ieatalldaylong的個人專頁

今晚收工經過見到呢間檳榔島敍既外觀，燈飾好得意，吸引咗我同同事入去食，入到去服務幾好👍我同同事揀咗個二人套餐，前菜沙律幾新鮮，仲揀咗一個濃香喇沙煙肉長通粉同青檸參巴蒜香蜆肉扁意粉。海鮮好新鮮，有青口，鮮蝦，魷魚同蜆，配上香辣汁👏另一個長通粉啲汁好濃郁，相對上較重口味。仲有三個小食，我地揀咗魷魚圈，雞鎚同薯條。份量好多，食物出到嚟仲好脆，飲品就揀咗美綠山同斑蘭架央多士，麵包外層又脆又鬆化，配上斑蘭醬同一大舊鮮牛油，極之邪惡，看圖以為會好溜。但食落又唔覺！ 美綠山就相當大杯同埋又唔會太甜😋餐廳環境清靜舒服，又可以聽住英文歌，一路食都幾放鬆，食物水平亦唔錯,值得一試！…查看更多

今日同男朋友遊歷跑馬地🐎，看看這一區的特色，見到一間裝修頗為前衛，與現今的文青cafe風格迴然不同！碰巧走得有點累順道吃一頓晚餐🍽果然內有乾坤🔮日出時Cafe☕️日落時酒吧🍷口有啲乾，我跟男朋友馬上點了兩杯店內的signature Cocktail, 兩杯飲品的味道各有不同，味層次相當鮮明！⭐️Sour⭐️Chocolate Martini+Cheesecake三文治的包外脆內軟，餡料也混疊得不錯，吃得我津津有味😋另外的一份肉丸比起某大型連鎖傢俬店的肉丸有過之而無不及！⭐️Caesar Salad好得意bb生菜原隻上，醬汁及煙肉粒配合得好好!最後叫上一份甜而不腬的芝士蛋糕 作為我哋全日的結尾！…查看更多

蟹係香港相信無人不歡 蟹粉更是當中既精華所在 我和我的最愛不惜捐窿捐罅 食盡全香港有蟹粉嘅菜式 夏日炎炎放棄在家享受冷氣 冒着汗流浹背的風險今日慕名而來來到灣仔既露面手工拌麵料理品嚐他們的招牌［蟹粉撈麵］果然沒有辜負我們的期望 蟹粉撈麵還沒來到已經聞到濃濃的蟹粉香味 不爭氣的口水從嘴角上湧了出來 蟹粉撈麵上桌的一刻 實在令人驚嘆 金黃金黃的蟹粉 再加上潔白無瑕的麵條 互相輝映當將麵條浸落蟹粉的一瞬間 就像潔白無瑕的女神披上一件用黃金製成的披肩一樣 入口的瞬間 蟹粉的鹹鮮香味衝擊著我的味蕾 招牌菜果然名不虛傳 真的非筆墨所能形容 留下的給各位食客親自來到慢慢感受另外也叫了幾份撚手小食 果然也不讓蟹粉撈麵專美 最後謝謝［撈麵手工拌麵料理］將我的味蕾帶我去另一個層次…查看更多

成三年冇得返大陸食嘢，今晚為咗止癮，約咗個大同喺以前大學附近嘅一間湘菜餐廳食飯，一入到去大部分都係內地同胞，睇嚟餐廳喺佢哋之間都應該幾出名，相信味道亦唔會令我失望！呢排做嘢辛苦，坐低即刻嗌碗湯補補先。蟲草花燉雞湯：冇味精，足料，唔油膩，暖心暖胃。之後黎一個清炒萵筍絲同皇朝粉絲煲。邊個話食湘菜一定要重口味？重口味嘅同時，配返一啲清淡嘅蔬菜平衡返個味蕾。粉絲煲分量好多，粉絲軟硬適中，而且好入味，送飯一流。最後就係鐵板孜然牛肉，望到張相都知道色香味俱全，牛肉嫩口。最後值得一題嘅就係前菜，涼拌海帶個味道非常出色，不過對於唔係好食得辣嘅我，就有少少太辣。但今餐確實係可以止到食正宗內地菜既癮！…查看更多

自從開返堂食，日日都同朋友出街大魚大肉，於是朋友話呢排食太多肉, 要間清新味淡少少嘅餐廳清清腸胃。好! 對於咁有要求嘅佢, isquare既野玩田店岩哂佢!一入去SERVE左餐包同餐湯俾我地, 當日餐湯係甘筍湯, 味道清清地感覺好健康。餐包仲係熱辣辣架！加左$58試試個SALAD BAR,款式幾多, 一D唔馬虎。主菜我揀左蒜片車厘茹蟹肉意粉，蟹肉幾多！意粉軟硬適中，蒜片提升左成個意粉既味道👍朋友試左慢煮豬腩肉溫泉蛋多士, 味道都幾好，酸酸地嘅salad又有片麵包墊底，跟住切開個蛋黃留啲汁落豬腩肉，唔錯嘅配搭。臨走仲見到店入邊自家種植咗d配菜添，好得意！…查看更多

約咗朋友放工在高先戲院睇戲開場前想食啲野 朋友提議試下附近的餃掂閒日放工時間大約坐滿8成一坐低已經有佢嘅自家製酸蘿蔔，邊吃邊睇menu 十分開胃點咗佢嘅招牌松茸餃配九鼎湯 龍鳯煎餃 再加幾款小食 黄金原味皮蛋姐姐話係用雞蛋去醃製食落比一般鴨蛋製的皮蛋蛋白較煙韌 蛋黃較creamy四川涼皮 小辣涼皮晶瑩通透 酸辣度平衡得不錯花生增添口感 乃神來之筆！男主角 松茸豬肉餃配九鼎湯每啖都食得出豬肉嘅鮮味同松茸嘅菇香 好有驚喜！配上松茸醬或店家的不同辣醬 更可有不九鼎湯強調不加味精 偏淡但滲出粉葛和鮮魚味 是住家湯的味道 記得要襯熱飲！女主角 龍鳯松茸煎餃龍鳯係指黑白松露 作為松露愛好者一定要試下 煎餃外皮香脆 松露味道濃郁個人認為比招牌松茸餃更出色！埋單人均一百多元 以餃子來說價格偏高但食得出用料上乘 絕對是堅尼地城第一餃！…查看更多

舊同事約食飯，俾我揀餐廳🤣 呢間三和敍喺我個"想去" list入面好耐了，一於試試佢！呢間日本餐廳位於泰菜林立嘅九龍城入面，雖然位置唔算方便，但果然冇令我失望或白行一趟🤩餐廳集端爐燒，鐵板燒同A La Carte一身，book位時職員會問你想食邊樣。第一次食，試下A la carte先😎試左個長崎縣岩蠔，好大隻好肥美😋刺身叫咗赤貝，帆立貝，馬糞海膽同有個唔知咩魚因為我唔食魚，同事嗌既🤣全部刺身都好鮮甜燒鮑魚，調味汁好入味肉質彈牙👍但最欣賞都係呢款澳洲A5和牛牛胸腹🤩份量唔少，調味好特別！加上日式醃漬物，好特別👍中間仲食左海帶沙律，燒牛舌同日本番薯，都唔錯。最後要左個雜菜烏冬🍜用餐體驗總的來說非常唔錯，嘢食新鮮好味之餘服務好周到，侍應經常加茶同清走用過既紙巾，態度好好👍…查看更多

因為疫情關係，冇咗晚市堂食，只能外賣。朋友就推介屋企附近有間小店唔錯，雖然我住旺角，但係call車都可以享受到😋 幫襯左邦老闆嘅晚市外賣套餐，份量非常足夠👍因為我唔食翠玉瓜，同老闆講完佢肯幫我轉做燒茄子，實在太好了☺️送貨哥哥準時6:30到達，食物仲係熱嘅，就咁拎住都聞到香味🤣花螺出色，好濃烈嘅酒味！肉眼扒火候啱啱好，肉汁豐富，好入味！蘇格蘭蟶子皇新鮮彈牙，扇貝大大粒，正👍👍👍👍👍最後食完晚飯，仲有水果燒菠蘿食添🍍都唔知疫情幾時完結，有時自己煮飯都會煮到好悶，可以幫襯下呢啲小店，用心又有驚喜。有能力既要互相支持，幫助非連鎖式小店渡過難關🤝…查看更多

Last day同事帶我食好西，佢哋極力推介呢間🤪雖然舖頭位置有啲隱蔽，但內裏感覺好日式居酒屋，店員全部都好有禮貌👍有人請梗係食好啲🤣，嗌咗個$198既北海道丼🍱麻煩嘅我因為唔食魚😅，所以嘗試同店員提出魚生換其他食材既要求，點知佢哋一口答應，實在太好🥰全部食材都勁新鮮😍，海膽鮮甜，帆立貝肥美，另外換既白蝦平時好少見，好特別💕 飯同魚生嘅比例係一比一，加上幾小碟配菜同麵豉湯，令我既last day更加難忘❤️…查看更多

放假行過俾佢嘅舖頭名吸引咗，行埋去望Menu發現原來係食川菜😲 😲雖然唔係好明同烏蠅有咩關係，不過門口好多食客排隊，覺得應該唔錯，可以一試！點菜方式就好似食車仔麵咁，自己揀食咩餸同湯底。配料選擇勁多，一定有款啱你心水😉我揀左娃娃菜，芋絲，蘿蔔同肥牛配番薯粉。份量足夠，番薯粉軟硬適中，湯底有啲似酸菜魚嘅味道，好惹味！調味好足料，要小心啲食，因為有好多花椒🤣🤣 下次會去挑戰吓佢個麻辣湯底！😋😋…查看更多

餐廳地方闊落，有時仲會請樂隊表演live Music🎻🎼生蝦肉質爽口彈牙，要配上自家泰式酸辣汁加蒜片同辣椒一齊食！生菜包既生菜好新鮮，豬肉碎調味出色。冬陰公湯好足料，有大蝦青口同大蜆，每人約分到兩碗。我覺得如果加咗椰漿會更加好味😆全晚亮點係龍蝦茄醬意大利飯，賣相好靚，個茄醬又好正🍅，酸酸甜甜勁易入口，龍蝦肉質新鮮🦞今次我哋叫咗呢幾樣食物，但其實Menu上有好多其他食物都想試，例如西瓜帶子黑醋沙律，啤酒煮大蜆，見到個名都覺得新奇有趣，有機會下次一定會黎試呀！…查看更多

依家天氣終於涼返啲，最啱去行山。今日約咗朋友喺西貢等，出發前食啲嘢先，行過見到呢間小店極多人，還掂未夠鐘，就排隊試試啦！嗌咗個英式全餐，份量頗多，用料新鮮，賣相亦都唔錯，雖然可能人多嘅關係，等候時間比較長。我之後仲嗌左個手撕豬沙律，豬扒，果醬雞翼同最出名嘅果醬九宮格。但係因為太肚餓嘅關係掛住食唔記得影相，真係失策😅…查看更多

今日team lunch，有同事想試新野，搵到呢間新開無耐既餐廳。一行八人浩浩蕩蕩由中環搭地鐵去尖沙咀！去到主要都係一大班人咁食，地方好新淨，出面可以睇到廚房入面。見到有menu話like page可以有半隻乳鴿，即刻個個拎個電話出黎like，呀姐都好認真，每個電話檢查有無like到🤣🤣多人食飯既好處就係可以嗌好多野試😋個煎腸粉好出色，配上xo醬。蝦餃燒賣全部都好大粒，例牌燒鴨好正，啖啖肉，燒腩仔都好好味。最得意係呢個金龜包，一上到黎，連男同事都爭住要打卡。…查看更多

今日天氣好好，加上就黎放大假，心情真係好愉快🤣lunch去遠少少，由中環過左西環食，食完都仲有好多時間，就去左我最愛既咖啡店hea🥰「%Arabica」室內空間都係以白色為基調，整體室內新潮又極具設計感，就連擺係店入面的咖啡機都唔似一台機器，用藝術品黎形容會更加適合。而佢地所賣既咖啡就同裝修一樣咁簡單直接，5款咖啡，就係咁多。我同同事各自揀左Spanish latte同caffe latte，咖啡同奶既比例非常好，入口香滑，甜度適中。好飲既咖啡再加上咁靚既環境，呢個lunch真係好出色！另外，唔講唔知，好多人以為% Arabica係黎自日本，但其實佢既發源地係香港，日本只係佢開始成名既地方。宜家呢個品牌既版圖已逐漸拓展至世界各地，除左香港同日本之外，仲有杜拜、科威特、阿曼、柏林等等呀！…查看更多

之前公司annual dinner抽獎抽中左一堆sogo現金劵，今日終於得閒睇下有咩買啦🤩血拼完一輪發現原來sogo club 11樓有間行日式路線既cafe,望落好似唔錯，晚餐時間多人到要排隊添🚶🏻‍♀️🚶🏻‍♂️🚶🏻‍♀️🚶🏻‍♂️🚶🏻‍♂️望望個menu好多選擇，最終同朋友揀左羊扒🍖同parma ham大蝦意粉🍝羊扒賣相精緻，一d都唔蘇，煎得岩岩好，軟嫩適中，配上薄荷醬一流！parma ham大蝦意粉，蝦既數量算多，蒜片突出左炒意粉既味道，配上parma ham, 都唔會太咸。食完main course, order左玫瑰花茶🌹同cheese cake🍰玫瑰茶好抵飲，可以飲到3,4杯。cheese cake好出色，入口即溶，以此作結，好滿足！總體黎講，cp值唔錯，店裡侍應全部做野都好快手，好有禮貌，頗精緻既日式cafe🥰…查看更多