蒙面人的個人專頁

聽就聽左好耐, 但遲遲都未起行去食早幾日終於的起心肝去試啦要左BB雞 + 小辣D雞係翻炸的, 有7件, 雞扒就兩塊個阿姐落左勁多粉, 食到成口都係粉 至於辣就唔係好辣...可能阿姐出手唔算太重味道普通普通...食一次就夠…查看更多

由於很喜歡辣而且近，所以偶然會來川粵吃午餐通常這個時段座位都是非常擠迫甚至要等位，有很多款食物選擇，另有米線有紅薯粉等等，每次我都是選擇支竹和紅薯粉微辣，再加一杯凍奶茶加了辣的湯底好喝，支竹浸了這些湯底更索味紅薯粉很滑，我是第一次在這裡吃紅薯粉，之後便愛上了！不過食物很多時都要等很久才到，有時甚至待上差不多45分鐘侍應態度尚可，在這些地方，是不會太計較服務了…查看更多

尋晚同男友6點幾去到旺角即刻鎖定響創興打邊爐，由4樓去到7樓既火鍋都冇2人台，都預左因為好多都唔做2人生意最後去到8樓，門口兩個阿姐話一個鐘任飲任食，叫佢可唔可以俾耐少少時間都係唔得本身想走架喇但已經差唔多7點，費事再四圍搵，一個鐘都殺佢啦個阿姐都拿拿聲搞掂d野，任飲既係竹蔗茅根水（好似有酸梅湯揀）佢送個碟唔知咩黎，但男友話幾爽都ok，肥牛就最差，黐住晒個碟最鍾意既豬肉丸芝士腸都唔太好味，其他全部野都係不過不失服務態度中規中矩啦！落單都算快埋單$234，唔知會唔會有下次！（走個陣已經好多人等）…查看更多

平安夜凍凍地，專登同男友黎打邊爐$118一位，$8茶，$8醬料，$40湯底要左鴛鴦鍋，四川麻辣同澳門豬骨湯但黎野唔齊，點左兩碟黎得個一碟，份量又少，幾次都係咁！材料都麻麻，唔係好新鮮，尤其d水餃好難食個湯底叫ok，最滿意係呢樣服務方面，冇想像中咁差，係會催埋單不過d野食真係唔係幾掂，唔會再黎埋單$359 兩位…查看更多

早兩晚同男友去左和民試下個陣時間尚早，冇乜人。點左一個泡菜飯，一口牛肉，刺身，豚肉串燒，兩杯巨峰提子梳打碗飯真係好細碟，有少少辣，味道就幾好～但份量真係少左Ｄ一口牛肉就嫌佢太"銀”，好難咬，加埋蒜汁好味Ｄ刺身好細塊，都算肥美，我覺得最好味係碟刺身～豚肉串燒就比想像中大舊Ｄ～不過不失～總括黎講每樣餸既味道都係中上～但份量真係太細喇～同男友兩個食完好似冇乜食過野咁埋單＄２２１．Ｘ環境都幾好幾舒服既～不過略嫌Ｄ侍應嘈左少少～響度講粗口圍埋傾偈～…查看更多

聽咁多人推介譚仔之前同男友去過試下係咪真係咁正!叫左一碗小辣一碗清湯我唔鍾意佢個種辣 米線亦都冇乜特別 男友個碗清湯更加係只算普通 侍應又叫極唔應 又多人又迫還是我地去開個間寂寂無名既麵店d辣好味d所以唔會再去譚仔…查看更多

推介呢度既椒鹽豬扒，味道好足，微辣，可能我鍾意椒鹽既關係次次食都一定會叫椒鹽豬扒燴意粉，如果胃口唔係好大，一碟已經夠晒飽。炆魚飯亦都合乎水準，有汁撈埋一齊更好味。可惜整既時間亦頗長，有時等左好耐都仲未到，而且價錢唔算便宜，連飲品大約三十幾蚊。假日仲可能會比較多人Ｄ，環境就有Ｄ似舊時既茶餐廳。而且好易走漏眼，佢有條樓梯仔上去的，下面亦有Ｄ枱可以俾人響度一路傾偈一路食…查看更多

有時會黎呢度食晚餐，好多款選擇，有扒餐，格局形式近似大家樂個D快餐店試過食白汁炆魚意粉，幾好味，鍾意佢Ｄ白汁，而且份量都幾足夠凍奶茶都好飲，有茶餐廳既水準羅宋湯味道夠濃，帶有少少辣味，每次都會叫羅宋湯 ^^可惜肉醬意粉就唔好味，好怪，同出面食既肉醬意粉完全唔同總括黎講食晚餐幾好，不過略嫌整得耐左少少，有時要等好耐先到佢亦都有早餐午餐同下午茶時段，有時諗唔到食咩可以一試 ^_^…查看更多

上一篇唔合格平時鍾意黎買青蘋果紅茶上船飲，可以加椰果／珍珠，$10一杯呢度有好多款飲品，十零蚊一杯，消暑解渴我覺得幾好，但可能會貴左少少佢既雞蛋仔不過不失，有時多人略嫌做得求其左Ｄ，唔夠脆，$9一底呠仔糕就唔掂，試過食一次覺得好難食聽聞呢度既旦卷都幾好味，價錢就唔清楚最近見到佢好似賣埋水果冰tim！…查看更多

自從轉左人之後好味左好鍾意食佢既雞翼同豬頸肉，沾埋酸辣醬仲正！平時鍾意買黎上船食沙嗲炒飯都幾好味，不過唔夠辣，所以會倒少少酸辣醬香葉炒飯，都幾辣，幾夠香！…查看更多

雖然男友響長洲住，但都未試過呢間有晚終於的起心肝去試喇不過係買外賣番屋企食叫左黃薑飯＄３８同蒜蓉蝦片，老闆娘幾親切，都幾有住家感覺等左幾個字終於拎得，番到屋企即刻食喇，都幾有份量可能我地２個都唔太鍾意陣薑味，巴東牛肉男友就話好味，其他送&蒜蓉蝦片都係不過不失應該都唔會再食ｌｕ…查看更多

以前響新蒲崗讀書，有時都會同朋友黎呢間日本料理食午飯都幾好，ｄ　ｓｅｔ　ｌｕｎｃｈ都係＄２ｘ左右但唔好既就係會趕客－－（學生）個次１２點幾坐低，１點前要食完，如果唔係就加價搞到食到趕頭趕命第２次去好好多，因為係假日去ｄ壽司同飯都幾好，服務生態度不過不失啦長期都咁多人排隊！…查看更多

早排我同住響長洲既男友去過呢間食，個陣因為太夜而冇咩鋪頭開，去開既到x 一遊又冇開所以就求其揀呢間我地２個都等到媽媽聲由８點等到９點幾，都未黎齊野當時我地急住買野番屋企整，所以係咁催佢催極都係得一兩樣野到一氣之下就叫佢打包走，打包就好快- -以後都唔去呢間服務差，速度慢既餐廳食！ｐ．ｓ其後幾次男友都有同屋企人去過食，一樣等好耐　　　但佢屋企人唔介意，所以照等…查看更多

第一次去三和田係朋友帶我去食佢地話呢間野幾好味，而且係任食個次食得都幾開心，味道都唔錯所以我記低左呢間野，下次再黎食過最近呢次係同男友去食照舊好多人，茶餐廳既格局，但係食日本野：Ｐ我地去到，佢地話冇ｂｏｏｋ木台要等一個鐘個陣都成８點幾，仲要等一個鐘＠＠宵夜都食得喏好彩，兜左個圈諗住再番去搏下，竟然有位！不過係搭木台的我地叫左好多野食，ｏｖｅｒａｌｌ都幾好味（男友第一次去食都覺得唔錯）三文魚夠肥夠多，牛柳粒夠可口，ｄ壽司都幾大舊幾抵食最後我地２個食到飽飽咁走人，好滿足ｐ．ｓ價錢忘記了，好似係＄１３８＋１…查看更多

尋日(27號)係我同男友一週年紀念,前日上開飯喇睇過D資料,一休既評語都唔錯所以同男友決定去一休試下!大約七點幾去到,都OK多人,不過就冇人招呼我地企左陣先有人發現我地跟住先帶位一坐低...張TABLE都幾細,見到隔離木台D野多到就快跌出黎咁我地首先點左個鐵板海鮮炒烏冬,辣味螺肉,兩杯野飲同埋半磅三文魚第一個到既係鐵板海鮮炒烏冬,呢個真係唔好味我懷疑佢俾既唔係烏冬,係伊麵因為佢既賣相同埋食落去都係伊麵個種味道-_-佢又好多菜,真係食得既都好少我同男友都覺得對呢碟野唔滿意,唔好味,又唔飽.三文魚中規中矩啦,愈食愈覺得冇咩味(仲要$25半磅@_@)因為唔飽既緣故再叫多碟鐵板蒜片牛柳& 三文魚今次個鐵板蒜片牛柳就OKAY,D牛柳都唔算好難咬,而且點D汁就更加可口最滿意應該係呢碟.最後賣單$230服務生既態度一般,有時會漏單總括黎講我地都係覺得麻麻地,應該唔會再去…查看更多