰹魚帆立貝蜆肉意粉$88 也很不錯，意粉係日式個種幼意粉，煮得啱啱好，好彈牙，海鮮都好新鮮，配上和風醬汁，味道清新。忌廉焦糖吉士布丁 跟餐+$30，係招牌甜品，蛋味香濃，口感細滑。喫茶店鬆餅$68 草莓果蓉$10，厚身鬆餅熱哄哄的，牛油即時溶化，鬆餅充滿蛋香，口感鬆軟，加上蜂蜜和草莓jam，跟hot cake 很搭。…查看更多

很久沒有去西貢玩，原來呢度都有條cafe 街，非常多選擇，特別有一間吸引左我，文青門面嘅小鹿cafe感覺舒適，，仲有好多狗狗係度，已經末開心先興奮。All day breakfast $118 係假日必點項目，咁先喺放假。基本都有bacon, 腸仔, mushroom, 炒蛋，harsh brown, 茄汁焗豆，沙律，mini牛角包，特別有salmon同新鮮生果，有橙，火龍果, 非常豐富。耍配埋Mixed fruit tea $55先夠chill，果味香甜，仲有真生果，可以慢慢歎住咁昅狗狗。Egg Benedict, smoked salmon & Parma ham $98 也很推薦，蛋控制得好好，個心流左出黎，夾埋ham,三文魚和sourdough 麵包食，十分滿足。飲返杯啡先，Dirty $49 +$5 oat milk，啡味香濃，在deer coffee過了一個休閒的下午。…查看更多

尖沙咀食燒味，一定會諗起炯記，係Isquare 附近，十分方便。午餐人很多，但人流快，好快有枱。餐牌有多種組合，一定有你喜歡的，每個都想吃，可以逐一試試。送是日例湯原隻煙燻燒鵝脾撈麵$115講經典一定要食呢個，成隻燒鵝脾食真係好爽，皮脆肉嫩，鵝油撈麵夠乾爽，不會太油太鹹，鵝油也很香，好吃!醬皇冬菇扒生菜$22冬菇炆到入哂味，一口size，生菜爽口，抵食，健康清新之選。煙燻燒鵝瀨粉$64另一組合就是配瀨粉，口感爽滑，仲附菜心。…查看更多

去中環食意大利菜，想要有質素的，介紹大家去Spiga，地點方便，環境一流，食材也很優質。Bread basket西班牙八爪魚$208八爪魚肉質彈牙，配醃洋蔥和citrus酸味味醬汁，好開胃，是一道很好的starter，好refreshing。Hamachi $298魚肉8成熟，肉質相當上乘，配少少黑椒，已經十分美味，仲有焦焦的雅枝竹放在蘑菇醬上，好吃!Spicy sauteed broccoli $78這個似中式炒西蘭花，辣辣地，幾惹味。Scallop linguine $278細扁麵伴雅枝竹和帶子粒粒，sauce 好creamy，落左好多pecorino 芝士，所以有濃郁的芝士味，細扁麵掛到好多汁，令人非常滿足的口感。Salami pizza $208Pizza 很有嚼勁，餅底鬆脆又夠乾身，salami 夠大片，辣得惹味，mozzarella 芝士都好香，簡單美味的pizza，我的推薦!Basque cheesecake $98芝士蛋糕質地扎實綿密，配士多啤梨醬，帶點清新的味道。Pistacchio $98如果吃膩了Tiramisu，可以試下呢個意大利半冷凍甜點，質地似慕斯凍餅，開心果味濃，伴血橙醬，很有異國風情，非常特別的dessert。…查看更多

食左唔少中日韓西餐，想來個印度之夜，發現原來中環都有幾多印度菜食，見到呢間裝横都好唔錯，好decent，就來試試看。mango Lassi $58每次食印度菜都會叫返杯，芒果味出色，甜度適中。kurkure khumbh $138好有特色的前菜， 蘑菇包外脆內嫩，蘑菇好新鮮好大隻，一咬入去就爆汁，仲有芝士，香草同辣椒絲， 配上蕃茄辣椒醬，非常惹味開胃， 而且份量十足。non vegetarian $268燒肉拼盤用了不同香料烹調，有印度燒雞和雞脾，海鮮都好正，有珍寶大蝦和魚，肉質扎實，最特別係羊肉塊和孜然味免治羊肉條，好少食到，很有質素，仲可以一次過食晒咁多款，非常推介。chicken makhni $188招牌菜式， 雞如其名，同Butter一樣咁滑，肉質很嫩滑，味道温和，適合唔係好食辣嘅人， 又可以食到印度菜嘅風味，甜甜辣辣，一定要配印度薄餅，令人十分滿足。spinach cheese Naan $58個plating 都好有風味，用白色布包住個印度薄餅。平時都係食開garlic Naan， 今次試下呢個，加左菠菜和芝士味道豐富，同咖哩好夾，仲好有咬口。fresh fruits platter $68homemade ice cream $68…查看更多

依家去邊度食飯都人頭湧湧，今晚就去打下邊爐先。這裡環境光猛，整齊清潔，仲可以睇住figure公仔打邊爐，感覺親切，有如置身家中一樣，也有不少房可以包廂。唔同時段都有不同收費，分早鳥，貓頭鹰$348和深宵$298優惠，都好抵食。今晚食海鮮餐$408/位180分鐘，先攞野飲，有健康的薏米水，仲有樽裝可樂，好有feel。等緊雞煲時，送上4小碟。刺身船都有幾多款式，冰鎮鮑魚和煙燻豬肝都好入味。招牌麻辣雞煲BB辣，煮7-8分鐘，每兩分鐘炒炒，香噴噴，令人食指大動。海鮮拼盤有龍蝦，都幾大隻，新鮮彈牙。蟲草花椰子花膠湯底清心潤肺。本地手切牛頭脊都好正，牛味濃郁，爽口。之後就任食紙仔揀野食，可以喪食海蝦。薑汁皮蛋貢丸都幾特別，豬頸肉肉質滑溜，估唔到都唔錯。菜藍新鮮，放入充滿精華的湯底，令蔬菜都特別甜美。3.6 北海道牛乳奶凍有驚喜，牛乳味濃郁。原來下午有開心餐$208任飲任食，都幾抵，下次可以試下。…查看更多

去唔到咁遠嘅阿根廷食扒，都可以係中環食到，係大館旁邊，入面氣氛都唔錯，現場有大火爐即場燒。窗邊枱一早坐滿人，平日晚上都幾full，記得要book枱喔。阿根廷燒牛扒最吸引我，有多種不同部分和重量選擇，價位亦十分合理。Wagyu skirt $478/14oz/400gms上枱驚艷，用長長的木盤盛載，牛扒放在中間的鐵板上可以保持温度，五成熟剛好，肉味香濃，肉質鮮嫩，簡單灑上粗鹽已經很好吃，單純的美味。要食得地道就要試下附上的三種特色醬料，拌牛扒吃，就是真正的南美風味。Creamed corn $88 特色side dish 粟米茸好creamy，又幾好食。Sea bass $258 魚皮焦脆，魚肉夠厚身，時間得控制好好，十分嫩滑，配帶點spicy 的蔬菜吃，風味獨特，跟平時西餐口味不一樣。Cajun sweet potato fries $78 粗切甜薯條外脆內軟，加了cajun香料更是非常惹味，食到停唔到口。…查看更多

Plan 緊日本行程都想食返碗拉麵，鬼金棒是一家充滿鬼怪的東京拉麵店，吃辣麻的拉麵很特別很吸引。玉米荀辣麻味噌拉麵$100小辣中麻味玉$15見到個色水已經流晒口水，小辣都唔係好辣，麻味夠，喜歡麻味重的可以挑戰高level，拉麵用上中扁麵，軟硬度適中。配料有很多，玉米荀有烤過，很香。叉燒是厚切五花腩肉，肥美入味，要再沾一下湯食，更滋味。芫荽辣麻味噌拉麵$100無辣小麻味玉$15豆芽菜$15芫荽和芽菜爆多，食拉麵都可以好健康，味玉一定要加，做得非常好，熟度適中，味道又香又濃郁。肉飯$45是完美的結束，一定要在吃完拉麵的時候，把飯加入湯裡面，是正宗日本食法，米飯很Q，跟湯頭很搭，令人一食難忘。…查看更多

Weekdays 放假真係要好好放縱一下，去Harbour city 食個海景lunch 真係一點也不過份。天氣這麼的好，坐外面是必須的。Lunch set有幾個options，我地揀左三道菜$268，有前菜，主菜和甜點，menu甚有特色，坊間少有，好多都想試，仲對住咁有質素嘅靚景，真係值得。首先要杯red wine chill 下先。BreadFresh pineapple juice Onion tarte 賣相很精緻，帶甜的焦糖洋蔥和磨菇，配上脆脆的巴馬芝士片，半熟質感的鵪鶉蛋和artichoke 片，薄撻也很鬆脆，吃起來味道和口感相當豐富，很有水準，不是一般的前菜。以為crab fish cakes 冇咩特別，原來都咁好食，用左sea brass 魚肉做的，鮮味十足，配酸味味的pickles 和他他醬，就是美味。主菜confit duck leg軟透入口即化，跟慢燉砂鍋白腰豆和腸仔吃，很有飽足感。USDA sirloin (+$168) 煎得漂亮，肉味濃郁，口感嫩滑，喜歡它配紅蔥泥和蒜頭，為西冷扒味道加分。Apple tart tatin 是今天的亮點，反烤蘋果撻帶焦糖和果甜，跟酥脆千層派皮超好味，十分推薦。Dark chocolate mousse 加了橙絲，也不錯。…查看更多

最近朋友gathering 比較多，所以都bookmark 左好多間餐廳排住隊試。今次去左Hue Dining，睇中佢個無敵海景同埋Weekend brunch 只係$480/per person, 仲可以加$380 兩個鐘free-flow 香檳，性價比高，又有現場樂隊表演jazz music，氣氛好chill。麵包係sourdough配黑蒜鹽和果仁牛油幾特別。見到sharing starters 就好開心，有5款咁多，每款都十分精美，視覺的饗宴。最愛salmon配whipped cod roe 和三文魚籽，口感豐富，少少酸，好清新，好開胃。Beef tartar 配紅椒核桃醬和烤大蒜片又幾有特色，好吃。每款starter都好有心思，食材新鮮，帶給我新的味覺旅程。油金魚煎香了，魚味濃郁，配蟶子和香蒜辣椒，這個組合好有創意。烤鴨做得很好，蠻推薦的。鴨皮脆，肥肉不多，鴨肉扎實，而且不會太熟，配梨子肉和紅茶醬吃，味道也很搭，會想再吃。最後甜點時間，喜歡簡單的蛋糕可以挑金磚蛋糕，跟persimmon peach tea配也不錯。喜歡多重口感的可以挑香蕉拖肥蛋糕，有香蕉片，vanilla 雪糕，榛果朱古力醬和味噌焦糖，非常滿足。…查看更多

最近很流行吃日本的sukiyaki，而一般高級餐廳的壽喜燒會用A5 和牛，今次第一次黎，先試下美國牛set $488，都好唔錯，性價比十分高，下次可以再試高級的和牛。店家先奉上我喜歡的玄米茶。清酒煮蜆($68)新鮮，煮得剛好，帶微香的酒味。套餐有牛油果柚子沙律，很有份量。極上三色和牛壽司有驚喜，鹽燒黑松露和牛，汁燒葱花和牛，原味薑蓉生和牛，牛味香濃，每一款都在口溶化，很幸福。美國安格斯西冷320g 有十片，份量十足。店員細心介紹有兩種食法，可以先試關西風sukiyaki，先刷牛脂肪，再放牛肉，先燒一邊。再加少少汁，翻轉，再拖幾下吸收汁。然後放入已發勻的日本雞蛋蛋漿，蘸上蛋漿令牛肉質感更嫩滑。野菜拼盤新鮮又豐富。第二個食法就係涮涮鍋shabu shabu，帶甜味的鍋好食到停唔到口，想加個白飯添。最後，食埋吸收晒湯汁的精華的稻庭手打烏冬，完美的結束。…查看更多