Yuko Ma's Profile

好驚喜，好驚喜！今次又喺土瓜灣搵到有質素，而且難忘嘅日本小餐廳🥳最鍾意去一啲又有好味熟食，又有新鮮魚生嘅日本餐廳食嘢今次呢一間真係做得到！食物質素非常高，蟹膏豆腐真係100分魚生飯有好多選擇，足料又抵食，最緊要係有魚生嗰種新鮮嘅甜味，所以冇話要推介邊一種啦，整體來講我哋試咗幾款都好好食，詳細可以睇睇附錄嘅相片全部都係厚切！！！即使係魚生飯嘅角切魚生都係厚嘅，仲要有好多好多款好多好多粒食物質素高，故知然不在話下啦，佢仲要係有晚市定食套餐添啊 食個taro魚生飯再加安格斯牛都係188仲有追加小食，好可惜我哋今次為咗想試佢嗰啲經典丼飯，無試到呢個set。不過都完全唔後悔呀，因為佢個花錦魚生丼同埋夢の丼食到我同朋友都嘩嘩聲，花錦魚生丼個蛋黃好正，糖心配埋啲魚生嘅鮮甜，簡直係昇華左好味度一倍! 夢の丼嘅海膽同蟹肉都超好食! 因為唔係咁多日本餐廳有呢兩樣魚生配料，佢有配埋一個橙味嘅果醋，個人覺得就酸咗少少，不過完全係誠意嘅配搭，未見過魚生飯可以做到咁有心思…Read More

前排天氣涼涼地~中午嘅時候去旺角同朋友一齊都想食下火鍋喎， 於是就喺OpenRice睇吓有冇邊間火鍋店係未食過嘅，又唔太貴嘅😝最後揀咗旺角嘅呢間肉蒲團去試吓，個入口有少少難搵嘅，因為佢有兩個有一個係商業大廈嘅，有一個係商場嘅入口。不過去啱入口就都好易搵，搭lift一出就係。餐廳環境都幾有玩味感，牆壁佈置都係有趣嘅港式電影poster，座位闊落咁打邊爐最緊要就係食物方面啦，呢間都的確不過不失，有好多款肉類揀，而且肉質新鮮有肉味(要強調呢一點，因為真係唔知點解食過好幾間啲肉都係冇乜味嘅，本身應該係基本嘢，但係原來唔係間間都做到㗎🙈）然後佢有好幾款飲品選擇又有一啲熟食可以自由去選擇，火鍋配料仲有海鮮添，好驚喜有墨魚筒，新鮮㗎都有鮮味🥳湯底方面都足料，而且多選擇😋食完仲有簡單甜品添，所以整體嚟講價位屬於實惠，而且有質素嘅火鍋餐廳…Read More

平時都多去韓國旅行食嘢，而家疫情少去咗好傷心大圍有好多唔同嘅餐廳小店，但係要搵韓國嘢食，就選擇唔係好多…今日同朋友真係好想食下韓國嘢，因多太掛住韓國見大圍開咗間小火焰，一開張嘅時候好多人排隊，咁啱嗰日佢又唔使排隊喎，於是就入去試吓！環境幾好，播住好多韓文歌，一入到去個氣氛幾歡快！Menu有好多嘢食選擇，有套餐，有唔係套餐… 我同朋友兩個人見套餐好似幾抵食，就試咗二人套餐～前菜我哋試咗豬肉餅同炸雞沙律，豬肉餅應該真係餐廳自己做嘅，幾Juicy👍🏻主菜我哋試咗燻蹄粉絲煲！有韓式年糕，雞髀菇同埋煙韌嘅粉絲，個湯底都不錯～另外仲叫咗個芝士拉斯燒雞翼泡菜飯～味道一般，不過多芝士，雞翼都算大隻嘅～甜品我哋加錢叫咗個芒果窩夫，擺款好靚有心機！不過窩夫嘅質感就特別啲，咬開就碎碎地咁，唔似平時食開嘅窩夫咁，所以就唔特別推介啦。整體來講，餐廳環境同店員服務態度好好，食物用心製作，味道就還好。…Read More

有次約朋友去將軍澳食嘢，又唔熟將軍澳喎，好多唔同嘅商場😅一打開OpenRice見到有超多餐廳眼花撩亂😵‍💫最後膽粗粗見呢間餐廳啲食物影出嚟好似分量幾好，賣相都OK…我哋就揀咗試呢間！結果唔好令我哋失望呀～～～仲好有驚喜添！我哋叫咗dinner for Two！個set嘅沙律同湯好出色🥰 有蜜瓜同Parma Ham嘅沙律，仲有蘑菇湯非常濃郁💖主菜叫咗牛扒跟龍蝦🦞仲有炒蜆意粉🤤份量好足料，肉質非常好，龍蝦新鮮彈口，啲蜆又新鮮唔會有沙，仲有ok多添🤭Drink Menu一樣有驚喜, 竟然有斑斕味嘅smoothie!總括嚟講, 呢間餐廳嘅食物款式好多, 有份量~有質素! 好啱係一班朋友仔聚會嘅餐廳選擇👍🏻…Read More

有日行開沙田，經過呢間餐廳，未食過，喺門口見過餐廳環境都幾闊落，有啲日本風，餐牌又食西餐嘅嘢食好似幾多選擇，於是就入咗去試。服務員態度幾好，兩個人都安排咗闊落嘅卡位！喺店員嘅推薦下我哋試咗set dinner，佢話有得半自助餐，價錢都相宜～半自助餐包甜品，飲品，少少熟食，同埋餐湯餐包~~~主食我哋試咗羊架同埋牛扒，羊架整嘅方法都幾特別，個皮上面加咗啲麵包糠脆脆地，肉質都鮮嫩…牛扒方面，都處理得幾好，幾厚身，配菜方面，可以揀意粉或者薯菜，我哋兩樣都揀咗，薯條都算炸得趣，意粉就一般啦，都可以嘅，冇話整得太軟…自助吧嘅甜品都多選擇嘅，細細舊想試多啲唔同味嘅就啱晒啦~整體來講呢間餐廳嘅質素都可以啦，未食過，想試吓西餐，又得得意想日本fusion下就可以一試～…Read More

平時少去新蒲崗食嘢，今日嚟開搵朋友去下啲工廠大廈睇吓，估唔到而家新蒲崗都有好多嘢食㗎喎，有啲新嘅商場！好耐冇食馬來西亞野，見到有間叫馬來屋，就去咗睇睇！見個Menu都多嘢食揀喎，價錢又相宜喎泰式小食拼盤都幾多嘢食！有炸蝦餅炸魚餅春卷同泰式鳳爪！不過就都幾辣嘅…我哋食咗兩個湯，泰式椰子雞湯椰子味好重㗎，雞湯都好甜嘅都足料，幾唔錯！冬陰功湯多重香料㗎不過一樣都係相對比較辣，如果譚仔食唔到小辣就應該都頂唔住豬肉碎生菜包好足料，呢個唔會太辣，好惹味，可以食極唔停另一個驚喜位係海南雞飯啲雞！煮得啱啱好好滑嫩泰式炒通菜都okay，都幾大碟泰式辣椒膏炒青口，都新鮮嘅，泰式辣將咁樣炒都炒得幾惹味，not bad not bad..…Read More

有日放工去咗新城市度搵嘢食，好多時經過呢間都冇特別入去試，因為好多人排隊。咁啱嗰日我哋早去到，見唔使點等位，於是入去試吓。佢嗰啲餐盤好靚，又有個茶壺咁樣，啲櫈有幾闊落，坐底感覺幾chill～前菜我哋叫咗涼拌秋茄，少少辣得哦都幾清新，做個開胃菜幾唔錯！主菜我哋試咗古法肉骨茶，松露蝦多士，三色小籠包，咖喱脆腩！個肉骨茶味道OK，係稍微好似鹹咗啲啲。個松露蝦多士簡直係120分！好好食！個口感好好，蝦嘅部份好彈牙，多士嘅部份好趣，再配埋個松露醬，係一絕啊三色小籠包有支好似以前上科學堂咁嘅嘢去唧啲汁入去，幾得意幾好玩！味道就都唔錯嘅！個皮稍為就唔算太薄～咖喱脆腩又係第二個驚喜位！炸得好香，好趣！個牛腩肉又係處理得好好，好多肉汁，好嫩口👍🏻…Read More

同朋友去咗西貢，想搵間chill啲嘅Cafe食吓嘢，但係又唔使捱貴嘢食，怕係得個靚字冇味就冇質素🙈行嚟行去見到依間Cafe嘅門面好有特色，Menu有包好多唔同類型嘅Toes可以輕食再加Cafe甜品咁，我同朋友最主要想坐下，決定試吓佢！飲品我哋嗌咗Genmaicha同埋Dirty💕好有好有好有質素喎，個咖啡味超級香，濃得來又唔會覺得太烈，對於我呢啲個胃唔好嘅簡直係啱晒呀👍🏻然後玄米茶香好香，原來同咖啡都夾個喎，佢咁樣fusion發，帶出嚟個感覺好新鮮Good good.食物方面，我哋叫咗松露蟹肉沾醬toast，牛肉Toast，同埋pancake好少會對Cafe有咁高評價但係呢間餐廳嘅包真係好好食我問過店員，係咪佢哋自己整，佢話原來係法國入口嘅包。佢整嘅松露蟹肉醬好Rich又唔會Lau 好香松露味牛肉好軟熟，個汁同個包好夾，牛味好好濃郁，應該係一啲質素唔錯嘅牛個pancake都有特色喎，唔係出邊食嗰啲好厚嗰啲好似格仔餅嘅咁，佢係自己整用個煎pan軟熟得來個皮都鬆脆㗎喎，有驚喜…Read More

呢間西餐廳係旺角，有好開揚嘅風景，望到好遠海景，搭lift上頂樓，一開lift門，覺得間餐廳環境幾唔錯，啲枱唔會話太迫，都幾鬆動不過因為疫情關係，佢哋冇做lunch set Menu，淨係做主餐牌，價錢冇咁相宜職員服務態度好好，好熱心，餐廳又有Wi-Fi比客人使用，所以餐廳嘅服務質素方面算唔錯嘅…食物方面，我哋叫咗兩款扒試吓，佢個擺盤幾精美，不過唔係兩款扒嘅主食都配有配菜味道同質素算唔錯1. 慢煮澳洲草飼西蘭牛扒 牛扒幾成熟冇得揀，一定要跟係七八成，可能係餐廳廚師對食物嘅要求同執着啦肉質佢處理得幾好，好香嫩嘅，配個紅酒汁幾好味，啲配菜又處理得好好，薯塊好脆好香口2. 慢煮黑毛豬鞍扒有啲驚喜，佢係連骨嘅，然後呢個肉質同埋部位都幾高質，肥瘦均勻…Read More

有一日同朋友去開旺角行街，行行吓開始肚餓，想食嘢，於是OpenRice搵吓有乜嘢食，發現有間喺附近好似幾唔錯嘅西餐廳，係以足球做主題嘅！睇啲相餐廳嘅環境幾有特色，決定試試佢去到餐廳門口，見佢有做緊set dinner Menu，有好多選擇，價錢又相宜幾驚喜！於是諗都冇諗，就決定入去坐低試吓餐廳環境幾得意，好多同足球有關嘅擺設，餐具上都有相關嘅小心思，餐盤有足球形狀嘅！如果係同心儀嘅男仔食飯，佢又鍾意足球嘅話，都應該就住餐廳嘅擺設可以有幾多計仔傾我同朋友兩個人叫咗兩個set dinner! 佢包前菜湯同嘢飲1.脆炸低卡芝士吉列西班牙橡樹果黑毛豬柳味道高質啊～佢嗰個肉質處理得好好，外面包住一層脆脆嘅皮，中間再夾住濃郁嘅流心芝士，正呀2.香烤美國Creekstone牛肉眼拼法國鵝肝牛肉眼扒係靚肉，好有肉味，鵝肝亦好肥美…Read More

好少會專登去科學園食嘢，不過原來佢交通都唔算太唔方便，喺沙田有小巴直入，5分鐘左右就到。平日去食嘢都幾好唔會好多人，同朋友仔行咗個圈去咗19W，嗰座入邊有啲common空間，想做下project啊，睇吓書呀都幾好。跟住肚餓又可以有好多餐廳揀，食下野！我同朋友仔今次去咗試呢間Hunky Dory餐廳環境好舒服，對住個草地，有戶外，有室內! 有好多圓枱，如果三四個朋友嚟聚會幾好食物方便質素都幾唔錯！羊柳沙律好fruity，配cubic cheese同有少少醋，同個羊柳嘅味道可以好balanced，個羊肉仲要應該係有燒過嘅成個沙律感覺幾清新個炸豆腐棒都幾好味，個source係有少少辣嘅番茄醬，not bad not bad~ 威靈頓牛扒都整得幾好味，個牛扒拿捏得啱啱好，肉質好Juice唔會靭係啲蘑菇醬少咗啲咁樣，不過overall嚟講度好好啦！個酥皮好香…Read More

地點okay方便，出咗葵芳地鐵站行5分鐘之內就到~~~ 環境唔錯裝潢簡單而又舒服，我同朋友兩個人去食，啲枱都唔會話好窄，啲櫈都幾好坐，餐具餐碟都幾靚😆我哋叫咗個二人套餐，前菜係法式鵪鶉比佢彼得包鵪鶉蛋，擺盤幾靚！牛肝菌忌廉湯幾 creamy! 餐包暖暖地，外脆內軟☺️ 個蟹肉象拔蚌蟹子意大利飯都幾唔錯，飯粒軟硬度啱啱好🥰 主菜我哋叫咗鹽燒活鰈魚，配薯菜啲薯條炸得啱啱好，兩個人share呢個套餐算幾豐富～～～ 可惜係冇甜品😝…Read More

約咗個朋友食飯，佢話好耐冇食雞煲，又要喺荃灣…本身唔熟荃灣啊打開OpenRice見到有呢間18樓雞煲於是去咗試吓整體來講，都算唔錯嘅！環境方面幾闊落，張枱放到好多叫咗嘅火鍋料，門口有沙發長凳坐低等，未叫到入咗之前都仲可以輕輕鬆鬆等位自助吧擺放整齊，啲菜同嘢飲就放喺雪櫃入邊，想食幾多就攞幾多，唔怕話會叫多咗食唔晒good！雞煲啲雞都OK嘅，叫小辣呢就類似譚仔嘅五少差唔多啦～而自己可以隨便用手機叫嘅火鍋配料都有好多款式！魚滑幾唔錯！啲肉就略嫌簿咗啲，不過都有好多款揀！我哋叫咗最平嗰個套餐，都有兩款牛，一種牛，兩款豬，可以選擇雞件啊，丸啊，海鮮啊，例如係海蝦佢都有提供！服務方便都幾好，廁所算乾淨，落單冇幾耐就好快就會上到啲食物，所以唔會話預計同埋落單方面唔方便。…Read More

今次同左個朋友仔去大美督度搵嘢食，因為個頭有個山丘仔可以行下，又有得由大圍開始沿住單車徑踩入去🥳 玩完揾嘢食，見到有間特色日本菜就喺附近！行到去佢門口嘅時候就俾佢嘅特色裝潢impress到！門口個水池好有日本風，瞬間好似去咗日本啲餐廳！唔似平時喺商場食飯搵到嗰啲餐廳咁佢啲食物質素好好啊！刺身好新鮮，又有好多特色嘅日本菜！試咗佢嗰個金目鯛、洪笛吹刺身！餐廳職員話啲刺身全部都係日本空運嚟嘅！試到呢兩款未食過嘅刺身，好開心！刺身又切得好厚，有淡淡滿足感😋小食嗌咗雞泡魚乾，燒雞軟骨串，同埋明太子雞翼，都唔錯，個雞翼釀滿滿嘅嘅明太子汁燒鮑魚同埋北奇貝大推！兩樣都好肥美，燒得啱啱好，將呢兩樣海鮮嘅鮮味帶到極致佢個雪糕甜品亦係令我回味無窮！蘋果味同柚子味都係日本空運到香港嘅，好好好好好好味！喺香港都冇食過咁好味嘅雪糕我哋走嘅時候有路過見到大美督嘅一個時租停車場，好平喎唔知$3定$5/1個鐘好抵，如果大家想揸車嘅話，值得考慮下。…Read More

成世女食過最貴係呢餐西餐晚餐... 有朋友約去食西餐，聽到喺旺角嘅時候，好意外... 因為少喺旺角食到啲有舒服環境嘅西餐廳... 餐廳環境幾舒適，啲枱唔會話好近，我見到佢有間房係可以book嚟一大班朋友食飯敘舊有私人空間傾吓計，幾好~同個friend坐低之後諗食乜都諗咗一陣... 呢間Lab eat有好多特色Cocktail，我哋叫咗杯有bubble嘅Margarita ... 有個食得嘅泡泡好得意😝係唔知幾時突然之間自己爆開咗，好多似去咗嗰啲童話世界咁樣，好夢幻🎆叫咗個龍蝦湯幾好味，有新鮮嘅龍蝦喺入面，好有鮮味👌另外有叫咗個龍蝦燴飯hehehe 一餐飯食咗好多龍蝦，好開心🥳甜品食咗日本芝士蛋糕，佢個擺款好靚💞有啲乾嘅紅莓酸酸地咁配個芝士蛋糕食，好清新唔會太rich～…Read More