applefever的個人專頁

聖誕節期間既工作天，中午12點半去到都無咩人，單拖食個quick lunch叫左午餐2號，轉蒜蓉汁，即係蒜蓉牛扒意粉+紅湯羅宋湯微辣，香濃，料足！有五六件牛腩咁正既羅宋湯響邊度搵？多士香脆，配湯一流意粉係炒過既，唔似有d西餐廳用熱水「白烚」，有誠意至於塊牛扒就ok啦，五十零蚊既跟餐牛扒，ok 啦少少un，都食得哂既非常喜歡呢d舊式扒店，唔好迫我去大快樂、大家活呢d連鎖野食扒ok?呢間店既職員態度不會似其他老店咁差，都算nice!希望你地keep住！！！…查看更多

兩年前生日來訪過，今次結婚週年老公話想食下氣氛同服務好既餐廳，於是再訪。他說要早兩三星期訂位先有旁邊的圓卡枱，否則要坐中間的枱，私隱度較低$950+10%一位，老實說價錢並不親民，我相信大多數來訪的都是慶祝特別日子的，而不是casual dining 吧每人坐位上都有自己稱呼的名牌，很貼心先上麵包，有法包及多士選擇，我喜歡食香口的其實包包可以再添，但食唔到咁多。多士很薄脆，牛油是玫瑰花形的頭盤選了鵝肝，店家很大器厚厚的兩大塊！外脆內軟，必吃之作！鮑魚清湯，很一般，老公話佢既蜆肉湯好得多食完頭盤就比個雪芭你清清口腔味道等了良久，主角才到，羊架好好味，我點左7成熟，配上薄可汁，肉汁香濃甜品就好一般，朱古力cake靚就靚但偏甜！老公本來選左梳乎厘但佢比錯左布丁要求換番岩但職員說要等半個鐘，算了，照食，很一般甜品後會有live band來問你想聽咩歌，點左首但佢地唔識唱哈哈，唔緊要啦，佢地就選左首I knew I loved you before I met you比我地，好聽好聽最後所有人慶祝既客人都會有一件拿玻倫蛋糕送、而所有女士都有一支玫瑰花收不過實在太飽、個蛋糕打包回家食最後就以包住雲尼拿雪糕既朱古力粒粒同埋餐茶作為完美既總結…查看更多

幾個好姐妹飯聚，大家都好想好想食韓式生牛肉刺身，咁岩search到呢間有就gogogo!花多眼亂呢間韓式餐廳無oppa招呼，但職員態度好，又主動，呢個要讚黎個6小碟先，個泡菜勁正，醃南瓜都好好味海鮮蒽餅，熱辣辣又足料，內軟外脆生蛋牛肉絲刺身黎啦！！期待左好耐就係為左食呢個，桔穿隻蛋黃先，再撈埋蒜片同蘿蔔絲食，哇，果種美味真係好難忘我其實，好想自己食哂一碟.....特選牛肋骨，要燒烤既，自己唔係好識搞，職員都好主動幫手燒，要贊！肉質嫩滑，好好味，再配埋生菜包住同埋沙律，好搭！紅燜牛肋骨，今餐食左好多牛，牛媽媽唔會放過我牛肉又淋又入味，個蘿蔔都好入味！好正好正！個汁真係可以撈碗白飯食我已經決定下次再黎要自己食一碟牛肉刺身…查看更多

星期五晚7點到，排左一小時先入到去呢度所有職員都係講國語既，用餐時間90分鐘兩個女仔驚大飽，諗諗下都係叫個拼盤同甜點算啦，每人最低消費係一杯飲品$75小食拼盤，有兩件炸魚塊，4隻雞中翼，6個洋蔥圈，同埋薯條，配有沙律汁同蕃茄汁，幾好食，尤其個炸魚，juicy鳯梨英倫茶，甜左少少，但好香，好味朋友點既仲夏水果茶，佢話好味，同埋有水果粒粒食下主角出場，草苺鬆餅+麻糬，有焦糖、煉奶同埋草苺醬。個草苺雪糕好好味，加埋麻糬又夠飽肚鬆脆好味…查看更多

同兩位閏密gathering，大家都係海鮮怪，厚福街呢棟大厦勁多野食，所以排隊搭𨋢都好花時。上個月食完Toraya 刺刺飯，今日又有機會來呢座大厦因為我地遲訂位，所以限時食兩小時就要交枱比book左8:30既客人三人叫左個4人餐+大豬骨粥底，另外叫左d菇同娃娃菜墊底吸下海鮮汁全程殘廢餐，職員會放個timer，計時蒸每一樣餸四人海鮮盤個元貝好鮮甜之後太忙，太好味，無影相！！但係我極力推薦一定要叫佢既安格斯牛肉！雪花靚，食落好淋！！原來蒸牛肉係咁正！同火鍋牛肉唔同，火鍋牛烚下烚下會無哂d牛味，但蒸牛就保留住所有肉汁同埋牛味！正最後個豬骨粥都幾好味，但建議叫個細既就ok，d海鮮精華會濃郁d…查看更多

響舊舖已經經常去食，雞翼/豬手/水餃/墨丸/牛筋，每次選兩款，唔同配搭，款款都好味，不過舊店不定期休息，次次想食前都要打去問下有無開門...知道新舖開左，當然繼續幫襯！不過得番好好人既黑叔叔響度做，肥叔叔同埋阿ee已經無做:(好怕味道keep唔到水準叫左碗雞翼墨丸米加腩汁同腐乳通菜，通菜又淋又爽又脆綠，好好正！ 碗米粉就一定要落佢地既辣油同辣醬！好過癮！飲一啖湯，湯濃而清，依舊美味！水餃足料，入面勁多筍絲，大愛雞翼老水味濃，又入味！雞全翼斬開三節，依舊細心！邊個話上水無好野食架？…查看更多

早上11點幾經過荃灣一田，呢間餐廳岩岩開門，平時見佢勁多人插針都插唔入，而家岩岩開門得幾個客人，幾大都衝去食！好多即日師傅推介叫左個海鮮丼，等左15分鐘終於到 個湯送既，好大碗，同碗飯一樣大！足料，有好多魚肉三文魚肥厚，海膽甜唔腥，蝦大隻彈牙，美中不足係個豉油wasabi!!!竟然係包裝，如果係新鮮非包裝既就very good啦！好多人叫燒物，又唔貴，下次試下先！…查看更多