jessica li0126的個人專頁

旺角｜百味章魚🐙📌旺角彌敦道688號旺角中心第一座2樓SB02號舖💫八粒 雙拼櫻花蝦mix蜜糖芥末美味指數：🌕🌕🌕🌕🌑章魚燒唔算超級大粒，好似比起章魚無雙細粒少少，等咗唔算好耐，佢每一粒都係新鮮，熱辣辣嘅，入邊大約有一粒至兩粒，中型size嘅章魚，而且醬料比較多。章魚燒表面有好多鰹魚燒碎屑同櫻花蝦。個人口味上，我比較喜歡蜜糖芥末 💕冇食午餐情況下，一個女仔食哂八粒都冇問題，不過食到最後因為啲醬太多，有少少膩嘅感覺。…查看更多

屯門｜雲桂香米線專門店 (屯門)📌屯門良德街12號海麗花園地下08B-09號舖💫炸豬頸肉美味指數：🌕🌕🌕🌕 🌕$43雲桂香嘅炸豬頸肉好出色，炸得好香，邊位勁脆，但係唔會過分油膩，又食到豬頸肉嘅油香！配埋泰式甜酸醬，真係一個人可以食晒成碟另外，呢一間嘅酸辣/麻辣米線，係我食過唔會米線舖中，最啱自己口味嘅！酸辣湯唔會偏酸，係辣度上，每間分店可能有少少差異，想食米線嘅時候，又好多分店附近，所以都幾方便！…查看更多

屯門市廣場|壽司朗🍣📌 屯門市廣場一期屯門依間好似長期都係咁多人排隊😂所以我一早就預約定，咁就唔洗排咁耐！唔知係咪因為依間多人排隊，所以啲壽司好似比較新鮮啲！講到最愛，當然係每次必食嘅灸燒羅勒三文魚，每一次都最少叫兩碟起！超級扺食，今次叫咗三文魚三味，覺得普通三文魚仲出色，鮑魚壽司都可以唔使試了，有鮑魚彈牙口感，但係味道偏淡。…查看更多

大埔｜譚仔三哥譚仔三哥已經電子化咗一段時間，落單可以用qr code，好方便，大家仲可以提前睇下apps入邊有咩優惠卷可以用！💫蒜泥白肉（細）$29美味指數：🌕🌕🌕🌕🌑好食係好食🤤，但食完個口嘅蒜味真係揮之不惡🙈！💫香烤豬頸肉$22美味指數：🌕🌕🌕🌑🌑配泰式醬不錯，但肉質有小小韌！！💫 自選米線（豆卜×1、牛肉 x1）砂砂湯 3小辣 $46💫 自選米線（鮮淮山 x1、雞肉 ×1）煳辣 5小辣 $48💫凍檸茶（走甜少冰）$11…查看更多

尖沙咀｜Vesu Pizza Bar🍕📌北京道1號30樓升降機只係可以上到去29樓，去到29樓，要行一條小樓梯先上到餐廳，而洗手間亦在樓梯旁邊絕對係慶祝生日，同朋友chill下嘅好地方！餐廳可以望到維港景色，係情人節前一天先臨急抱佛腳預約，但係餐廳都盡量安排到較近窗邊嘅位置，當日book咗6:00，可以睇到日落+夜景，仲咁啱有無人機嘅表演。整體環境💯因為情人節餐單全部都一式一樣，所以在網上訂位時預先比埋錢！HK$788 per person 飲品需另外加錢**比起平日食，價錢🆙🆙🆙🆙建議平日食！可以有更多唔同款式嘅pizza揀💫Octopus美味指數：🌕🌕🌕🌕有驚喜的前菜，八爪魚腳🐙好彈牙，配埋底下有啲脆口嘅餅乾，值得一試！💫Ravioli美味指數：🌕🌕🌕🌕黑松露味超級濃郁！而且雲吞非常滑，pizza以外都嘅菜式都很不錯！💫 Parma Ham Pizza美味指數：🌕🌕🌕🌕💫Granchio Pizza美味指數：🌕🌕🌕Main有2個完整嘅pizza，2款都試咗，個人比較喜歡蟹肉個款，新鮮出爐嘅時候，濃郁嘅蟹肉非常香，而且pizza焗到剛剛好，食到pizza邊邊位好脆！💫 Heart美味指數：🌕情人節點少得甜品，可惜cherry 口味唔太適合自己，覺得偏甜。…查看更多

屯門｜麵屋丸京丸京有幾間分店，第一次喺屯門分店食！朋友係拉麵愛好者，本來想食屯門間「道」，但係實在太多人排隊，所以過咗嚟附近嘅丸京，都食到滿足感！2個人總共食咗$212💫小蝦干醬油清湯（+12）配丸京拉麵 （真叉燒+假叉燒、蛋、筍）$100湯底好正，超級鮮甜，勁多櫻花蝦！！💫柚子胡椒清湯配丸京拉麵 （真叉燒+假叉燒、蛋、筍）$100湯底好特別，食哂成個拉麵都唔會有一種膩嘅感覺。麵質適中，真心欣賞佢嘅溏心蛋，唔重醬油味，但係完全做到溏心嘅效果！叉燒有6塊，雖然唔係好厚切，但係係大大塊個種，真叉燒食到香啲嘅肉味，而且比起假叉滑啲！…查看更多

荃灣｜明記海鮮潮州菜館（天保大廈）一大班friend食飯吹水嘅好地方！！💫韭菜豬紅美味指數：🌕🌕🌕🌑🌑自己本身唔食豬紅，淨係試咗佢嘅韭菜，調味上唔會太辣！朋友對豬紅一致好評💫椒鹽魷魚美味指數：🌕🌕🌕🌕🌗大排檔必要的，份量唔算超多！不過整體惹味，外皮小脆，魷魚食落彈牙！💫馬拉盞炒通菜美味指數：🌕🌕🌕🌕🌑份量非常高，大大碟菜！味道適中，唔會太鹹💫啫啫雞煲美味指數：🌕🌕🌕🌕🌑雞肉滑，啖啖肉，加埋洋蔥調味，不過又唔會太過重口味！💫檸檬茶美味指數：🌕🌕🌕🌕🌑…查看更多

兩餸飯$58美味指數：🌕🌕🌕🌕🌗自從愉景灣執咗間茶餐廳，就少咗選擇！愉景灣酒店推出咗兩餸飯，非常高質！住喺愉景灣，平時係食方面嘅開支非常大，但係呢個兩餸飯只係$58，仲要包埋嘢飲！性價比非常高，自從出咗兩餸飯，變咗酒店兩餸飯嘅常客！有時候仲會有$10優惠券，只係$48就已經食到酒店式中菜！每日有三款不同的菜式，可以自選兩款，仲可以多飯，不論係飯定係餸，份量都係超級足夠！叫完之後，會有專人係自助餐嘅位置夾起飯餸，再用酒店保溫袋裝好！每款菜式都有驚喜，絕對係住喺愉景灣居民嘅恩物。…查看更多

大埔｜老馮茶居📌大埔安慈路1號海寶花園地下14號舖一直都係呢一間嘅常客！平時去開荃灣或者元朗嗰間分店，今次終於有機會試到大埔呢一間！裝修一貫懷舊特色三個人連埋茶位都係食咗$164😋叫咗香片，朋友表示好好飲，我覺得係幾香嘅茉莉花味，而且好消滯，我哋直頭沖哂成壺水飲哂😂！金牌炸芋角$20美味指數：🌕🌕🌕🌕🌕一上台熱辣辣，夾開入面仲係出緊煙，外皮超級酥脆，入邊嘅芋頭餡爆多，連平時好少食芋頭嘅朋友都覺得好好食！香煎蘿蔔糕$23美味指數：🌕🌕🌕🌕🌗蘿蔔糕唔係超多蘿蔔絲同餡料嗰種，但係煎完特別香口！令人想食完一啖又一啖！老馮鮮蝦餃$38美味指數：🌕🌕🌕🌕🌗皮薄餡靚完全可以形容呢粒蝦餃，入邊嘅蝦非常彈牙，係鮮蝦嘅感覺，而且個皮好滑又唔會太厚，係出色嘅蝦餃！魷香肉餅飯$39美味指數：🌕🌕🌕🌑🌑佢用煲仔裝住特別有feel，豉油係必落，為呢個飯添色不少！古法牛肉球$26美味指數：🌕🌕🌕🌑🌑牛肉球大大粒，但係味道就還好的！…查看更多

麻手撕雞海苔飯$64美味指數：🌕🌕🌕呢間餐廳食第二次，兩次都係叫同一款午餐，紫菜同手撕雞嘅份量毫不吝嗇！！紫菜配白飯，再加埋手撕雞真係好開胃！手斯雞有小小麻辣，整體都算滑！午餐係包埋飲品嘅，都有唔同比較特別嘅餐飲，青蘋果綠茶比起白桃紅茶味道較好。…查看更多

九龍城｜泰式燒烤📌 九龍城南角道33A號地舖嚟到九龍城，就緊係食泰國嘢！本來打算食隔籬嗰間泰金角，但係太多人排隊了！所以去咗依間！兩個人埋單食咗二百幾，叫咗如果喜歡重口味，呢間唔洗排隊，可以一試泰式冬陰功美味指數：🌕🌕雖然係叫細碗，但係份量絕對夠兩個人share ，入面有兩隻開咗邊嘅蝦，仲有茹做配料，味道唔會太辣，但係越飲越鹹，食完會口渴！馬拉盞炒通菜美味指數：🌕🌕🌕去泰國店基本上每次都會叫，調味好足夠，有小小辣，用嚟送飯一流！份量都還可以辣椒炒牛肉美味指數：🌕🌕🌕牛肉都幾淋，唔會太韌，食得出有牛味，不過整體口味偏濃！串燒（雞翼&豬頸肉）美味指數：🌕🌕🌕串燒嚟到嘅時候係熱辣辣嘅，雞翼嘅邊位燒到好脆，入面都幾嫩滑，配埋沙嗲醬，宵夜飲酒嘅好配搭！青檸梳打美味指數：🌕🌕🌕🌕食咗咁多濃味嘅食物，梳打好fresh，可以中和翻，令到整體冇咁膩…查看更多

八鯨料理📌大埔廣場地下57號鋪💫018 刺身+6件壽司配細牛肉烏冬$66<加一$72>一個人突然想食壽司，就稔起八鯨！鋪頭細細，就算一個人自己嚟食，都唔會覺得尷尬！食物種類選擇非常多，今次我就叫咗定食，018定食有刺身，有壽司，有烏冬，對女仔嚟講份量啱啱好，而且樣樣都可以試吓，啱哂貪心嘅胃！2件三文魚刺身都係厚切，而且都幾新鮮，食落口感尚算不錯，6件壽司就不過不失！大食啲嘅朋友仔可以加錢加大烏冬…查看更多

幸運燒鵝冰室📌 八號花園地下8號💫燒鵝瀨粉（全日供應）$61外賣+$1，另外會附送中式餐湯美味指數：🌕🌕🌕同事話食過覺得唔錯，於是中午就去買咗個燒鵝瀨粉，估唔到都有小驚喜！打開外賣盒，瀨粉上幾乎鋪滿了整齊切好的燒鵝片，令人有一種「物超所值」的感覺！瀨粉煮得剛剛好，滑溜而不會太過軟爛。燒鵝份量十足，燒鵝皮雖然唔係非常脆，但係茶餐廳嚟講絕對合格，只係當中幾塊燒鵝部位無咩肉，係骨位！不過呢個價錢冇投訴了👍🏻…查看更多

南山邨｜南山白汁冰📌 南山邨南山商場平台CCC9號舖專登揸車到訪🚘，隔籬就係另外一間出名嘅雞蛋仔，建議下次可以預留多啲胃口，試吓更多唔同嘅甜品同小食！💫白汁芒汁西米$35美味指數：🌕🌕🌕🌕🌕芒果又香又甜，西米粒粒分明，係好有質感嘅冰！加埋一齊，天氣再凍都想嚟翻一碗！整個配搭💯…查看更多

### Ebeneezer's Kebabs & Pizzeria (D'Deck) 食評最近和兩位朋友一起去了Ebeneezer's Kebabs & Pizzeria (D'Deck)，用餐體驗非常愉快。餐廳內有一部大電視，讓我們可以一邊用餐一邊睇波，餐廳職員友善，沒有催促我們賣單和離開。我們點了**雞肉kebab**，中間的餡料毫不吝嗇，份量亦非常足夠，可以配合三種唔同嘅醬料，白色的醬料酸酸酸酸甜甜，與kebab好夾。另外，我們試了**咖喱蝦**，咖喱風味出色，我和友人一致好評，回味無窮，下次去一定會再食。咖喱沒有配套餐，所以**大蒜薄餅**需要另外再叫，薄餅即叫即整，十分脆和可口。飲品方面，價格相宜。我們特別點了**印度咖啡**，味道非常獨特，帶有一些香料的味道。整體而言，這次用餐體驗非常滿意，推薦給想要品嚐多元風味的人士。…查看更多