yukapo2762的個人專頁

今晚試左間新餐廳，價錢中位，但質素又幾高啵！首先黎左個印尼群島沙嗲拼盤，豬、牛、雞同羊各兩串。雖然個樣好似無乜特別咁，但係食落口就有驚喜。因為佢好香肉味，烤完唔會過硬得黎食落又有口感，反而就咁食好過點佢嘅醬汁。然後牛油果雞肉意粉就到左。呢個係無估到咁好食！因為本身睇菜名係抱住一試嘅心態，有可能味道會未必岩胃口。但無諗到食落又幾好，佢個意粉汁好入味，食一啖意粉會食到雞肉味，證明佢係有心思去整個汁。呢個俾滿分。最後係德國鹹豬手。呢個貼心位就係佢有將啲肉切好哂，仲要切得好乾淨，基本上你拎起支叉吉起佢就放得入口，都唔洗話補刀起哂骨上面嘅肉。豬手烤得香脆，唔會過老，加上醬汁香甜，點住食就無咁滯喇。誠意之作！最後嘅Mocha估唔到佢拉花又幾靚，加埋環境有音樂好relax，食完野再嘆埋杯mocha係唔錯。整體黎講呢間餐廳幾好，環境同食物質素都真心推介，可以再試。…查看更多

今日返工連lunch都無時間食，去到三點幾先得閒少少，於是，想快快地解決咗個遲嚟嘅lunch, 所以，就去咗大家樂食下午茶！嗰度有我嘅至愛：蜜糖燒雞翼！有好多配搭可以揀。因為都比較肚餓，所以揀咗迷你叉燒飯配雞翼，加熱奶茶！蜜糖雞翼一如既往地咁好食，燒到好香同脆！估唔到個迷你叉燒飯又分量幾多，一啲都唔迷你，真係會食得飽！以35蚊嘅價錢嚟講又飽又好食都真係算唔錯！大家樂嘅奶茶質素都唔錯，茶底好香，奶都好滑！…查看更多

依家行出街嘅普通茶餐廳食個lunch都要60-70蚊，仲環境唔好，坐得唔舒服！最近，知道pizza hut出咗app，可以登記做會員，會送一啲coupons 比大家！仲有得遙控攞定位添，真係好方便！而coupon中，最好用莫過於午餐買二送一，同埋friend子一齊去就最抵喇！我地叫咗兩個pizza,一個意大利粉！兩個pizza上嚟嘅都熱辣辣，好脆！而個意粉都不過不失！仲分別有三碗湯同飲品，最尾埋單都只係每人60蚊，但就有高嘅食物質素同埋舒服嘅環境！…查看更多

好耐冇食雞煲，上OpenRice見到有好多好評，所以揀咗呢一間嚟食！打電話去book左位所以一去到就已經有位俾我哋坐啦！呢度嘅環境都唔錯但係就比較窄小小，枱與枱之間唔係有好多空位！我哋就要咗一個清湯底，加咗雞件同埋其他材料！但係令人好失望嘅係材料都好似係未解到凍！啲雞件有啲雪味雪味！而個豬肉片就仲過分，食落去仲有豬燥味！服務態度亦都唔算好，舉左手示意好耐待應都唔過嚟，但呢度環境都唔錯！同埋無限時，可以坐好耐…查看更多

大埔行開，想搵個地方解決咗個午餐佢，所以入咗一間米線店諗住快快脆脆食完個lunch ！一入到去發覺選擇唔係好多，叫咗一個五香雞翼米線，同埋一個生菜！雞翼米線嘅味道尚算可以，米線比起其他店舖嘅淋身，浸得比較透，而雞翼亦都好入味！但係令人有少少失望嘅係，生菜不單止冇搣開上，一大棵，所以食嗰陣有啲唔方便！而且呢度嘅傳統川菜可能同廣東人嘅口味有少少唔同，佢哋會加咗一啲儲落去個菜度，令到個菜酸酸地，令到個菜唔係唔夾！…查看更多

今日同朋友約咗係觀塘食飯，因為好耐無見，所以想揾個坐得耐又清靜嘅地方傾下計，交換下近況。之前聽朋友介紹the wave有唔少新開嘅餐廳，質素都唔錯，於是，就去try try佢！一上到去，發現個場好大又靚！呢間有少少似Cafe同埋酒吧嘅combination，我哋因為唔飲酒坐係個大廳嗰邊，呢度枱與枱嘅之間都有一定嘅距離，講秘密都唔怕俾人聽到！個燈光亦都搞到有少少昏暗，好有feel ！臨走我哋仲見到吧枱嗰邊裝修得好有格調，飲酒嘅可以坐係吧枱！因為我哋已經食咗一個好飽嘅下午茶，所以我哋冇乜嗌主食，我哋叫咗個綠茶心太軟伴紅桑子雪糕，同埋開心果雪糕！覺得呢度嘅甜品做得好出色綠茶心太軟比起平時嘅朱古力心太軟好味，唔會太甜，加埋紅桑子雪糕酸酸地令到成個甜品好出色！而開心果雪糕反而就冇乜特別！…查看更多

嗰日喺將軍澳見完客，去到午餐嘅時間，又唔知食咩，所以去咗東港城行吓，睇吓有咩啱食。行過見到新麻浦BBQ有 set lunch,價錢又唔係好貴，包埋嘢飲又好似幾抵玩，所以就去試吓！但係因為我有對牛敏感，所以最美揀咗個韓式燒雞肉飯，配一杯凍檸茶！一入到去，就有侍應上咗好多唔同嘅韓式前菜，擺到成張枱都滿晒，真係好豐富呀！但係到到個主菜上到嚟，試咗一試，法國雞肉有好大浸雪味，同時亦冇乜調味，令到佢個肉質又好柴，大家如果食呢一間餐廳，千祈唔好要雞肉飯！…查看更多

係九龍灣住咗幾年，都冇乜喺德福食嘢，嗰日約咗喺九龍灣返工嘅朋友食lunch，於是就喺德福商場近近地食個便飯！依家百物騰貴，普通食一個lunch都已經要60$70，行行吓見到小城滋味嘅餐牌，竟然仲有50幾蚊嘅午餐，仲包一杯嘢飲添！於是就決定同朋友入去呢一間試吓，我揀咗一個雞翼肉操飯加咗一杯熱嘅薏米水！等左冇耐，嘢食就上齊喇！估唔到呢間小店俾咗一個好大嘅驚喜我，好難得食到咁好味嘅肉操！味道非常之好，雞翼都炸到博博趣！唯一嘅要改善飯有少少硬！…查看更多

係坊間好難食到唔辣嘅雞煲，因為有朋友唔食得辣，我哋上網搵左好耐終於見到呢一間有黃炆雞雞煲，標榜着唔會辣！所以，我地就去試下！我地要咗一隻黃燜雞，食完之後轉湯底打邊爐！黃燜雞唔算有好大驚喜，無乜特別。食完雞煲就開始打邊爐，揀咗清湯底，要咗個海鮮套餐，海鮮嘅鮮味入哂去個湯度，最後變得好濃！海鮮好新鮮，完全無雪味！好高質，而其他配料，例如菜、水餃都好好食！最後，餐廳仲提供咗甜品，得咗都幾耐先上，但原來好靚，係豆腐切成花咁嘅樣！…查看更多

好耐冇食壽司啦，但係平時去嗰啲壽司店又貴，又食得唔飽！所以我決定去試吓呢間最正嘅放題，呢間大喜屋係大喜屋系列入面最高級嘅一間，所以決定去試下！呢度嘅環境極grand! 所以，對佢嘅期望值有提升咗一個級別！呢度而家係用電話點餐，只要掃一掃個QR code，就可以開始點餐，唔使好似以前咁用落親囉對佢嘅期望值有提升咗一個級別！呢度而家係用電話點餐，只要掃一掃個QR code，就可以開始點餐，唔使好似以前咁用落單紙，既環保又方便，而且感覺上呢度冇乜劉丹嘅情況，落咗幾多件就會來幾多件！呢度嘅食物質素普遍都非常之高，壽司做得細細件一口過，炙燒系列好正！仲有啲刺身都好肥美！最有驚喜嘅係甜品，強烈推介日本牛乳布甸，個口感好滑，牛奶味都好重！…查看更多

今日想食番啲港式嘅食物，於是就搵吓有啲咩冰室呀茶餐廳啱食！最尾我哋去咗喺香港仔嘅龍門冰室！我哋去嗰陣時已經係下午茶時間，但係餐廳就非常之爆滿，好彩啱啱有一台走咗我哋先有位坐咋！我哋要咗個瑞士雞翼下午茶餐同埋一個暗然銷魂飯！每一個下午茶餐都包左一杯嘢飲我哋要咗兩杯凍檸茶小冰！瑞士雞翼個瑞士汁做得非常之好，雞翼都好入味！另外我哋仲要左一個西蘭花，不過有少少失望嘅事原來佢真係就咁白水灼熟，一啲味道都冇！…查看更多

最近喺旺角發現咗一間樓上Cafe，真係一個最腳嘅好地方！嗰日約咗朋友喺附近傾野，去到晏晝肚餓喇，於是就同朋友想去第三站坐下食下野！由於晏晝嘅時間冇乜人，所以Cafe好清靜，好啱兩個人靜靜地傾吓計！我哋兩個人要咗一個主食同埋幾個小食，一杯可樂加雪糕同埋榛子咖啡！個黑松露飯好香，但係未到竟然就有少少淡，唔夠重黑松露味！但係小食方面就做得非常出色，蜜糖雞翼焗到趣博博熱辣辣，每人食咗三隻都覺得仲唔夠！二個柞樹角就好脆同好大碟！以呢個價錢你講真係好抵呀！…查看更多

嘩嘩嘩，好耐冇食壽司啦！早排聽新聞講有好多刺身都有寄生蟲，搞到有啲唔係好敢食壽司，但係壽司癮又發作，於是就去咗元氣食壽司！因為唔係好敢食刺身，所以我哋要左好多炙燒系列嘅壽司！佢最近新出左一個明太子炙燒三文魚🍣，估唔到可以同我嘅至愛炙燒黑椒三文魚媲美！有少少可惜嘅係佢暫停左左口魚裙邊壽司嘅供應，都聽到有唔少食客問點解餐牌上冇咗呢一個選擇！有食過元氣嘅都知道佢嘅綠茶係可以任飲，我覺得元氣嘅綠茶粉好好香，唔似其他壽司店淨係比一個茶包咁樣沖茶！…查看更多

同屋企人聚餐，一家大細最啱就係食中菜啦，上網搵咗好耐，終於搵到呢一間有好多名人都介紹嘅中菜廳，就即刻打咗去book位！呢個位於中環嘅中菜廳地理位置有少少偏，可能會有啲難搵，但係真係值得大家一試！我哋一入到去發覺有好多外國人都喺度試呢間有名嘅中菜，我哋要左幾個餸，包括日本鹿兒島直送黑毛豬叉燒、椒鹽九肚魚、同埋八寶鴨等等！個叉燒真係又淋又多汁，一咬入去就好juicy!同平時喺餐廳食嗰啲好唔同！椒鹽九肚魚亦都揸得十分之鬆脆做到外脆內院嘅感覺，鬆脆嘅外皮之下魚肉仲好嫩滑！有少少可惜嘅係八寶鴨個味道太淡，有啲唔係好啱我哋嘅口味！…查看更多

It’s really the right place to go！ 真係強烈建議，如果大家去開大埔嗰頭，可以去呢一間酒吧試一試，呢度嘅環境食物質素同服務態度都非常之高質！餐廳佈置得非常之有質感，可以睇得出呢度嘅格調非常之高，配埋佢嘅背景音樂真係同間餐廳好夾呀，將成個環境提高咗一個層次！我哋要咗一個青蘋果醬配黑毛豬配薯菜，青蘋果醬汁好有新鮮感，而黑毛豬亦都肉質非常之好，可以話係入口即溶！不過有少少可惜嘅係，呢間餐廳嘅嘢飲唔係幾好，個味道配搭有少少奇怪！…查看更多