Keith.Wing的個人專頁

見佢呢度嘅咖喱好似幾吸引，一於就試下佢。發現有驚喜，我揀咗咖喱滋味鹽燒牛脷。咖喱牛脷都算係幾特別嘅搭配，發現佢呢度食唔同餐都可以加一份咖喱汁，至啱我呢啲食飯鐘意撈汁嘅人。咖喱整得幾好，香濃又有少少辣味，唔會得個甜味。牛脷幾軟淋，又有咬口。朋友揀咗個台式肉燥大碗飯，我都試咗一細碗，發現味道都幾好。果種鹹甜味適中，唔會覺得油膩。我見仲有梅菜扣肉飯食，真係好耐無食過啦，以前婆婆成日整，不過宜家婆婆返咗鄉下就好難食到啦，下次都可以再試下呢個飯。…查看更多

呢排多間餐廳都因應疫情而推出好多外賣優惠，其中最抵我覺得都係呢間文記火鍋。上個月我都有叫到外賣，發覺質素都好穩定。我就揀咗自取，反正屋企樓下順路，可以買埋甜品返去食。我地係預約時候去到，唔洗等，好快手。攞返屋企，每樣配料包括湯底都係完好無缺。擺到整齊又靚，食落新鮮。叫外賣打邊爐真係節省好多時間，趁呢個時候有優惠都可以食多幾轉。推介食佢地嘅自家製響鈴和炸魚皮，打邊爐必備啦。牛魔王三拼都好正，手打三寶丸都好爽彈好味。…查看更多

今日去咗紅磡廣場交收，等咗好鬼耐個賣家都唔出現，text咗幾次都唔應，等咗15分鐘先至覆話原來有急事，嘥我時間。唔係急住要都唔幫襯佢買一肚氣都止唔到我嘅肚餓，周圍望下有咩食啦。見到金拇指，有米線食又唔貴，咁就去咗試試佢啦揀咗酸辣米線，配料要雞肉+木耳，走芫茜。雞肉木耳呢個組合可能有D奇怪不過好好食架。米線煮得啱啱好，唔似某連鎖米線咁，成日煮到過淋，一patpat好鬼難食。酸辣除咗辣味之外，酸度都重要，唔夠酸就唔好食架喇，呢碗都合格連埋杯檸茶都唔洗50蚊，好抵食，有機會會再試…查看更多

本身係唸住夜晚嚟食，但呢排注重養生，夜晚唔想食咁多嘢。於是就同朋友食個午市蒸鍋。我地都係食刑部尚書套餐，有幾款海鮮係set定嘅，包括黃金蚌，鮮蝦，蟶子，大蜆，白蜆，仲有啲蔬菜。之後有得自己揀一款海鮮同肉。仲有一份餃子食。因為睇落分量不多，一開始我地覺得好似唔夠飽咁。食到後尾就發現雖然睇落好似唔多嘢食，不過都夠飽。加上最後還有米線配麻辣魚湯。事實證明係我高估咗我嘅胃，食完真係好飽肚！海鮮食落無雪味，肉質嫩滑，味道鮮甜。餃子都幾好食，比較似係鍋貼，皮煎得好薄脆，內餡係雞軟骨。味道唔錯。最後嘅麻辣魚湯都幾濃郁，配上米線食，香辣惹味，好滿足。價錢都幾親民，環境舒適，幾有特色，食物質素中上，食材新鮮！俾我評為：可以再嚟嘅餐廳！走之前，睇下啲蝦先，好想攞幾個返去養。…查看更多