住左係大圍三年、一直覺得大圍無乜特別好食既小店。 特色cafe 又貴，茶餐廳都係一兩個招牌。 偶然發現社交平台 介紹好運小食，就捉左老公黎食。 第一次去係星期六日午飯時間都要等位。舖頭細細等半個鐘差唔多啦。入座後店員見我地諗好耐都有簡單介紹下招牌面。 我地試左當歸湯蠔仔上海面。湯底濃烈幾好飲👍🏻 蠔仔新鮮又肥嘟嘟，份量好多。女仔應該食唔曬😛茄蓉牛肉通心粉比出面茶餐廳出色！ 凍奶茶又係比想像中好飲！最開心係舖頭有自己炒既辣菜圃任加😋 都幾辣！建議初時落少啲。之後再幫襯都特登揀下午茶時間貪無咁多客人，發現舖頭細細有時得老闆兩公婆係到，一個整飲品一個煮麵。老闆娘仲幾好記性，記得啲熟客食咩！ 希望呢啲小店可以長做長有！大圍居民或係到做野既人都繼續有口福！…查看更多
以上食记乃用户个人意见 , 并不代表OpenRice之观点。
赞好
用餐途径
堂食
