Amandakwong的個人專頁

我叫左個原味雞蛋仔，就企係佢門口等，佢訂單多唔緊要，等10分鐘先到我果份都唔緊要，但係將放左係度十幾分鐘冇人拎嘅雞蛋仔質我要就真係完全接受唔到！我睇住個店員收埋個雞蛋仔，轉頭就叫我個號碼果時我已經好猶豫，人諗唔係呀？凍晒架喎！雞蛋仔成本將錢呀？我又冇行開，俾個熱辣辣新出爐嘅我都係好基本要求啦！點知真係凍晒嘅雞蛋仔，睇埋個紙袋嘅兩張貼紙，證實晒啦！我真係好嬲呀！呢間店根本就唔重視食物嘅質素，果將個o靚仔店員得過且過嘅做法實在太過分了啦！…查看更多

經外賣平台下嘅單，除左湯麵蒸餃係一般水準，煎炸食品真係超級失望。我地叫左炸銀絲卷同手抓餅，如圖中所見，整個炸銀絲卷住都吸滿油，從包嘅橫切面清楚的見得到油浸包去到十級嚴重的程度。廚房似乎係油都未夠大滾就放銀絲卷落去浸，完全不可以接受。再睇個手抓餅，佢唔係煎的，係成塊拎去炸，一樣係油浸餅。 手抓餅之所以叫手抓餅，係講緊佢嘅鬆脆，再睇下個餅，一d鬆都冇，自己去買包急凍手抓餅煎都冇佢整得咁差。果個湯麵擺到硬晒嘅麵餅，咬得十分費勁的五香牛肉都已經唔值得再提了。將軍澳呢間店以後只可以食蒸野。…查看更多

午餐時間過了，只想吃一點點東西，選擇了吃餃子。 2：45到店叫了個單點的餃子，點知佢話單點冇湯餃，只有煎餃。完全唔明煲湯就一直係度滾緊但就唔肯放6粒餃子落去滾兩滾。唔緊要跟餐有嘅咪跟餐囉，加$16跟餐，問我飲咩我誤會左要加錢就講唔洗，結果加果$16蚊就只換來兩條菜。店員都唔會提一聲飲品係包嘅，見我話唔要飲品都唔會加多幾條菜嘅。總之就係服務唔貼心。:(…查看更多

晚上7點半在外賣平台訂外賣自取的是魚香茄子魚塊煲，取餐回家發現出左雞煲，真係錯得好離譜！價錢又唔同，拎返去換又遠。外賣都唔可以做得咁馬虎架，出餐出到亂七八糟，真在太過份…查看更多

AEON Supermarket裝修重開以後，連食市都換了。一向吃炸雞必去的KFC都改成了韓國來的BBQ Chicken Express。總覺得韓式炸雞一定要到韓國吃才有味道！不過我也會想嚐嚐鮮的。今天下班來買了炸雞，堂食就只有幾張桌要站著吃，所以選擇了外帶回家吃。買了就站著等，見員工炸了幾次雞也沒有叫號碼，也沒有叫我，等了25分鐘等也按捺不住去問了職員，才發現放了在橫面的是我的！怎麼都不叫我害我白等呢？邊走邊檢查食物是拿對了沒有。我點的是有醬的炸雞，為什麼盒子裡的烤雞都沒有醬，不是紅色的呢？馬上回去問才發現醬是分開裝的。我還以為是烹調的時候已經用了醬來炸，原來只是蘸的。不過醬分開裝也是細心的，吃炸物最怕就是醬把炸物都變軟了，沒有炸的脆脆的感覺。食物方面，碗是挺大可是份量卻不多，5隻的炸雞吃完了我還是需要多煮一點東西吃。不過在KFC的炸雞也愈縮愈少的情況下，也沒辦法說誰比較好了。不過性價比方面還是KFC勝吧！…查看更多

最近香港甜品店的數量真係好多，要去朝聖的甜品店清單一直累增。今日同妹妹到尖沙咀參加語言交流聚會之前，到Lady M食一個tea先！排隊的人龍唔算好多亦唔短，有香港人亦有內地遊客(一盒盒Jenny's bakery就係身份的象徵)，大家都耐心的等候。大約等左40分鐘就到我地入座。我地選左綠茶Millie Crepes, 法式香蕉千層酥同埋Rose Milk Tea。Millie Crepes 的確係必試產品，但如果期待濃郁的綠茶味的話就會失望了。只有蛋糕面的綠茶粉才有淡淡的綠茶味，但creme的確十分幼滑。 相比之下，香蕉千層酥就失色了。除左真材實料的香蕉之外，酥皮係一般的鬆脆，可試可不試。至於Rose Milk Latte 都有玫瑰花香味，但相對黎講比較貴。要飲Rose Milk Tea, 選擇仲有好多。…查看更多

看食評知道呢間係素食店，對於沙律我其實冇太大的興趣，反而想試一下豆腐漢堡。店的面積很小，長方形的設計令排隊點餐的人不得不只排一條直線。我點左Burger Combo，包括沙律、Burger同埋薯條。沙律菜十分新鮮，薯條唔知係咪外賣的原因都變淋了，至於Burger...... 一如其他食評所講，豆腐Burger包面上有一陣奇奇怪怪的酸味，睇過唔係酸瓜，我實在不太欣賞，每食一啖眉頭不禁皺一皺。而Burger的包很普通，所以試過就算了，好食的素菜Burger另有更好的選擇。…查看更多

假日想到花墟逛逛買花，經過Smile yogurt就食本yogurt 消消暑啦！ 原來呢間CAFE 除左yogurt之外，有蛋糕、輕食如三文治，仲有好多種類的飲品。Yogurt 的款式都有8款，我係Almond Vanilla 同 Chocolate banana中最後選擇左清清淡淡的Almond Vanilla。呢個yogurt底層有藍莓、一層yogurt之上再有mango、再一層yogurt就到manuka 蜜糖，同埋幾塊杏仁脆片。杏仁脆片我覺得好好味，雖然有少少甜，但很有杏仁味。而yogurt質地亦算結實夠凍，唔會好似軟雪糕咁眨眼就溶左。Cafe係自助形式的，經常會見到餐枱上殘留的容器、紙巾及食物碎片。侍應久不久才會出走收拾一次。就以我坐的4人枱為例，我坐下的時候，桌上疊起的yogurt杯有4個，紙巾以及地下的食物就不提了。不過仍然都有好多人幫襯。…查看更多

連鎖餐廳食物水平不會差得去邊，今次想講的係Service。最近因事經常到Popcorn食飯，而喜愛澱粉質食物的我最常光顧的就係California Pizza Kitchen。今晚跟父母三人5點幾就等入座，等待的時間唔算長，15分鐘到就可以入座。一個三十餘歲的男侍應為我地帶位，當走近張枱的時候，好顯眼的侍應同我都見到枱面上殘留著上一個客人的飯粒。本來都唔算係咩，你抹返張枱乾淨就冇事啦！點知個侍應就咁用手指想掃走佢算，但又掃唔走。我心情就隨之沉左一下，即刻出聲問佢係咪會幫我抹下張枱，佢應一聲就走拎抹布。拎緊果陣有另一個較年長的侍應為我地送上餐牌，當然佢亦都望到果粒非常顯眼的飯粒。而佢作為一個有資歷的侍應，佢所做的亦係想順手趁我地唔覺得時候掃走粒飯！但亦都係掃唔走！我實在唔明白，將心比己，作為顧客去到大型連鎖餐廳見到枱面有飯粒，好自然就覺得張枱唔乾淨吧！？作為侍應，點解就唔可以禮貌地講聲﹕『唔好意思，我而家去拎布幫你抹返乾淨張枱，你先請坐。』不就處理好了嗎？如果係茶餐廳我都仲可以忍受呢種服務質素，但California Pizza Kitchen唔應該係咁囉！好失望！後黎侍應持有黎抹都只係咁宜抹左飯粒果邊枱而已，既然係抹得，好心就抹晒成張枱啦！搞到我成餐飯都唔想掂到張枱面囉！…查看更多

已經走過門口好多好多次，每次都好猶豫要唔要試一試。喜愛韓國風的我自然想食韓國野，但店的門口太小，又要落地庫，餐牌上的都好像係小食，炒年糕呀果D，又唔個點解會有墨西哥wrap，所以走過咁多次都有食過。不過今日一早連早餐都未食，一直做到2點幾先可以出黎食LUNCH，老細又十分期待我會幫佢買一個別出心裁的外賣(上次買大家樂焗豬佢勁唔滿意囉)，於是決定黎呢間。落左兩層先到餐廳，裝修非常簡單，跟一般茶餐廳差唔多，分別在於...一個人都冇。有一個鬼佬店員所以買野要講英文，我仲諗住可以用下我D韓文添！再睇左一次餐牌，都係睇唔到有午餐的物體，我直接問鬼佬其實有冇飯賣架？原來係有O既！我點左兩個韓式伴飯，分別係雞肉同豬肉，叮囑要little/no spicy，因為我唔知老細佢食唔食spicy嘛！不過佢話點都會有spicy, 冇得走。$80一盒飯我點睇都覺得份量太少唔抵囉，餸又唔係多，都係蔬菜之ma。不過講味道呢係唔錯，老細都有話好食，仲問間店係邊度。佢話中環食野係咁上下價錢，我知，但我都係覺得唔抵囉。(咁你俾得返錢我未呀？未咋咋帝wor!)…查看更多

4個女仔剛剛係附近野餐完，其中一個朋友推介呢間係賽馬會藝術中心附近的Toolss Cafe，推介呢度的咖啡幾好飲喎。於是大家就黎一試啦！下午大約3點半，餐廳已經有一半FULL左。講緊的一半，數埋係馬路邊枱的客人計，都係得6丁友。冇錯，呢間CAFE實在太蚊型了！店內找左地方黎埋野，有書、文具、小物，所以店的設計係以開放式為主，一張窄窄的bar枱兩旁全都坐8個人了。再加上附近人流唔多，開埋枱係路旁俾人坐，欄杆又整埋木板俾人做企位。不過我好懷疑係強佔公路的，但呢個唔係今日的重點。由於天氣熱大家都點左iced coffee，包括Latte, Hazelnut Latte同埋Green Tea Latte。我地亦點左兩種小食。炸八爪魚丸根本就係雪箱內的八爪魚丸拎去炸，$40蚊4位非常的唔抵，而雞翼就OK。不過因為我根本就唔會係屋企開鑊油炸野，所以出黎食捱貴夥都冇得好講。至於朋友推介的咖啡，我實在飲唔出綠茶同咖啡的味道囉。朋友話可能iced coffee所以味道冇咁香濃，well......maybe 啦...不過店內冷氣算唔錯，開放式店我地坐BAR枱都感到陣陣涼風。而環境優靜都俾到我地好優閒地享受下午茶的感覺。反而我地幾個女仔吹水大笑的聲音充斥左成間店，剎時間店員跟食客都分享左我地的中女心事添！…查看更多

早聞粉嶺開左一間唔錯的西餐廳，自己坐左廿幾年都唔覺粉嶺有咩好野食。剛好今個星期有空，就跟家人去嚐嚐鮮。由於餐廳地點位於聯和墟，地點實在唔方便，正午時份由家裡行去其實都幾熱同幾甘的。幸好餐廳所在的大廈於工廠群中屬顯眼，很容易就找到了。12:30pm 餐廳並沒有Full, 但都有好幾枱客人。由於早已訂位，我地給安排左餐廳中央的位置。餐廳設有高腳bar枱，一丁友黎亦坐得輕鬆自在。門口旁有一列陳列架，供應有機食材，Baby用品等。餐廳亦有開有機baby food的製作班，相信會吸引唔少媽媽捧場。牆上列出有機食物等資訊，呢度標榜自家有機種植的。餐廳的set lunch不合我地口味，於是決定散叫可以嚐試不同種類的dishes。首先唔少得的係沙律清清味蕾，亦扮下健康。之後當然有我愛食的pizza。我選左chef's pick及薄批，Pizza 整得唔錯，算得上鬆脆可口。老豆叫的鴨胸，我本身就不愛食鴨，唔識欣賞。最後就係三文魚risotto。呢個煮得唔錯，妹妹喜愛正宗的意大利米生生的食法，呢度做得到。野食質素的確係唔錯，不過一個午餐都要6百幾4個人，價錢略嫌貴左D。而附近只有幾個屋苑，未必好多人會黎食，幾個月後餐廳仲做唔做得住真係好難講啦！粉嶺老住戶(老豆同老媽子)話，雖然好食，但價錢未如理想唔會再黎囉！不過環境優靜，係跟好姐妹談心的好地方。…查看更多

認識新朋友最好的聚會就是吃晚飯，因為懂得欣賞食物的人更容易談得來。這裡在openrice的人氣很高，我們預約了7點鐘都不用等很久就能夠安排到座位了。店面很大，所以大家都坐的挺舒適的。點了各種壽司、芥茉八爪魚、花之戀壽司，仲有雞翼串、雜錦天婦羅、餃子等等，食物都很好吃。只是店員略嫌不足，等加水都等了很久。還有就是放錯單的情況，不過情況不嚴重。會繼續來吃晚餐的！…查看更多

天氣太熱，根本完全唔想食飯，但蛋糕甜品的吸引力係無分季節天氣O既。經常到尖沙咀的分店，中環的還是第一次光顧。店內只有企位，但對於日坐夜坐的辦公室女郎如我，係完全唔會介意的，最緊要有冷氣！簡簡單單的點了素菜蛋批......雖然蛋本身就唔係素食......唔好理啦！總之感覺良好就OK。之後再點了一件CAKE。今日以清淡為主，所以蛋糕都選左淡味的而捨棄大愛的朱古力。呢個cake好好味呀！但一件實在太少了......最後見夠鐘返工，就沖沖走了。…查看更多

觀塘搵食咁耐都未試過呢間，原因很簡單。想食拉麵的，就想食一蘭、豚王之流，百幾蚊碗麵要食出名有質素的。想平食就不需要係APM入面搵，到街外找麵店多的是。今次跟家人剛好經過又唔想等位，就選擇左呢間。點左三碗麵，白、赤同黑。麵的質素正常，所以價格係五十~六十幾係合理的。反而小食有驚喜。我很喜歡食紫薯的食物，呢款紫薯栗子餅就啱晒。雖然栗子唔夠重，但食得到一粒粒的栗子感覺真材實料。另外亦點左紫薯條。以為應該以炸薯條(雖然都似)，但更似潮式的反沙竽頭。份量看著比較小，但吃下去很有飽足的感覺。至於燒芝士年糕就很一般，成碟只有一件，就只係年糕上放上芝士再加埋塊紫菜而已。由於對小食感到滿意，就後加一碟炸白飯魚。不過感覺跟炸九肚魚差不多，不算驚喜。始終都喜愛紫薯的小食！YEAH!…查看更多