yyyyyvonneeeee的個人專頁

🔸炸素春卷4件春卷上菜時熱辣辣炸得外脆內軟，裡面好多蔬菜絲就算係炸嘅都一啲都唔會漏！!.🔸文華海南雞飯配油飯必食海南雞飯！雞肉超滑而且有雞味，配埋油飯食非常perfect!!! 醬汁方面值得一讚係薑蓉唔會好鹹，非常多薑絲好足料！!.🔸白胡椒肉骨茶配白飯呢個肉骨茶嘅份量實在太抵食，有成四五嚿好多肉嘅肉骨，湯底方面胡椒味好濃，配料仲有好多金菇豆卜，十分有誠意！！.🔸蠔油小棠菜小棠菜好新鮮 簡單調味已經好食！…查看更多

White Truffle Latte老公平時唔飲啡但好鐘意Truffle味，所以佢少少突破自我地揀咗Truffle味Latte，不過完全冇令大家失望！因為係食Dinner所以我淨係咁試飲一啖，一拎起就聞到好香Truffle味，個啡偏nutty好香，唔錯！Sesame Latte黑芝麻溝奶岩曬上咗年紀養生嘅我，飲到最後仲食到啲芝麻糊，超級足料！Truffle Mushroom Risotto簡單嘅risotto要整得好食同埋你客人留下印象都唔簡單，但呢個黑松露Risotto就做到！除咗上面嘅菇扒，risottl裡面都放咗好多唔同口感嘅菇粒，每一啖都好creamy，好rich推介鍾情黑松露嘅大家！Amadai Fish With Orange Fennel Salad以為係普通炸魚薯條嗰啲炸魚，原來係立鱗燒，好有驚喜！下面個salad非常fruity, 甜甜地好清新，岩岩好balance返食炸魚嘅guilt，成件事健康曬🤣Chocolate and Banana Pancake(Creamy hazelnut, nutella, fresh banana with vanilla ice cream)個pancake外層煎到有啲微趣 裡面好soft好鬆軟，配埋Nutella同香蕉呢？兩樣絕配好邪惡但好好食！🥺…查看更多

🔸主角：香辣味清江魚魚方面我地揀咗最肥美嘅清江魚，主要嘅原因係店員介紹呢款魚超！少！骨！而且每條重量有成700-800g，可以啖啖肉超級正！口味我哋揀咗招牌香辣烤魚（小辣），個湯底係用咗超過 30種材料烹調，我飲咗一啖味道超香濃，而且唔會太辣，好惹味！同食雞煲一樣食完條魚仲可以打邊爐，唔會晒咗個湯底！上菜後我哋都比條魚嘅size嚇親，因為我哋得兩個人🤣，魚肉好結實好多肉，而且一啲都唔腥！同埋廚房已經幫手起曬骨咁濟，只留返魚尾條大骨，唔識食魚嘅港孩如我都食到，超級推介大家揀返清江魚！！*店員提醒如果想有埋海鮮打邊爐要提早一日預訂，確保海鮮絕對新鮮又高質！🔸配菜：蓮藕、海白菜，龍口粉絲海白菜真係必試（香港好少食到），佢嘅口感係介乎於海哲同海帶之間嘅爽口度，配埋呢啲辣辣地嘅調味加上本身嘅少少海水味好正，絕對要試！蓮藕雖則係好普通嘅食材，但呢到嘅蓮藕做到每片岩岩好厚度煮完都勁爽脆仲要超甜就唔普通！鐘意食辣蓮藕嘅人一定明我講咩！粉絲唔洗多介紹，索曬湯底味=好好食🤣🔸檸檬蝶豆花 （走甜少冰檸檬百香果QQ（寒天 雪燕 桃膠）嘢飲方面呢到水吧簡直係川style嘅台式飲品店，超多選擇！我地叫咗兩款比較fresh嘅飲品都好唔錯，仲可以走甜減低罪惡感🤣！…查看更多

想講明明已經9月尾，香港仲係好熱🫠炎熱嘅天氣下就最岩食壽司/魚生呢啲嘢，咁岩係旺角行街行到餓就試下呢間之前朋友推介過嘅「爆丼屋」先！ 我哋叫咗：🔸三色海膽盛丼鋪滿左三款唔同嘅新鮮海膽（北海道、加拿大、韓國）海膽入口即溶超級creamy，而且份量超超超多，真心係爆丼，名副其實，啱晒鍾意食海膽嘅人！🔸䫨沢三昧盛丼如果覺得淨係食海膽太膩，都可以試吓呢一款：有牡丹蝦、蟹肉、海膽。蟹肉好鮮甜有驚喜，牡丹蝦勁大隻好有誠意！整體嚟講性價比中上，推薦大家嚟試～鋪頭環境乾淨企理，岩曬同朋友行完街坐低慢慢食傾陣計。Menu上丼飯嘅選擇非常多，有唔同嘅魚生丼之餘仲有唔少熟食丼嘅選擇，例如燒牛肉/鰻魚丼，大人細路都有嘢岩食！…查看更多

"You have to be very hungry if you are coming for tasting menu!" 整體環境非常靚，好啱慢慢食飯傾偈，推介大家有3-4個人嘅話book定樓上有啲靠窗嘅靚靚booth位！而且Testing Menu超抵食，每人300幾數但食到勁多碟tapas，完全係物超所值！🔸Pimientos del padrón - Maldon salt $80辣椒仔完全唔辣，上面有啲粗鹽做簡單調味成件事已經好好味，清新又開胃！🔸Croquetas - Iberico ham $55有啲似炸蟹餅，入面好creamy，雖然係炸嘅但驚喜嘅係食落一啲都唔會太油膩！🔸Patatas bravas - Brava sauce, alioli $90炸薯仔粒tastes better than it looks!! 一紅一白嘅sauce好夾！🔸Wagyu beef cheek - pumpkin-coconut puree, piparra chillies $160牛肉炆得超級淋，而且牛味好重！推介大家要是呢個!!!🔸Gambas al ajilli - King prawns, garlic, chili $190大蝦好新鮮，肉質彈牙爽口，而且中間去咗彀，食得好方便！側邊嘅包依然係焗得非常香脆，點埋蒜味超香嘅油食一流！🔸Pan-fried seabass - Green asparagus, roasted potatoes, citrus romesco sauce $160魚煎得外脆內juicy，而且完全冇骨啖啖肉！🔸Pan con tomate - Coca bread, tomatoes, extra virgin olive oil, Ibérico $95麵包焗得超級crispy，中間嘅蕃茄粒粒好fresh好清甜，完全中和咗pepperoni嘅膩咁，咸甜調味岩岩好！🔸Mediterranean tomato salad, Shallot-sherry vinaigrette $1403款唔同蕃茄，雖然落咗都幾多橄欖油但又一啲都唔會太油膩，反而帶出到新鮮蕃茄嘅鮮甜，有驚喜！🔸Paella - Marisco - King prawns, mussles & clams $240食西班牙嘢必試Paella, 飯粒軟硬煮得岩岩好，而且上面超多海鮮，飯粒裡面亦有好多海鮮粒，非常足料！🔸Sangria - Roja $230Sangria個bottle好靚， 非常打卡able，因為我男朋友要揸車，所以得我一個人飲🤣 斟咗五杯都仲有幾多，所以兩個人share都應該每人斟到3杯～…查看更多

🔸氣鍋雞原來係椰子雞湯，用咗茶壺上好特別，個湯超級超級鮮甜！簡直係今日MVP，必叫！🔸爆汁乳鴿超級juicy惹味呀！而且好多肉，jengggg！🔸檸檬鳳爪酸酸味味好開胃，鳳爪好彈牙！🔸口水彈蛋(鵪鶉蛋）個辣汁好正，香辣開口，鵪鶉蛋好爽口！🔸土炮雪茄(蒜茸蝦）外皮炸得好脆，裡面餡料超多蝦膠，好特別！🔸松露懶人雞啖啖雞肉拆曬骨好正，松露味唔算太重，但都唔錯～🔸三蝦豆苗豆苗好嫩，大大碟茶超正！🔸農仔荷葉飯🔸漁公火箭桶燒烤風味魷魚筒，成隻串起食好過癮🔸椰香拉絲非常酥脆！唔會太甜，推介！
🔸柚子花精凍好refreshing！解膩一流～.🔸白桃烏龍🔸瑰荔堂煌…查看更多

Overall嚟講性價比好高！百幾蚊有齊前菜小食main course同埋嘢飲~環境都好chill好舒服，啱晒同朋友慢慢傾偈慢慢食！而且店員好nice好helpful，入到嚟東涌嘅話都好推薦大家嚟試！.🔸Four Course Set Lunch· Mushroom soup蘑菇湯好creamy好香磨菇味，幾高質！· Calamari 炸魷魚有啲似椒鹽鮮油，炸得好脆幾好食· Garlic Mushroom 大蒜蘑菇牛油味好重炒得好香，中和返炸魷魚，感覺上健康啲· Linguine 蟹肉墨汁扁意粉除咗一絲絲蟹肉仲有啲蕃茄碎，意粉煮得軟硬啱啱好，味道少少辣都幾惹味～· Classic Fish and Chips 經典炸魚薯條炸魚炸得好脆但裡面肉質都keep到好juicy,推薦！！.📍：東涌怡東路9號T Bay地下12-15號舖 (Next to Tung Chung Sheraton Hotel).#Calamari魷魚 #GarlicMushroom大蒜蘑菇 #Linguine蟹肉墨汁扁意粉 #ClassicFishandchips經典炸魚薯條 #chill #bar #tungchung #CabanaBreeze #steakhouse #cocktails #beer#sheratonhongkongtungchung @cabanabreezehk …查看更多

今日入到嚟大埔附近做嘢，約咗住附近朋友一齊食晚飯，朋友book咗呢間鐵板燒帶我試，話一定有驚喜！我哋分別叫咗一個$588同$788嘅omakase set試，超期待！🔸前菜沙律啲泡泡有啲酸味好開胃，份量岩岩好，唔錯～🔸海鮮：白鱔外皮焦香口感鬆脆，裡面肉質彈牙爽口，超正！象拔蚌雖然唔太隻但非常鮮甜，好味！帶子浸滿黑松露汁，好香濃！鮑魚好新鮮，爽滑彈牙～夾蝶豆花泡泡咸咸甜甜好得意！🔸肉類：豬扒燒得好好，外皮香脆咬落去裡面肉汁勁多好juicy，同菠蘿醬好夾，有去咗沖繩嘅感覺！澳洲和牛肉質唔錯，偏瘦牛味重，配菜蘑菇外表嘅係櫻桃蘿蔔，又脆又甜，食完咁多肉解膩岩岩好！🔸大蝦炒飯個飯炒到一粒粒好正！大蝦好大隻新鮮～🔸豆腐雪糕配macaron&紅豆爆珠第一次食紅豆爆珠口感好得意，裡面有啲jelly同有粒紅豆，推薦大家試下！…查看更多

🔸刺身沙律<平目昆布漬•王林蘋果大根醋啫喱>平木魚好新鮮肉質好爽口，酸汁啫喱完美enhance咗魚嘅鮮味，連埋海膽一齊食口感層次好豐富！最底嘅日玉李蘋果同蘿蔔絲好清爽，側邊綠色嘅係秋葵粒粒同樣好fresh，完美地refresh返食完較重口味嘅海膽。🔸鮑魚配鮑魚肝醬南非鮑魚好大隻！鮮味夠就算唔點肝醬都好好味～🔸A4和牛薄燒平時和牛薄燒都係夾洋蔥，但今次師傅係和牛裡面包住咗Wasabi昆布同牛蒡，咬落去脆卜卜口感好正，而且牛蒡正正中和到和牛嘅油膩感，perfect match！側邊嘅Asparagus都好新鮮，夾埋一齊食都唔錯！🔸香蔥吞拿魚腩飯吞拿魚腩蓉夠油脂，好creamy！壽司飯選用咗赤醋同日本新潟魚沼越光米，粒粒都好綿好好食！🔸雞肉丸子清湯天氣凍飲碗暖笠笠嘅湯最正，湯嘅松茸味好濃郁，雞肉丸有啲脆骨係入面幾得意。🔸日本湯葉芝麻雪糕配焦糖脆餅甜品好高質！影相靚味道又正！上面嘅焦糖脆米係岩岩焗起，又香又脆，中間係自家製日本芝麻雪糕，最底係日本豆乳整嘅湯葉，清清地唔會太甜，雖然好飽但我同朋友都食曬成個甜品！…查看更多

約咗舊同事聚舊講八卦梗係要揀返個靚景岩傾計嘅地方～今次呢間都係我bookmark咗一排嘅新餐廳，Ig見到景幾靚已經超想嚟食dinner！！ 佢哋booking都算full建議大家提早book🥰🔸KABOOM Sharing Platter $218呢個小食拼盤好岩叫嚟share，份量都唔小！雞肉串燒好重炭燒香味超正！另外edamame個sauce少少酸辣咁幾特別！大大粒彈牙嘅cocktail shrimp都好正，一次過試曬幾款小食!🔸Grilled Sole with Thai Vegetables $238呢個比目魚是今晚MVP！燒得外皮香脆但肉質超滑嫩juicy，個tong yum sauce更加係畫龍點睛升華咗條魚！本身因為portion好大初初以為會食唔曬，但我同朋友都食到唔停口，一定要試！🔸Chargrilled Beef Strips with Roasted Vegetables $308牛扒叫咗medium岩岩好，肉味唔算太重但肥瘦岩岩好肉質都稔，伴碟嘅薯菜焗得好好食！🔸Kaboom $118🔸Life Sucks, Let's Get Drunk $1082杯cocktail造型好靚，酒味唔會太重，而且bartender好好人會按大家preferences推介返♥️…查看更多

四訪辛手村，唔辣乾鍋一樣有驚喜！！♥️🔸辛手村日式壽喜燒味乾鍋 $224肥牛片（套)五花肉（套)魚豆腐（食）金針菇（食）之前已經試過黑松露未乾鍋，同埋麻辣味乾鍋，咁岩因為朋友唔食辣，所以我哋今次特登試吓唔辣嘅乾鍋，同樣一樣好好味！少少壽喜燒汁，同肥牛五花肉片超級夾，而且唔會太油膩，絕對唔會失望，推介俾唔食辣嘅人士！🔸川味扇貝（兩件）$68非常新鮮彈牙！🔸岩燒厚切牛舌心(1串）$68厚切好正～🔸ミリオン - 辛手雞棒肉串（1串）$32🔸川燒經典豬頸肉 （1串）$42🔸柚子冰粉第一次食呢個甜品，唔會太甜，好清新，正！…查看更多

廚師發辦午市套餐 Omakase Lunch六道菜餐單 6-Course Menu🔸先付 APPETIZER🥗和風野菜薯仔沙律好鍾意沙律裏面嘅薯蓉，好creamy又唔會太膩，沙律汁嘅調味都好清新開胃🔸刺身 SASHIMI🐟甜蝦 • 拖羅 • 深海池魚Hamachi肉質脆脆地好好味！Toro油脂都好夠入口即溶🥹 午市都有呢個質素，對佢哋嘅Omakase Dinner好有期待！！🔸蒸し物 STEAMED🦀松菜蟹肉 • 帆立貝 • 茶碗蒸成個茶碗蒸一啲都唔hea！toppings有大大粒帆立貝、三文魚子仲有黑松露！食到裏邊餡料都好豐富，除咗common嘅菇以外仲有雞肉同白合，充滿鮮味同時口感豐富！🔸吸物 SOUP🍲野菜豚汁麵豉湯一啲都唔會太鹹！鍾意佢裏面有好多白蘿蔔同埋豆卜，好好飲！🔸食事 MAIN🍣海の幸四色丼(Uni Snow • Crab • Scallop • Salmon Roe) 超級無敵多蟹肉係底，加埋三文魚子同海膽，每一啖都好幸福！！而且廚師嘅刀工超級好，竟然雕咗隻蝴蝶出嚟！Crazyyyy😂🥩宮崎和牛壽喜燒 • 白飯(Miyazaki Wagyu Slices in Sukiyaki Style • Rice)和牛肥瘦比例啱啱好，鍋裏便嘅娃娃菜啱啱睇到廚師係拎咗包新鮮嘅菜開嚟切，超！級！甜！，好似加咗糖咁好好食！🔸手デザート DESSERT🍨和風雪糕聖代綠茶雪糕加紅豆，完美作結！…查看更多

再次book咗和牛燒肉一郎嚟食😍上次食過念念不忘🥺今次一樣都係叫咗set B～上次去咗銅鑼灣分店，今次就喺荃灣分店～品質同水準都一樣咁好！一坐底5分鐘唔洗店員就會上菜：「舟·盛合」同埋「桶·盛合」，（裡面有齊：特選牛肋肉/特選牛肋條/特選牛里脊肉/ 雞肉/ 五花肉/海蝦/帶子）所以可以每樣肉都試下，岩食嘅再order都未遲！超細心嘅安排♥️而且絕對唔會話剩係得第一round嘅肉係最靚，之後再上菜嘅肉都一樣質素㗎！仲有牛肉刺身都好正！🥩牛方面今次最正係🔸特選簿灸牛肋肉同埋🔸特選牛里脊肉！睇落唔算好肥，但油份都足夠，肉質偏爽脆牛味好重！我哋叫咗超多碟！！🐚海鮮方面都好多選擇：海蝦同帶子係最優秀，超級新鮮所以肉質彈牙又有鮮味！👅極上厚切牛舌男朋友都讚不絕口！牛味好香，好爽好脆，口感味道都無得彈！🍧甜品、飲品嘅選擇都好多，連熱飲都有！朱古力脆皮雪條好高質！！仲有新鮮爆谷，啱晒大家唔同口味～…查看更多

《入冬必食養生台式火鍋》想打binno食又想食健康啲朋友就推介咗呢間話係養生binno比我食材都湯底真係好養生仲要好好味！誠意推介比大家♥️🔸御 前膠原蛋白美人鍋湯底裏邊有好多桃膠，飲落有膠質，非常之足料又好飲！我男朋友起碼飲咗兩三碗🤣🔸寧神靜心鍋 我自己就比較喜歡呢個湯底，有好大個魚頭喺裏面個湯超鮮甜！個魚頭都係精華，好多肉同啫喱狀嘅肉，鮮味好足！（鴛鴦鍋 $268，以價格較高湯底計算）🔸八燈報喜 （黑松露蝦丸、燒鵝肝蝦丸、海膽墨魚丸、黑椒牛中牛肉丸）$118 呢個丸一上菜大家都嘩咗一聲，冇諗過擺盆係咁靚咁精緻！而且全部都係新鮮丸，超級彈牙！當中最有驚喜係鵝肝蝦丸，咬落去裏面真係勁香鵝肝味，同埋有成舊鵝肝喺裏面，好邪惡！推薦！！🔸繁魚花膠筒 $168係真材實料嘅花膠，唔係嗰啲cheap cheap冇味果種！好驚喜！🔸珍寳羊肚菌 $148第一次食羊肚菌，店員介紹係具有抗衰老補陽功效，初初都擔心有藥材味，但食落同一般嘅菇菌類差唔多，口感都幾爽口，唔錯！🔸山水滑豆腐 $48豆腐好滑，而且同魚湯超級夾，連住啲湯一齊食，超正！🔸迷你黑雲耳 $58雲耳仔都係養生嘅食材，所以同兩個湯底就非常之夾～🔸水耕BB生菜苗 $68生菜苗超嫩，菜好甜好新鮮！🔸西班牙-極品黑豚肉眼卷 $168豚肉唔會話好肥，肥瘦同埋口感都係啱啱好！🔸手拍小青瓜 $48…查看更多

成日係社交平台見人打卡呢間火鍋店，終於book咗嚟同朋友慶祝轉工♥️ 環境同食物都好高質，超級推介！🔸華人塔 $688之前通常都係見人會叫有一圈牛肉同牛唔同部位嘅🔸香江拼$788，但因為得兩個女仔其實都食唔到咁多肉類，所以我哋反而解咗另一款拼盤🔸華人塔，材料超級豐富又新鮮，叫咗絕對唔會失望，而且每款兩份岩曬share！-花蟹：蟹肉好彈牙新鮮，而且花蟹皮薄，食嘅時候都唔會太困難，同埋可以問職員拎個鉗！建議一開波就掉晒落去煮，最後打完邊爐食果陣個湯超鮮甜！！-鮑魚/北寄貝/青口/帶子/海蝦：新鮮嘅海鮮隨便烚都好好食，其中最鐘意北寄貝超爽口彈牙！-厚切肥牛：牛肉係超厚切超高質！牛味重偏瘦但唔會靭！-豚肉：豚肉都係比較少肥肉，非常岩我哋口味，唔錯！🔸七色丸 $98蝦味丸同黑樽露丸最正！🔸桃花緣嘢飲好有驚喜！本身以為係普通乳酸梳打，但裏便有超級多料！新鮮桃肉加埋桃肉啫喱，口感層次超豐富！…查看更多