AhWong6043的個人專頁

食物質素叫OK啦！不過不失的茶餐廳！20/6/2025 星期五晚先去食完個鐵板餐 唔錯嘅！入面有個阿叔輩 講嘢粗聲粗氣 都算了 有對講機唔用 大大聲嗌 同前面櫃台阿姐 叫人入嚟坐 真係幾嘈幾煩氣。後尾有改善到啦 冇咁大聲嗌 叫做好啲啦！今朝 22/6/2025 早上 9點鬆啲 左右去食早餐 叫咗個榨菜肉絲米粉配多士蛋同埋香腸 我平時就會嗌煎熟蛋 今日我就嗌咗個炒蛋 我記得蛋嘅份量應該係兩隻 而今日個炒蛋我覺得好少 所以就問嗰個粗聲粗氣嘅大叔 你哋個早餐配蛋係一隻定係兩隻㗎？佢答我嘅時候都有啲口窒話係一隻。OK fine，你答一隻 我照食！前前後後啲阿姐推住架車仔送餐嘅時候 俾我見到其實個餐係跟兩隻蛋㗎！欺騙顧客！堅係嬲！你老實答我兩隻蛋 我都冇咁嬲 你話炒蛋個份量係咁多 我條氣都順啲！其實啲姐姐服務態度好好架！係嗰個個子唔高粗聲粗氣嘅阿叔真係好差！唔會再幫襯紅豆冰室！…查看更多

29.05.2021與友人及先生一行三人到這間Cafe初嘗我們去到 Cafe時已經2:30+ 所以Menu上的食物已經有很多 sold out 了 選擇唔多 只剩下兩款意粉及一款湯。叫咗個欖欖油蕃茄雞肉意粉，有違商品說明條例落單嘅時候同你講個意粉會微辣，微辣我接受到嘅！賣相唔錯既 感覺都好食嘅 但係勁肚餓嘅我都放棄碟意粉，皆因越食越辣 ，根本不是微辣！餐牌並沒有註明係辣嘅 ！叫咗杯 FlatWhiteCoffee。由於杯墊比較細，個待應放咗支匙羹落個杯墊度，基本上已經係冇乜位可以平放一杯咖啡落去，佢冇理照擺杯咖啡落去，爭啲倒瀉枱。至於味道，連鎖店都好飲過佢！ 我一坐低已經比野咬到隻手臂，一路坐雙腳一路比野咬，痕到不得了！ 裝潢設計係唔錯嘅，有個迷你海景。❌推介…查看更多