yoko han的個人專頁

哥哥由愛爾蘭遠到回港，當然要帶佢食返餐正宗粵菜，就揀咗厚德飯店。前菜就點咗醒胃花甲，花甲好鮮甜，配上酸酸地嘅汁，真係好開胃。川味花膠，苦瓜煮到一啲都唔苦，而家苦瓜爽口，花膠又稔，連我侄囡呢啲鬼妹仔都話好食。碧綠炒東星班球，班球肉滑魚味十足，連帶配菜黃椒、西芹都咁清甜爽口。薑蔥炆班翅，一上枱已經非常香，忍唔住第一時間就食，班翅煲炆得好乾身，班翅食落超香脆又惹味，最啱一路食一路飲酒。龍蝦泡飯睇落平平無奇，但食落有好濃嘅龍蝦鮮味，再加入附送嘅炸貴妃米粒之後，口感層次梗加豐富。炒龍蝦球煎米粉底，龍蝦肉質新鮮彈牙，配米粉底我都係第一次試，米粉兩面煎到好香脆，原來比配伊麵梗加好食。青欖瘦肉燉螺頭湯，天氣開始入秋要滋潤下，螺頭好鮮好香，加上瘦肉甜味，真係好好飲，大家都忍唔住飲多碗。哥哥話回港第一餐就食到咁高質嘅粵菜，坐咁耐飛機都值得。…查看更多

今日途經銅鑼灣駱克道，見到一間新開嘅飯店，見門面幾靚就和家人入去試試😁試完就和大家分享一下😊脆皮雞食落皮脆好香，肉又嫩👍🏻清蒸黑瓜子，魚蒸得啱啱好，魚肉鮮又滑😋龍蝦球好野味，估唔到龍蝦球可以炒到咁嫩，食落唔黐牙😋😋叉燒炒蛋，叉燒幾厚身，望落去好普通，但都唔錯😋蓮藕蠔豉老火湯，湯好足料，蠔豉味好濃，好夠火喉，真係好好飲😍😍每道菜式都好有水準，值得去試試☺️…查看更多

今次第二次黎幫襯，因為上次黎買左個特上壽司盛真係唔錯，今次就買個浦燒鰻魚便當返屋企試吓先。望落便當都好豐富好吸引，有螺肉前菜、沙津、生果、卷物，最重要係鰻魚😋鰻魚都幾大塊，食落唔會太腍，沙津嘅青瓜絲好清爽，生果有成半個橙咁多，原來橙係已經切左粒，正明師傅都好用心製作食物，顧及客人。直得一讚👍🏻…查看更多

香港而家大部份商場都比大集團勇奪，所以希望大家可以多啲支持一啲小店，比佢地有發輝同生存空間😁而家疫情嚴重，所以出街食野都會小心左，今日去到旺角中心買外賣返公司食，見到間新開嘅壽司小店，就行去睇下有咩食，睇到店員都有帶囗罩，廚房師傅仔都帶埋手套，咁我就好放心咁買黎食😃我揀咗個特上壽司盛(十貫)，賣相就好吸引，而且價錢大眾化，伸張期內仲有正價九折，好唔好食就要返公司試下先知😋內裏有：火炙三文魚皮壽司，三文魚皮燒過有啲脆，加上蕉香魚油香味👍🏻火炙左口魚壽司，燒過魚身有蕉香魚油香味😋火炙蟹棒壽司，蟹棒加上沙津醬再燒一燒，酸酸地好開胃😊鰻魚壽司，魚身好香滑😋三文魚壽司，三文魚好新鲜😋馬刀貝壽司，馬刀貝夠爽口😁赤蝦壽司，赤蝦一樣新鮮😁帆立貝壽司，帆立貝夠厚身😍加州卷和小卷。還有前菜：螺肉和迷你蟹籽沙津。食完好飽好滿足，折左$54超掋食，有質素嘅小店👍🏻👍🏻…查看更多

好耐都無寫食評，今次又係特意支持小店，所以又開始寫下，雖然昵間店食物選擇唔多，但比佢店內的有趣壁畫吸引，所以就打電話訂定位。一到步門口已經有不少人等位，老闆出來非常有禮貌話今天的食材唔夠，所以只可以做埋已拎籌的三枱客人，我地話已打電話定枱，老闆就入廚房睇下足晤足夠材料做埋我地，好彩可以做埋我地這枱客，等候嘅時候，老闆很有禮貌和耐性幫我們落定單，等我們有位時就可以早D有得食😋3式雞翼拼盤3式有酸辣凍雞翼、香茅魚露雞翼和紅咖哩雞翼。我比較喜歡紅咖哩和香茅魚露雞翼，因為非常惹味香囗火辣阿嫂青木瓜沙律青木瓜好爽囗，已叫少辣，不過都好辣😂牛肉船麵湯底味道好濃，牛肉丸彈牙，牛腩亦好淋，配上香脆炸豬皮，好味。豬肉船麵豬肉丸彈牙，好香肉丸味👍🏻雞肉船麵這個麵我無試，所以比唔到意見😂阿萊燒豬頸肉豬頸肉好淋，亦帶點爽囗，可能肥肉比較多，所以食落有點油膩。有趣壁畫，裝修簡單又舒服😌直得一讃係每位店員和老闆都很有禮貌👍🏻👍🏻…查看更多

竹門囗接待處以日式庭園設計好特別。今日午餐叫左個料理長廚師發辨壽司店員好有禮貎，還細心給客人一張餐牌紙，可以知道順序的食物係乜。高級既日本料理，不但食材新鮮，而且每上一道菜式都係藝術品一樣，真係唔捨得食。料理長每上一道菜都會講解一下，非常友善鰻魚皮燒得好脆好香，魚肉嫩滑。非常滿足的午餐…查看更多

喜歡家上海內裹比較中國家庭式裝修，不過每次黎都好多人等位。想食就要付出時間等。鮮肉鍋貼，底部脆卜卜，肉汁多。金牌小籠包，內裏好多湯汁，食嘅時候都小心，唔係就好易燙傷。手切蒜泥白肉，佢既汁係令上，而且汁好辣，又少蒜香，我就唔多鐘意。大排湯麵，麵質煙靭，但豬扒皮唔脆亦唔香，有啲失望。☹️黎過三次，今次真失望😞…查看更多

時下流行台式飲品店，但conebuy tea就好唔同，第一眼望到以為咖啡店，行近望原來係間茶店，門面好靚好吸引，點可以錯過呢！呢間主打即磨現泡茶，佢地既茶都來自台灣，每杯茶都係現萃、現磨、現泡。我和朋友就叫左兩杯一杯錫蘭紅茶配香醇鮮奶，錫蘭紅茶好香，加左鮮奶飲落好滑。第二杯錫蘭紅茶配小芋圓，錫蘭紅茶好香，芋圓食落有D似珍珠質感。店內仲有茶葉和茶葉套裝買，有興趣就去睇下。…查看更多

上次試左晚市，覺得唔錯，今次就試下下午茶時段。佢地既點心都ok嘅。不過酸辣湯就無酸味，得個辣字，味道怪怪地。令外酒釀南瓜丸子好似羹咁，杰撻撻，而且丸子比較硬，煮唔夠透。…查看更多

放工去到厚福街都差唔多十點，肚子餓就搵哥哥一齊去食串燒，傾傾計放鬆下。叫左炒牛肉溫泉撈手打烏冬、鷄泡魚乾、日式餃子、七味燒雞翼、軟殻蟹沙津、乾醬燒牛小排、乾醬燒鮮菇豬腩肉、燒茄子、鹽燒多春魚、溫泉蛋沙津。估唔到傾下傾下食左咁多野😂總括黎講，食物質素幾好，宵夜時段價錢會平D，幾掋食。…查看更多

今天難得一家人去食飯，姐姐就揀左食上海菜，一行12人被安排坐房，真好唔太嘈。先叫左幾個前菜四喜烤夫，煙煙靭靱好夠味巴蜀口水雞，夠辣好過引黑松露素鵝，皮脆內軟鎭江肴肉小龍包，內裏肉汁好多，夾嘅時候就要小心D。烤北京填鴨配有荷葉餅、京蔥、靑瓜條、蜜爪絲、蘿蔔絲，最後加京醬包住填鴨一起食，會無咁油膩。胡同牛肋骨牛肋骨肉粒厚又勁腍，有驚喜。松子魚外皮炸得脆，配上酸甜醬汁好開胃。金腿冬瓜雪，食咁多重味菜，都要揀返個清清地嘅炒蛋白。二菘炒鴨未芝麻包香脆，包住鴨肉碎一齊食好豐富。…查看更多

午餐時間到附近的千両，去到未係太多人，女服務員叫我等等。到有位時，她帶我入座，全程態度黑着面又唔想理我咁，真奇怪🤔不過其他的服務員都很有禮貎。千両特上刺身丼定食魚生刺身都幾厚切幾鮮，但帶子就切碎粒，無咁好食，海佬刺身大隻彈牙，配有沙津和麵豉湯。關鰺刺身這是限定，魚肉富彈性，口感清爽煙靭，配上酸橘汁更能突出鮮味。…查看更多

這間有40年以上嘅潮州飯店，入到去內裏裝修就好似睇修哥粵語長片年代咁，好五、六十年代feel😂坐落就先來鐡觀音小杯茶和花生、酸菜。酸菜帶少少甜，口感清爽好開胃。黃花凍魚，魚肉嫩滑。潮州鵝掌翼夠入味。潮州鹵水鵝，肉腍又入味。潮州鵝珍肝，肝味香濃。絲爪、肉碎配搭腐皮、蝦和粉絲襯底，粉絲吸收左湯汁，超鮮甜。潮州蠔烙，香口惹味。最後彊薯糖水，清甜可口…查看更多

呢期興食芋圓同黑糖珍珠，入到長洲發現開左間食芋圓嘅甜品店，行到身水身汗入去抖抖都好。店內有懐舊風，亦有歐陸風，都幾特別。叫左芋香椰汁三色圓和招牌綜合三色圓，話明糖水，點解一D都唔甜，好似清水咁，D三色圓又靭，好似熟唔透咁，勁難食豆腐花還可以，因為自己加黃糖😂…查看更多

耐不耐就入長洲輕鬆一下，近年開左好多新食店，今次就發現一間裝修得簡簡單單，但感覺好舒服嘅咖啡店《咖寮》門面已經吸引我望多兩眼，當然要入去試一試。檸檬蜂蜜咖啡清香檸檬味，加上淡淡咖啡，可以接受。椰皇冰滴咖啡賣相好得意，估唔到會用返椰皇做杯，飲落好香椰皇味，加上淡淡咖啡，呢杯非常有驚喜喜歡飲咖啡嘅人，入到長洲玩就不妨去試試。…查看更多