millycheung's Profile

極尙大喜屋位於觀塘鱷魚恤中心。地點就喺APM隔離行完街肚餓去食真係好方便。地方寬敞樓底都幾高，好企理乾淨。最重要係老少咸宜除咗日式放題仲有酒店式嘅菜式例如炆花膠，蘆筍炒蝦等等。咩叫定嘢食已經有好幾款嘅雜物小食可以任你拎。見到凍蝦同埋依啲沙律小食就諗起酒店式嘅buffet。 大人細路見到都非常之開心。 一入嚟梗係要嗌一個刺身用嚟影相打卡影大合照真係一流，啱晒聖誕呀新年呀一家大細聚餐。有驚喜，Mini size嘅手卷啱啱好一啖一口竟然有魚子。真係唔係間間放題有得食。 吞拿魚壽司同埋帶子壽司呢啲貴價嘢唔係間間放題都有，極尙大喜屋唔單止有依兩款仲要好高質素好鮮甜新鮮。 燒物都係水準之作全部都唔會燒得過晒龍仲好Juicy添.最有驚喜可以單點蒲燒鰻魚，一啖一口肥美鰻魚真係回味無窮， 唔使下下都要嗌鰻魚壽司。炸物都不過不失，試咗芝麻雞翼，炸榴槤，炸蠔都唔算太多油。 見到依個蒜蓉蒸帶子真係心心眼，我阿爸阿媽食完一碟又一碟，食到眼眉大開，成個開心樣出哂黎。 唔好以為放題剩係得生嘅嘢食，原來仲有呢個蘆筍炒蝦，有老人家喺度一定必點，蘆筍鮮甜，蝦爽脆大隻。 養顏嘅美少女又點得少得食花膠，呢度仲有美女炆花膠真係必點。甜品除咗有甜品櫃當然唔少得食雪糕櫃裏面嘅雪條呢度竟然有呢個最愛嘅咖啡味雪條出面買一條都好貴。非常滿足的家庭聚餐～ …Read More

太耐冇去日本好掛住日本最好食嘅青森蘋果批，估唔到喺香港都可以食到日本嘅味道。有好幾間分店我哋揀咗最方便嘅旺角出咗地鐵站C出口穿過Market Place再行前少少就搵到依間Cocolo Tokyo came shop.細細間估唔到亦會有木枱等下次真係要坐定定食。今次因為上朋友屋企所以就叫咗啲批同埋蛋糕。 Takeaway啲包裝都幾靚好鍾意個蘋果盒色彩繽紛。 蘋果批真係好香甜。返到屋企焗熱佢一陣好清新嘅蘋果味已經喺廚房到傳出嚟入口清甜又唔漏， 外層鬆脆。非常推介👍🏼 牛肉批鹹點一樣係咁鬆脆香口。 綠茶天使蛋糕入口鬆軟朱古力天使蛋糕同樣地入口鬆軟比起綠茶嘅清新我比較鍾意朱古力味嘅香濃。cream唔算太多所以唔會太漏整體比較健康。 …Read More

依間韓式食店位於長沙灣，門面唔顯眼，都幾隱世。好欣賞呢間店舖有緣份天注定。仲可以幫人做配對。失戀嘅人不妨去幫襯一下，試吓自己嘅姻緣運氣。試吓搵一個一樣鍾意韓劇嘅另一半韓式炸醬麵，個名好special。食完真係有個衝動想去睇韓劇, 賣相好似唔吸引黑蚊蚊一Patpat嘅炸醬, 撈埋非常彈牙嘅韓式拉麵。係好正宗嘅韓國風味。 更加估唔到可以揀王老吉。流心芝士韓式飯配上紫菜碎青瓜絲加上甜甜地嘅醬汁相當野味。 芝士玉子燒，出面食一卷都幾十蚊依個都相當抵食。滑蛋加cheese. 留心嘅芝士有香濃嘅芝士味加上滑蛋香濃嘅蛋味，可以一試。Lunch 韓式快餐都值得一試。 炸醬麵反而最抵讚，好正宗嘅韓式風味。下次試吓去晚餐嘅燒烤。…Read More

約左個護士朋友黎左間隱世清新小店，就係明愛醫院隔離。放工想refresh 去chill唔洗去咁遠，平平地就係長沙灣這條斜路上。靜靜地chill 下傾下計，扮文青一下，看着掛在牆上的油畫，在繁忙的都市裡感覺到一絲法式的詩意。每道菜都感受到店主二人夫妻檔的心思和甜蜜。玫瑰洛神花茶 - 玫瑰花的香氣配上洛神花的養顏，相當醒胃。見到飲品menu都已經心心眼😍 玫瑰碟豆花荔枝梳打。賣相不但只吸引，荔枝味清新不太甜，推介👍🏼真蟹肉芒果蟹籽沙律- 最驚喜係有真蟹肉及我最喜歡的火箭菜，火箭菜的比例超過一半。 👍🏼👍🏼👍🏼吸晴哈密瓜Pama ham 聖誕圈。最最最欣賞這店的擺盤，每一碟都是藝術品，充滿着詩意。紅蝦扁意粉🍝唔單止賣相夠chill, 火炙紅蝦帶着煙薰的香氣，蝦身爽脆加上非常入味的扁意粉，盡顯大廚功價。絕對不是汁還汁，麵還麵。是高級法國菜才有的配搭和口感。慢煮羊架👍🏼👍🏼👍🏼- 好食到暈😋肉質軟滑，羊味不霸道和那陳年的黑醋汁相得益彰。薯容也不馬虎，不是普通的料子。喜歡羊及薯蓉的萬勿錯過。 每道菜都不計成本用上高級的食材加上精緻的擺盤，感受到大廚對食材的用心和執着。值得支持！ HA員工仲有9折，非常抵食。…Read More

難得約咗個好朋友BBF,梗係要同佢去一間有格調嘅餐廳慢慢傾最緊要呢就係有靚飲品。咁啱個朋友住將軍澳一於揀將軍澳。一入將軍澳見到周圍都係商場，已經覺得花多眼亂就諗起將軍澳站天晉呢個地方，係一個新盤嚟㗎喎，附近都有好多新嘢食最緊要係有得泊車。chef’s stage kitchen都有格調，入到去service 非常之好一啲都冇怠慢，時時刻時刻都留意住我哋需唔需要水，上菜速度呢到OK唔會太慢。 蘑菇湯嘅質感都好creamy 好rich配上脆卜卜嘅多士呢真係好好食呀。佢特別呢另外有一盤小包仔配上沙律醬。 呢個溫泉蛋火腿雞肉凱撒沙律，第一次食一個咁豐富咁多肉嘅沙律淨係食呢個我哋兩個都飽咗一半啦。傾偈又點少得嗌嘢飲呀一杯兩杯嘢飲都好有睇頭。班籣milkshake 真係第一次飲值得推介. 西式得來又有啲馬來西亞feel。飲得出係有新鮮嘅斑斕葉同牛奶打成。 我朋友就鍾意飲朱古力帶咗一個特濃朱古力鴛鴦。呢個墨魚汁意粉真係要趁熱食大蝦爽脆，煎帶子外脆內軟。黑色嘅墨魚汁一啲都唔腥仲好有海鮮嘅香味。…Read More

個個都話要移民，同人farewell 必選18樓雞煲。看着霓虹燈的招牌counter 就覺得這處的裝修和食物都好有香港特式。最緊要係乾淨企理整齊，廁所都好乾淨。 香噴噴熱辣辣雞煲，今次叫小辣。 辣度鹹度剛剛好，雞件滑一滑。不得不讚這裡的湯頭，在靚湯處已預備好一jar jar. 個湯頭好甜，撞落微辣的雞煲， 真係best match. 想辣d就加少d, 想甜d就加多d. 好欣賞依度用電子落單+ 疊得起的盤，真係貪心叫多左都有位放食物。 飲品竟然有一支支的冷泡茉莉綠茶，消滯之選。 行埋去拿菜真係好開心，就好似拿住個盆栽，感覺寧捨新鮮。有西洋菜，生菜，油麥菜，娃娃菜，菜心苗。全部都係我最鐘意的菜，一盤盤好似自己種咁，好開心呀～ 基本餐就有這兩款牛，都好好食。其實仲有其他靚牛例如牛肩脊我地唔捨得加錢食。至愛港式手工響鈴，好多時出去食火鍋我都係為左食依個手工響鈴。真係無諗過依度任食係任叫。值回票價。 魚皮都相當正。 花膠成個手掌咁大塊。補補骨膠原。 這裡海鮮都好新鮮。d 蝦大大隻同脆肉環都好新鮮。是日海鮮係迷你聖指，墨魚滑必食，仲有萵苣同秋葵，這兩款菜真係唔係度度有。 好啱香港人口味的雞煲聚會推介👍🏼…Read More

一聽個名burn burn燒就好新潮，又一放工聚腳點，好近威爾斯。飲品大大杯，最正係泰式得黎係Hong Kong style 。 係絕無僅有的驚喜泰式香港fusion菜。 飲品大大杯，菠蘿冰真係有罐頭菠蘿唔係齋糖水！ 讚。 估唔到仲有水果茶。 小食叫左幾款。 正到暈的尤魚筒，未食已聞到燒汁尤魚香。burn burn燒果然名不虛傳。 鯰滑爽脆一點都唔韌，就好似剛從海中Chok上來的新鮮口感。 必試！ 這兩條腸有驚喜。好似台灣腸但又好似泰式魚餅，辣辣地好過癮。 單骨雞翼個炸法有啲似避風塘的用法，但係是泰式風味，非常脆口。 估唔到木瓜沙律都可以加入粉絲充分吸收左木瓜沙律酸酸甜甜的醬汁非常惹味。完全冇諗過這碗喇沙充滿港式風味，濃郁的湯上有豆卜，牛柏葉，豬皮，魷魚，紅腸，加埋油麵真係可以拍返輯泰港風情話～ …Read More

星期三網上訂座有半價飯同意粉。真係好抵呀我哋嗌左一個飯一個意粉一個甜品加一個set四個女仔食啱啱好。質素都唔錯啊擺碟夠靚座位有鳥籠嘅卡位都好有氣氛。 加咗$25要咗依個芒果牛油果大蝦撻他睇落幾靚有香濃芒果汁味不過略嫌牛油果唔夠熟。依set野燒春雞係幾抵食$228有餐湯小食我哋就加咗25同埋有嘢飲不過可惜餐湯冇小包。帶子海鮮意大利飯，份量都原來幾多。 這款也唔錯。AppleCumble唔睇相覺得好膠但用新鮮蘋果粒如果雪糕雲呢拿雪糕更勝一籌。 …Read More

木婚週年紀念日-Lab eat 老公帶左我來到旺角新商場T.O.P 話要慶祝結婚五週年，估唔到係交通咁方便的鬧市中有如此高級的高質餐廳。老公話唔好叫set, 叫鐘意的，果然係另捨不同。 上到去已經心心眼😍，旺中帶靜的城市夜景，我們揀左窗邊位。看着夜景個心已經甜到呢～ 再睇到杯吸晴Lab 飲品真係心花怒放。笑到我見牙唔見眼。未飲已經醉倒，夢幻中帶來驚喜。 爆破果一刻除左感覺夢幻般仙氣處處，仲有一陣果味傳入你的鼻，香氣滿溢。色香味俱全👍🏼Lychee玫瑰味Narcissus$78 + 菠蘿ginger味$98 依度有多款蠔揀，我地揀左tatihou $59 /2隻，Gigas$69/2隻。非常鮮甜新鮮，連檸檬也不用加。 非常推介👍🏼齒頰流香- 魚子醬牛油果龍蝦他他配芒果汁！ 正到呢會永世難忘。我永遠會記得我的木婚點了這個。 $298真！波士頓龍蝦粒，粒粒彈牙！軟滑牛油果及他他醬，上層士多啤梨脆粒粒和魚子醬。芒果汁更是這道菜的畫龍點晴之筆。 必點！ 必點！ 大顯大廚心思！ 八爪魚意大利飯$298 ，又係正到你唔信。 碟碟都充滿驚喜。八瓜魚應該用左慢煮，好諗一d都唔韌。起初以為會係全黑色的墨汁飯，但原來係兩色飯。除左墨魚汁，橙啡色應該係龍蝦湯risotto. 真係一個飯都滿足你兩邊的味蕾！ 很飽很享受，但又點少得甜品！ Chocolate ball $138 又靚又好玩！ 淋上熱辣辣熱情果汁，看着朱古力溶化，真係嫁左比老公咁耐以來的怨氣都溶埋。老公！ 好嘢👍🏼 識揀依間Lab eat 👍🏼 這晚是非常享受的晚餐體驗，謝謝大廚的心思，用創新將新鮮食材配搭得非常好👍🏼…Read More

年紀再唔係十八廿二真係要補一補。吃蛇肉可以起到祛風除濕、活血祛瘀、消腫止痛、解毒潔膚的多種功效。蛇肉還具有強壯神經、延年益壽之功效。估唔到新城市廣場竟然有如此養生的餐廳。仲要係米之蓮推介。 想食全蛇宴可以叫哂，但我地唔算好好，所以叫左個蛇羹。滿滿的蛇肉，好像豬肉又像雞肉，蛇肉顏色較鮮粉紅色，口感比較粗糙，一絲絲容易sip左入牙縫。食完要用牙簽了一了～ 好正係加埋香料撈埋好好食。未試過可以一試當補一補。 子薑咕嚕肉👍🏼 非常推介～ 看得出廚師的炸功。外皮酥脆皮薄唔油膩。點解我話依間野養生。因為佢每道菜都加左一d食療元素。 夏季食薑能增進食慾、溫胃健牌，還可預防感冒、改善痛經和妊娠嘔吐的現象，而適量食用甜酸子薑能促進血液循環，增強人體祇抗力，還可輔助治療氣管炎和風濕性關節炎。 其適合胃寒、體寒等體質的人群飲用。重點係好食又養生。 另一推介👍🏼 膶腸魚肉煎蛋。又一突顯廚師功價。潤腸通便，增強腸的蠕動。 主要用於肛門疾患術後、習慣性便秘、老年性便秘，見大便秘澀，或乾燥閉塞不通，不思飲食者。完全無諗過可以咁夾咁好食。 咖哩牛肋腩好大份，特別在於加左甘蔗。咖哩味好濃。鐘意咬蔗的人就可以試下。 煲仔飯就勝在配料特別，靚白飯軟綿夠香。不過就油膩左少少+飯焦唔算好靚。 …Read More

疫情後初嘗米之蓮海南雞- 天天。終於等到解禁，可以同老公去撐枱腳。他說要同我去食好西。果然係名不虛傳。 雖然係疫情，但係都坐無空虛𥱊，捧場客依然。 餐牌有如一本雜誌，頁頁精彩。 我地最後點了二人餐加一款小食。 頭盤蟲草花拌- 感覺養生又清涼。彈牙蟲草花配上香脆萵苣絲。中間滲出淡淡的芥末醬味但又沒有一絲攻鼻感。 蜜瓜螺頭湯- 新穎配搭火喉十足，這絕對不是味精湯，因為完全沒有口喝的感覺。濃郁的螺頭味道及蜜瓜的香甜相得益彰。 喜歡燉湯的人可以一試。 新加坡最hit的鹹蛋黃味- 雞軟骨。味道幾得意。終於到主角-天天海南雞，值得留意如果單點飯係要另外再點的。 套餐就包左這碟海南雞真是不得了。看得出的滑，入口非常鮮嫩。怪唔之得疫情下還是捧場客不絕。未能身處獅城，仍能品嘗到正宗口味。最驚喜是那辣醬，簡直係畫龍點晴之作。這與一般海南雞辣醬不同之處，在於香茅的香氣和特別的辣椒刺激感。這是這店特有的，一試難忘。 油飯就水準之作。賣點油香而不油膩。份量十足，男士多吃一點非常飽足。甜品花好月圓-特色豆花= 豆味+奶味布丁。正就正在豆味同奶味好平均，互相補足而不會搶味。入口滑滑凍凍的，為這天劃上完美句號。 …Read More

疫情下梗係要食得放心，太耐無同老公拍拖，放工近近地又想慳慳地同老公撐枱腳想据扒，所以都係揀左瓏門冰室。每張枱都有大大支消毒酒精，好貼心咁有紙袋放口罩。好surprise 見到型男老闆，好欣賞佢親力親為，而且真係聽取民意，今次一去有多方面的改進。讚好👍🏼食物研究所的南瓜忌廉湯，一上枱就一包。起初好surprise, 我地就直接用匙在袋內飲用，覺得咁都幾衛生。 Amazing 滑蛋，拍得住澳牛個炒蛋，加上奶醬厚多士，唔係度度有得食。 餐肉都有一定厚度， 讚👍🏼奶茶方面，有一大改進，比之前更金香醇厚。雙扒餐有湯有飲品都係$68。加上有新鮮配菜平民化的價錢酒店級的賣相。 咖哩汁也相當唔錯，辣味慢慢在味雷裡漫延而不會辣到痴線。 起初以為得半塊，點知真係兩大塊！唔好以為茶餐廳唔識煎西冷牛扒，你睇睇煎到咁靚全靠廚師的功勞。 星洲炒米都好有鑊氣。味道適中唔油膩，米粉屬彈牙果類。 …Read More

放工同老公撐枱腳，揀咗河溿和氣食堂。估唔到邊個鐘數都咁多人要等下位先入得。框框內有啊加力膠間隔，食得放心又開心每次黎依度都必點魚生拼盤。今次叫呢個有生蠔，三文魚，劍魚，甜蝦。最欣賞厚切三文魚橙色好鮮甜，生蠔就一般始終日本餐廳。另外劍魚都好正，切工非常好，薄得黎透光有咬口好正。等緊食好野的時候食住Kimchi都幾好味。今次試吓一啲新嘅嘢唔食咁多壽司試吓和氣食堂嘅燒物。 叫咗幾款芝士年糕，芝士大姑，醬燒茄子。仲有帶咗個豚肉飯。豚肉飯真係非常驚喜，正因為薄切，第一咬落去外面燒焦嘅邊皮好脆口，肉質爽滑彈牙。平時如果lunch過嚟食就非常好。 芝士年糕屬於比較軟糯，裏面夾心芝士淡淡的芝士味，唔會好漏。 醬燒烤茄子-這個燒茄子真係非常非常好食，鍾意偏甜嘅你，呢個加咗白麵豉醬嘅茄子就啱晒你呀口味。好欣賞廚師可以將呢個茄子焗得幾咁嘅juicy多汁。芝士大姑就一般水準因為喺西餐廳到食過所以唔係特別有驚喜。 牛油果軟殼蟹卷都係我每次你一點嘅一道菜加上近黎牛油果可當造。牛油般軟滑嘅牛油果配上脆卜卜的軟殼蟹。加上個壽司飯唔係太厚，配上新鮮嘅橙色魚子，食材份量配搭非常好，真係味雷嘅一大享受。難怪每位食客食完都露出滿足的笑容。 …Read More

好耐冇同舊同事一齊去食飯好掛住又酸又辣又野味的泰國菜。依簡直係我哋舊同事相聚嘅飯堂。抵食夾大件。個人覺得來講冬蔭公人少少叫個細嘅同大嘅的其實都份量都差唔多，同埋唔係個個飲。細嘅酸辣湯有三隻蝦大量嘅菇同埋新鮮嘅車厘茄。拼盤係每次必點。最鍾意食佢嘅蝦餅，魚餅都係好香，唔似得出街嗰啲雪藏味。 春卷係素菜春卷，有粉絲係入邊味道正宗，外層非常脆口。反而雞翼就一般般。軟殼蟹咖喱因為有同事鍾意食蟹所以呢佢要求的建議入嚟呢間嘅咖喱都有好多泰國風味大量嘅洋蔥同埋聽朝咖哩的奶香味同脆卜卜嘅軟殼蟹好夾。可以用佢的汁嚟送多兩碗飯。呢個鐵板蠔仔蛋係我嘅至愛每一啖都有蠔仔蛋炒得外脆內鬆軟好友鑊氣仲有淨係底層嘅芽菜一樣好味。 泰國豬手飯唔係度度都有得食呢個飯就不過不失不過真係好大碟非常抵食鍾意豬手嘅朋友不容錯過。 呢度嘅炒野係好好食嘅好似個炒金邊粉又唔油膩味道恰到好處而且大蝦爽脆大隻非常抵食。 所以嚟到呢度炒金邊粉都係我必點之一。 …Read More

疫情關係返唔到大陸吃喝玩樂。但又好掛住又酸又辣又滑的酸菜魚。揀左依間近近地在油麻地又近地鐵站的廚十三。好耐無去依座大廈，從前有好多都相當質素的餐廳，經過疫情都已經捱唔住。這間廚十三，好嘢wo， 仲係屹立不倒。 環境唔錯，卡位是仿皮梳化，冷氣不冷不熱。坐得舒服。 最欣賞那壺茶。 我地二人叫了二人份量的酸菜魚，加了萵苣，土豆等蔬菜。值得一讚，魚爽滑彈牙，煮得剛剛好。仲可以用筷子夾上來不散可見其新鮮。酸辣湯唔算好重口味，但我鐘意，因為這湯真的能夠飲，酸辣味下帶點鮮甜味。認真不錯。 推介給鐘意食魚但又唔鐘意有骨的人。下次有機會，我會選米線。萵筍及土豆片蓮藕片好爽脆，多到食都食唔哂。 加了個小食，上上纖。原來是凍盤。這個幾得意。驚喜有鵪鶉蛋及鳯爪，但都是木耳及青瓜最配。手撕雞都是興別不同，不像其他集團餐廳用醬。真的加了乾辣椒及炸脆了的香菜。口感特別。 侍應們及廚師都是用普通溝通，味道正宗👍🏼 …Read More