iamtung的個人專頁

今日team lunch 去左呢到食飯～雖然有book定但Lunch time 都算多位Lunch set黎講係商場價位都可以接受Lunch set包餐湯或者沙律，我就叫左餐湯，個日係粟米忌廉湯～好濃郁，每啖都有粟米，溫度都好適中主食我就揀左泰式牛肉及牛肉肉丸船麵本身想試吓金麵，點知嗰日冇晒ಥ_ಥ咁就食咗金邊粉佢份量都好足夠，有炸豬皮，少少菜，湯底好濃郁牛肉片同牛肉丸份量都好多！佢仲有泰式四保嘅調味料可以加落去～加少少辣粉已經好惹味！再加多杯熱檸水，呢個Team lunch好滿足…查看更多

今晚收工好想食番茄湯底麵，當然要去最馳名既番茄師兄食佢個招牌！而家改左用QR CODE落單都幾方便，不過就冇左之前D preset，可以自己揀個餸再加配菜我就叫左我至愛——無骨魚片加滑蛋番茄湯烏冬（食左少少先記得影相）湯底依然咁濃郁，烏冬唔係超彈牙個款但係我喜歡的，好似稻庭烏冬咁魚片超滑，不過就有一兩條細骨(´･Д･)」都係要小心啲食最近大愛食辣，不過佢個麻之一滴好似冇之前咁西利加左四圈先有啲感覺，究竟係我食得辣左定佢冇咁辣呢？總括依然，都係其中一個喜愛的飯堂…查看更多

今日去左希慎food court搵野食，見到有間新鋪頭就一試！蝦頭油炸蝦球魚麵撈見啲人食評話係米芝蓮推介，就即刻試一試佢麵身比較彈牙，食落口都有好重嘅蝦油味不過我個人就麻麻哋魚麵（first try）ಥ_ಥ但我諗正常嚟講都係好食的！佢配幾粒炸蝦丸，加沙律醬另外仲配咗個少辣XO醬，可以自己再調味另外再嗌多個小食——炸魚無薯條(●°u°●)​ 」配咗個蟹黃醬，個醬好濃味個炸物本身想做到薯條效果，可惜一咬落去冇薯條咁脆，所以質感有啲奇怪另外仲嗌咗佢個熱既招牌奶茶王，茶味幾香不過杯飲品都幾熱，但係隻杯係冇耳仔(´･Д･)」所以都幾辣手整體嚟講，我覺得味道係好食的，只係個人口味未必好啱…查看更多

今日起身想食light D 就去試下間小店～佢係錦綉花園市中心入面，白色牆身顯得特別簡潔裡面唔算好多位，室外都有兩三個位，今日天氣好其實坐岀面都幾舒服佢飲品選擇都幾多，有多款咖啡同非咖啡飲品所有cake 同pastry 都係店主每日新鮮做我就叫左個Sesame latte同 Banana walnut pulling cake，芝麻味好濃郁，不過飲到最底就太rich，應該要飲到一半搞一搞會更好Banana cake 唔會太乾，好味(⁎⁍̴̛ᴗ⁍̴̛⁎)我老公就叫左個 Espresso tonic 同 Pain au chocolat 飲品正常偏大杯，味道正常Pastry above average! 朱古力唔算多但配搭上就岩岩好，香港人最高評價：唔會太甜下次多d時間會拎埋本書黎chill下，weekday仲有更多優惠嫁！一定會再訪…查看更多

今晚去左早排瘋狂見foodie介紹既元朗米線食有分室外室內，見裡面有位就入左去坐我老公叫左個金湯酸菜魚薯粉，加肥牛同牛柏葉湯底微辣但冇乜酸菜魚味，魚片偏爽口加配既肥牛同牛柏葉份量都適中不過咁嗌法都成$89⋯唔係好值我就叫左個麻辣豬頸肉薯粉加豬大腸明明叫個小辣（有分BB辣同少少辣），但黎到就好似中辣⋯豬頸肉都燒到幾脆面，肉唔柴，不過最邊邊個塊就太燶我放棄左豬大腸大部分都係好薄，好似得個皮咁，搵哂成碗得一舊叫正常啲(；´Д`A不過湯底都幾油，再加上比我預期辣，都食唔哂成碗結論：真係吹捧得太西利，佢只係個普普通通既米線/薯粉⋯…查看更多

托朋友福，終於黎到試呢間都少少難book既西班牙餐廳！(⁎⁍̴̛ᴗ⁍̴̛⁎)一去到餐廳佢位置唔多，即刻明白點解一位難求我地三個女仔就被分左係唯一望街既窗邊位，雖然冇得望主廚煮野食，不過望下街D人chill chill放狗都幾開心，唯一扣分就係比較暗，要打燈分菜同打卡餐廳情調唔錯，播既音樂好岩Dating佢餐牌選擇唔選多，所以都揀左佢比較岀名既菜式！SOURDOUGH with smoked kani miso butter個包唔算好大，前菜黎講份量都適中個醬好有驚喜！好濃既蟹鮮味噌味，不過就唔好沾太多會少少過咸(˶‾᷄ ⁻̫ ‾᷅˵)CRAB CROQUETAS我地一人叫左一粒，炸粉都幾香脆，食到蟹肉味，但同時啲香料味令到我地好似食緊咖喱魚蛋咁(≧∇≦)IBERICO COLLAR with corn, pickles, butter sauce超驚喜！佢煮得好入味，冧得黎有𡁻口，一啲都唔un！個粟米蓉都配搭得好好，每啖都係超濃粟米味，真材實料！DUCK RICE with sofrito, foie gras, plum呢個真係名符其實既招牌菜！一上盤熱辣辣，仲有啲飯焦(⁎⁍̴̛ᴗ⁍̴̛⁎)滿滿既鴨肉同鵝肝，加埋酸甜梅子醬中和返個油膩感，只能夠講份量再多啲就好嘻嘻BEEF TENDERLOIN with sweet potato, maitake, jus可能其實太岀色太驚喜，個牛排就即刻比下去，肉質口感都平平無奇⋯不過個甜薯蓉同粟米蓉一樣都好真材實料超Rich！甜品方面，三個人當然要試哂兩款！CHESTNUT FRENCH TOAST可能以為佢係甜食，所以擺落口同想像既有少少唔同，有少少期望落差，佢唔係甜的，但食到栗子本身既微甜味道，個人就一般般啦朋友食左佢個栗子雪糕就好好味，拉返少少分～APPLE CRÈME BRÛLÉE 相反呢個甜品就極高評價！首先估佢唔到係原個蘋果裡面係焦糖燉蛋，食落去都好夾！蘋果好香好甜～擺盤都好靚另外配既茶味雪糕，朋友們都大讚，再加分———————————————我地每人再叫多左一杯果汁，鮮榨飲到果肉！最後每人埋單$420左右，總括依然都係覺得值既！不過佢menu選擇比較少，就未必咁快覆桌啦～可以再去試埋Pica Pica先(⁎⁍̴̛ᴗ⁍̴̛⁎)…查看更多

今日去觀塘睇中醫要食個quick dinner，又唔算好餓，就諗住去東廣場睇下有咩好食上到food court 見好多人都食肉燥飯，肉燥份量都幾多，就去左一試見佢有電話落單就諗住搵個位慢慢睇，落完單唔夠2分鐘變左「已取餐」？去問個職員，佢話岩崴㩒左制，一陣再叫號(-_-)等左十零分鐘，隔離枱自己去叫餐既都已經食緊先到我望落肉燥以為好多，一撈先知完全唔夠啲飯超黏，痴到一餅野，個紙匙羹就黎解體(-_-)食落個飯唔熱，暖都俾多佢⋯⋯香腸都係好普通⋯⋯食到一半已經想放棄，下次都係唔再試…查看更多

今晚唔係好餓又想食啲暖野，醒起可以去東廣場食雞米今日就食左個胡椒豬肚雞米線，唔洗10分鐘就有個湯好濃味，但胡椒味就唔會強到會濁親數過大概有6件雞，每件都好滑(˶‾᷄ ⁻̫ ‾᷅˵)有d位置就無骨，不過咁岩食中左隻雞髀米線係幼身煙韌，份量都好足豬肚味道就普普通通啦～不過不失呢間雞駅係觀塘都有幾間分店，不過東廣場food court 就有多啲選擇，$60有呢個質素係觀塘黎講性價比真係相當高，可以同朋友再一戰！…查看更多

同老公冇食lunch係尖沙咀行街行到餓，4點幾就黎左一幻食拉麵唔太多人所以可以直入我地坐左係卡位吧座，有齊哂所有配料有自助水，不過隻杯衛生就真係扣左D分⋯(；´Д`A而家有個一人套餐，二人同享就第二個餐半價，只限堂食但都幾抵！先黎一個龍蝦沙律做前菜，龍蝦都食得岀一粒粒，唔係蓉黎～正正常常我同老公就一人一份餃子，我揀左轉辛辣餃子就加$5，不過其實唔太辣，叫有少少過口癮咁，上面係d紅薑天婦羅都加左d口感老公既餃子就正正常常咁～到主食方面，我就揀左個特濃蝦汁叉燒拌麵說實話蝦味就唔算太岀，鹹味為主，我要加啲七味粉同蒜泥就會味道豐富啲不過配菜上都好足料！叉燒粒半肥瘦咁～份量都幾多老公就叫左個原味蝦湯拉麵，default有兩片叉燒，一隻溏心蛋蝦湯味有但未夠濃身，質地都比較稀身，麵質幾好成餐飯整體都不過不失啦～…查看更多

難得聽日放假，今日就想同老公去食餐好既，作為長假期既序幕(⁎⁍̴̛ᴗ⁍̴̛⁎)突然好想食炸雞就問foodie同事，二話不說就推介左呢間！OpenRice有得book位好方便，一去到就可以入座卡位，好舒服枱面好乾淨，有齊哂骨盤，紙巾，濕紙巾，牙籤，手套（加分！），好細心我地都唔太想飲酒同飲品，同餐廳拎兩杯水就俾埋成個水樽，唔洗叫黎叫去野食方面，我地係行入去餐廳個陣見到其他食客食白切五花腩好吸引，可惜我地得兩個人所以唔敢叫太大份ಥ_ಥ所以我地就叫左：蜜味乳酪粉無骨雞（HK$135） 🌟🌟🌟🌟黎到個陣熱辣辣好香！乳酪粉一啲都唔吝嗇食落甜甜酸酸好開胃，仲有蕃薯條同蝦片咬開仲冒緊煙！玫瑰牛肉炒年糕（HK$135）🌟🌟🌟🌟本身我唔太好花香味，但食落又唔係好重，配合辣辣地又好似中和返超濃郁芝士！一拉就起絲(˶‾᷄ ⁻̫ ‾᷅˵)裡面仲有魚糕，菜，米通，年糕都有長條型同扁身，超豐富口感莫索里拉芝士排骨（HK$145）🌟🌟🌟🌟🌟必點！呢個係我做功課個陣大家都大推，果然不負所望唔單只食落啖啖肉，d芝士配合辣汁更加惹味店員既功夫就好似睇show咁，每條都捲得好靚又平均！不過呢道菜就比年糕再辣少少，唔食得辣既朋友要注意唷～可能全部都係芝士所以食到好飽最後食返個醃蘿蔔清一清就岩岩好佢其他鍋物炸雞其實都好多人叫，不過就相對大份啲，下次要再同一大班朋友黎食其他款式！…查看更多