Tears_Tears的個人專頁

今次同朋友第一次食呢間omakase 都幾有驚喜！前菜先上水雲同番茄配薑絲，水雲滑溜溜又爽口，番茄清甜，加埋薑絲嗰陣微微辛辣，真係醒胃到爆！ 跟住到刺身時間—— - 真蠔：一啖入口，鮮甜爆燈，仲帶住淡淡海水味，正！ - 石斑魚刺身：肉質嫩滑得嚟又帶點彈性，鮮味十足。 - 鰹魚配蒜蓉：魚味濃郁，蒜蓉一落，鮮味即刻昇華 鮑魚煮得啱啱好，軟腍得嚟又彈牙，入味非常。燒吞拿魚下巴外皮脆卜卜，裡面魚油甘香，超滿足！ 壽司陣容強勁——帶子、牡丹蝦、深海池魚、真鯛、獅魚、赤身、拖羅、海膽，款款有驚喜！醋飯酸度適中，同海鮮鮮味完美配合仲有熟瀨尿蝦，肉質鮮甜彈牙，蟹肉粥就更加無得輸，粥底綿滑，蟹肉鮮味十足，暖胃又滋味。 最後以哈密瓜作結，清甜多汁，成餐飯圓滿收尾！ …查看更多

而家既日式放題真係越嚟越吸引🤩 荃灣廣場而家新開左間極·大瀛喜，今次分咗A同B兩個唔同嘅套餐，B餐係升級版☀️A餐最平$288，食品已經好豐富☀️☀️醬油乳生蠔🦪鮮味十足，醬油更提鮮☀️櫻桃鵝肝 - 偽裝成甜點的綿密罪惡感🍒 ☀️金湯花膠蟹黃翅 - 濃郁到黏唇的膠原蛋白炸彈💛 ☀️北京烤鴨伴荷葉包 - 日式放題竟有得食？意外超搭！🦆 ☀️金銀蒜蓉粉絲蒸蟶子皇 - 出面酒樓食好貴，呢度有得任食呀！B餐最平$368，A餐升級版- 油鹽焗奄仔蟹 - 原隻切開一半直接上，全部爆膏🫢- 火炙A5和牛伴海膽 - 和牛的油花 + 海膽的鮮甜，兩者都入口即化，鮮味 + 和牛油香令人難以抗拒- 拖羅 - 油脂香氣在口中化開- 魚子醬配餅乾 - 滿滿魚子醬喺面，高級感滿滿- 鱈魚乾海膽吞拿魚蓉Taco - 鮮味三重奏！自助區仲有大量海鮮、點心、水果、甜品等等！今次係甜品區發現左nutella既朱古力醬機，朱古力控表示心心眼😍 午市更加抵食，食品一樣之餘仲要係任食3小時，大癲🤯唔食對唔住自己呀！…查看更多

今次係荃灣海之戀既燐壽司 試左「大滿足壽司定食」，包括左11 貫壽司，每一貫都係驚喜！深海池魚：鮮甜爽嫩，油脂恰到好處火炙松葉蟹腳：微微焦香帶出蟹肉絲絲鮮甜中拖羅／大拖羅2食：中拖羅柔潤甘香，大拖羅油脂爆擊！炙燒後更顯濃郁，雙重享受💘 金目鯛：肉質細緻帶淡雅甜味時令5款有銀鱈魚、鮮北寄貝、牡丹蝦、海膽同左口魚，每一款都令人回味無窮壽司醋飯溫度與酸度平衡，最後仲有細盛海膽三文魚子碎拖羅飯，滿滿鮮甜海膽加拖羅蓉，簡直係最高享受❤️ …查看更多

原來荃新天地地下嗰層，而家有咁多嘢食！呢間西雅圖屋裝修幾靚，俾佢吸引咗，原來係食西餐，有鐵板、意粉同意大利飯等等我哋一口氣叫咗兩個鐵板，一個肉眼扒同埋一個雜扒，一共有三個醬汁可以選擇，我哋分別叫咗黑椒同埋蒜蓉汁！上菜嘅時候真係熱辣辣，醬汁淋上去嘅滋滋聲，係真鐵板啊！ 百幾蚊仲包埋餐湯、餐包同埋飲品，而且份量十足！跟餐免費配薯條，另外可以加配迷你肉醬意粉，味道都唔錯！呢度嘅飲品都好多選擇，我哋叫咗菠蘿四季春、意式卡布奇諾同埋青檸梳打，賣相同味道都好正啊…查看更多

下晝同同事食飯，意外發現呢間慢煮屋！呢度有好多種唔同既主食，我地就叫分別豬、牛、雞都叫左😆日式豚肉碎拼牛舌丼 - 豚肉碎帶甜美既醬油香氣，肉質鮮嫩，同牛舌厚實口感完美結合。牛舌外脆內嫩，散發濃郁既肉香，最鍾意係仲配有海苔碎，用黎撈飯真係好正！照燒雞定食 - 雞肉經過醃製後，煎至金黃酥脆，淋上照燒醬，甜中帶鹹，滋味無比。真鵝肝澳洲和牛M8 - 呢個真係一個奢華嘅組合。和牛肉質細膩，油花分佈均勻，入口即化！鵝肝夠肥美，兩者夾埋一齊係奢華享受！每個定食仲會配有溫泉蛋同水果，最後食個清甜西瓜清除口腔裡既膩感，再飲啖百香果茶作結，非常滿足…查看更多

間唔中都鍾意食下Omakase，今次食尖沙咀果間鮨燐都唔錯！今次食左個$1680套餐，都真係幾多野食！🌟先付沢蟹 - 時令食材，加左少少鹽，好鮮味水果蕃茄 - 比平時食開既蕃茄甜，好開胃昆布赤水母醋物 - 口感爽脆🌟刺身平目魚 - 薄切配上芽蔥同柚子醋酸汁，入口酸酸地，最後辣辣地，幾得意左口魚邊 - 魚油味香有咬口間白魚 - 背隻麵豉醬，火炙過後油分更香四國德島生蠔 - 上面醋佐啫喱，更能帶出鮮味螢光魷魚 - 一款炙燒過，味道鮮味，仲有羔添北海道毛蟹 - 啖啖肉加上蟹膏，鮮味十足！中拖羅 - 加上淡雪鹽，唔使沾醬油，魚油味香🌟和食子持魷魚 - 中間半生熟，口感鮮嫩🌟壽司白蝦、深海池魚、赤海膽、北寄貝、帆立貝、海鰻，每一款都勁鮮最後仲有吸物同甜品！好滿足呀！…查看更多

一家人食飯去酒樓就最好不過！呢間靠近港鐵站口，非常方便！晚市餐牌有孖寶選擇，除返開價錢唔貴！清蒸海藍瓜子斑+薑蔥爆台山桶蠔煲 （$398）海洋極品脆皮燒鵝皇+金銀蒜蒸生猛元貝 （$298）瓜子斑都算幾大條，最鍾意攞蒸魚既豉油撈飯食！ 薑蔥爆台山桶蠔煲一上枱已經聞到超香！蠔肉鮮嫩，搭配薑蔥既香氣提升左整道菜既層次感。脆皮燒鵝皇外皮酥脆，肉質鮮嫩多汁，搭配特製醬料，風味絕佳！元貝既鮮甜與蒜香交融，口感滑嫩，讓人回味無窮。另外有驚喜既係椰汁芋頭南瓜煲，椰汁既香甜味道加上芋頭、南瓜既細膩口感，再加上微微的鹹味真係令人回味無窮，從簡單既菜式就睇得出師傅既廚藝！最後仲會有紅豆沙做甜品！ 人均200左右食到咁豐盛既海鮮餐真係算幾抵！…查看更多

呢度氣氛真係好好😌感覺好chill好relax，最岩就係同朋友坐低飲杯野傾下計！呢度既cocktail好有特色，而且仲好靚好岩打卡！EMPRES用個木盒裝住，仲加埋燈係盒度，好似一個寶箱咁！ 裡面有 sour apple and lime 🍋‍🟩 ，所以味道好fresh！而另一杯係KISSATEN，帶有好香既咖啡香氣，再加入raspberry，dry sherry, caramel，令整杯cocktail 增添一份甜味同果香！我地再叫左d野食，迷你蟹王蟹肉窩夫撻、無花果脆薯蟹籽沙律🥗、西班牙黑豚玉子燒、葱拖羅三色紫菜TACO壽司手卷、日本豆腐！最鍾意係迷你蟹王蟹肉窩夫撻，滿滿蟹肉加上鮮味！另外就係無花果脆薯蟹籽沙律，薯仔🥔切成幼絲再炸香左，增添脆脆口感！無花果非常清甜，配埋青瓜🥒同蟹柳絲真係好開胃🤤最後仲叫左自家製紅豆布丁同埋菠蘿焦糖燒做甜品！布丁口感滑溜、菠蘿加上焦糖燒過好香！渡過咗愉快嘅晚上…查看更多

呢間位於粉嶺既畢打奧餐廳由1947年開始營業，已經傳到去孫仔果代，係香港具代表性的英式酒吧西餐廳之一，裡面既裝修好有特色，紅磚牆🧱、霓虹燈、木枱🪵、格仔牆紙等等，甚至用嘅器皿都好懷舊，瞬間就好似穿越咗去舊時！呢度既菜式都充滿懷舊風味，頭盤叫左西班牙蒜香橄欖油浸蝦🦐同埋焗美國生蠔🦪，蝦仁蒜香味濃郁，與橄欖油既香氣交融，每一口都充滿層次感。美國生蠔🦪可以揀芝士🧀或煙肉洋蔥🧅🥓焗，大大隻肥美厚肉既生蠔非常鮮味主菜就係澳洲M5和牛西冷🥩，西冷部位既肉質結實卻不失柔軟，入口即化，肉汁豐盈，令人陶醉。烹調時適度火候能夠讓牛肉既天然風味充分釋放，帶來絕佳既肉香。黎到英式酒吧西餐廳又點少得一杯美酒🍷？呢度既酒類飲品🍸價錢親民，大大杯生啤只係$36，性價比超高，另外仲有其他特色cocktail可以選擇，不論家庭聚餐或朋友聚會都非常適合呀！…查看更多

今次一家人黎到食飯！簡簡單單叫左幾個小菜，分別係燒味雙拼、豉油皇開背煎中蝦、上湯鮮茄肉崧浸白菜仔、菜膽螺頭炖豬展湯同埋蟹粉伊面！首先就飲個菜膽螺頭炖豬展湯，個湯好足料，除左螺頭仲有瑤柱，可以食埋個湯料！燒味雙拼揀左燒腩仔同叉燒，兩者都肥瘦均勻，幾大碟！豉油皇開背煎中蝦好鬼大隻，入面仲有膏，口感彈牙，而且好鮮味！上湯鮮茄肉崧浸白菜仔看似簡單，但個白菜仔煮得夠腍，吸左個湯個精華，個白菜仔好入味好甜！然後就係蟹粉伊面，上面舖滿蟹粉，鮮味十足！最後會奉送黑糖馬拉糕同綠豆沙做甜品，馬拉糕，又唔會太甜，綠豆沙清熱氣，整體都唔錯！…查看更多

今次食左個旬·料理套餐，成個menu都幾多野食！首先就係前菜，有用松葉蟹肉、青瓜同三文魚籽整既薯仔波波，外面脆脆口感好似食緊薯片咁，裡面就滿滿鮮味然後就係海膽三文魚子茶碗蒸，呢個茶碗蒸好特別，係凍食，同平時食既唔同，個蛋一樣好滑，裡面仲有鮑魚呀然後就到刺身，有依佐目、秋刀魚、厚岸珍蠔、真名鰹、白海膽、鰤魚個蠔鮮甜肥美、真名鰹燒香後魚油溢出，用紫菜包住上面再加上粟子蓉，外脆內滑同時加上栗子香氣，白海膽配淡雪岩鹽一齊食更能提升鮮甜味道食完刺身之後就到A4近江和牛，和牛入口即化，下面配左茄子吸收和牛精華，牛味香濃再黎就係松葉蟹，蟹肉配上蟹膏同蟹籽一齊食，味道非常豐富！然後就係火炙吞拿魚鮫，呢個位置既油份好高，所以燒香咗之後包住紫菜一齊食個魚油味更香然後就有一個用燒香左既喜之次既菜式，脆香魚板上加上芝麻，再撈埋下面個飯一齊食，估唔到真係幾正然後有2款天婦羅，分別係瀨尿蝦同埋鮑魚，鮑魚上面仲加上左鮑魚肝醬令味道更香濃！瀨尿蝦好鮮甜！甜品前既最後一道菜就係和牛斧飯，個和牛都好厚身，好滿足呀甜品係自家制既芝麻朱古力，芝麻味好香，好特別呀！呢個套餐真係好多野食，不論擺盤同味道都好好呀👍🏻…查看更多

位於佐敦既神燈海鮮酒家總店唔係一般酒樓，佢地係主打罕有手工粵菜！坐低後先叫左2款小食，分別係滷水豬生腸同涼拌豬腳筋，豬腳筋好入味，估唔到生腸都食到，配埋甜醬同芥辣，2款作為開胃小食都唔錯！蜜汁脆燒鱔 - 蜜汁既甜味恰到好處，鱔魚唔會腥，肉質鮮嫩，加上檸檬汁後更添風味，整體口感層次分明黑松露玻璃燒鵝 - 外皮光滑亮麗，肉質柔嫩，黑松露既香氣增添獨特風味而不會掩蓋鵝肉原有既鮮美糯米炒膏蟹 - 糯米香濃，蟹肉鮮甜仲有好多膏，糯米吸收了蟹既精華，每一啖都能感受到滿滿鮮味。最後餐廳仲會奉送飯後甜品，黑金流沙包真係好正，牛奶布甸滑溜溜而奶味濃郁，整體黎講全餐飯好有驚喜…查看更多

拎住$500可以食蟹宴，仲有龍蝦🦞食！真心正蟹慶而家做緊「蟹·愉」優惠套餐，$500有找！頭盤同前菜分別有🥗大蝦沙津、刺身3點同埋松莱蟹肉三文魚籽茶碗蒸！刺身分別係三文魚、油甘魚及金目鯛，都幾新鮮！茶碗蒸上面有鮮味蟹肉，加上三文魚籽鮮味提升！估唔到有原隻鹽焗活蟹，仲有龍蝦天婦羅！個活蟹都算大隻，龍蝦天婦羅啖啖肉！最後就有鯛魚白湯、松葉蟹肉濃湯素麵同埋甜品！濃湯素麵個汁仲有蟹羔，味道濃郁，真係幾正！…查看更多

成日覺得香港食川菜都幾貴，今次路過太子發現間小店，佢地既套餐都幾抵食！ 有麵食、木桶飯同其他小炒，而且價錢好實惠，40幾蚊有交易仲有埋飲品！我同朋友就每人叫左一個午餐，一辣一唔辣！佢地既小炒都係即叫即炒，唔係整好哂翻熱！蔥爆牛肉炒得好香，牛肉份量都好多，牛肉唔會炒到韌哂，個京蔥都好甜！農家小炒肉個肉片炒到少少香脆，釋出油香，個青辣椒唔算好辣，2個餸都好岩配白飯食！另外加$20配左個尖椒黃金皮蛋，個醬汁調得好惹味，整體黎講呢間川菜正靚正呀…查看更多

有一段時間冇食omakase，今次去左Sushin 食左個 Omakase N Set，都幾豐富！🔅前菜🔅自家製豆腐配南瓜汁 黑梅貝配大根信長蕃茄配水晶啫喱🔅刺身🔅岩手縣生蠔🦪 - 海水味重，蠔肉厚身肥美甜蝦他他 - 加左岩鹽柚子皮提升鮮味及增添柚子香鮫蝶魚刺身 - 配上黑松露柚子醬同紫蘇花，味道豐富有層次劍魚楠刺身配蛋黃醬油漬 - 唔需要再沾醬油，蛋黃令口感更滑，除左魚油香仲有蛋香煙燻銀鱈魚 - 一打開蓋滿滿煙燻香氣，銀鱈魚好滑🔅熱食🔅A4和牛 - 配上岩鹽同芥末籽作調味，和牛入口即化🔅壽司🔅間白石鯛真羽太黑睦魚帆立貝海膽大拖羅海膽手卷最後就有湯同雪糕，夠哂豐富！…查看更多