Jap Jap的個人專頁

好好味呀！路過見到呢間餐飯門口貼滿雜誌推介文章，見到門口又有好幾個人係到排隊等外賣，就入去試下！點知試過一次就番唔到轉頭，呢個係我次次都叫嘅三餸麻辣香鍋，由唔辣到大辣都有，餸菜任選，包一飯同一汽水。我本身係譚仔食3小左右嘅人士，第一次黎呢到點左微辣麻辣，一開始好辣就唔算，但啲辣子（深色波波-加麻用）越食越麻同埋辣，去到後來頂唔順無食晒。第二次來醒目，叫微辣香辣，無左辣子即刻變左10小辣😅，好好多。炒得好香好有鑊氣，又唔會太油，餸果方面我兩次都點左炸🥔片、牛肉同雞軟骨。雞軟骨係最入味的！實在太好送飯，幾下就食晒！大推各位黎試！…查看更多

無論咩季節食返碗酸酸甜甜嘅越式撈檬都係最佳選擇，呢間餐廳出名大件夾抵食， CP值超高。我呢個係香茅豬扒撈檬，醬汁、青檸檬呢啲正常發揮已經好好食，加上佢嘅配菜特別多，食完都覺得健康咗！😂最緊要係豬扒好多舊，又有炭烤過嘅香味，幾肚餓都夠飽。…查看更多

天氣終於凍番少少，即刻衝去打邊爐啦😜呢間不嬲都係我嘅至愛，肥牛非常新鮮、又唔會太多脂肪。🥩圖片左下角就係必點嘅精選牛肉拼盤$298，其實人多嘅話可以叫特大份量。🍡招牌墨魚滑同埋手打鮮蝦滑都係必須叫的，爽口彈牙！質素真係同平時超市或者街市嗰啲有分別㗎其他都係啲大路嘢啦：四寶丸、芋絲、公仔麵、烏冬、水餃、雲吞、炸魚皮、蘿蔔嗰啲，雖然冇咩特別但係又唔會唔叫喎！買單三百幾蚊一位，而呢個質素來講，唔可以話貴嘅！…查看更多

食完韓燒梗係要食甜品啦～我哋即刻過對面食糖水，好鬼熱氣，夾份食一碗綿綿冰先！呢款係芒果綿綿冰，配以Oreo碎、爆珠同埋焦糖醬。首先我哋本來以為餅乾碎同生果味嘅刨冰會好唔夾，點知Oreo碎配芒果刨冰出奇地搭調，仲好有粒粒嘅口感。另外白色透明嘅爆珠（係晒底睇唔到😅）亦都有啲出乎我嘅意料之外，本來以為係珍珠奶茶嗰種珍珠，點知係透明大珍珠嘅size，一咬就會喺個口中爆開溶化！😍🥰最後焦糖醬其實個味道就出唔到比芒果搶晒，下次直頭叫佢走醬汁仲可以冇咁肥仔。😅…查看更多

收工的晚上隨意搵個地方飯番杯！我哋兩個人叫咗三碟肉（各150gram)：1. 喜來五花肉2. 喜來烤肉3. 牛肋骨肉跟枱仲有泡菜、洋蔥、生菜、同埋沙律比我哋包肉食，所以除咗肉之外再加埋啤酒同白飯就已經好豐富，夠晒飽。喜來五花肉- 用豉油同醬汁醃好，脂肪同埋肉嘅比例啱啱好，大火燒到脆邊食真係至高享受！喜來烤肉-薄片牛肉，唔係好出彩，但係用黎包飯岩晒，所以韓燒必須食！牛肋骨肉-切成條狀的牛肋肉，令我哋最為驚喜，牛肉味好香，完全唔需要點醬汁食。下次再嚟嘅時候，我要點多幾碟五花肉😍…查看更多

Samsen 近年來受好多香港人追捧，舖頭中午至開門，但係11:45門口已經排晒長長人龍。🍜泰式和牛濃湯河佢嘅食物唔係浪得虛名㗎，我最鍾意就係泰式和牛濃湯河，見到佢個濃厚湯汁就知道非常足料啦！和牛肉質細嫩，但係份量校細，需要點多個小食先飽。🍛招牌泰式和牛炒飯呢碟吵得好有鑊氣，和牛切成細粒易入口，而且份量大好多，呢碟係第一次食，估唔到令人喜出望外！🧋泰式奶茶呢個又係另一個必吃，非常有泰國風味，其他店舖係食唔到嘅。…查看更多

大埔區色店數量繁多，細心選擇之後，決定試吓呢間標榜貼地價錢食手工意粉嘅小店(仲要係黃店😍）週末午餐都係食平日午餐嘅餐牌，價錢由$98起跳，包沙律同埋飲品。由於係手工意粉，所以價錢我覺得OK。我哋點左芝士肉醬千層麵同埋卡邦尼亞意粉。先講芝士肉醬千層麵，肉醬調味適中，🧀嘅份量較少，適合香港人，手工千層麵對我來講就食唔出有咩特別。🍝至於卡邦尼亞意粉，佢嘅意粉比一般嘅意粉麵條醋、好似烏冬咁，識落真係比較爽脆彈牙。個白汁調味都唔錯。🌸🌺🌻我哋發現呢間餐廳好鍾意擺啲食用花朵係食物上面，但係顏色太鮮艷我哋唔敢食。…查看更多

網上見到呢度pancake唔錯，趁放假嚟試吓。11:30入座唔使等位，枱與枱之間都幾貼、後來人多覺得都幾嘈下。餐牌食物選擇不少，本來想食漢堡，但點知見到隔離枱果碟冇提供任何配菜，覺得有啲寡所以就冇叫到。頭盤叫咗墨西哥芝士餡餅🥙，味道都幾大路，餡料係gravy+牛肉嘅組合，平時食親Quesadillas都會覺得好漏，幾欣賞呢間冇落芝士但都keep到個風味。由於呢度pancake最出名，點都要試吓。呢個係Tiramisu Pancake,要等20分鐘先出爐。Pancake好鬆軟、Tiramisu 唔係太甜而且同pancake好夾，如果將cream轉做雪糕就更好！總括嚟講雖然有少少貴（$112），對呢碟pancake係好滿意呢度食物都等幾耐下，食完出嚟都差唔多一點，門口排滿晒人。…查看更多

🍪奧利珍大熱天時路過口渴，見到呢間係黃店，呢杯話係Top2就停底試下。最近四圍都做Oreo特色甜品，但暫時都未食到驚為天人嘅佳作可能因為天氣好熱，間間珍珠奶茶舖頭都塞滿晒人，呢間係比旁邊嗰兩間更多人流，令我越來越期待，淨係排隊都排左20分鐘奶蓋黑糖珍珠底+Oreo粒粒，係幾有口感，但埋單$40，貴咗啦😦我去買一筒Oreo放上面都唔使$10。下次飲番普通黑糖珍珠得了👻總括嚟講我會推介呢間野，但我長期糧尾都好難再來幫襯…查看更多

試一試上次係台北飲過, 紅到黎香港的老虎堂! 平日下午4點鐘人龍已排了15人以上, 等左20分鐘左右先買到, 拎票等飲品再等多5分鐘! 總共等了約半小時了！黑糖紋真係超靚, 個個買完都影相打卡先! 我最喜愛既位係佢d波霸(即係大珍珠, 另可選細珍珠或者2合1)有咬口不會太腍, 雖然無得選甜度, 但係黑糖味加厚鮮奶甜度岩岩好!應該係近期我最喜愛的珍奶了!…查看更多

時間趕趕地食個lunch,12:30同朋友walk-in呢到, 因為價錢貴d所以大把位. 2百多既價錢set lunch,可選starter+main或main+dessert. 我地都選左lobster soup+burger.  Lobster soup 一般啦, 似冰鮮的.Burger反而賣相不錯~佢自稱係angus beef黎架, 食落又真係幾正.Fries 夠幼同crispy! 最食唔停口係佢個garlic butter dip, 點fries真係一流!! 埋單每人2百多, 有d貴. LKF大把同樣質素既burger $100左右, 不過金鐘係貴d架la!…查看更多

食完飯打算上朋友屋企飲下野, 成日聽人介紹呢間VIET FOOD, 一於買一客牛油雞翼上去大家一齊試下~~ $6X 一客有6隻.無咩牛油味, 似燒雞翼多D, 不過都幾入味既好食就幾好食, 但未算驚喜咁囉!下次試下佢其他野先得…查看更多

星期二約左朋友傾計，決定就近搵下附近有咩食，發現原來北角都有羅勒！聽同事講太古個間分店好多年＋幾好食，不過我地放工去北角近D所以揀左黎北角個間~地點都好容易搵，係B2出口行唔夠1分鐘就到  啱哂我地呢懶人 因為有book位所以唔使等位，連個餐牌都好靚靚 第一感覺價錢唔係太貴，前菜同湯都非常之咁抵，$35~$40一樣真係抵到喊LOL由於我地好少食印度野，主要都要靠佢地介紹，plus由於小女子好唔好彩又生飛滋...所以有希望佢地唔好咁辣...我知生飛滋食印度野係我唔啱但我個口真係好痛 等ge時候睇左下佢裝修，真係落重本wor！個吧台整得幾靚，油畫同鏡都好有氣氛值得一題係佢個D燈每個花紋都唔一樣，燈光透過唔同ge彩繪散出嚟真係好有心思，唔可以話非常之咁靚（始終佢吧台好多雜物LOL），但係七姊妹道有間幾有心思ge餐廳都真係幾surprise↑↑↑ 個風扇其實好好笑 LOL plus 其實我覺得個吧台真係裝飾，因為嚟食野好多都係街坊，不過下次有機會或者可以試下D酒?↑↑↑重點係右下角.....FREE WIFI  第一道菜係咖喱角～感覺好得意，同港式ge咖喱角一D都唔同（當然了LOL）我地叫ge係Veggie咖喱角，所以裡面有豆同薯蓉（應該係，除非唔係），食落感覺似係Organic餐廳會點到ge味道，對於食慣肉ge人可能會有D唔慣，但係因為我中意食素，所以感覺唔錯 佢ge sauce小辣，有D似墨西哥菜Salsa ge Sauce但係呢隻係暗辣，有配到咖喱角本來素菜蓉ge味道，不過提醒咁多位，都係要趁熱食，我地怕太飽食剩最後一個，個皮硬左 食食下咖喱角個湯就上lu，我地叫左兩款唔同ge湯，外表睇嚟同西餐湯無分別，食落發覺好唔同！兩個湯都加左印度香料（而家冧番人地當然會加LOL），所以有少少顛覆左我地對蕃茄同磨菇湯ge印象，湯係好Rich，不過我地都同意蕃茄湯比較好喝，因為對磨菇湯有既定印象先入為主左，呢D就叫cultural shock掛？ 相中係朋友想食蘿蔔絲先發展原來師傅刀工咁好 呢個係Fish Tikka，餐廳推薦之一，鐵板一嚟到即刻不停冒煙，新鮮滾熱辣 食落去，嘩！有驚喜！以為係炸，點知原來係香煎左表面個浸，裡面魚肉仲係非常嫰滑！朋友第一啖已經即刻叫我試，果然不同凡響噃～呢個菜係我地呢餐飯ge Highlight～另外，我記得好似有芫茜？或者類似，因為我係一個好中意芫茜ge人，所以佢用芫茜吊味我非常滿意 最後係黑松露薄餅同咖喱雞～值得一題係佢地真係等到我地食哂先上呢個菜LOL黑松露薄餅對我呢講有D油，係咪傳統薄餅都咁油ge呢？但係真係超Rich黑松露味！點解可以咁平ge呢？？個雞由於我怕辣佢真係幫我整到唔辣！！！超唔好意思 雖然仍然有咖喱味但我深信辣會更好食～總括而言真係幾抵食，仲要食到飽一飽，下次可以再試下其他野～…查看更多

難得唔使番工去上堂~ 走左出來食個BRUNCH自中環果間汁左之後, 一直好恨食北海道, 今次有機會LU!~去到11點, 仲係早餐價, $29 +$5 凍飲, 抵呀!凍華田, 有D華田粉係面, 飲落有D粒粒咬下, 好正, 次次來都會叫呢樣通心粉唔夠SALTY...太淡口了今日無得加幾蚊轉WAFFLE太可惜啦,不過佢個炒蛋依然咁正, 夠晒滑, 多蛋汁, MY FAVOURITE 啊~~~~~~~~…查看更多

話口未完, 我地一家人又黎到APM食飯, 跟住因為呢到易搵位, 我地又來食PIZZA了~(我覺得PIZZA EXPRESS應該比VIP卡我地, 一個月食幾次)MAIN COURSE果D已POST過就唔再寫了, 今次寫下個甜品.PAVLOVACrunchy, chewy centred meringue topped with whipped cream, a big helping of seasonal cut fruits and a passion fruit coulis$983個人食岩岩好.外面係FRUITS, 入面一咬下去先知原來係以前係英國成日食既Meringue (白色果D), 唔識點形容得好D...簡單來說就係一舊甜甜地既粉,一咬即碎晒. 味道同FRUITS幾夾, 唔會太甜, 夠CHEWY, 有咬口~推介大家食下…查看更多