Purple Angel的個人專頁

當晚和姪女到達時已 8:40PM , 因為臨時決定在APM 食晚飯，但適逢是星期五晚上，原想幫襯的拉麵店外仍排了長龍，於是唯有選擇只有 2 個人在外等候的 Made in HK。2分鐘左右便能入座，入面不算太多「吉位」，所以不算沒人幫襯的食店。我點了 「焗俄國雞柳藜麥飯」(覺得健康一點，因為自己在家有時都會食藜麥)，姪女則點了「澳洲穀飼肉眼扒拼虎蝦」。我的食物先上，外貌和汁的味道其實同連鎖快餐店的焗豬扒飯的芝士加茄汁差不多，可以說不過不失，但最令我不滿的是，「藜麥飯」原來真的是「藜麥 ＋飯」(我天真的以為只有純藜麥），本也不打緊，但藜麥份量實在少得可憐，只有薄薄的灑在白飯上。。。我知藜麥比白飯貴，但份量之少實在接受不來，這個只是比快餐店多了「幾粒」藜麥的雞柳飯，盛惠 $108，完全不值。至於姪女的「澳洲穀飼肉眼扒拼虎蝦」也不見得好。蝦有 2 隻，她給了 1 隻我試，食落肉質好「削」(但未至於「霉」），無鮮味，肉眼扒我沒吃 (因我不吃牛)，但姪女說好多筋，很難咬，這個沒影相，不過都是那句，不值 $188 。。。…查看更多

經 Openrice book 檯, 所以不用等候.  5個人, 有3個朋友先到, 跟住我到後他們說已 order  了 Parma ham melon, 叫我同最後來的朋友睇下想吃什麼. 我們沒有意見, 於是朋友提議叫 5 款set dinner, 印象中見過 $198 這價錢.  食物(主菜) 很快便上曬, 味道不過不失.  我記得 set dinner 好似有甜品, 於是問 waitress set dinner 的甜品是什麼. 問了兩個 waitresses  都好像發緊夢, 起初話不清楚, 之後問完一輪先答我們是 "奶凍". 跟住問我們要什麼餐飲, 我們叫了2杯熱奶茶, 3杯熱檸茶. 但食完個奶凍後好久都未見有餐飲上, 於是再問 waitress, 她竟然反問 "上得嗱? " 我們根本沒有叫不要上住, 原來要 "出聲"  嘅咩 ?到最後埋單, 有朋友見張單啲餐不是全部 $198, 另一個朋友話記得好似有某些款是 $2xx , 問那位戴眼鏡的 "餐廳老闆" 都話 "唔清楚". ok, 於是照碌了卡. 朋友簽完卡, 阿老闆又無分番張 customer copy 俾我朋友，要自己分。。。出了門口，再看清楚門口的坐地餐牌，原來set dinner 是 $198 起, 有好幾款是 $2xx .  但最後竟然發現 set dinner  原本是有 salad  同 湯, 但這兩樣理應一早"整定"  的食物居然從沒有上過檯.  當然我承認我們都有責任, 掛住傾計沒看清楚.  但當我們同番餐廳老闆講, 他只是捉個 waitress 來問, 個 waitress 居然只係響度笑, 然後答太多張檯記唔到, 但其實只得40多個位, 不算多檯. 最後餐廳老闆又無 refund, 又無補番沙律同湯給我們 , 只是俾張不知所謂的 "9折卡" 話下之後幫襯有 9折. 我用 openrice  book  檯都有88折, 咁 9 折咪仲少過 88 折?.... 你估仲有下次 ???  從未遇過呢啲人, 真係老闆員工都好唔掂  …查看更多

星期五的晚上, 約了媽媽出外食飯, 原本是打算去 euro go go 的, 因為媽喜歡食麵包布甸. 可惜人太多, 很多檯都有人在等候, 於是打算去另一間食肆晚飯. 但星期五晚上實在很多人出外用膳, 走著走著, 上到新都會5樓, 看見中國芳, 便決定試問一下有無位, 幸好二人檯不用等候.這是我第一次幫襯的食肆, 因為平時比較少吃中菜, 所以有很多中菜館都未去過. 入到去, 其實都很多人, 如果人多要大檯 walk in 應該一定唔得喇 ... 由於這裡是主要吃京菜的, 因此很多大檯都例必有隻片皮鴨. 但我們母女二人一向不是食肉獸, 而且得兩個人都無可能食到, 所以我們都點了一些不太滯口的食物.一看到餐牌, 我便看到這道 "金湯翡翠苗". 我知道 "金湯即是南瓜湯", 而翡翠苗即是溫室豆苗. 個人一向喜愛南瓜清甜的味道, 所有用南瓜做的菜式我都喜愛, 而溫室豆苗爽脆可口, 亦深得我心. 上檯後, 果然不負所望, 南瓜湯打得很幼滑, 翡翠苖浸在其中, 去了少許苗的粗糙感, 同樣變得幼滑了. 而且份量相當多, 成個湯碗咁多的份量, 好像吃極也吃不完另一道菜是 "金沙海鮮燴豆腐". 金沙即是咸蛋黃, 配襯入清淡的豆腐和鮮味的海鮮, 味道恰到好處. 海鮮方面, 也很足料, 有蝦 (雖是雪蝦略嫌鮮味不足, 但很爽脆), 魚塊, 鮑貝和帶子都非常多, 而且味鮮."牛肝菌粉條煮土雞", 是媽媽選的. 菜式以一個瓦的器皿盛載, 因此能 keep 到好耐都夠熱. 原來粉條是紅薯粉, 口感彈牙, 吸了汁料十分可口. 牛肝菌一直我都十分喜歡, 可惜份量較少, 可能因為成本較高, 反而雞件超多, 因為雪雞較平. 亦因如此, 雞沒有什麼味道, 而且真的太多, 所以我們食剩好多最後亦點了兩隻蟹粉小籠包 (最少點兩隻), 因為媽媽從來無食過. 小籠包皮很薄, 餡料亦相當美味, 很有蟹的鮮味. 很久以前我曾在 "霸王山莊" 都食過, 但不好吃. 中國芳做得好好多 !除了蟹粉小籠包是 $25 一隻外, 其餘三道小菜都同樣是 $80 一碟, 不算貴. 但當然加了茶芥加一後都要平均 $200 一位, 不算便宜, 不過在味道不錯的情況下, 也是可以接受的.…查看更多

由於這裡的 buffet 實在太有名了, 不得不慕名而來, 亦因此需要預早兩至三個月前致電訂檯. 我和友人們都非常期待. 先來吃個沙律, 沙律菜全都很新鮮, 紅菜頭補血又清甜, 當然不得不吃. Dressing 方面亦很多選擇, 較少見的有 red wine vinegar (紅酒醋), 代替一般沙律醬, 十分醒胃 其實本人食 buffet 一向好蝕, 因為一來食量較小, 二來我有很多紅肉都不會吃, 這晚我是豬, 牛, 羊, 雞都沒有吃. 不過聽友人說牛, 羊都一般, 不太突出. 龍蝦亦不太鮮味, 反而蟹腳聽說不錯.雖然以上的肉類我都無食, 但我都吃了很多其他的食物. 值得推介的有: 1) 海鮮湯 (非常鮮甜)2) 日式三文魚刺身3) 帶子刺身 (超鮮甜)4) 燉鹿肉湯5) 鵝肝 (雖然不是 my favor, 但這是回本食物之一, 食了半塊, 好香, 少吃多滋味)6) 魚子醬多士 (另一回本食物, 但一次只會俾一片, 想食多些要走多幾轉)7) 龍脷魚塊 (雖然這是普通食物, 但我很喜歡, 魚肉很滑)甜品方面, 其實主打是 "榴槤", 標榜 "貓山王". 雖然我不特別 like, 但少少我都 ok 的. 我吃了:1) 榴槤雪糕一球2) 榴槤奶凍都很好味, 但最厲害的莫過於 "炸榴槤", 是真的用威化紙包著整粒榴槤炸的, 這個我可沒有吃, 但友人們超喜愛除了榴槤甜品, 黑森林蛋糕都超正, 蛋糕加了 rum 酒, 好香, 連上面裝飾那粒 cherry 都是浸了 rum 酒的, 實在非一般在餅店能買到的 ! 仲有綠茶奶凍, movenpick 雪糕 (4 種味道). 全部甜品細細件, 令你可以試多幾款都得…查看更多

好不容易才遊說到阿媽出街食飯，因為佢一向覺得依家出街食飯唔抵。今早致電來打算訂位，但接電話那位女士話如果兩位就唔駛book, walk in 得喇。但今晚6：30pm 去到，問我有否訂位，我話你地話兩位唔駛訂，咁個好似係老闆的人說7：30pm 要交枱。我媽咁遠出到來冇理由唔食架，於是都照坐低咗。叫咗三樣嘢，其中兩様都係在這裡見有人話過好食先叫。一樣係「金沙餃」，另一樣係「咖喱冇鷄」。咖喱冇鷄啲汁非常淡，既冇咖喱香味，亦冇乜咸味（本人一向都不是重口味，但都真係覺得淡），而且啲汁十分稀。反而啲法包仲好食。金沙餃亦係令人失望，餡料用番茄薯仔茸本來好特別，但味道亦係麻麻，唯一好是皮唔厚。反而最後一味「豉汁涼瓜生根」比較好食，但呢樣好似未有人讚好過。最後埋單才知茶錢每位都要$10，但佢得3種選擇，（1）普洱（2）鐵觀音（3）滾水。由於老人家太夜唔飲得茶，所以叫咗滾水，但滾水都要$10 一位，拍得住酒樓，令人懷疑是否真的「非牟利」。總括一句，食嘢真係好個人同主觀，雖然我覺得唔好食，但又真係超多人幫襯，不過本人就一定唔會有第二次了……查看更多

其實只是剛剛一個人在這裏食完個茶餐，食物一般，不過不失，但杯奶茶超多奶，好難飲 . 都唔緊要，最大問題係，自從沒有在尖東返工，都好少在這區光顧. 奄列多士先到，我見沒有餐具，沒有即時詢問，諗住等碗面來埋問. 無幾耐，一個男性化的女侍應放低咗碗面，於是我叫住她 :"唔該，唔該，什麼都沒有，點食？“ 於是佢好唔 like 咁打開了張枱個櫃桶，轉身便走. 我知依家好多茶餐廳都係把餐具放在張枱的櫃桶，但大佬呀，我又不是經常去呢間，我點知呢間都係咁？再者，佢真係態度其差，攞都費事攞出來，我唯有好嬲咁自己攞咗對筷子出來.可能佢啲同事都知我好嬲，又或都知佢態度差，所以後來再拿了刀叉同埋餐巾出來. 我一路食一路都仲好㷫，後來佢再經過我張枱，我都怒 "bear" 住佢. 總之一句，有啲咁嘅伙記，真係唔駛旨意我再去.…查看更多