angiemasiso的個人專頁

甘味烏冬！夜晚已跟你約會！和男朋友一起去吃了甘味，我們一行入去就有位錯啦唔使等位，不過環境比較狹窄，好彩都算唔錯。我哋冇坐到卡位，只係坐到同人哋係隔離搭枱。甘味係好多區都有分店，今次去咗沙田，但都食甘味梗係食雞扒烏冬啊！係蕃茄雞扒烏冬啊， ＄60 !雞扒煎得發皮好趣，啲肉都算嫩滑。唔算係太熱，而蕃茄烏冬未到就酸甜適中，湯嘅濃度都OK！最緊要嘅係我自己就係食蕃茄味嘅湯底，所以甘味真係一個好好嘅選擇，夜晚＄60加一服務費。男朋友呢就食豬手烏冬，感覺冇咁酸甜。食咗豬手都夠味，有咸味。但係豬手有啲豬手片得好樣衰。不過整體嚟講都幾好食幾靚。我哋仲叫咗紫薯薯餅，番薯味好好味，＄28。仲叫咗個留心蛋大概＄30。今餐晚餐唔算貴，但都食得好開心添！…查看更多

今日老細請食飯，我哋一行七個人去咗御泰坊食嘢。去到門口雖然比較細小，但係服務非常好。侍應接應我哋一行七人係一張好大嘅圓台食飯，好似飲茶咁，傾計非常之方便。因為預先訂枱關係，所以唔駛等枱度。Menu Menu ,有好多唔同種類嘅泰國嘢食！見到都好想食呀，我哋食咗好多好多款嘢食！叫左商務四人套餐。裡面有好多嘅嘢食，柚子沙律，海南雞，蝦餅，不過唔記得咗影餐牌。另外我哋仲叫咗咖喱雞，蝦殼蟹春卷，豬頸肉，同埋菠蘿炒飯，香芒糯米飯。泰式嘅醬汁真係好嘢味好好味啊！炸品炸得好鬆脆， 我就特別推介蝦餅，同柚子沙律仲有魷魚！魷魚辣辣地好好味好惹味。環境亦都非常之寬闊寬闊。如果想一班人來食飯，七個人嘅話，呢度係一個唔錯嘅選擇。總數大概1100百幾蚊！真係物超所值！呢個價錢，呢個質素，我相信我會再嚟下一次食嘅！而且仲附送甜品，係一款藍莓味嘅啲士多啤梨味嘅芝士蛋糕，下午時間如果容許嘅話食而家都真係唔錯！多謝大家…查看更多

同男朋友慶祝生日,搵左好耐OPENRICE網,見到PEPINO好似唔錯, 想報答佢平時咁鍚我  同佢食生日飯,希望令佢開心下..而且仲見到酒店有65折優惠送蛋糕  就打去問問同訂檯因為下午3點幾打過去,變左BUFFET個邊聽我電話, 但都可以BOOK不過詳細餐牌資料佢地就唔知啦,之後我BOOK左6點再打左過去CONFIROM. 仲留左個蛋糕,寫希望個蛋糕格黎會寫咩等等.. 去到灣仔, 周圍都比較舊區,而呢間酒店係附近比特別靚DPEPINO 我地行樓梯經過酒吧同BUFFET 就會見到 環境比較幽靜同暗,都幾岩紀念日同男女朋友拍拖食生日飯 不過價錢比較貴,內面客人有情侶, 一家大細,同外國人多有好多紅酒同裝飾,都幾有意大利風。餐單有4款價錢,我地2個人所以就選擇左食2人套餐,2人套餐亦有平貴之分(主菜唔同 分別係PIZZA 或者係牛排)我地選擇左$49X左右既套餐菜色包括前菜, 2個主菜同甜品,同兩杯咖啡/茶既餐飲前菜前菜味道相當唔錯 好似張相咁,有煙肉,芝士,三文魚,火腿等等仲有好大個既蒜蓉包 香草蒜蓉味道好香, 仲係岩岩出爐既感覺,包身又熱又鬆軟,仲緊要係「好大個」XD 食完都有D飽啦~不過真係幾好食~!主菜主菜有卡邦尼意粉同溫泉蛋PIZZA睇食評既相前都唔覺得個PIZZA咁大。實際上個PIZZA都足夠哂兩個人食,因為前菜已經令你幾飽啦。溫泉蛋PIZZA 味道唔錯, 批底都算脆,新鮮熱辣既味道。卡邦尼意粉方面都唔錯,奶油味幾濃但唔算膩,幾香甜品甜品係預先一日轉左做生日蛋糕, 近期有折扣將甜品升級做生日蛋糕 蛋糕味道唔錯, SIZE仲幾大, 係比4個人都食到既SIZE..入面係西柚味, 上面有唔同水果裝飾, 包括如士多啤梨,藍莓開心果等等味道清新, 唔會太甜, 西柚味一路食一路透出黎。整體感覺唔錯食得我地好開心.. 本身應該500蚊+1 服務費但係一開場問我地飲咩水, 要唔要有氣水..我地以為係免費,無問..XD 就收多.$98蚊.. (有分收費的水和不收費的水)所以大家飲水既話可以要求普通水 想飲好D既話就可以比多D錢飲..XD最緊要係男朋友生日過得開心..^^2個人食左大概680蚊每人大概$350^^…查看更多

睇完戲行街搵野食,見到呢個商場樓下有張好大既廣告係塊大豬排咖哩飯,就比佢吸引左入黎啦, 呢間鋪個位置比較偏僻, 係個好小人既商場MIRA MALL 入面,要上左商場再去轉角位先搵到, 所以下午星期六人流都唔多,唔使排隊就可以入去坐啦!成間鋪都幾多位,有唔小卡位添!明明好多位,但係就安排左我地坐最近廚房既卡位..哈哈..不過算啦. 都有二人傾計既空間既!係服務方面,可能侍應比較後生,冇咩經理係樓面,又無咩客人,所以佢地係到傾計..想飲水既時候無人理HAHA不過唔緊要啦 講下食物,呢個係下午個MENU,我地兩個每人一人叫左1個SET LUNCH, 每人$85 + 1 服務費分別叫左一個蛋包飯配咖哩豬排, 同一個溫泉玉子牛肉咖哩飯有餐飲同沙律送 好味道咖哩味道唔算辣,幾易入口,仲好多汁添,蛋包飯塊蛋都煎得唔算,唔算太老,岩岩熟熟地無蛋汁, 但幾嫩~!蛋味都重。飯既份量亦多,豬排仲好大塊添! 女仔絕對夠食仲可以分D比男朋友食添啊~溫泉蛋牛肉飯,牛肉的份量係幾塊咁啦...如果唔係太肚餓都OK! 因為咖哩食得多都會膩架嘛~!餐飲方面,我地飲左蘋果汁同埋橙汁,跟餐免費^^食完飯之後傾左陣計,因為環境真係好岩傾計~可以靜靜地傾下密計..^^ 傾到心痕之後我地就叫左兩個Beard Papa 既PUFF兩款都係人氣之選~! 脆皮泡芙$17 同指環泡芙(朱古力味) $21泡芙表面外脆內軟, 泡芙心係凍凍既CREAM PUFF,SIZE都有一個蛋撻左右既SIZE, 都真係夠哂飽~我個人都幾鍾意食朱古力味既指環泡芙~呢度食真係幾開心^^ HAHA..…查看更多

生日飯一年一次既生日,可以同自己鍾意既人一齊,係一件好幸福既事不過過生日,諗去邊到都真係要用好多時間諗啦...今年既生日,我黎到尖沙咀ECF CAFE過左一個簡單浪漫舒服的生日^^夜晚放工後,我地一齊係尖沙咀食晚飯,這次的生日完全是一個驚喜,因為男朋友全程自己準備哂...HAHA未試過生日完全唔知自己會食咩架XDECF CAFE 裝修簡單，以白色和海藍色做基本。燈光略暗,環境幽靜, 我地訂左檯, 位都多, 所以唔使等就有得坐啦(好開心都好多謝男朋友預先BOOK左位^^)呢間CAFE係樓上CAFE,樓下會有D派傳單呢個係餐牌食物方面,因為下午食得太飽既關係,我地唔係太大胃口所以呢到岩想食得簡單既朋友仔^^我地兩個人每人一個意粉，總共2個。分別係煙肉雜菌扁意粉同埋三文肉雜菌天使麵。可以選汁底包括,我就選左白汁扁意粉,而男朋友就選左蕃茄汁味^^呢個係SET, 加$20 可以有餐飲同埋沙律或餐湯送蒜蓉包。味道方面,我覺得都炒得幾好食^^幾熱同幾多材料,白汁扁意粉汁既份量岩岩好,味道都香,份量岩哂女仔食一班女仔黎食都係唔錯既選擇。男朋友既天使麵,一路食一路有煙出,炒得非常新鮮^^蕃茄味道都幾好侍應會睇住我地食到邊先上菜,唔錯而且環境好適合男女傾計架^^坐窗邊黑D可能浪漫D,不過尖沙咀出面都係樓景,所以其實坐中間都唔錯架^^食到尾聲既時候...最令我驚喜係有個心太軟寫住生日快樂比我.....真係好開心..HAHA我背住坐,無諗過有蛋糕仔同我慶祝架仲寫住生日快樂多謝你啊....^^ 男朋友心太軟外脆內軟熱辣辣朱古力心香甜溶化,係我食過最好味既一次心太軟,甜而熱,唔會硬左真係好開心,我個心都好似佢咁溶左啦其實生日食飯, 都係因為有你鍾意既人同你一齊食先會咁開心^^令到食物味道更昇華…查看更多

男朋友想食炸雞,所以我地就開始左搵炸雞之行啦,搵炸雞食...但係我地又無咩經驗, 上網見到有李家,但係又唔知係邊, (食完先知原來係格黎)哈哈, 最後我地選左呢間漢城美食,漢城美食係我之前兩年前食過, 係朋友推介,所以今次我介紹返我男朋友食^^漢城美食, 「首爾」的舊名係「漢城」,諗諗下,首爾呢個名改左之後南韓成個旅遊風氣同電視綜藝都再上左一層樓啊! 今次食韓國菜更令我非常開心..哈哈因為我都幾鍾意日韓文化架...呢間漢城美食鋪頭都幾大,可以坐到好多人,用簡單既木檯木椅等等, 都幾似食堂。睇下餐牌, 餐牌用中英韓組成,可能有D眼花,不過都幾得意,圖文清晰,唔識韓文都可以用中英文落單落單係用張紙寫底,唔使講野,可能睇下張相先決定食咩架!韓國店員就唔係太見到有...我地叫左甜味炸雞半隻炸得都幾香,不過我覺得可以炸得再熱小小,甜味初食有點過甜,但愈食愈入口,想食。其實都想食原味,但係又怕唔夠特別我地仲叫左泡菜餅,真係推介泡菜餅,辣辣地泡菜味道,幾好,想食完再食,十足係韓國PIZZA(中國蔥油餅+泡菜味)我地仲叫左韓式炒辣年糕, 煙煙UNUN,我鍾意食除左主食之外,有酸蘿蔔同配菜食,食落有D酸,但係可以清下個口。鍾意食韓式食物既你, 黎呢到同朋友吹下水都係一個幾好既選擇不過最好選擇無咩客人既時間, 咁可以坐得耐D!都幾多女仔一個人黎食或者兩三人係到食!我而家諗起都想食多次個泡菜餅價錢方面, 每間鋪都差唔多,不過我覺得呢到既價錢都算合理,難得食到韓國美食嘛, 每個菜價錢有貴有平, 不過呢餐都食左220幾蚊。兩個人大概都要100~200蚊啦如果想叫多幾個韓國菜…查看更多

美麗華旁邊的分子雪糕專門店和情人之間的濃情蜜意,如甜品一般要多花心思和創意,才能細水長流,充滿新鮮感吧!雪糕甜品也是如此,分子雪糕的新興,這間分子雪糕專門店在很多地區也有分店,而且非常受年輕朋友歡迎,在場買既有10至30多歲都有,雪糕真係好多人鍾意食既甜品,價錢一杯要$31,分分鐘仲貴過一餐午餐,但係都會吸引咁多人食,究竟係點解呢?因為其實好多人都仲係細路仔咁,鍾意食甜野,哈哈哈,我地就係其中兩個啦...萬聖節味造型既雪糕,呢款「捉蟲」其實即係 雜莓醬味芝士蛋糕味賣相係一隻青色既手板上面有D雜莓醬,呢個雪糕味道真係好重芝士蛋糕味,芝士味道好濃,男友非常鍾意食芝士蛋糕口味的雪糕,所以今次都幾滿意手板下有D脆脆,配雪糕口感唔錯,扮到好似有隻手捉緊D蟲咁,呢D就係創意,食落去仲有D紅藍莓的味道,都幾凍,幾好食。呢間雪糕店,不停換唔同既新口味,所以咁多人食都係有佢理由既!位置方面,係樓梯格黎,唔似其他分店咁有得坐,有D唔方便不過係叫號方面設計都唔錯,有ABCD餐牌,可以即時睇到叫到咩號碼。唔知下次又會有咩新口味呢?…查看更多

呢間越南牛肉粉專門店 Pho Tai,本身係我好鍾意食既一間越南河粉,都食左幾年啦, 但係味道就愈黎愈退步..環境亦愈黎愈唔乾淨...個晚兩個人一齊黎呢度食河粉,由於唔係平日,係假期夜晚,上環真係無咩人,等都唔使等就有位坐,裡面侍應姐姐都有D清閒諗住清清地食返餐,試下唔同地方既越南河,我地分別叫左香茅豬排同埋生牛肉湯河。湯底比較其他越南河既地方比較清,佢會另外有芽菜,香茅葉,等等既配料比你自己放亦有紅辣椒比你自己加辣豬排咬落有D老,唔係太重香茅味,肉的份量比較小,真係多骨生牛肉湯河係我男朋友食, 唔知味道係點呢...係呢度食既小TIPS,食得辣既朋友真係可以放D紅辣椒落去,你可以一粒粒試辣,直到岩你自己既口味,我地仲叫左個炸春卷,唉,真係唔叫都好,食個河粉都覺得無咩野,叫左個春卷之後真係有D後悔,因為炸得又黑又乾,好似番炸幾次咁. 食落去又唔係太熱,買舊碳返黎食咁配個D生菜,紅紅啡黃,睇落非常唔新鮮,好求咁其比D菜伴碟咁,真係...........見到都唔想食我地叫左套餐,所以除左河粉之外仲可以叫多個小食同飲品春卷外,我地叫左雞翼, 雞翼算係今餐覺得OK既食物!炸得都幾新鮮同香脆既!總結係呢度食河粉都OK,不過小食呢...真係睇廚房心情啦…查看更多

炸豬排飯兩個唔該! 勝博殿日式炸豬排係尖沙咀睇完戲之後同男朋友搵野食。尖沙咀下午有咩好食? 食野價值比較貴，我地又唔係太熟尖沙咀，行行下見到呢間鋪既廣告。見到有廣告牌貼住1點至3點左右呢個段時間會有特價午餐$68。見到價錢同廣告塊豬扒都幾吸引，就等到一點行上去食啦。裝修由地下樓梯開始就好有和式氣氛。服務員亦非常好禮貌接待我地，一點時客人唔多，得三四個人個日。我地兩個人被安排到卡位，位置相當寬敞。隨住時間，客人亦愈黎愈多。我地兩個人都叫左$88既香脆炸豬排飯。每個午餐便當 除左炸豬排之外,有白飯,麵豉湯,兩個人一大盤生茶同兩小碟, 包括日本小青瓜，配菜等食物。用黎中和炸豬扒既油膩感。價錢上$88+1服務費, 中等價錢 配上高級裝修的環境，令我對這次的午餐很滿意。炸豬扒 外皮炸粉唔算太厚，配上一個大家都唔陌生既芝麻粉。加醬汗，味道的確唔錯。諗起都想再食。生菜絲青瓜配菜等係任食，想添食可以免費再有，我同男友都食完又食。服務員亦好好服務問我地使唔使講下醬料。亦講左我地知唔同醬既名同食法。今餐我真係係咁食,好好味炸豬排^^配上大大粒既珍珠米,食落好有咬口^^我鍾意落汁食,仲好食^^小青瓜方面,本身我鍾意食酸青瓜,所以呢度故滿足到我地^^環境好,價錢唔算太貴情況下,我地都食得好開心^^對我地黎講係一個驚喜。…查看更多

做個越南仔同越南妹,食碗越南河星期二晚同男朋友放工之後,去天后食晚飯經過越南仔,我同男朋友又鍾意食越南野,就入左去越南仔到食晚飯由於係食晚餐8點30之後,所以人唔多,唔使等就有位坐, 2個人坐6人檯,答檯服務員態度都OK,等食物既時間都快,價錢上可能比較其他食河粉既地方高小小內面裝修都幾舒服, 牆秒有越南笠,唔同款式,裝修簡單,木檯木椅,坐落都算寬落得意既越南公仔做招牌,衛生環境OK!我地分別點左牛丸河同埋生牛肉湯河湯底味道牛肉味道香濃,深啡色湯底,湯配河粉食落味道可口。湯底方面真係幾易入口,愈食愈想食。河粉質地夠滑又嫩,唔會太厚,容易夾唔易散,食到SURSUR聲。有蔥花洋蔥等作面,整體感覺都唔錯!我點左牛丸河,牛丸彈牙味道幾新鮮。牛丸大大粒又圓又大,肉不會太實。整碗賣相都唔錯。生牛肉河方面係男朋友食,牛肉黎時半紅,半生熟,相信都唔錯,因為見佢都食得幾開心。此外我地仲叫左個春卷, 配左生菜,生菜夾住春卷黎食真係岩岩好油炸春卷配生菜,爽脆口感令人想再食。炸春卷炸得岩岩好,外皮金黃色,有即炸的新鮮感,每粒包得好精緻生菜幾洗得幾乾淨。加上春卷汁酸酸的味道真係諗起都想再食。本身鍾意食河粉既我,呢間河粉味道對我黎講係驚喜^^整體都幾好味有機會會再食!…查看更多

星期六同男朋友睇完戲之後係商場行左陣唔知食咩好,又唔係太肚餓見到山頭火唔係太多人,唔使排隊就入左去食啦我地點左兩款拉麵 包括鹽味拉麵同豆豉拉麵鹽味拉麵味道比較清淡,麵有雞蛋味道,食落都唔錯有木耳,日本魚蛋,豬肉同粒紅色酸梅係面麵身不算太彈牙但係食落都唔錯湯底飲落都幾爽。麵豉拉麵味道較重,岩男仔食多D,我個人比較鍾意食鹽味拉麵 女仔應該覺得這款味道剛好價錢方面係$68 一碗拉麵加1服務費,~$75一個人。其實仲有其他定食款,不過見好多食評話百幾唔抵,我地又唔太肚餓所以就食左一碗拉麵啦份量岩岩好。環境方面都幾舒適,一家大細或者情侶,兩三個朋友仔黎食都係一個選擇。…查看更多

星期六我同男朋友一齊去左九龍塘睇戲睇完戲之後行行外街有D肚餓,頂層既飯堂又多人到又要搵位又要排隊,想去PAGEONE既情況之下,見到格黎有間Amaroni 都有人排下隊咁,價錢比貼係門口既1人SET吸引左就入左去搵去我地只有2個人,食飯時間大概係1點鐘左右啦,本身都以為要等位,入到去拿位既時候,門口侍應問我地坐唔坐高位, (識係唔係卡位,但又唔係酒吧位,不過個位高D坐高椅高檯咁)佢話如果坐就唔使等位,仲帶我地睇下岩唔岩坐先決定,之後我地見個位都唔錯啊就決定照坐 整間餐廳既氣氛都唔錯, 有D意大利音樂係背景,而且係萬聖節就到既原因,周圍昏黃的環境下仲有萬聖節裝飾,例如南瓜,大蜘蛛公仔等等餐廳面積好大,有好多唔同既裝飾,其實食個環境都抵返個價錢.天花就冇裝飾啦,係黑色抽氣線,喉管個D,不過有好大既水晶燈同好多舊式吊扇,都幾浪漫同歐陸風情。由於餐廳都幾多人,滿座。一班人傾計可能會有D嘈。不過我地坐左全高卡位,所以環境上都唔錯,可以傾到計,但就小心椅背撞椅背啦。食物方面,一黎到就有2杯冰水同一籃餐包,份量真係好似大家食評講既咁,好多,其實食完都有D飽。另外我地仲叫左個前菜, 哈密瓜跟巴馬火腿真係幾好味 巴馬火腿咸咸既油香加密瓜既甜味好清新~!我地今次選擇左PIZZA..哈哈,好似每次星期六食親都有食PIZZA...PIZZA份量非常之大,有12件,男朋友食到6件,我食到4件..2個人真係食唔哂..哈哈..不過其實可以打包架!我見都有人咁做~值得再食!…查看更多

食漢堡包？無錯啊：Ｄ今次係食漢堡包～！除左大家熟識個幾間買漢堡包既快餐店之外呢間TEXAS BURGER真係一個唔錯既選擇 星期六晚８點３左右同男朋友一齊去到呢度，出面有６個人左右等緊，加埋我地有８個人啦係等位方面等左大概十分鐘左右，記得拿左號碼飛先～！　唔好傻傻下企係到等喎出現係玻璃門，睇到入面既食客，而內面就比較暗，無咩燈飾，勝在有個招牌霓虹燈牌～都幾外國Style同舒服。環境方面，位與位之間坐得比較近，我坐的位置是一張長Sofa卡位，靠埋邊面對面1vs1咁安排座位，而有新食客會一齊坐係格黎，所以當有人坐底個下，張Sofa會震一震 而每個人食野位置都會有張餐牌紙，方便你點餐同埋方便佢地清潔。由於都算係食快餐，所以你一入去坐個時，第一次食個下會以為係人地落黎點餐，但其實係同麥記一樣你要自己去收銀到比左錢落左單先既。坐底個下唔夠幾秒，侍應就同我地講，去收銀落單 野食方面，都算多選擇 可以選擇你鍾意食既ＢＵＲＧＥＲ～！我同男朋友一人叫左一個漢堡包餐，有德州燒烤味同藍芝士味漢堡另外再加錢可以有３＋１既組合：）有黃瓜，薯條，同埋飲品我地叫左兩杯奶昔分別有berry lover & funcky monkey 都幾好飲幾特別但我個人喜愛berry味多D 因為顏色粉紅色好吸引～女仔一定會鍾意 funcky monkey就雲呢拿味有香蕉片同朱古力醬朱古力爆炸糖做裝飾飲飲下會爆爆地炸，但效果唔係太大。價錢方面要＄８３＋＄３７，每人大概＄１２０～漢堡包量比較大，所以我覺得跟餐份量呢個價錢都可以接受雖然比較貴，但係環境同氣氛，食物味道都唔錯既～不過可能能就唔算係太抵食。我覺得呢度既漢堡優勝之處係佢既包既肉汁好豐富唔會好乾，都幾Fresh，我亦推薦燒烤味，因為味道較藍芝士味甜，藍芝士味道較重和咸。整餐晚飯都唔錯：）會有刀叉比你切個Burger,但都要切得好有技巧。包面亦有ＴＢ兩個字，不過顏色比較淺我都差Ｄ睇唔清楚。如果你同你男女朋友一齊食，仲可以餵佢食薯條添啊：）我都想男朋友餵我食幾條 咁你地呢？…查看更多

雲吞麵 白粥 油炸鬼 簡單好食之選。晚上不想吃得太多太肥膩，男朋友話不如食麥兆記啦！真係多謝你成日帶我周圍食先寫到咁多食評 我地分別叫左一碗大蓉$49一碗白粥$25同一碟油炸鬼。價錢方面$50蚊一碗雲吞麵看價錢的話的確幾貴，因為出面食雲吞麵只係要20幾30蚊多。不過呢到麵質都幾靚，雲吞亦都幾好食。係雲吞包得細粒左D,但係蝦肉都幾鮮，至少雲吞皮嫩包實無散。皮幾薄。湯底幾清。而當日我地仲叫左碗白粥，火候幾好，好綿好滑﹐白色軟綿綿，食落熱辣辣，非常暖胃。加上油炸鬼好新鮮卜卜脆，唔落粥食又得。粥品方面令我有驚喜，唔會愈食愈水，想令我試下其他粥品。不過有其他材料既粥價錢上真係有DD貴，$50，60蚊碗。唔係好食得起，哈哈病左食白粥呢個都應該係唔錯既選擇！服務上還好，有多位姐姐做侍應，都幾快手同細心。環境方面，門面都幾大，有茶餐廳的味道，卡位都算大座位，餐具方面都算乾淨。清腸位無胃口，簡單食餐飯之選：）…查看更多

屬於你和她的二人晚餐－居食屋 和民其實我都幾鍾意去和民食晚飯，因為選擇多，環境舒適，唔會趕你走，可以比你慢慢坐。員工亦都有禮貌。不過眾所周知，和民幾乎間間都成日排長龍，要等位，有時真係要等好耐，我地今次早左去，６點３０左右啦，而且係中環，星期六晚比較小人，所以就唔使等位。不過走既時候（８點３０左右就好多人排隊啦）而且非繁忙時段２－３個人都可以坐好大既卡位，好小會趕你走。情侶或者一家人食和民其實都幾方便，想食飯，麵，日式，韓式，小食都有。例如我個日想食飯，男朋友想食拉麵，又想食打邊爐，和民都可以滿足我 琴日食和民二人套餐，價錢＄２７８加一後大概要＄３００左右啦二人套餐份量真係好多，包括左一個沙律，三個小食（炸雞軟骨，三文魚，年糕）仲包一款前菜，主食同打邊爐：３真係好幸福：）慢慢食之後仲可以同男朋友慢慢傾計 慢慢嘆～…查看更多