bubu_ckck的個人專頁

行開D2 place 又想食吓啲小店 見到阿木台灣菜 就想支持下首先，麻醬拌麵佢啲麵好煙靭，但係略嫌唔夠麻醬味所以我哋落咗佢哋自家製嘅麻辣(每枱都會有)味道升級左唔少之後我地發現麻辣先至係精粹另外，芝士肉鬆蛋餅佢既芝士味好出！做到拉芝嘅效果🤣肉鬆都好好食😛 蛋餅熱辣辣，又好香強烈推介！食！最後，一定要講佢嘅香蔥麻辣溫泉蛋肉燥飯佢只係收$48 但係已經有大大大大碗飯超級多既肉燥性價比係超級高 建議兩個人嚟食一碗飯😂如果唔係會食唔晒…查看更多

壽司店地方唔係好大，不過都坐得舒服。啱啱七點幾去到都唔使排隊，同朋友叫咗啱啱好兩個人份量嘅壽司全部都好好食！尤其係特選三文魚盛盒同埋海膽魚籽瀑布卷，呢兩款勁高質個人認為呢間壽司店性價比高會再encore 💛…查看更多

今日去深水埗探朋友諗住同朋友食晚餐，見到呢間小店好多人排隊，所以我哋都試試佢。入到去，環境幾好，有啲日本嘅特色。老闆同我哋講：定食加兩隻餃子再加嘢飲，只係需要$10。呢個真係好抵，我哋即刻加！我哋叫咗個魚生丼飯，份量啱啱好，魚生幾鮮。我朋友叫咗安格斯拉麵，佢話有牛味，但係唔算話好特別！:)但係最令人驚喜嘅，就係佢既辛辣豚肉拉麵。佢嘅豚肉好有咬口，湯底濃郁，令人會想飲埋佢既湯底。最後最開心嘅係，原來每個月1號都係感謝日，全單八折！呢個就係小店既人情味，我一定會再幫襯！…查看更多

去開觀塘 又糧尾 又想幫襯下啲小店跟住見到有間餃子爺爺好多學生哥幫襯我就衝衝忙 入去拎位入面無乜位 好多人⋯ 所以要搭枱haha見到姐姐好好 埋黎即落單老實講佢既麵正正常常 無乜味唔好太大期望這只是配菜吧！但餃子好好食！重重芝士味，又啖啖肉😛😛好明顯手工餃！食餃既話 值得一試既…查看更多

睇完bob 社交平台推介⋯決定要黎試食一下未入去之前 姐姐見我哋排隊咁辛苦都俾咗啲豆漿俾我哋飲！我想講，啲豆漿好甜，你都會飲多啲渣！正正！入到去由於招牌係蟹皇所以都叫佢既麵同生煎包試試佢個麵係好有蟹皇味😂😂 但一個人食，真係太飽！同埋食完真係食唔落其他野⋯老實講 蟹皇生煎包真係冇乜特別可能因為我哋食咗碗麵，嗰陣味同啲肉都係差唔多⋯但強烈建議食普通生煎包！佢個皮係脆的裏面多汁多肉！夠膽講，佢既生煎包可以話係香港鼎泰豐…查看更多

今日係衝着片皮鴨而來的🙂‍↕️試咗美中鴨子嘅片皮鴨，覺得還可以，但未去到好好食🥸食落去味道都幾好，但覺得未去到好Juicy ，肉質未去到好嫩滑。反而芝士香芋海鮮焗飯有啲驚喜！佢哋個飯底係炒飯，唔係普通白飯，所以配埋焗芝士同埋香芋令到個飯更加香！不過上面嘅蝦配料質素就一般。佢哋嘅前菜同埋茶水都唔錯，如果有時諗唔到食咩，但係又好想食中菜嘅話可以再試！其實兩人份量嚟講，叫呢兩個餸已經算係好多，兩個人都食唔晒🙂‍↕️…查看更多