Wai6Sik6Syu2的個人專頁

天后車仔麵小店叫咗兩餸米粉，雲吞+ 白魚旦白魚旦值得一讚，唔似出面溝好多粉嘅魚旦，食得出手打，冇點溝粉，有誠意👍🏼👍🏼雲吞也新鮮🥰🥰午餐食一碗冇飲嘢都好飽，份量合適！三十幾蚊喺天后算幾抵食，值得支持！…查看更多

唔係喺附近做嘢都未必搵到呢間，唔喺大街，比較偏僻。下午茶時間黎食，叫咗朝牌菜泰北雞飯，冇下午茶價錢，但係係下午茶份量。😓雞件好薄，亦只有四五舊。雞肉嫩滑，食係好食嘅，食得出肉類新鮮。呢個係午餐價錢，但唔覺係午餐份量，女仔食完飲埋湯，食埋湯渣都未飽😂😂湯好似係白蘿蔔煲雞，湯渣有兩舊白蘿蔔，湯一般啦，當飲啖熱水嘅感覺。呢個就係下午茶套餐，泰色清湯粉，泰米粉、泰河都話賣晒，得番金邊粉🥲🥲份量少預咗，因為係下午茶套餐。唔知係咪因為有雞翼，個湯好肥，睇相都睇到頗多油🙈🙈分開另上會好好多。雞翼有兩隻，唔太重香茅味😐😐飲品就叫咗凍泰色青檸蜜，冷熱飲同價，跟餐。勝在幾大杯，味道還可以！…查看更多

提前慶祝母親節，因為疫情關係，家母有啲擔心外出食嘢，所以買外賣返企同佢慶祝。樂天皇朝喺OpenRice 外賣自取有八折，去到好準時已經有得拎👍🏼👍🏼朝牌菜八色小籠包，必試，所以叫咗一人一籠。按住佢嘅建議食法，由淡到濃⋯⋯食到每隻嘅唔同口味嘅，個人最鍾意原味同芝士。當然都點了廚師推介嘅松子魚。呢樣好貴，原價都要二百三十幾蚊。比較失望，條魚好細，食到好少魚肉，好似食炸麵粉咁。個汁好差，似色素開，得一樣水果，罐頭菠蘿👎🏼👎🏼冇水準！呢樣係上海風味醬鴨。味道不過不失，可惜少得可憐，用個甜品膠碗裝住。有兩三舊脾肉，其他係胸骨，連頸都有，冇乜肉食。同餐牌張圖片差得遠👎🏼👎🏼👎🏼最後係甜品，點了宮廷驢打滾。最滿意呢樣，味道不過不失👍🏼👍🏼第一次食樂天皇朝，慕名而來，可惜冇下次，朝牌菜已經試咗三四樣，唔吸引下次再去食🧐🙈🥲…查看更多

👍🏼交通方便：喺深水埗A2出口大約行7分鐘就到。👍🏼餐廳環境以簡約為主👍🏼Set Lunch 配餐湯或沙律，特別讚下個沙律，頗大份，蔬菜好新鮮、乾淨☺️☺️我地點了西班牙慢煮八爪魚鮮蝦蕃茄醬意大利飯，同埋澳洲有骨肉眼紅酒汁配白飯。👍🏼海鮮新鮮👎🏼個飯比較酸，唔敢食晒，驚胃痛😂👎🏼餐牌寫澳洲有骨肉眼，點餐時侍應話冇，話要轉牛柳👎🏼飯好硬，懷疑未熟。後黎侍應走黎問要否換過碟飯。換完後先食到🙈🙈熱朱古力咖啡同榛子朱古力要各加$8👎🏼兩杯都太甜，好大進步空間😰😰…查看更多

午飯時間同同事試呢間土耳其餐廳。大約十二點幾，一行五人唔駛等位，餐廳人數唔多。侍應係外籍人士，好有禮貌。見款式較多肉類，我揀咗蝦沙律+ 土耳其茶 (送飲品) 。沙律🥗唔錯，食物好新鮮。蝦爽口美味，蔬菜款式頗多！土耳其茶好別緻，味道有點似中式茶，鍾意飲茶嘅朋友應該會鍾意，如果唔係可能未必接受佢嘅味道！🤔🤔其他同事有啲叫咗飯餐，好大份(包括肉同飯都係)，建議細食嘅朋友可以叫一碟兩人share......誠意推薦俾鍾意新嘗試嘅朋友！😊😊…查看更多

朝早十一點半後黎食，唔算好多學生，多吉枱。枱面有點骯髒，唔見有職員抹枱🙈之前喺呢個位置嘅餐廳🍴好難食，而家轉咗呢間餐廳做。學生餐廳$38下面嘅食物唔算抵食(Core Z 得佢一間獨市)：壽喜燒牛肉拉麵，跟熱煎茶或者黑咖啡，我揀咗茶。牛肉味道正常，隻雞蛋冇溏心蛋水準，不過預咗，學生餐廳唔好有要求。拉麵軟硬適中，湯重味精味。蔬菜種類頗多，有粟米、椰菜、翠肉瓜、紅蘿蔔、白蘿蔔，感覺還算新鮮。熱茶夠熱！味道一般，價錢唔抵食！…查看更多

同同事黎食lunch, 一行三人各點了沙律🥗呢份沙律本應包含烤雞胸、牛油果、果仁、沙律菜、芝麻沙律醬。我地點餐俾錢後，侍應先話冇牛油果，話俾多舊雞胸肉代替😢😢😢下面嘅食物八十幾蚊，感覺唔太抵食！…查看更多

黎又一城一定會諗起EXP，坐得舒服，環境好，抵食，好味嘅餐廳🍴😍🤩🥳我最鍾意呢度嘅大蝦🍤西柚芒果🥭冷蕎麥麵，差唔多食過三、四次，今次都點了。好鍾意成個配搭，好開胃好fresh😍😍😍😍朋友點了鮮茄水牛芝士薄餅🍕，味道唔錯。飲品方面，我點了Deep Green，裏面有羽衣甘藍、青蘋果、青瓜、西芹、生薑、檸檬，值得推薦😍😍👍🏼👍🏼…查看更多

午市11:45開始，如果星期一至五喺12:45前離座及付款，可以全單八折。好抵食，值得支持👍🏼👍🏼午餐有八個套餐選擇，全部跟餐湯及$20以內飲品。星期一至五仲送是日芝士蛋糕🍰餐湯足料，唔係跟餐送就hea 做🥰🥰點了燒澳洲肉眼扒配雜菌燒汁，跟意粉🍝塊扒中上，唔會好硬/過熟，滿意🤩點了汽水🥤，跟餐，免費🆓。想飲Coke Zero，可惜沒有提供。最後送上是日芝士蛋糕🍰。值得一讚，好有誠意，芝士味香濃，好好味😋😋…查看更多

心思思想食雞翼，就諗起譚仔嘅土匪雞翼。西九龍中心嘅譚仔幾大，成日坐到密密麻麻。今日早去， 十一點幾，加上疫情關係，暫時冇乜人。點了清湯墨丸米線 + 細土匪雞翼 + 凍檸茶小冰小甜，好滿足😍😍😍墨丸有六粒，口感麻麻，感覺不太新鮮。米線出色，軟硬適中。入面有芽菜、韭菜、腐皮，份量唔少。最期待嘅土匪雞翼。想叫五隻，但擔心食唔晒，最後都係點三隻。雞翼保持水準，外皮香口，肉質嫩滑多汁😋😋😋點杯凍檸茶去膩，同上面嘅嘢絕配！…查看更多

一個人夜晚喺尖沙咀食晚餐，經過一風堂。可能因為疫情關係，加上幾夜，入面冇乜人，鍾意食拉麵嘅我就行入去試下。打開餐牌，點咗呢碗受歡迎嘅拉麵。想點埋小食同飲品，但見加加埋幾貴所以冇點。隻溏心蛋好好味。湯一般。拉麵出色，所有配搭加埋不過不失。鍾意食拉麵嘅朋友值得一試！…查看更多

參觀完海事博物館，順便上最頂層試下間社企cafe。Cafe 歐式風格，有聘請外籍人士。侍應服務態度很好，幾有禮貌。點了三文治🥪套餐 (下午兩點開始先有) $80首先上咖啡☕️，點了熱Cappuccino。拉花唔錯，有誠意！咖啡泡沫不足。飲到香濃奶味，可惜咖啡味唔夠，有進步空間！🤨之後上芝士火腿三文治、水果杯同甜品。值得一提嘅係水果杯，水果好新鮮，有橙、士多啤梨、奇異果、藍莓 👍🏼👍🏼😍😍鍾意望海景，唔怕熱嘅可以坐室外。…查看更多

唔係識人介紹呢間小店都較難搵到，喺日本城條行行入去。裝修別具特色，有民族韻味。去過幾次都發現空調較小，有點熱。點了下午茶套餐：鹵水雞翼+ 花枝丸 米綫 ；熱檸蜜 ($36，已計算加一服務費)上菜速度快，店員服務態度頗好👍🏼 米綫配特色飲品，抵食👍🏼 米綫份量足夠，軟硬適中👍🏼 特色飲品選擇很多，冷熱同價，誠意之作👎🏼 湯較油膩，唔知係咪因為有雞翼👎🏼 鹵水雞翼頗咸，冇乜鹵水味👎🏼 花枝丸不太新鮮…查看更多