ekmin的個人專頁

呢餐名乎其實係叫大人餐但俾小朋友餐我食，叫泰式蝦餅但上黎既係一粒龍蝦丸咁大仲要切兩邊叫餅，我諗我真係見識少未見過餅係細過粒丸！同待應投訴，佢竟然話公司話呢個係餅就係餅🙄然後價錢係$68兩粒丸，真係多謝晒…查看更多

觀塘新開打卡勝地，就算排長龍都會好奇心驅使下就去排隊一試。如果你想享受衰過茶記既服務，呢度唔會令你失望！價錢比同區cafe貴一大截，3個人食已經6百幾蚊埋單，食物質素超級一般，而且上菜超級慢、侍應態度仲超級差！我係真金白銀自己俾錢唔係餐廳提供優惠既Lunch!實例1: 由於係QR code scan 網上落單，蛋糕同主菜一齊落單，但過左半個鐘all day breakfast 都未黎，蛋糕就上先，咁就同侍應講主菜等左半個鐘都未黎喎，侍應竟然答: 你下次落單寫清楚甜品後上(態度係唔好聲氣果種)實例2: 係我地切蛋糕果陣，侍應呢個時候拎左張單埋黎話:你地可以出去埋單，但個蛋糕啱啱先上…..即係趕人走總結報告: 一定冇下次…查看更多

見呢間好多好評，好味到要一試再試，咁就山長水遠咁入黎試下有幾好味，叫左印尼雞湯飯同墨魚餅...食第一啖既時候真係長嘆左一陣...不停反覆買自己食緊咩印尼雞湯飯，湯有黃咖哩既顏色，但係雞,豆卜同其他菜雖然係放埋一齊但放心，一d味都唔會有，你咬豆卜漏出黎既並不是汁，而係滾水整熟而索左既”汁”， 相信無人食唔出所有野係白焯然後放埋一齊墨魚餅.....都係算啦，一咬落去你會知呢個墨魚餅應該放左成日，又硬又凍…查看更多

Cocktail 同 Mocktail 味道不是太好又不太差，一分錢一分貨。可以一讚的是Lobster Bisqu ，Crab Meat Chowder 同Seabass Fillet味道不錯，但也是合情合理因價錢係旺角區來說也屬貴價了。這餐廳的signature dishes 是Dry aged Steak, 那我們就叫了一個Dry Aged Rib Eye，侍應也問了我們要幾多成熟，我們要五成熟，最後我們得到的是十成全熟的肉眼扒，那當然是即場反映，怎料得到的回應是: 小姐，Dry Aged牛扒係比一般熟架喎！ 而且態度非常差劣，如果你餐廳提供的Dry Aged牛扒只能煮到全熟，那當初不用問要幾多成熟了，直截了當說全熟好了，而且以往在其他餐廳點的Dry Aged Steak也沒有全熟的問題，那是你火喉控制的問題，因為我的那塊全熟的肉眼扒是左右兩邊全熟，中間有一小部分是五成熟的！ 最後那男侍應說不過去只抛下一句: 咁你想點丫？ 然後就掟回那全熟的牛扒在枱上，服務態度真的強差人意！最後要注意這餐廳上菜十分的慢…查看更多

近期係拉麵店成行成市，價錢中高價不等，但價錢並不反映質素。因為食過太多中伏拉麵，所以都係抱住希望唔好難食過杯麵既心態去試，點知神山麵屋大有驚喜！今次叫左黑蒜同赤沾麵， 湯底好濃郁，蒜味重，麵幼同爽身唔會太軟，蛋味重，調味調得剛好！但留意返赤沾麵比一般辣，唔食辣既人士要留意。值得讚揚係性價比極高，雖有加一服務費但平均每人只係86蚊，比一般拉麵連鎖店還要平，但味道係不容置疑，保留到係日本食既味道。略嫌沾麵湯不夠熱，不過天氣得7度，幾熱放一陣都凍啦，而且服務態度都有好大進步空間！…查看更多

一開始以為呢度淨係飲手工啤出名，點知一試呢度既熱食就上癮！大力推薦豬手、小食拼盤！當然唔少得”蒼井空” “嫦娥朱古力啤酒”等等全部都好令人有驚喜，從來冇預計熱食係可以咁出色…查看更多

其實係星期日繁忙食飯時間都唔洗排隊都已經有懷疑係咪伏，睇個menu冇沾麵冇得揀麵既硬度已經覺得呢間應該唔係真既三田製麵所，點知戲肉先黎，坐低唔夠五分鐘，撈麵、拉麵、炸雞同餃子.......我只可以話最好食既已經係炸雞同餃子，撈麵同拉麵係零調味，只有一堆油係湯，我初頭一飲個湯真係以為自己味覺出現問題！真係乜味都冇，真係得油！真係杯麵都好食過佢，仲夠膽話自己主打係拉麵！真係食到眼都突埋，從未食過麻油拉麵係得油味！…查看更多

堂食份量係正常既，但紅豆沙太稀豆味不濃，再外賣芝麻湖同蕃薯糖水就有好大驚喜，份量同堂食差甚遠，只有外賣碗的一半，如果唔係自己拎外賣，一定以為俾人飲左一半.....但芝麻湖味濃，芝麻味甚重，蕃薯糖水夠薑味…查看更多

平時食過lunch都覺得已經唔錯，點知生日飯揀左呢度既無限任食牛扒夜，真係CP值高到意料之外！ 肉眼扒絕對唔係hea你，真係有3至4 cm厚，一份牛扒加豬鞍係二人份量，唔夠可以繼續叫，另外都有魚生，生蠔，沙律，咖哩飯作為配菜任食，仲包一杯飲品同一個甜品！ 價錢非常相宜，一個人只係二百幾，不過要加一服務費。絕對可以一試，全部材料新鮮，估唔到係工廠區都食到新鮮生蠔，連飲品都唔係入到口咁簡單，可以話超出一般翠X飲料既質素！略嫌地方比較嘈，回音較大，記得要訂位，因為好爆下…查看更多

今日係慶祝生日飯，去到先知原來係用炭爐有專人幫你燒，服務超好超體貼，全部員工都係台灣人。首先，牛肉係超讚，即時係你面前調味，不用理牛肉價錢高低，因為呢度既牛都係好好食，唔會因為價錢低而不好吃！ 調味調得恰到好處，不太咸，好夠味！豬肉都係不錯既選擇，每一種肉類都可以揀部位黎食，而且不用擔心會燒到黑，因為如果燒得不滿意，佢地係會換一盤重新幫你燒，每燒一種肉類後都會幫你換過一個新既鐵網！另外錆魚都係大讚，不過會係廚房整而不用炭爐。一定要加一杯酒叫三分醉(i’m ok) ，酒成份不能看輕，但好清新，一飲就知冇溝過水，係用酒溝果汁！整體而言感覺超好，價錢恰當，叫左四種肉加一個魚同一杯酒，兩個人都係六百蚊…查看更多

因為想食中式甜品，所以同朋友黎左呢間貌似有中式甜品食既地方。因為店內好少好少熱食，所以揀左兩款僅有熱食，一個係薑湯湯丸，另一個係紅棗桂圓。最失望係湯丸，一來唔夠熱，勉強只可以話係暖，二來薑湯太甜了，掩蓋哂薑既味道，三來芝麻湯圓入面既少得太厲害，完全冇芝麻味，好似每粒食緊齋湯丸咁，令人非常失望，價錢都不便宜，要三十蚊五粒服務態度不太好，就算冇客都會勁執野趕你走，非常無癮，而且大部分都賣哂，叫你食第二樣…查看更多

一行四人去宮崎食日式燒肉做生日飯，其實三四年前啱啱開果陣去食過兩三次，果陣都有水準(以放題黎講), 但今次再去已經發現除左價錢外，食物、味道等等都差左好多。通常食放題，相信大家都會叫豬同牛吧，但係呢度既豬牛都有d特別，就係不時聽到在座食客話(點解d豬牛全部冇味既？) 無錯，賣相好好，貌似肉質好，但實情係咬落完全無肉味，所以如果對食肉獸黎講會好失望不會建議叫炸物，因為炸到好乾同冇味。任叫海鮮的確好似會扺返哂，但都係一律冇味.....…查看更多

真係千析唔好唔好唔好嘗試！因為好重要!首先價錢係不便宜，普通一隻刺身大蝦要$120一隻，老闆話因為d食材係由日本寄黎，所以來貨價貴(重點不在食材邊度黎)本來係想黎居酒屋飲下酒食下野，咁首先就叫左鐵板三文魚，汁還汁，三文魚還三文魚，汁完全掛唔到上魚度，而且好咸，份量極少之後黎個芝士焗帶子，非常肯定焗得太耐，因為極度乾咁前面兩個小食都有d失望，就打算叫下加州卷，好在都不過不失，但不要寄望中間疏果係新鮮既然小食同壽司都唔得，叫炸物應該冇死，點知80蚊個炸軟殼蟹，係半隻蟹砍四份，因為炸果陣冇返炸，所以係林既唔脆(隔離枱都投訴話炸雞軟骨係林既，侍應只係話唔啱佢口味，取消左張單)最失望係個牛肉鍋，120蚊一個小飯碗咁大咋....湯，豆腐，菇，牛肉，菜，好似無關聯咁塞哂入去就算....吉野家牛肉鍋仲好味以後都唔會再去，埋單要455蚊，但完全唔知食過咩…查看更多

呢間係一間比九龍城泰國菜正宗既餐廳，係銅鑼灣黎講，價錢平民而且合理一坐埋位已經俾左個前菜蝦片(溫馨提示: 要$13架), 個蝦片係好脆幾好味串燒略嫌燒得比較乾，咖哩汁比較少燒爐魚價錢同質素乘正比，條魚都幾大條多肉，但比較乾身飛天通菜會比較特別，你將會見到成碟都係莖，好少菜葉，但經理話係因為呢個菜既品種比較少葉，正體黎講炒得好香又夠辣不過如果會坐得比較耐，留意返侍應係會不停比信息你架泰簡單真係一d都唔簡單…查看更多

前後去過兩次野山玩店食晚飯，環境佈置非常特別，味道保持到水準，個人特別推薦鐵板香煎比目魚，唔老又鎖住到肉汁，每次都必叫！第二樣推薦肉眼扒，價錢同味道成正比！ 另外自助小食(如沙律，青口，鴨胸肉，冷麵等) 甜品同生果 每次都略有不同，唔怕悶，而且醬汁，小食種類選擇多呢一間係一定會再去既餐廳，服務好，員工有禮貌，仲會問你對於食物既滿意度，細心十足，環境清潔，非常適合一家大細，多人眾會，氣氛非常好，環境較暗。…查看更多