小美子的個人專頁

尋日,有人好好咁買左一客上我公司請我地食,個醬有紅腰豆,煙肉,酸忌廉,味道唔錯(細SIZE, $30)但個薯條係淋架......諗住可能係外賣焗住,令佢淋左,所以今日諗住俾多次機會佢,落去堂食,我地要左個餐($8x)有兩杯汽水,兩個熱狗,一杯大薯條~熱狗: 包面好"un",軟身,唔熱嘅,條腸無任何味道,d醬汁+配料係自己落架~(感覺上'宜家'果d超平熱狗仲好食過佢呀~)大薯條: 好大杯,幾燶,原來呢隻係無任何醬汁俾你,要加錢先有,我地加左牛肉汁,個汁有牛肉味,但好淡,要加返d鹽先叫好食d,主角薯條,點解都係淋架?!得一兩條個面係脆咋,我仲意為因為之前加左醬汁所以令d薯條變淋,仲有d薯條一攞上手就一手都係油,雖然聽講佢果d係比較健康嘅油,但無理由成條薯條好似剛剛油浸完咁架??!!好失望呀, 我好鍾意食薯條架!浪費哂我d quota 喇~~其實我想問,我今日食呢餐係佢地失手,定係係佢地嘅特色呢??!!…查看更多

今日去食lunch,幾迫~鎮江排骨+咩穀飯 - 酸酸甜甜,唔錯~ 碗飯佢俾錯菜飯我,唔理喇,好鬼肚餓呀~芝麻湖 - 清清地,都ok嘅~加左單要蘿蔔糕,結果佢地都係係無落到單......**留意:佢地嘅menu中英文係有出入架,要小心d睇呀~~ 地方細,人客多,d侍應又......所以都係偶然一次好喇~~…查看更多

上個星期,想打邊爐,見到呢間食評唔錯,就黎試下喇~美國肥牛 - 真係幾肥呀,不過都幾好食~芝士腸 - 比金妹嘅質感較粗,唔知點解第一轉食到有芝士好好味,第二轉就差好遠喇~牛筋丸 - 無牛筋嘅牛筋丸呀~串蝦 - size略細,但幾鮮味~蠔 - 估唔到又幾好食喎~駝鳥肉 - 好滑,正呀~~墨魚滑 - 無咩墨魚味呀~白蘿蔔 - 薄,軟熟,正~~炸魚皮 - 唔會過鹹,幾好~粟米 - 細件,快熟,超甜,好鬼正~~鮮冬菇 - 好細粒,唔好食~佢地剩係提供好鬼鹹嘅豉油,如要其他醬料要加$10,正在猶疑之際,好友諗到張d辣湯底加左落d豉油,嘩~即刻變得好好味呀~~汽水任飲,不過可樂只得百事......有大電視,得8成枱有人坐,唔駛迫餐死~仲有好多野未試呀,過兩個星期又再黎先得~~…查看更多

今晚想食片皮鴨,又驚佐敦北京酒樓因無訂位有排等,所以就去左呢間喇~~8點到,因唔想等,所以坐左近門口嘅位~(不過會時泠時熱呀)叫左糖醋魚塊$62- 千奇唔好試,真係未試過d糖醋魚咁架,細碟唔在講,d魚片好薄,d炸粉仲厚過塊魚片,每件個size好似菜芯炒牛肉嘅牛肉片咁,外皮係又淋又'un',又唔酸,真係.....咁細碟我地都有食剩,可想而知......生煎飽$2x - 細size,皮算薄,底都脆,夠熱,不過等左幾耐先有得食~片皮鴨$15x - 唔太肥,唔'un',但唔夠熱,算幾好味,我地兩個人揀左一食都食唔哂呀~多d人食會好d~~茶錢$10前菜(豆芽)$10…查看更多

上星期六,同朋友補祝生日,又有機會食食食啦~~哈~~ 一個星期前book定位,當日亦有服務員打黎cnfm booking~刺身都有好幾款,有我幾鍾意食嘅喜靈魚,不過曾經有友人話過,喜靈魚係醃魚,唔值得食...但唔理佢值唔值,我鍾意食呀~~　響螺肉幾爽,三文魚好多件都有d邊位/魚皮,有點兒......炸物:試左蠔,可能之前食過"吉列專門店",所以覺得呢到果d好一般,不過一分錢,一分貨呀~~蕃薯好硬,南瓜幾粉,ok~可惜無蝦天婦羅呀~~燒物:燒鰻魚好食,夠熱~燒雞翼中間係生架~~燒雞骨腸好油呀~燒雞軟骨串好鬼硬呀~~自己用鐵板燒:牛脷,ok,但黑椒太勁喇~~燒蝦同埋帶子都ok~~d雞片好鬼鹹呀~~自助沙律吧,面豉湯一般,佢d咖哩汁唔錯,加落d飯(好似有紅米o係入面)到,都幾好食嘅~~熟食嘅牛筋唔錯,芝士山芋餅凍左唔好食~炸薯蓉點解咁似炸年糕嘅??送嘅蟹腳都ok~一人一杯乳酸飲,各人意見都話ok~~係有漏單情況呀~~9點幾我地就埋單喇~因為佢地有第二場呀~~我地坐o係為d房仔入面,時不時都要揮手先搵到d服務員呀~~不過佢地都有主動入黎加水同收碟嘅~~…查看更多

之前個星期已經打去book枱,佢話dinner嘅booking已經去到9月中喇,不過只有3份一枱係for booking嘅,咁唯有早d去攞位啦~6點8去到,已經有人等緊位喇,我地有一個朋友因公事要遲d黎,令本來有枱都變左無枱喇~因佢地要人齊先入得呀~~朋友7點到左,結果要等到8點先有位,好彩我地之前早到,坐到出面果d椅,如果唔係著住高跟鞋嘅我地真係累死都似呀~~我地叫左炸軟殼蟹: 最快上,味道ok,但好油~~三人吉列set: 有豬扒,豬柳,蝦同埋蠔d蠔脹卜卜,炸左都唔會乾柴柴,仲好juicy,我唔係好鍾意食蠔都覺得超正呀~~蝦都幾大隻,好鮮味~~豬柳啖啖肉,食肉獸啱呀~可能以上幾款都好食,顯得個豬扒真係好一般,略乾,但就一定比出面果d好食嘅~~跟餐面豉湯,ok,但唔夠熱~~西瓜兩片: 起沙但唔多甜~地方濶落,即使唔係sofa位,d椅都幾大張,坐得好舒服~之前有人話d服務員煩到嘔,但我果日都ok啦,仲有時搵唔到個服務員加茶呀......佢地個茶壺好細,只有兩杯半水左右......(唔通佢預我地會叫其他野飲?!)下次想試埋佢地個帶子同埋再食好好味嘅蠔呀~~不過就唔可以成日食喇,除左價錢略貴同埋可能要勁等位外,我食完無耐就喉嚨痛喇~下次要打定底先......…查看更多

*8月尾*聽左呢間鋪好耐,終於有機會去喇~之前已book左枱,但因同事臨時要ot,所以由7:00改到8:00,好彩去到都唔係好多人,又有卡位坐呀~~叫左三文魚天使麵: 三文魚係得好少,好細片,但整體味道唔錯,凍左都好食~牛膝燴飯: 多汁,好多肉,但味道略淡,同埋一定要趁熱食~~朱古力雪貓; 好似淡味朱古力思樂冰,面頭加cream囉~~~如果加雪糕應該好味d呀~~xx花茶: 同事話幾好飲喎~~餐湯: 碗/碟大,忌廉湯少,味道一般~環境唔錯,d燈光都幾浪漫,係影相可能會暗一點~~侍應數量略少,但斯文有禮~貓貓都有好幾隻,好可愛呀~有d好鍾意o係椅底瞓覺(貓貓天性愛瞓覺啊)~有d好動d嘅會自己走埋黎,跳上你張枱/sofa到,不過佢唔會"控"你d食物架~又會"聞"你嘅手袋,我見到有隻直頭坐左o係人地個背包上面瞓覺添呀~~而我嘅......大腿上......就有一隻o係樹打貓餅呀...... 好搞笑架~~最後想講下,有d人唔該尊重下d貓同其他客人,有d貓貓瞓緊覺,'果d人'都要"夾硬"搬隻貓貓埋自己枱,搞醒佢......又有d貓貓o係人地d枱到坐緊,咁人地食緊野無同d貓玩,'果d人':唔該都無聲,就"夾硬"抱隻貓貓埋先己枱,唔理隻貓係咁爭扎...... 有d貓坐左o係出面無人坐嘅大枱上面,要影要摸係絕對唔駛"夾硬"黎架~~貓貓係好有自己性格架!!!!…查看更多

7點到,見到仲有好多空位,但呀姐話俾人訂左喎~ 我地兩個人,等左10分鐘左右就有位~叫左海南雞飯:雞無骨,好滑,但雞皮好厚,肉好似變得好少咁囉~油飯,食第一啖覺得有怪味,我初時意為係咁嘅味,但朋友亦提出d飯有"縮"味, 話俾個呀姐聽,佢亦願意換過碗,不過我地怕換過碗都係一樣,所以我地轉左碗白飯~~ 串燒半打:雞牛羊,唔"un",不過最好味係個醬汁呀~辣通菜:都唔辣嘅,幾好食,但略咸呀~炒蘿蔔糕: 係我地叫嘅野食中係最好味嘅,甜甜地,雖然係有d油膩,但好有鑊氣,又惹味,有d蛋絲,蝦,咁,點埋叫呀姐俾嘅辣油,好正呀~~環境好一般,座位比較迫,有時搵唔到d呀姐咁,但態度都ok架~~下次黎一定要試下咖喱牛腩同埋炒蟹,見鄰枱好似幾好食咁喎~p.s.我想問下,究竟個油飯嘅"縮"味,係真係呢間鋪獨有嘅特色,定係.....因我見到鄰枱食哂d油飯都好似唔覺有問題咁......而我o係第二d食店食過嘅油飯係唔會有"呢隻"味架......…查看更多

前排約左朋友食lunch,所以一夠鐘就即閃(因驚好多人等位),大約12:40到達,2人位,等左5分鐘左右就有,但因朋友未到,所以要o係門口等,就o係呢個時候,俾我見到......先講食物先:小籠包: 湯熱,皮薄但又唔易穿~好食~~素菜餃: 味略淡,要點醬汁食~牛肉麵: 牛肉軟熟但有少少騷,湯略油但又幾好飲~豆沙小包: 用嘅係小籠包果隻皮,豆沙又香又甜,最適合我呢ｄ鍾意皮少餡多嘅人喇~~好快ｄ野就上齊哂,一夾完每樣最後一件,佢地都即刻收碟/籠,呢樣我唔界意,因始終係午飯時間,大家都想快快快~哈哈~兩個人真係食包飽呀~~講返我o係等位時見到嘅野~有位男士,到登記處找ｘ經理,跟住個ｘ經理出黎,果位男士就同ｘ經理講,佢係ｙｙ公司嘅ａａ少姐界紹黎搵佢嘅......跟住個經理問佢人齊未呀,果位男士話未呀,呢個時候,個經理見到我o係佢地後面,佢就話唔好意思......公司規定要人齊先......但大約十幾廿秒後,個經理見唔到我(我縮在一角等朋友等呆了)佢就帶住果""一位男士""入座,後面係無任何人跟住嘅......見到呢件事前,我又見到有兩批等位人事o係度鼓譟,一個講普通話男人好大聲咁話佢等左好耐......又有一群約5-6位女士在破口大罵......之後走左......之前亦睇過有食評話有ｄ老人家因家人未到齊,都唔俾入,佢地要企o係店外等......我仲以為佢地真係咁大公無私嘅添......咩唔係未人齊,係唔入得架咩？其實呢件事對我無咩影響,只係覺得對其他等位嘅人有d唔公平啫......p.s.地方闊落,但有小蚊子......…查看更多

前排又去幫趁,不過今次係買外賣呀~~茄蛋治 -- d蛋唔錯,幾嫩滑,但我個人就唔係好鍾意果個沙律汁喇~~炸雲吞 -- 正~ 好脆, 我買左半個鐘後先食, 一d都無"林"呀~d蝦好爽,點埋佢俾果隻甜辣雞醬,真係好好味呀~不過係有少少鹼水味囉~~老闆娘話要等15分鐘,咁我行開去買其他野,15分鐘後返去真係整好喇~~**佢地仲整穿個盒頂,等唔會有倒汗水整"林"d雲吞;又張茄蛋治分開兩個細袋裝,真係好有心思呀~~下次有機會嘅話,我要食佢嘅鮮牛蛋治呀~~…查看更多

之前o係灣仔做野都未試過食呢間,反而而家唔o係呢頭做就有機會黎呢度~買左半斤叉燒返屋企加料,忍唔住o係車上偷食呀~ 唔記得講要瘦叉,所以佢俾左略肥嘅我,我諗應該算係半肥瘦喇~佢嘅甜味唔同人地果d蜜汁叉燒嘅味,係更加好食呀~d肉無臭豬味(唔知點解近兩年我食到嘅叉燒都有陣臭豬味呀! )有少少燶,好鬼死香口呀~~真係好耐無食過咁好味嘅叉燒呀~同以前荃灣成日排長龍果間有得揮呀~不過如果下次有機會,想試下佢嘅瘦叉呀,好似健康d咁囉......而家要$30半斤呀......係咪又加左價呀??不過佢咁鬼死好味,絕對係值得架~~…查看更多

轉左o係尖沙咀做野,邊到有好野食我都唔知"訂"~好彩有時同事食飯都會叫埋我一齊去咋~~以前shopping經過呢間鋪,好多時都見到有人等位~不過唔知係咪附近開左好多新食店,到我地食完lunch走都未full呀~~我叫左魚生飯定食,個餐包蘿白清湯,一小碗小食(唔知係咩,好似酸菜)同埋餐茶,$88~個d魚生係切粒嘅,有三文魚,吞拿魚,魚子,蟹子,八爪魚,甜蛋,一隻甜蝦,飯睇落唔太多,但食落我都食唔哂呀~~除左八爪魚有點"un"唔夠爽外,其他都OK呀~係有少少貴,但都可以接受,同埋呢度唔太多人,想靜靜地食一餐都唔錯呀~~…查看更多

早兩日,同同事去呢間食lunch,諗住快餐應該好快有得食,點知......排隊買ticket,有3個cashier,d人分散d,唔駛等咁耐,幾好~~不過排隊攞野食就勁囉~排到出門口呀~起碼有三十人呀~又唔係落雨,點解咁多人嘅?唔通o係呢個商場黎講,呢到真係係最低消費嘅食店?我叫左焗豬,我一路食一路流汗,我初時以為係d焗飯太熱,搞到我流汗添~點知食輕宜餐嘅同事都話熱呀~~咁多人,可唔可以開大D個冷氣呀???…查看更多

我好懶寫食評,但原來差嘅野(服務)係一個懶嘅人嘅推動力黎架......上個星期,朋友為我補祝生日,揀左呢間未食過嘅,以前都聽過呢間好出名同幾貴,而家佢有放題,咁就一齊試下啦,點知...落左order一陣,佢就上左d送嘅海膽手卷,佢地放低時無出聲,唔留意張order紙話第二件要收錢,都唔知係送,以為係人地D野比錯左我地添呀~~不過d海膽幾鮮甜,連唔鍾意食海膽嘅朋友都食左少少呀~跟住係刺身:帶子雖然幾細粒,但好鮮甜,八爪魚,赤貝好爽脆,三文魚,吞拿魚ok,油甘魚有點腥,海老無試呀因我敏感,朋友又唔食生蝦啊~天婦羅:蝦ok,略厚粉,蕃薯好薄好甜,餃子乾身唔油,帶子炸左都好食呀~ 芝士帶子壽司,係紅飯,幾得意,牛肉鍋d汁好甜,辣汁蜆真係幾辣同好少,炸雞翼又瘦又乾,好似營養不良咁~寫到呢到,係咪好似仲差D野呢...係呀,我地第一張order嘅燒物係一件都無黎過呀...ok...我地再落第二張單,等左半個鍾頭,隔離枱遲過我地黎,人地第二轉都食完,我地d野都未黎,問個侍應,佢係咁搵果d order都搵唔到我地d record(唔通丟左無入到),跟住個經理俾過張order紙我地又填過......(玩咩!!)跟住黎返d爐端燒：蝦,帆立貝ok,薄燒牛肉其實係金菇牛肉卷(?!),牛肋骨幾好味~ 跟住落第三張order,甜品,同埋第二張單好多野都無黎,要口頭再提個經理,我地都係提返佢兩,三樣,無提果d佢真係唔黎呀!!!(好似鰻魚飯,天婦羅蝦,帶子)蒸蛋:算滑,似呀媽嘅蒸水蛋呀~略覺料少d~甜品:烤鮮菠蘿,我問朋友好唔好食,佢話"咪菠蘿一件,個邊有少少烤過咁囉" 哈~其實菠蘿真係幾甜呀,唔駛點佢果d朱古力醬都好食~粟米布丁一般,綠茶紅豆幾好,唔甜,炸香蕉係無黎過架!!服務:都有個女仔o係樹不斷加茶嘅,不過佢地咁樣漏單法,好似有心唔俾你食咁多,有點兒那個......其實係我大食d,我另外兩個朋友都係細食......以前o係太子櫻田,3佰蚊左右,d牡丹蝦,海老,帶子不斷order不斷上,完全無漏單,可惜而家剩係沙田先有,相比起呢間,真係......ps.1.留意,有蚊仔不斷飛來飛去,好煩呀~…查看更多

11月中和友人到愉景睇家電,無意之間發現呢間食店,就試下喇~環境唔錯,裝修幾靚,我地被安排坐窗邊卡位~朋友見到西餐廳竟然有打邊爐,佢就即管order左個海鮮火鍋($5x)+凍奶茶(+$8)~我就叫左個什扒餐+凍檸茶($88)等左好一陣子,先黎我嘅餐包+湯:包係熱嘅,湯一般西湯,無特別~又等左十幾分鐘,都仲未有其他野上枱,我忍唔住落左樓下奇華買皮蛋酥(我個坐位係望到間鋪架),可惜賣哂...只好買其他野食......接到友人電話,個餐到左,我就上返去喇~友人嘅海鮮火鍋...好細份量,佢應該好快快會肚餓~有d蝦,肉,烏冬,生菜o係底~~係個湯底特別d:冬陰公~佢話少少酸辣,幾好飲~~我嘅什扒餐有:碟好大,擺得幾精美(好:好似有花過心思~~壞:唔知關唔關份量少事呢),唔會好似有d餐廳咁堆埋一堆~~司華力腸,夠熱,外脆內軟,係成個餐最好食~~雞扒都ok,幾嫩~~牛扒,薄,一般味~~個件豬扒,又硬又乾,好彩把刀夠利......跟薯菜,有少少薯溶同埋薯條,薯條好脆,乾身,唔錯~~座位算濶落,環境乾淨,比紅樹林好好多(唔知佢地有無關係呢?但亦貴一點)等上餐比較耐,當日都唔算好滿人~剛啱見到有食評話佢d下午茶唔錯,有機會都會試下嘅~晚餐就未必會再試喇~…查看更多